羲和雅苑

營業中

休息中

見好多介紹都有推薦啲就試吓價錢都偏貴 菜式都係啲傳統大路嘢佢最出名就係片皮鴨 所以點都叫碟例牌試下片皮鴨皮薄肉嫩就必須的 始終係佢招牌菜但我覺得最大特色其實係佢嘅配料 竟然有爆炸糖同藍莓醫 所以可以一試但食片皮鴨未必一定要揀呢間

同朋友講起想食片皮鴨，上網見到呢間覺得唔錯就嚟試下。我地一行三人，叫左一個二人套餐Set，分別有一個前菜、兩個主菜、兩個湯、半隻片皮鴨同兩個甜品飲品。個人覺得個套餐都幾抵食。首先上既係湯品，分別係魚肚湯同燕窩羹，魚肚湯有少少失色，主要係仲有啲魚腥味，個人對腥味比較抗拒。至於燕窩羹相比較之下，顯得更為理想，湯頭既鮮味再加上足料既燕窩，相得益彰。前菜揀左黑松露鵝肝，唔知點解我朋友要係中菜館食鵝肝，同預期一樣，無乜特別。主菜係金沙鮮魷魚同埋黑糖排骨，鹹蛋黃炒鮮魷魚非常入味，黑糖排骨少少酸少少甜，所有味道都剛剛好，師傅工架唔錯，值得讚賞。主角片皮鴨，油脂豐富，配搭配菜，一口一塊片皮鴨，爽快。

$158午市海景中菜餐廳羲和雅苑 海港城～～～～～～～～～～～～～～～～～～今次來到試海景中餐廳，羲和雅苑位於尖沙咀海港城， 可以飽覽尖沙咀海景～～套餐可以選擇自選主菜，小食，湯，蔬菜以及一款甜品各一款～～～主菜選擇了鍋燒醬汁雞粒燜飯，黑松露蝦球伊麵，小食選擇了蜜汁魔芋絲，動感豆腐， 蔬菜類只有菜心，湯品選擇了金湯海皇羹，松茸素羹，甜品就選擇咗法式朱古力蛋糕同埋宮廷點心～～～煮菜味道尚算不錯，前菜嘅蜜汁摩芋好特別，湯羹味道偏淡，但整體來說，性價比不錯～～～ 附送嘅甜品味道亦都不錯，宮廷點心是日是紅豆糕，都幾特別～～～（唯一不足之處係人手不足，店員未能應付咁多枱客人）

琴日三個人去食飯，叫左個二人餐，諗住個餐包半隻鴨唔夠食，所以叫多半隻。因為第一次去呢間嘢食，無為意到上枱隻鴨個份量係一隻定半隻。直至返到屋企，望望OpenRice 其他comment 嘅相，個份量都差好遠下。咁都即管打去餐廳問下啦，佢地都堅持係出左一隻，仲話我地無即時問。ok fine責任在我方。我再WhatsApp 埋張相比佢睇，等左一陣就覆我下次嚟補番半隻鴨比我地。咁係咪即係出少左半隻比我？？但我唔想再幫襯佢la wor，要我碟碟餸都要問住出啱份量未，好攰喎。提提大家上完隻鴨，記住問清楚係一隻定半隻份量～前菜蟹肉羹和牛松子魚海味飯

一行10人為媽媽慶祝生日，點知中伏。動感豆腐垃圾😂，得嗰幾舊，勁細碟。唔知點解叫動感。差芥末沙律蝦球一咬落去凍嘅😅塊多士淋嘅一啲都唔脆，啲沙律醬喊到死。差黃金魷魚啲魷魚完全冇味，好似冇醃過咁。差黑椒豬手煲喊到死。差食完餐飯到而家四個鐘頭，全部人都覺得勁口渴肯定好多味精。冇服務質素,侍應唔nice. 未食完就收嘢吹你還枱。有一隻碟又洗唔乾淨有漬。我地有一個10個月嘅BB佢都收我茶錢，爭拗一輪之後先至話唔使收。唯一讚嘅係對住個海有環境。奉勸大家千祈唔好幫襯，我好少喺度打食評今次特登login入嚟希望大家唔好中伏。錢多嘅可以入去買難受😣

📍 羲和雅苑 (海運大廈)🍽 馳名烤鴨 + 動感豆腐 + 宮保大蝦球 + 上海擔擔麵 + 紅油小小餃 + 薑汁紅棗小桃膠😋 裝潢精緻，開揚海景～🦆 馳名烤鴨 $348佢哋嘅八寶盒幾特別，有山楂條、跳跳糖、芥末醬同藍莓醬。侍應有好比心機地介紹傳統&新式食法～但烤鴨食落有啲肥膩🫕 動感豆腐 $88豆腐嫩滑，醬汁入味，好值得試🦐 宮保大蝦球 $178入口酸酸甜甜，但食多咗會有小小濟，建議飲茶中和翻🍜 上海擔擔麵 $98正常水準🥟 紅油小小餃 $58真係好迷你🤣但好開胃！🥄 薑汁紅棗小桃膠 $78較甜💰$977

完全叫天不應 叫地不聞 個個staff最叻迴避眼神 單又漏 水又唔加。。。。。。。。。。。。。。。。。。。鴨食法新鮮 味道唔錯 但係皮又唔夠 隻鴨下面有個所謂暖包 可惜毫無作用 1,2分鐘就凍哂。。。。。。。。。。。。。。。。。。。蜜糖芋絲好食 口水雞都唔錯。。。。。。。。。。。。。。。。。。。食物係唔錯 但係啲staff差到唔會絕對唔再泥。。。。。。。。。。。。。。。。。。。in conclusion, good food, unacceptable service

兩位入座，一開始就漏單，待應沒有反應不會加水不會過來招呼，上菜超慢，甜品上了 ，主食要多等30分鐘才有，然後我們說結帳再等多15分鐘才做到，第一次有餐廳差到我需要上來寫食評，

尖沙咀這間中菜館裝修精緻，室內全落地玻璃開揚舒服，室外有露天坐位還可飽覽維港靚景，當晚與數位朋友慶祝生日，大家都非常滿意。先來個前菜黑松露煎鵝肝 ($308)擺盤精緻優雅，頂層有專貴金箔及黑松露，鵝肝煎香了有一層輕脆皮，鬆軟香口。張氏汁鮑魚 ($268)頗特別，醬汁是入味的獅子頭汁，配鮑魚再送白飯一流😋三色蒜泥白肉 ($128)有心思，白肉卷著蔬菜條，一濃一淡互相輝映。北京烤鴨 ($638)絕對是必食之選，服務員先在食客前即場片皮，鴨片可分開三部分食用，左面乾脆入口即食，中間部分皮較多，而右面部分則較多肉，個人推介配山楂條入口，可中和油份，喜歡玩味的可配爆炸糖，廚師成功把靚鴨的騷味散發出來，是較正宗的北方吃法。薑茶湯圓 ($58)薑味非常濃烈，入口已有輕微火燒喉嚨的快感👍🏻仙桃牛奶布丁 ($88)睇得又玩得，十足十壽桃的外貌，食用時先輕輕敲碎外層，內裡是軟滑的布丁，好玩又好食，壽星妹表示滿意至極😊

天氣轉涼，坐室外很舒適，景致亦很開揚，可惜食物質素一般，最失敗是點了$519的麻辣雞煲，只得‘油膩’來形容,賣相極差，味道一般，不麻不辣亦不香。由於侍應不夠，要多叫幾次才能追到餸菜和茶水。希望能好好改善，這樣才可以做到客似雲來。不要辜負這美麗景致。

雖然有提醒我們用餐兩小時。但整家店空桌超多，不是週五六日，只是一個平日晚間。我們也不是礙著人你們收工，也不過才八點，店裡根本沒什麼人，為何ㄧ直趕客人？完全不懂他們的待客之道為何？所以請問你們老闆開店的用意是什麼？要客人吃完趕快滾嗎？如果你要帶長輩客人、客戶絕對不要來這吃，會讓你丟臉丟到家，時間ㄧ到他就會來收桌趕人。虧他們還說的出自己品牌是致力發揚中華飲食文化，小小的待客之道都做不好，令人失望到極點！

雖然訂枱時有提過用餐時間為兩小時，但是在接近一個半小時，服務員就開始進行提醒用餐時間快到，而當時是沒有其他客人，也只是晚上7:30， 你們會不會變通的….趕收工咩！你可以叫我先埋單，但是沒有其他客人來之前你就不斷提醒我離開，就是不懂尊重客人。 如果這個時侯你們客滿或很多人在排隊，我還可以理解。但當時你地根本就無客，仲趕客走，有冇搞錯先！結果令我們很失望囉！本來好好一個聚餐，由於你地咁「出色」的服務質素，雖然有個靚景，但係咁落去，我吾會再想去囉！

之前朋友生日，約咗喺尖沙咀食片皮鴨。我哋坐低之後叫咗一個set，個set係一個二人套餐，有兩個湯，一個前菜，兩個主菜，半隻片皮鴨，同一個主食，兩個甜品同飲品。我哋三個人驚唔夠食再嗌多咗一隻片皮鴨。我哋湯叫咗一個魚肚湯同燕窩羹，魚肚湯有少少腥味個人覺得普通，不過燕窩羹好足料覺得好好食。個人推薦燕窩羹。前菜揀咗黑松露鵝肝，唔知點解要喺中菜館食鵝肝不過都還可以味道唔錯。主菜叫咗金沙鮮魷魚同埋黑糖排骨，兩款主菜都好好食，金沙鮮魷魚係鹹蛋黃炒，非常入味。黑糖排骨少少酸少少甜，非常唔錯。主角片皮鴨，我哋加埋食咗一隻半片皮鴨，郵資溢滿口腔，回味無窮。

手上仲有一疊商場飲食coupon，我同阿媽同埋阿妹即刻諗到去食片皮鴨😏仲要三個人食一隻😆睇住師傅手起刀落，睇到流晒口水，食片皮鴨除咗有京蔥青瓜醬料⋯呢啲普通嘅，呢度仲有山楂條蜜糖芥末仲有爆炸糖💥💥食落口真係別有一番風味😋⋯齒頰留香我哋仲有叫做呢個好似炸饅頭嘅東東⋯😂😂我鍾意食非常好味😋話明豪食當然要叫個魚翅⋯⋯夠晒足料👍🏻～～～～～最後我哋仲打包埋個鴨殼返屋企，好少煮鴨嘅我，煮到好難食🤣我下次都係認真睇吓點煮🤦🏻‍♀️三個食到好飽，服務員態度唔錯👍🏻😊環境當然好👍🏻好在有coupon減咗幾百蚊😝😝

咁岩同朋友2個都想食片皮鴨，咁就試下呢間，記得N年前同家人食過，冇今印象好唔好食，只系記得成間餐廳都好嘈🤣2個人食中餐一定都系難選擇，加上我地有半隻片皮鴨，都食唔到太多其他野先黎片皮鴨既配菜，除左一般配料，最特別有山渣條同爆炸糖🧨最期待既鴨來了，個底有舊野叫做同佢保暖，但似乎都冇乜作用😅 鴨就正常既發揮，唔會話超好食，都唔會差既。黃扒湯浸萵苣第一次食萵苣，爽爽地，幾得意蟹籽闊少炒飯粒粒分明既炒飯，有小小蛋白，海鮮。淡口味得黎係唔錯既，我幾鐘意。