羲和小館 (已改名) 查看

每年4月換季時間，都會去咗東薈城名店倉買衫行下。今次shopping完就去咗試呢間叫羲和小館嘅餐廳試下。🛍️首先叫咗義和馳名的烤鴨，係佢哋招牌菜之一，名為會跳舞的烤鴨。烤鴨被切成三個部分，每一個部位都有不同食法。第一道係鴨胸皮，酥脆可口，啖啖油香，餐廳建議唔使包薄餅，直接沾上藍莓醬再沾上爆炸糖食。爆炸糖係口入面爆炸令成個體驗更加有趣。💥第二道是鴨胸肉，皮脆肉質嫩滑，直接沾上黃芥末同樣唔使包薄餅。黃芥末味道酸甜帶唔太辣，十分開胃。👌第三道是鴨腿肉，皮脆肉嫩，肉汁豐富，配上薄餅、青瓜條、京蔥絲和甜麵醬，都係經典口味最啱我。🦵除了烤鴨，我還品試咗鮑魚雞粒燜飯，整碗飯都係非常香濃鮑汁的味道。飯粒粒粒分明，鮑魚雞粒再加入唔同口感。食咗咁多肉，都要食下菜。拆骨肉燉白菜也是一道不錯的選擇，濃湯搭配上啖啖嫩肉，味道香濃。🍲最後，試埋仙桃牛奶布丁，外面是仙桃造型朱古力，內裡係牛奶布甸。外表唔錯，食落牛奶布甸味道清新。🍮

位於東薈城購物中心3樓的羲和小館馳名北京烤鴨，購物中心一輪血拼過後，早已飢腸轆轆，一於試試！羲和馳名烤鴨 半套 $268這道菜分為半套和全套，全套價錢為$498，不過我個朋友兩個女生，當然點半套。 上菜前師傅會在旁邊切烤鴨，師傅把烤鴨細分為三道鴨肉；服務員準備了器皿為烤鴨保溫，即使我們慢慢吃，也能減慢烤鴨變冷的速度。鴨胸皮是全隻鴨最香酥的位置，店家建議我們，先蘸藍莓醬、再蘸爆炸糖。鴨胸皮一咬滿口油香，一試難忘。😋鴨胸肉皮脆肉嫩，蘸上羲和秘制芥未醬，酸中帶甜，間接解膩。鴨腿肉店家建議我們包薄餅享用，建議食法有以下兩種：第一個傳統食法：包薄餅，加入青瓜條，京蔥絲，甜麵醬；第二個新式食法： 包薄餅，加入山楂條，紫洋蔥，藍莓醬。我認為兩種食法各有千秋，都能突顯烤鴨的美味。乾隆白菜 $58之前從未試過這一類的菜式，原來乾隆白菜是把麻醬和醋混成一個特製醬汁，再撈上白菜的一個菜式。酸酸的，特別開胃。濃湯水餃 $88水餃一共有八顆，本以為水餃是這道菜的主角，誰不知濃湯才是這道菜的主角！濃湯入口鮮甜，加上蔥花提鮮，吨吨幾口已被我和朋友喝個精光。籠仔櫻花蝦海味蒸飯 $118當我們還在吃烤鴨的時候，這道菜到

今晚係東薈城行完街，決定同屋企人一齊食中菜！馳名烤鴨（半隻）師傅會即場片，仲有埋表演睇添片皮鴨分為3小碟，先係鴨皮，烤得脆卜卜，雖然佈滿脂肪，但有滿滿既鴨油香，食一兩塊唔過分另外仲有鴨胸肉同鴨髀肉，肥瘦均勻，鴨肉非常嫩滑，配上八寶盒同薄餅，八寶盒入面有唔同既醬料，比較特別既係有藍莓醬同山渣條，估唔到又意外地同鴨既味道好夾！冰梅小肉排，小肉排經油炸，外脆內嫩，再炒上帶梅味既醬汁，個汁酸酸甜甜咁，所以好開胃！沙律芥末蝦球必叫！炸得酥脆既蝦鋪在炸米餅上，再淋上沙律芥末醬，成個口感balance得好好，而且炸粉夠薄，所以唔會覺得好油膩！籠仔櫻花蝦海味蒸飯以籠仔蒸飯，風味十足。飯炒得乾身，配有魷魚等海鮮，而櫻花蝦香氣十足，為成個飯提升到另一層次！性價比高，服務態度良好，大家黎outlet shopping既同時，都可以去試下呢間餐廳！

櫻花蝦海皇炒飯，呢一個炒飯非常有鑊氣，而且每一粒炒飯都粒粒分明，非常乾身，食得出廚師本身嘅公價，而且調味亦都非常好，絕對唔會非常咸，味道相對適中，櫻花蝦同埋本身炒飯係有其他配料嘅配搭非常match, 口感一流，食得出餐廳高級中菜嘅路線🤞🏻🤞🏻🤞🏻金湯海皇羹，呢一個湯比我想像中有驚喜，本身以為係會好鹹，但係餐廳係用雞湯去做一個海皇羹，味道嚟講，非常鮮味，而且熱辣辣，飲湯最緊要夠熱，good!羲和馳名烤鴨（半隻），嚟到呢一間舖頭點可以唔少得叫佢招牌嘅燒鴨，餐廳嘅侍應姐姐會邀請你出去打卡，同埋會有職員喺你面前切，以話俾你聽隻鴨係即叫即燒，同埋真係新鮮即做，熱辣辣真係冇得輸，店員嘅手法非常純熟，亦都會比提示牌我哋，話俾我哋聽每一碟應該點食，非常鍾意食佢嘅鴨胸皮，係再點買藍莓醬再加爆炸糖食，令到成個口感冇咁油膩，而且食法非常新穎，喺個口度咋咋聲，非常有趣🤣 鴨腿肉就加埋包薄餅一齊食，加埋餐廳特別調製嘅醬汁同埋青瓜洋蔥同埋蔥，味道更加上一層樓，成個口感非常特別！而且餐廳嘅烤鴨真係非常好食，簡直令我哋忍唔住食完一件又一件，話咁快就將半隻烤鴨好快食晒！我哋嘅午餐配搭仲有楊枝甘露，楊枝甘露亦都非常多配料

一向鍾意試食唔同嘅中菜菜館，行街行到肚餓，決定入嚟呢間餐廳試一試。呢間餐廳晚市有套餐可供選擇，價錢合理。因為有一啲菜式同埋小食想食，所以當日決定散叫冇嗌套餐。嚟到呢間中菜館，不得不識嘅係佢推介嘅片皮鴨，片皮鴨即叫即片，佢會將片皮鴨分開三小碟，配以唔同嘅醬汁食用。佢嘅醬汁叫做八寶盒，比起平時其他餐廳更加有心思，放喺轉盤上面方便唔同嘅同枱食客可以轉個轉盤好容易就點到都唔同嘅醬汁。而且比較特別嘅係佢嘅醬汁有平時餐廳冇嘅紅莓醬同埋芥辣醬，為片皮鴨提供其他唔同嘅味道。小籠包皮薄餡靚，一啖咬落去醬汁係會噴晒出嚟嘅。佢嘅心思位就係每一隻小籠包都有一個小錫紙盤裝住，咁就唔會容易夾難夾穿令到小籠包流晒啲湯汁出嚟。另外點左紅燒獅子頭，一位用嘅份量。獅子頭嘅醬汁十分濃郁，而且獅子頭嘅肥瘦適中，入口即溶。廚師很有心思，配上一碗迷你嘅白飯，配送醬汁同埋獅子頭真係一流。😋主食方面就點咗貴妃泡飯，泡飯嘅湯底非常新鮮濃郁，而且十分足料，有唔同嘅瓜菜粒，再加上泡飯附送一碗脆米，食之前可以自行落落去個泡飯上邊，增加泡飯嘅口感。最後仲有點多個小肉餅，因為比較有特色，喺其他餐廳未見過。點知上菜嘅時候亦都係充滿驚喜，每個小肉餅

趁放假同屋企人去食餐好，佢個lunch set包小菜同甜品全都有，好似幾正。今餐叫咗兩個lunch set再加兩籠點心，蝦餃皇同鮮蝦腐皮卷。個lunch set主食我地嗌咗櫻花蝦海皇炒飯同濃湯什錦泡飯，午市套餐包白灼田園蔬菜同小食。小食我地嗌咗三色雲耳同蜜汁脆芋絲。跟餐可以揀湯或者飲品，我就叫咗青檸梳打，屋企人叫咗金湯海皇葵，仲有得揀埋跟餐甜品，我地嗌咗楊枝甘露同薑汁小桃膠。整體所有餐點賣相幾好，味道都好，我地最鍾意嘅啲喺櫻花蝦海皇炒飯，炒飯炒得好乾身又好香口，飲餸比例都好恰當，食到好燶櫻花蝦味，仲有我好鍾意嘅生菜。另外，個小食蜜汁脆芋絲平時好少見，個芋絲嘅温度食得出喺岩岩炸好就即刻上菜，唔錯。甜品個薑汁小桃膠，食完好暖身。有機會會再encore

中意食片皮鴨同埋中菜,所以選了呢間店。叫左個2人晚餐,勁多野食。晚餐有半套片皮鴨、黃扒魚肚湯兩盅、上海燻魚、海膽金沙豆腐、鮑魚雞粒燜飯、楊枝甘露兩碗。片皮鴨既食法有幾隻,配料種類有好多,試左藍莓醬同埋mustard,都係中意甜醬多d,但朋友就中意新潮既食法。呢個盒就滿足到我地唔同既需要啦!黃扒魚肚係日本南瓜加廿八頭花膠煮成,好飲又養顏。上海燻魚帶有咸香、又有d鮮甜、仲有魚乾既香,食完好回味。海膽金沙豆腐既色澤好靚,豆腐既淡令到個味好突出,好岩送白飯,但我地已有好多野食,就冇再叫白飯。鮑魚雞粒燜飯個香,成個飯都係鮑汁既味,食到停唔到口。楊枝甘露味道唔錯,有d芒果肉,食到椰汁味。中意呢個2人餐有好多款式可以任選,下次來會想試下其他菜式。抵食過單點。

今晚黎試下呢間中菜。前菜叫左乾隆白菜，好開胃，佢係芝麻醬同醋撈左落d娃娃菜度，娃娃菜爽口。雖然見到檯檯都叫片皮鴨，不過屋企人唔係特別好鴨肉，所以無叫。叫左酸菜魚。酸菜魚好有驚喜，魚肉鮮嫩無骨，仲有酸菜嘅酸甜味道，好開胃。最重要係佢嘅湯底，好麻但係唔辣，都唔油，幾過癮。而且佢仲加咗粉條同窩旬更加豐富口感，令味道更加豐富。再嚟就係櫻花蝦籠仔蒸飯，d飯有炒過然後蒸熟嘅時候嘅香氣就已經飄散出嚟。而籠仔入面放咗櫻花蝦，味道更加濃郁。個飯夠3個人分。甜品叫左姜汁紅棗桃膠。桃膠煮得剛好，唔會太軟太硬，口感適中。薑汁夠辣。總括而言，食物質素唔錯，位都坐得幾舒服。適合一班人黎，可以share下片皮鴨，叫d小菜。

已經試過尖沙咀嗰間，真係頂級享受，環境好靚好有氣氛，去左東涌行山，見佢東薈城有分店，所以去左試下三位用餐，叫左一隻鴨加八寶盒，有3盤肉，鴨胸脆皮蘸跳跳糖，感受舌尖上的跳動；鴨胸嫩肉蘸秘制芥末醬-體會怦然的心動；鴨腿肉搭配山渣條，加上旋轉八寶盒再加其他小菜，價錢屬於中上，室內裝修精緻，服務員態度友善。菜色美味，上菜速度佳，幾乎沒有踩雷。最正係個和牛～真係超級好食😋，但最正都係尖沙咀個間～佢個魚肚花膠湯都好正

✨義和馳名烤鴨招牌菜之一 名為會跳舞的烤鴨點左半隻烤鴨 跟左薄餅同醬料八寶盒有獨門食法 烤鴨會切成三個部分 每一個部位都有唔同食法第一道 鴨胸皮 酥脆可口 啖啖甘香唔使包薄餅 點上藍莓醬 再沾上爆炸糖味道帶果香 加上爆炸糖的跳動 好有趣第二道 鴨胸肉 皮脆肉質軟腍 唔使包薄餅 沾上秘製嘅黃芥末黃芥末溫和 味道酸甜帶微微辣 幾夾第三道 鴨腿肉 皮脆肉嫩 肉汁豐富包薄餅食 加青瓜條 京蔥絲配甜麵醬 經典好味另有一個新食法 包薄餅食 加山楂條 紫洋蔥配藍莓醬食 味道酸甜帶微辛 配搭新鮮 可以中和到烤鴨嘅油膩感一隻烤鴨有四種食法 經典又創新 必試推介✨黃扒魚肚魚肚有一大片 鮮味爽彈 膠質滿滿湯汁用上南瓜高湯製成 濃厚鮮甜✨張氏獅子頭跟左一碗可愛嘅迷你白飯 兩口份量獅子頭肉鮮軟嫩 醬汁濃稠惹味 送飯一流 ✨小籠包小籠包 皮薄肉鮮 湯汁豐富✨仙桃牛奶布甸仙桃造型 賣相精緻 打卡一流外層係香甜白朱古力外殼包住軟彈牛奶布甸 睇得又食得 總結：食物唔錯 環境舒適服務貼心有禮 價錢合理 可以一試

Weekend同屋企人入咗東涌，lunch time搵緊食乜好時，就見呢間餐廳有一人lunch set，好少可見中菜館有lunch set，咁就試吓佢的lunch set同北京填鴨😋午市套餐 $138一個lunch set有湯有飯有前菜有蔬菜有甜品，仲要唔係貴，性價比都真係幾高～金湯海皇羮質地濃稠，潷起見到有很多蝦粒同帶子粒，上湯應該用海鮮熬，有飲到海鮮的鮮味，都唔錯😙濃湯什錦泡飯老實講我覺得個泡飯湯底同海皇羮有d似🤣泡飯好軟腍，吸收哂湯底的味道，湯裡面仲有d翠肉瓜粒同菇粒，一齊食好有咬口，好好食。三色雲耳涼拌雜菇，雲耳好爽口，仲有其他唔係好認識的菇菇，有少少辣辣哋，都幾惹味。白灼時蔬白烚娃娃菜，無乜太特別。薑汁小桃膠有好多好甜的紅棗，桃膠大粒但份量唔多，但整體而言都係碗好正的糖水。羲和馳名烤鴨(半隻) $238招牌北京填鴨真係好正😆一開始就分開上咗三個部位，分別係鴨頭鴨皮，鴨胸同鴨腿。鴨皮酥脆，油脂香到不得了。鴨胸結實有彈性，肉味濃郁。鴨腿半肥瘦，油香同肉味一齊發揮。三個部分都各有特色，我真係食咗份好正的鴨鴨😚跟烤鴨一齊上的配菜拼盤都好出色，單係賣相都已經好吸引🤩拼盤除咗餅皮之外，有

帶朋友尼食晚飯，必點片皮鴨就唔多講，今次試多咗幾款菜式，整體都係唔錯。石鍋海皇野米貴妃泡飯 — 非常暖胃，足料，湯底鮮甜，重有配埋脆米，多重口感。黑松露蠔仔煎蛋 — 好大份，蠔仔都多，煎蛋配黑松露醬一流，中意食辣可以問店員拎辣椒醬。巴蜀口水雞 — 雞肉去晒骨啖啖肉，口水雞醬唔太辣，胡麻味濃，幾特別。

走入羲和小館，首先個環境已經幫到餐廳加分。🍽️🌟 一坐低，就即刻被當日推介吸引，咁我當然要點啦！首先，呢個「京味烤鴨」，係我食過最酥皮、最滋味噴張嘅烤鴨🦆！肉質鮮嫩，鴨皮金黃酥脆，好誘人！再點嗰個「山珍松茸素羹」，飲一啖，清新提神，松茸嘅香味真係教人回味。而家嘅重頭戲，我覺得絕對係「鮑汁雞粒燜飯」，撈一撈，米粒乾身又扣味，真係讓人食指大動啊！口感、味道、視覺全方位嚟個滿足。插播一個小Tips，「蜜汁脆芋絲」真係必試嘅開胃菜👍！脆到喇叭聲，夠哂口感，蜜汁又甜到心坎去。雖然食細路嘅心水小籠包冇影到相，但我告訴你，小籠包亦都系皮薄餡美，湯汁豐富，絕對值得一試！整體嚟講，今次食完之後，我覺得羲和小館唔單止滿足我嘅五官，仲滿足咗我尋找美食嘅心靈。仲等咩，約埋三五知己，一試呢處嘅美食囉！🎉👫

🍲黃扒魚肚大塊魚肚，暖胃滋陰養顏湯羹，鹹咗少少🦆馳名烤鴨片皮鴨分三個部位鴨胸肉、鴨胸皮、鴨髀肉，有唔同食法，會提供張紙教學配搭，八寶盒有唔同嘅配料，包括藍莓醬、山楂條、爆炸糖新穎嘅食材，但個人最鍾意都系傳統食法😝，片皮鴨係即叫即整，熱辣辣👍🏻🐟濃湯酸菜魚酸菜魚唔會好辣，幼身粉條，魚唔算多，味道唔錯🥬涼伴萵苣絲萵筍刨成絲幼長好似粉絲，爽脆鮮甜🥩三色泡菜蒜泥白肉包到好靚，蒜泥白肉包住紅白蘿蔔加萵筍，唔油爽脆👍🏻🍖孜然羊架孜然粉多，淨係食到孜然味🫢🍗辣子雞辣子雞非常惹味，雞肉唔會好油外脆，紅辣椒脆身好似食緊薯片咁，仲有花生伴碟😝🍚鮑魚雞粒燜飯燜飯非常入味，有好多舊雞塊，飯濕潤唔錯😝🍮仙桃牛奶布丁桃🍑造型，外面係朱古力，要扑開先見到牛奶布甸🍮，牛奶布甸滑不過味道淡，要同朱古力一齊食，朱古力甜好似出奇蛋嘅味道👍🏻.✨中菜館最出名既系片皮鴨，中式典雅裝潢，適合聚餐

平日夜晚去試晚市點心，都唔錯喎，價錢合理，同場都有好多人嗌點心。點心紙上款式唔多，但平時食開的款式都有，亦都預咗你會嗌其他小菜，所以都合理。味道方面就一般啦，無太大驚喜但都好食的。如夜晚係citygate想食點心都可以試下。