美新茶餐廳

營業中

休息中

今次是第二次幫襯, 因為幾個月前試過$38即炒小菜餐, 夠火喉, 因比今次念念不忘再想試丈夫至愛西檸雞, 而我叫黑椒牛仔柳可惜完全只有鬆肉味, 用非常多的黑椒來covered, 說什麽牛仔柳其實是牛肉片, 真失敗, 我竟然在茶餐廳叫牛肉, 忘記了有「師傅」這回事！大家可曾吃過鹹酸味的西檸雞, 不是鹹檸檬喎......你可曾試過歡天喜地想用西檸汁撈飯, 想像那種酸甜開胃感覺, 結果一入口:「鹹嘅!!??」可能厨師把鹽糖打亂了。唔通換咗厨房? 不過我唔會再嚟啦!

因為國慶長假期的關係, 星期六是要正常返全日工的. 不過早上有任務出了中環辦. 搞好了, 剛好一點. 又是係佐敦用膳既時候啦.心想快快完事, 早點上去深圳搞點事. 肚子餓了又不想食碗麵就走. 周圍看看有沒有地方可快快趣食飯, 看了幾間, 呢一間餐廳極之爆滿, 人多一是代表抵食, 另一是代表好食. 沒有planning之下, 就朝人多的那一個方向去. 中午食飯時間, 若是人多來, 一定要係門口企一會兒. 而一、兩個人的, 就可以迫迫地, 搭下檯食野. 我一個人, 就同另一個單身漢搭上, 面對面的, 係一個空間極少的二人卡位上, 共進午餐.看了是日午餐, 快餐, 鐵板餐, 蒸飯同韓式拉麵, 好似冇樣想食. 再看看日常的大餐牌. 簡單又快, 來一個窩蛋免治牛肉飯, 一個傳統的茶餐廳/快餐店風味.雖然不是是日快餐, 但上菜的速度, 的確有如快餐. 短短的半小時, 餐如輪轉, 人客也如輪轉. 呢間小小的茶餐廳, 勁好生意. 好快, 一杯凍奶茶來了, 只喝了一口, 似乎飯、肉比例是1比1的免牛飯也來了. 先撈勻, 把滑滑的蛋白汁混好, 把味美的牛肉醬混到要與每一粒飯給合. 甜美肉香, 蛋白沒有熟,

岩岩食第二間點知無開,車又泊左入車場無理由即走咪睇下有咩其他餐廳,見到呢間個樣幾好點知就瀕晒野..諗住食D野夜D再食飯所以叫左個常餐豬扒蛋麵同雞翼薯條個麵煮左成個月先黎,同樓下講既一樣係唔比餐具你一見到碗麵就知大件事...清麵...真係咩味都無既清麵一般餐廳叫麵如果無五香肉丁個類都自動同你落麻油湯底佢夠膽死比清湯底你....D麵又硬,食晒成碗真係要"挨"字黎形容雞翼薯條幾乎攪左半個鐘先黎,明明間鋪都無咩客呢個就無咩問題既,不過蚊型雞中翼三隻加得十條左右既薯條收$22真係貴左少少不過最離譜都係個麵,真係好多年未食過無味又硬既麵...仲要27蚊...可能其他野食會好D啦,不過真係唔建議叫常餐

今日lunch過左黎呢邊食飯, 本來唸住試附近間台灣麵既但太多人等位, 結果黎左美新, 我地叫左個午餐(魚柳蛋飯), 快餐(沙嗲牛肉意粉+牛油方包+火腿奄列)魚柳蛋飯 - 炸魚柳啲炸粉唔算太厚, 個汁用左蕃茄又唔太酸有啲甜甜地既感覺快餐(沙嗲牛肉意粉+牛油方包+火腿奄列) - 沙嗲牛肉太少啦, 意粉就好鬼多, 但冇沙嗲味, 牛油方包得一邊包有搽牛油, 另一邊係冇, 唔知點解而家啲茶餐廳咁鬼慳皮, 只搽一邊, 如果想同人share咪一個有牛油一個冇囉, 結果我叫左個侍應幫我加牛油, 火腿奄列都係一般凍檸茶/水 - 大大杯好抵飲埋單$54

二月初五‧雨矇矇 有時覺得幾好笑，港式就港式，安個英式的名字上去也不會有任何分別，只是自己騙自己。不過有時人就是這樣子，硬是喜歡將自己標籤成不同的樣子形式，說穿了，還是標奇立異。 周日，跟跑友跑完步又游完水，出番市區才正正式式吃早餐。曾經有一刻想過去澳洲牛奶吃個「快早餐」，但見有條十多人的小人龍在門外的，就求其選一間來吃。這裡的早餐吃到十一點半，夠user-friendly的。在早餐餐牌上，見有個英式早餐的，又看你有幾「英」。 原來英式早餐是兩片牛油厚多士，加牛扒煎雙蛋，再加茄汁焗豆。還好，如果由這個內容的早餐去估其名字是什麼，怎樣也估不到與「英式」二字有何關係。最後的熱咖啡，還是用一個厚身奶茶杯盛上，夠港式地道。 索價24蚊，是早餐餐牌上最貴的選擇。吃罷，也難怪澳牛那邊是人山人海。

去佐敦想食松記，原來星期日休息去澳洲牛奶公司，點知條龍長到見唔到尾......咁就求其去一間啦見呢間好似幾好坐，而且阿姐好熱情咁叫你入去，見我地兩個人，仲好主動俾卡位我地，服務很好很落力！因為飲品全部半價，所以我地散叫再加飲品：揚州炒飯：大大碟，熱辣辣，男朋友無乜comment，應該ＯＫ～雞絲火腿奄列配多士：我食唔到火腿，反而食到蟹柳，雞無味，好鞋，話係奄列，其實係將煎左隻蛋之後夾住Ｄ雞絲，雞前得有點老，但係好味～最喜歡他的多士，係厚多士啊！而且即烘好脆又鬆化，仲搽左好多牛油呢！凍奶茶：大大杯，而且用碎冰，幾香滑，唔錯！坐得好舒服，而且lunch hour伙計都無趕人走，我見到有好多人慢慢坐傾計雖然只係普通茶記質素，但係食得好開心啊！好過食名氣受氣～

今日去左呢間茶餐廳食午餐，點知原來佐敦有分店喎！結果就去左白加士街呢間~~叫左個午餐 澳門豬扒蛋飯：賣相：個豬扒相常新鮮，仲係見到d油彈下彈下。正！！ 黃啡色得黎，個樣好醒胃~~味道：豬扒入口相當脆，個茄汁同豬扒都幾襯，令人懷念添~~服務、衛生等：呢d大家心裏有數，一般茶餐廳都唔會見得好~~價錢：30蚊，有湯有飯有野飲 (凍飲 +2)，都算係咁~~因為而家食野30元以下都食少見少。總括而言，視呢間茶餐廳為午餐之選都幾好，但以賣相黎講，西式午餐會係佔優~~

快餐B - 豆腐斑腩飯送湯, 無得選擇 - 節瓜湯, 第一啖, 好鹹, 點知食啖豆腐斑腩飯, 原來仲鹹, 問朋友覺得點, 佢地話OK, 我再飲啖湯, 無D飯咁鹹, 算啦, 食食下都唔係好鹹, 耐唔耐一次都算啦奶茶, 都OK不過阿姐好躁底, 問多兩句都唔得...味道其實唔錯, 只係略嫌鹹左少少

d茶有陣怪味，d米線一d味都冇，同樣d湯有茶o個陣gei怪味，可能係佢d水有問題仲有d雞絲係一d味都冇，簡直係味如嚼蠟！一定唔會再幫襯！！！

同朋友尼食試左個快餐26蚊+凍飲2蚊係生炒牛飯ok的茶餐廳的水準中算好的了當然不及酒樓炒果碟好樓面幾乾淨洗手間都算整潔可惜去洗手間條通度就....

好日都唔會黎呢度食野, 撞今日一個人好想嘆下早餐, 點知過左十一點, 附近行左一陣見到呢度早餐去到十一點半, 心諗早餐都應該冇咩野架, 於是乎咪入去坐低囉, 點知...........坐低叫左個A餐, 有多士, 火腿蛋, 五香肉丁麵同埋凍檸茶! 五香肉丁麵唔使五分鐘就到, 見到都有少少唔想食, 五香肉丁太少, 加上d麵白雪雪咁, 試一啖後發覺d麵仲好硬下, 有冇攪錯呀? 好辛苦先吞晒碗麵, 點知除左杯凍檸茶外, 其他野一d都未黎, 真係激死, 最離譜係個伙計仲要收埋d叉, 唉! 有冇攪錯? 趕我走咩? 終於等到多士, 火腿蛋喇, 一塊火腿一隻蛋加一塊多士, 份量真係少得可憐, 於是求求其食埋佢走人!我諗我唔會再去幫襯, 連早餐都整得咁差, 其仔野都唔方好啦!

上次同女友黎食晚飯叫左個鐵板雞排&炒飯塊雞排細到喊炒飯麻麻地,唔抵

行行下佐敦,想醫肚的時候,美新就出現在我前面,眼見裝修唔太差,便走進試試...當我叫的奄列..........只有三條火腿絲加一份炒蛋加很多的油我叫的凍檸檬茶多甜...我一飲下去,發覺這些茶好像在酒樓飲茶再加上檸檬...小小甜也沒有,而且還是苦的..唉...

以往經過此茶餐廳都係煙霧彌漫，但係裝修左之後好似d位冇咁迫，而且咁啱我入去既時候冇乜客，所以都冇乜煙味。見到門口有扒餐$36/set，有豬扒芝士腸、黑椒牛扒漢堡扒，加飲品及湯，都抵食既。配飯既話就係上炒底飯，份量頗多。豬扒味道就如普通豬扒飯加洋葱汁，冇特別。漢堡扒+牛扒(加左非常多鬆肉粉，好鹹!)，感覺油膩左d，食完覺得好飽!飲品一早就上，凍左好難飲! 大家如果叫熱飲，記得叫佢遲d上!遲d食肆全面禁煙，如果每間茶餐廳都似個晚咁空氣清新就好喇!

裝修頗新，但是環境仍是相當差。檯檯煙霧瀰漫是在意料之內，不過這裏真是吵耳得交關，面對面坐也差點聽不到對方說話。招呼的幾位阿姐，更秉承一些舊式茶餐廳/排檔的傳統執檯手法，將檯上的廢物一抹到地！食物亦是一無是處。下午茶餐的公仔麵，是將五香肉丁鋪面便算，懶得拌勻，讓你撥開肉丁便吃到清麵。豬扒包餐是等了良久才上，以為是即整的不會太差，卻原來是等麵包解凍，上桌時涼涼的包面仍有丁丁水點，放在鐵板炕一炕，或者用微波爐叮番熱也不做，沒有誠意可言。如果可以的話，我想給它兩個喊臉！