美心MX (已結業)

我地去試了北海道牛奶 + 南瓜湯底火鍋, 我地兩個人食一個鍋, 去美心之前, 在百佳買了水餃, 豆腐去, 哈哈, 我地靜靜雞加餸呀, 北海道牛奶湯底是白色的, 好鮮甜, 加入了新鮮南瓜容, 湯底變成奶黃色後, “十”出來的食物都有南瓜味, 好正~除左雞件有d肥, 其他料都好正, 肥牛一d都唔肥啊, 最適合女仔食啦, 最後我地連湯都飲埋, 好好味, 飲完都唔口渴, 証明佢無用味精啦~

記得上年冬天, 同家人 去 食 美心快餐 的打 邊爐, 其中 的 一來 “手打魚滑” 好美味(今年 轉了 虾 滑, 都好美 ). 今年 咁早 就有 得食 sahbu shabu, 好 興奮. 第一時間 叫 honey 陪 我 試, 平日 兩口子 好 難 去 食 打 邊爐, 人多 一同 食 先可以 食 多 d 吾同 款式 的 食物. 所以, 美心快餐 MX sahbu shabu “arm” 晒 我 地^^!我同 honey 叫 了 一個 四 併 什錦 鍋($54), 要 豬骨湯底. 其實, 我 想試 新推出 的 北海道 牛奶 + 南瓜 湯底, 可是 honey 吾 比, 因為 擔心 最近 的 毒 奶 事件, 小心為上.另外, 加 了 一碟 油菜 ($8) + 一個 烏冬($6) + 一柸 特飲: 芝麻涼粉冰 ($9.5)四 併 什錦 鍋~ 有 醉雞, 牛肉, 豬肉 和 蟹籽蝦滑, 和一些 蔬菜 &配菜: 烏冬﹐獅子狗日式魚蛋, 冬菇, 金菇, 生菜, 白菜等等虾 滑 & 豬肉 最 好食, 醉雞都 好滑, 但牛肉 吾肥美又吾新鮮…烏冬好滑 同 個豬骨湯底 好 match, 我同

星期日去食下午茶餐 - 碗仔翅+格仔餅+餐飲=$18, 食物好吃與否不討論也罷! 但那個份量真的十分過份呢! 最迷你型的窩仔似玩煮飯仔咁, 那件格仔餅完全沒有厚度似張紙, 又細又薄又硬! 如要將貸就價到咁那又何必呢! 毫無誠意到此, 簡直侮辱我們來比錢吃的呀!吃份雞脾餐好過,都無咁笨呀! 怪不得多數都轉移去大家樂和大快活, 唉, 應該說怪不得他們也進駐來呢! 有得揀真的唔揀佢嗱!

六點幾七點專程搵美心試個鐵板餐...唔駛搵位...兩個人叫左MX鐵板餐同日韓式定食...仲搵個靚位對住部電視...西冷牛扒‧越式牛油雞翼，酥皮湯 及美國粗薯條．什菜．兩款醬汁($46)：油到不得了...起初熱時還好...食食下得返堆椰菜同油...好核突！薯條凍同林...酥皮湯係唔熱同埋好油...日咖喱豬扒飯．泡菜．韓式公仔麵配凍柚子蜜($32.5)：基本上全兜都係凍的...個飯唔夠咖喱汁但味道ok，公仔麵冇乜特別，柚子蜜個杯一拎上手痴立立....勁多冰...去美心最好唔好去呢間...

過年, 要訂兩個盤菜, 原本我idea 想要去大埔或上水買正宗新界盤. 但家人考慮到衛生問題同運送問題, 決定就地取材. 美心算數.心裡有個結, 覺得出面的盤菜不夠傳統, 初二個日, 裡面燒味, 蝦, 豬手等, 材料十足. 同傳統盤菜有得比. 一個十人盤, 同樣大份到食唔晒. 盤底豬肉, 芋頭好入味. 工夫用料一流. 出年, 值得再買.

在家晚飯, 來了這裡加餸. 都好似係搬入來之後第一次加餸. 當然, 文迪下廚, 又洗乜加餸, 已經好豐富的了.頭抽豉油雞$58: 5分, 普通豉油雞半隻要$49, 這個頭抽豉油雞一整隻反而只要$58, 因為係宣傳價, 都係要這個抵. 平心而論, 真係一分錢一分貨. 水準只係麻麻, 色澤唔多靚, 食落口係淡淡的, 唔係好入味, 唔講唔知叫做頭抽豉油雞. 雞肉都唔多嫩滑, 黑白肉一樣係鞋的. 只係想到係幾經濟的, 僅僅合格好了.下次都係讓文迪包辦全個晚餐為上.

素來從各方朋友口中，皆認為大家樂的燒味是眾連鎖快餐店中最好的，但本人堅持美心較優，昨晚吃完一頓外賣的燒味雙拼套餐，更肯定這點小弟點了一客叉燒拼油雞，叉燒絕對是蘇施黃所講的”一粒瘦痴住少少肥再一粒瘦”，油雞嫰滑入味，略嫌太生見紅，份量非常多，＄３３的套餐還包括油菜，例湯及普洱茶一杯，十分滿足有比較是因為小弟上星期外賣了大家樂的燒味雙拼，同樣是＄３３，不過叉燒太瘦，很難吃，而且份量比美心少，所以，美心勝

買了一隻豉油雞做"食送"。size ok, 不過生了少許，骨很紅。由於係冰鮮雞，雞味當然係無mud o架啦，好在肉都算嫩，唔韌。味道算唔錯，不過咸jor d d ~整體ok

小弟是此店的常客，早前分階段裝修，現在已跟其他美心一樣，易名為美心ＭＸ，不過裝修後絕對不是件好事．．．（１）裝修後座位是多了，但環境真的非常擠迫，尤其取餐處對出的位置　（２）食品加價是意料之事，沒想到份量也少了（３）不明白雖是裝修，但新的桌椅絕對不是新的，用了幾天已發現椅子及桌腳有很多污漬，木也有霉黑，感覺是從某間店子搬過來再用撇除環境，食物味道和選擇值得一讚，猶愛其早餐及下午茶，早餐多士／蘿蔔糕／芋頭糕任擇一，飲品也有凍／熱豆漿，健康之選也有燕麥麵，凍奶茶亦分冰滑及普通版，下午茶＋＄６粉麵的份量也頗多，味道比一般茶餐廳優勝如果不是環境，絕對值一個笑臉

早前哈咾喂，這裡都順應推出一系列的特色菜式，包括這個南瓜海鮮炒飯。其實這快餐店正如筆者所說，真的能照顧普羅大眾，收入較差的想感受氣氛，這裡亦不失為一選擇。原個南瓜上，食味及用料不會比名牌店差，南瓜先焗熟然後用以裝上海鮮炒飯，海鮮炒飯已經不俗，而焗南瓜是清甜甘香，齋食南瓜已經可以；再加上一杯龍眼加車厘子的恐怖眼睛做裝飾的涷飲，說實話比起其他餐廳收百幾元一份的節目套餐來得化算。當然這裡怎說都是快餐，裝修佈置不可要求，但說回食物味道及食材，快餐店始終有她的市場空間及顧客。

有點口渴，想飲杯奶茶，碰巧是下午茶時間，於是點了蝦多士餐。這兒的蝦多士，味道不錯，蝦多士上竟然有煙肉，而且還有沙律，比想像中好，奶茶不過不失，沒有什麼特別。環境都算ok，有電視睇架，不過現時都九月尾，因此見到其poster還是初夏滋味覺得有點好笑。

以往一聽集團快餐店總有點抗拒，認為大量生產質數好極有限；另亦是大集團關系，少了一種親切感。但經過前排少有的幫襯後，這想法是否要修正一下。是日因匆忙，午餐延後至三點三，想找一間小人的食肆，因本身地方夠大，故最後選了這裡。下午茶餐選擇及配合很多，想豐富點叫了燒豬肋骨配薯條、五香肉丁公仔麵及熱央。分量見圖不容置疑，五香肉丁夠辣，公仔麵唔淋，需然係味精湯，但係配襯五香肉丁的辣味，好的化學反應；燒豬肋骨可等同正宗燒排骨，拿在手上的感覺太實際；薯條不是我杯茶，品嘗點點而矣；最後杯熱央過得去，已經比起很多茶餐廳好很多，起碼夠濃及茶與啡及奶的味道分明。整體包括味道、價錢及環境係好過很多茶餐廳。後話一，很高興可提供代糖，此點是茶餐廳所不及；後話二，全店非吸煙，不需擔心二手煙問題；後話三，大集團質數應該穩定，起碼不需擔心杯熱央味道次次不同；後話四，大集團都明白質數才能留住客戶的理念，故有阿活呢樣果樣…