影片
雞一般都是隨機分配，無論雞脾雞胸同樣都是嫩口爽滑雞，很好配飯。黃油飯每次都是香噴噴熱辣辣，如果雞沒有派中口心意的，齋食黃油飯都夠滿足。調味有黃薑、甜蠔油、甜酸醬，三種調味同樣惹味！怕黃油飯未合心水，用調味加落油飯一樣可以食曬一碗飯！宜家涷冰冰一想食價錢相宜的海南雞飯，一般我都自動自覺行去美心MX。唯一的缺點是雞有時放太耐，會結了一層啫哩狀，如果想食熱雞，我就用例湯或大滾水過一過，既熱食又保持雞的原味。
繼續閱讀
今朝返工去左美心嘆個早餐，無稔過今時今日仲可以食到二十幾蚊嘅早餐，佢地呢個超值餐先$24,有煎蛋sunny side up,蛋香幾濃;半塊多士,加多個大大碗火腿通,份量中,火腿切，不過湯就濃左Ｄ,但整體非常超值
繼續閱讀
【# 粽‧是美味分享】.下個月就係端午節啦，梗係要食番隻粽應一應節先得～.買左幾款粽番屋企試下～分別係美心新出嘅2款穀物豆沙粽，分別係陳皮黑杞子黑糯米豆沙粽同十穀燕麥豆沙粽，兩款都用料十足，陳皮黑杞子黑糯米豆沙粽配以5種黑色嘅食材，而十穀燕麥豆沙粽更用咗10種榖物製成，感覺健康，口感豐富有層次，佢地仲有原粒瑤柱裹蒸粽，買定送俾家中長輩一樣咁大方得體架 ～.依家喺美心西餅、MX或者中菜分店已經有得買啦! 趁特價買定番去同屋企人慢慢嘆先～ .美心食品 Maxim’s Products
繼續閱讀
要星期六在新港城食lunch真的很鞎難，到到都要等位，真係好不容易先搵到個位。美心 一向對佢o既燒味比較有信心，所以叫了一客叉鴨米加龍鳳檸樂。叉燒斬得大大件，夠軟林，而燒鴨就頗為咸了少許，燒味與米粉分開上，免得燒味浸在湯中。龍鳳檸樂是我比較喜歡的飲品，喜歡帶咸味的咸檸檬，加上檸檬與可樂，不錯，唯一敗筆係杯飲品實在太少，半杯冰，加上咸檸檬及檸檬，還有幾多可樂可言？仲要係加多8元，係有點搵笨之嫌！
繼續閱讀
今日係馬鞍山搵食，間間都爆晒人，唉，唯有食返自己最唔想食既連鎖快餐店啦，咁多間入面，我覺得最好既都係呢間，就同行親友一齊入去開頭見都無位既，不過咁岩遇到老師=]咁就有位啦！！唔該晒佢呀。咁我今次都係無影相既，因為本來無諗過上黎打，但諗諗下，呢間都係我至愛，都係打下讚下先。我叫左個焗豬扒飯啦，份量岩岩好，蕃茄味好夠，同飯加埋間直係開胃之寶不過飯就有少少焗過頭，搞到有少少硬不過我絕對滿意呢類型餐廳既水準啦。豬扒都幾軟身，又不過份軟，不過份硬，岩岩好。味道正常。總括而言，都幾好食啦。咁多間入面，份量，味道加埋，連鎖快餐店中，都係呢間最好！
繼續閱讀