美心MX (已結業)

而家興懷舊,所以這間快餐店下午茶會有狗仔粉和魚肉湯食。但bond 今日有點肚餓 所以叫了細义燒飯配辣魚蛋,熱Cappuccino雖然話細义飯,但都有6件，义燒略帶些少肥唔會靭,加埋义燒汁,好好味。配以青豆,較晒足夠營養。魚蛋彈牙,㗎喱汁略帶些小辣並不搶喉Cappuccino 只需加一元,超值。味道略淡。都係比較喜歡全統咖啡。

今(29-6-2013 Sat)朝同爸爸,男友o係5點幾起身返鄉下,由於時間太早,除o左麥當勞外,好多食肆都未開,爸爸原來想7:00am出到油麻地食早餐,但佢太肚餓喇,我o地行到o黎,見有客人坐o係o度,爸爸話開o左,我話係喎,呢o度有粥同炒麵食,佢就決定o係o度食,即刻坐低.我又見到有雪菜肉絲米,就同佢講,佢就即轉呔要呢個,我o地問佢飲咩o野?佢答熱檸水.OK.而由於呢個$23.50o既餐重有厚多士,蘿蔔糕同唔記得咩o野揀,我諗佢唔食厚多士,於是幫佢揀蘿蔔糕.男友就要同樣係$23.50o既羅宋湯通粉,要厚多士,加$3.00要凍檸茶,我都要$23.50o既鮮茄餐肉通粉,厚多士,加$3.00要凍檸水,而呢三個餐全部都有腸仔煎蛋.齊晒後,男友自動拎埋支家樂牌鮮露,齊晒食得,我o既鮮茄餐肉通粉,顏色淡淡,一睇就知唔會夠味,男友o既羅宋湯通粉好啲,有番茄同菜,而大家o既腸仔係烚,煎蛋細細隻.我先食厚多士,腍o既,腸仔冇問題,煎蛋係半生熟太陽蛋,蛋黃味道濃,鮮茄餐肉通粉呢,果然係淡番茄味,而且,當我'撩'到啲火腿餐肉粒時,至幫返餐牌,原來呢個話有餐肉,但係好少,半塊都冇囉.男友就話佢o既羅宋湯通

正月初三‧晴新正頭反而去大型飲食集團較穩陣，至少不會坐地起價。所以來了這裡，也真的是人頭湧湧。要了多士套餐，奶醬多厚多士似模似樣，但吃起來不夠脆，奶及醬都不夠。熱咖啡就很不錯，夠香。反正我因為杯咖啡而來，所以算了。

很多時候，不想煮飯，就會來個外賣，美心絕對是不二之選。一隻雞不用$50，自己買材料也不行吧。雞是用冰鮮的，處理得而，沒有太大冰鮮的感覺。肉質嫩滑，雞皮亦爽脆，不太肥，調味適中，只有淡淡的咸，還配上薑蓉，非常細心！

前日(13-10-2012 Sat)朝同男友起身食早餐,終於又要o黎呢間唔好食o既美心,呢日都唔想食西式,因為都領教過唔抵食,於是我買o左$21.00o既粥品早餐,要冬菇鹹雞絲粥同煎蘿蔔糕,飲熱奶茶.男友要好似都係$21.50o既餐蛋出前一丁,加$3.00飲凍檸茶所有o野都齊,呢o度冇辣醬同甜醬,所以自己攞家樂牌鮮露蘸.打開碗粥睇,呵呵,雞絲幾乎見唔到,冬菇就見到,食落,開頭都布啲鹹味,但食食吓都冇乜味,連冬菇都冇乜味.而蘿蔔糕呢,淡淡地,冇乜蘿蔔絲,加鮮露食吧.奶茶依然係冇乜茶味.而男友o既,佢冇乜點講,應該都係正常啦.

今日(8-9-2012 Sat)朝早同男友起身後又去食早餐,我冇idea去邊間食,佢就話美心,是但啦.今次佢出o左啲新o野,我就試吓$22.00o既南瓜魚柳湯米,飲熱奶茶.呢個一睇,南瓜同魚柳o既份量得好少,食吓,南瓜蓉裡面有啲啲肉,味道唔太甜,魚柳係食到有魚味,米粉唔過腍,可惜一樣係好少,少到我夾o左兩撮都已經冇o左半碗,成個湯米都冇乜味,只係味精湯有味.份量同味道適合冇胃口o既病人或纖體減肥人士.而熱奶茶依然係咁差,茶味唔夠同o鞋口.而男友就以$25.00/26.00買o左沙爹牛肉通粉,配火腿炒蛋厚牛油方包,要凍檸茶.佢呢個份量多啲,我試o左佢o既通炒,唔過腍有啲硬,不過可以接受,開磺唔知以為佢o個碗係牛扒通粉,牛肉大件到呢,佢食落,話牛肉韌.我又試啲炒蛋,都幾嫩滑o既.服務:收銀明顯改善o左,大大聲叫早晨,不過原來我o個個係要返埋位等,佢冇同我講只係圈住個No.,我去到等攞餐,個職員同我講等叫No.,點知我行到埋位未坐低就叫我o既No.味道分係.2.5分

尋日(3-8-2012 Fri)男友被編放例假,我就同公司請一日假去玩啦,因為我都plan要開始清假,而且plan o左8月放兩日.由於都晏起身,梳洗完都10點幾,去食o野都已經係11點,食lunch o架喇,冇所謂啦,反正我o地出中環,o個頭食o野一定貴,o係荃灣食個lunch至出發都唔錯.而我仍有未用晒o既美心劵,就o黎睇吓有乜食啦,睇menu好似好吸引喎,我要$32.00o既香檸燒雞扒飯,要熱奶茶,男友要$32.00o既珍寶腸魚柳飯要黑椒汁,加$3.00要凍檸茶,用兩張$3.00優惠劵,共減$6.00,呢餐要$71.00.但o衣o家睇返張單(好彩有影底),原來呢兩個飯係唔包o野飲,o野飲變o左另加錢,熱奶茶加$5.00,凍檸茶加$8.00.男友買o左之後等叫No.,都唔係等好耐,睇睇男友件魚柳,細件到吖.我o地開餐喇,我一食件雞扒就食到重重o既檸檬味,果然醃得好入味,不過會唔會係醃過龍,但都食到佢有啲蜜汁味,肉質唔o鞋口都算唔錯,而白飯o既軟硬程度適中同夠熱,但汁就唔多夠,啲餸食晒後食白飯係好難頂..味道: 3.75分而奶茶呢?未飲前嗅到好香茶味,飲一啖就知好差,又o鞋又澀,奶係

今朝(28-7-2012 Sat)一早醒ｏ左,由於要買餸,就唔好再懶床起身梳洗出去食個早餐吧,因為有美心$2.00 coupon,所以o黎美心.ｏ黎到睇睇餐牌,西式早餐要$26.00,食物又唔吸引,想走o既時候就睇埋中餐,有$21.50ｏ既粥餐,但冇寫明係咩o野粥,問問吧.行到去收銀就問佢有咩o野粥?收銀答有雞絲同豬骨粥,咁我揀雞絲粥同三絲炒麵,要凍奶茶,畀埋張券收銀收我$22.50.原來凍飲要加$3.00,同大家樂一樣.拎完o野食搵到個位坐低後開餐,我碟三絲炒麵唔大碟,而ｏ岩ｏ岩同枱另一個客一樣係食三絲炒麵,但佢ｏ個碟多過我.照食吧,先食三絲炒麵,淡而無味,三絲係咩o野呢?紅蘿蔔絲,椰菜絲同……蔥段?火腿絲同芽菜都冇,我覺得有點兒那個.而粥呢,同樣係淡茂茂,我想出去問佢ｏ地攞鹽,但諗諗吓,算吧,當清清地啦,而內裡都有兩條冬菇絲ｏ既至於凍奶茶,呢個中規中矩,冇大問題.服務:比之前好好多,收銀同掃地亞姐都好有禮貌.環境:冷氣唔係好夠,櫈大大張係木櫈.,原本係好,但原來我食粥餐,對手自己撐得好開,手踭就撞到隔離張櫈o既櫈背.即係話,櫈同枱ｏ既長度係唔配合.其他:之後原來同我同枱o既客人重有

叉燒是Johnny 喜愛之物，偶爾亦會買回家品嚐。今次選擇了美心，叉燒外表色澤紅潤，當中有少許肥，肥肉部份還算通透，瘦的位沒有帶黑，肉地軟腍適中，這手叉燒已算不錯了，甜蜜好味。吃好叉燒，有時亦要碰運氣，假使間豬肉質地有酥味，功夫怎樣好的師傅也是徒然的！

今(26-12-2011 Mon)朝同男友起身食早餐,由於時間尚早想去飲茶,落綠楊睇睇,得潮江春同附近o既美心皇宮開o左,咁唔飲茶喇,男友話去美心快餐食.啊,去到o岩o岩有位,我就買o左$16.00o既超值早餐,要火腿通粉同熱華田,男友要$2x.00o既雪菜肉絲米,有蒸蘿蔔糕,飲凍檸茶.我o個碗通粉應該係用雞湯煮,食吓先,通粉腍o既真係太腍喇,係通粉流量唔多所以攪成咁好難食啊.熱華田冇乜問題啦.而男友o既雪菜肉絲米呢我冇諗到佢食o左兩啖已經係食o左半碗,少到離晒譜,而蒸蘿蔔糕係用一個錫紙兜蒸,唔係好大個,我冇問佢好唔好食.服務:原本想因為o係我等我o個餐時,我叫人畀杯暖水我,隔o左一個人o既妹妹仔反應好快咁即刻畀我而得到滿分,但因開頭我拎張飛去冇人龍o既廚部等餐時,負責畀盤同叫order o既亞姐只顧傾偈,冇理到我遞張飛畀我,到我叫唔該至有反應而扣返啲分.我估男友o既早餐係$23.00,凍飲加$2.00.

今(12-10-2011 Sat)朝同男友因為好晏至起身,所以去食早餐o既時間都已經係食晏,我o地快快趣趣去搵o野食,o黎到美心,不如就呢間啦,又o岩o岩有位.男友先買佢o既珍寶腸配雞扒飯,飲凍檸茶,好似要$31.00.我就要$30.00o既豉油雞叉燒瀨粉,飲熱檸水,但估唔到熱檸水要加$5.00,真係貴.我o既逐一攪掂,男友早前買o既又係要等叫No.,我幫佢拎.返埋位影好相,發現我o既餐冇膠湯匙,於是我行返出去拎,好,開餐喇.先食啖瀨粉,嘩!淡而無味,湯底似只係用開水整出o黎,瀨粉好粗,但真係要夾薑蔥o黎食囉.豉油雞呢,我食件件都冇肉,只有皮,我同男友講,佢話唔係啊,佢畀雞翼位你,唔錯啊.我答係啊,我食到一件冇乜肉o既雞中翼,但搭o左一件冇肉只有骨o既雞胸呢.男友答唔係喎,我食o個件雞翼有好多肉,我睇睇,原來佢食o左雞髀位.至於味道,係有啲啲甜豉油味,但始終冇肉真係’爭’啲.而叉燒呢,外表好攪靚,蜜汁好似好夠,但食落,味道都係’爭’少少,唔係咁濃,而口感呢,佢係瘦叉燒,有啲實,麻麻.男友都有畀佢o既珍寶腸同雞扒我食,珍寶腸一般冇乜問題啦,而雞扒呢,外表真係煎得夠脆,亦好夠香草,呢個唔錯

今朝(5-11-2011 Sat)同男友起身食早餐,落荃灣吧,o黎到呢o度見裝修過後都冇再食過,於是提議呢間,o黎到時o岩o岩有位,咁同男友分開買啦.佢買o左$24.00o既煎雙蛋牛扒餐,配厚多士加$3.00要凍檸茶少甜,我要$22.00o既歐陸薯仔腸仔火腿餐,原本想要蘿蔔糕但賣晒,咁只可以要厚多士,加$3.00要凍檸水.好,我一人攞晒兩份餐先,男友o個份正常時間內完成,而我o個份呢,我返返去條龍睇,咦?!都重只得一杯凍檸水o既?後面o既就係咁出,女店長至睇睇,唔知係o係龍尾負責話畀廚房知要出咩o野食物時叫錯,定廚房聽錯,女店長要佢再叫過,再等多陣,我o既早餐至齊.好,返埋位開餐,原來我唔記得以前食過歐陸薯仔早餐,又再中招.又食啖炒薯仔啦,同上次一樣有煙肉o係裡面,亦有洋蔥一齊炒好香但好油,歐陸薯仔係白腸仔,我覺得冇乜味,火腿冇問題啦.我同男友都交換o野食,佢o既牛扒冇乜牛肉味,煎蛋都冇問題,我o既凍檸水有成5片檸檬,今次冰有成半杯咁多,但唔夠甜.厚多士唔係話好脆但可以接受囉.呢餐覺得唔係咁夠飽.

美心的tea set 便當賣相精緻，價錢又平，食物多元化，真係好抵食。快餐店出菜快，真係好方便呢。點了下午茶餐：薯條+沙律+海鮮炒烏冬+桂花榚：薯條夠熱，沙律夠冰凍，薯仔好林。海鮮炒烏冬比較油膩。而桂花榚清甜且香，有淡淡的桂花味道。炸多士+炸蕃薯+棷汁榚+粟米+炸雞翼+叉燒米粉：西多士係即整既，夠脆，花生醬好多，好豐富。炸蕃薯硬身，炸得又老又罵，完全吃不到。棷汁榚淡口清甜。炸雞翼沒特別。叉燒浸得太耐無味，米粉湯夠熱，米粉也很入味。

　今天與姑姐和媽媽一同參加行山會舉辦的行山活動，而行山路線就是在荃灣，因為天氣酷熱，路程頗長，因此覺得有必要在出發前吃一個豐富的早餐，美心鄰近地鐵站，我們又在免費報紙上剪了減價優惠券，於是便選擇來這裏了。　　店內十分熱鬧擠逼，而觀乎食客的裝束打扮，應該有不少的行山客，而其餘的大部分是家庭食客，看起來應是附近的街坊。　　我吃的都是吉列魚柳香腸多士配熱咖啡，媽媽吃的也是，我喝咖啡她喝好立克，姑姐則要吉列魚柳煎太陽蛋配多士，喝熱檸水。　　其實我和媽媽都是美心的常客，這家美心頗有情調，柔和的光線，灰黑色的餐廳主調，浪漫而神秘，但略為嘈雜的環境影響了餐廳的高雅。魚柳一直是我們的至愛，我們家附近的美心，魚柳一向比較大塊，但是稍嫌偏鹹，而香不是煎的，卻是白灼的，看得見香腸的外層沒有光澤的，比較乾身，比較健康，我以為每間美心的做法都會一樣。　　但荃灣的這一家，從香腸腸身的油光看來，很明顯被煎過，但是外熱內冷的，煎得不是很透，這點稍為讓我失望；魚柳夠熱也夠香脆夠新鮮，沒有過鹹的感覺，多士夠厚，烘得金黃色，而且也夠熱，牛油塗在其上瞬間即溶，滲透了牛油的多士美味絕佳。　　即磨咖啡也夠滑夠熱。美中不足的是魚柳

tea time 來吃美心，價錢平又好吃，我感受到一片美麗的心。Yeah~ya~ya叉燒飯(小)：美心交叉燒真的好美味，平時買都要$40/半斤。依家一嚐小小的叉燒，又甜又軟身，I like it~燒味很好吃，飯也熱哄哄，撈鼓油最好。咖哩魚旦：咖哩不辛辣，魚旦有色但無味，細細粒不彈牙。好立克：好香濃，有奶又有味，真甜，沖得很好。