美心MX (已結業)

下午茶時間好多人, 買了杯冬日熱飲, 蘆薈杏仁椰子汁, 奶白色的飲品, 感覺滋潤, 好似飲完會皮膚靚靚咁, 好香杏仁及椰子味, 偏甜, 自己再加了些熱水中和下, 咁就好飲好多了, 飲完好滿足, 成身暖哂.

夏天都似乎未過各大快餐集團已推出火煱,其中以美心較有特色以北海道牛乳作招徠,今時今日人人聞牛奶色變以為佢生不逢時,但係照當晚觀察,幾乎檯檯都有火煱,完全唔受影响.食咗個4併火煱($54),要南瓜湯底,肉類有牛,豬,醉雞同魚膠,份量唔多其中以醉雞最正,雖然無乜酒味但係D雞肉嫰滑,又有雞味,另外有好多菜伴碟,加埋南瓜牛乳,又好似幾健康噃,不過烏冬又真係少咗D,最多只係半包嘅份量,好孤寒吓,食完就啱啱好喇,雖然好多洒樓嘅任食火煱都只不過係$70蚊,但係加埋其他雜費都要成百蚊,呢度以一半嘅價錢就可以過吓口癮,又不嘗係一個好選择.

租借了附近的場地練習，收操後，跟波友吃個下午茶，又由教練帶隊﹝其實係帶隊搵位！﹞，來吃下午茶。非常肚餓，可以吞下一隻牛，就一氣吃兩個茶餐，一個是豬扒包，另一個是碗仔翅加粟米。豬扒包不錯，芝麻包烘得熱熱的，豬扒很滑，洋蔥醬汁是另上的，明顯是怕沾濕了麵包，十幾蚊貨仔，也幾有心思；碗仔翅杰到不得了，不太合口味。唯肉絲及冬菇絲等都，波友一致認為好吃。粟米只是白烚的，還好夠熱，自己再拿點牛油塗上去，就較好吃；人熱辣辣，看見有冰滑奶茶，要加錢都要試一試。看其賣相，明顯的是「抄考」自另一個燒臘飲食集團。無冰的奶茶喝起來不太凍，似乎這個膠樽也厚了一點，就算雪入雪櫃也起不了很凍的效果。不過奶茶茶味幾濃，不差，一人獨喝兩樽，係氣順晒。快餐店當然是以自助形式，但幾位樓面的阿姐也戴上口罩，還是戴到實一實的，幾認真，值得一讚。埋單38蚊，有時吃一下這些大集團式的快餐，也不錯。

這是上星期的食評...因最近功課忙才留到現在才寫。住在紅磡的我如果想出外逛逛、又不想傷腦筋要往哪裡逛時....便會沿著海濱長廊走到黃埔逛逛...吃點東西再回家。這次和母親來了美心吃下午茶....店內實在很多人、找位子也有點難度,,好不容易找到位子我便去買飛了。點了公司三文治和熱檸水( $ 21 ) 和一個三色糕點拼盤( + $ 7.5 )買飛後又要面對另一考驗了...輪候給飛和拿食物的都排著長龍orz 唯有乖乖去排隊吧。好不容易終於把飛給了店員...當時實在有點不悅的(因為排隊排了差不多十五分鐘)不過看到他們己經很忙很努力了、而且不停地說不好意思...也就算了吧....公司三文治的料很足,,,而且新鮮製造的、味道當然不會差三色糕點拼盤賣相討好...三色分別是椰汁馬豆榚、紅豆糕和芋汁西米榚....三款當中我最喜歡紅豆糕,,,因為小小的糕點內充滿著滿滿的紅豆...對於我這個愛紅豆的人來說當然高興^^P.s::現在此店在內部裝修、好像五月上旬重開

最近的沙爹米粉好味, 係多油左dd, 但好濃馬來西亞式的沙爹湯

美心快餐越來越差，以前好好味的，昨天要件西多食，勁差，非常難食，奶茶都不錯，但我就等起碼半個鐘才有得食，見其他人的如公司三文冶、湯麵等一份份取走，就走去問咁耐我份西多都未有，那男人話即叫即整所以要等，但我在，而且不是只有這次，已試過幾次，所以唔會去了！

優生冬瓜盅- 一般! 入面唔多料...金盞千島魚塊- 賣相OK! 其他就麻麻... 先講塊金盞, 炸左好耐, 好D油益味. 另外, 魚塊本應唔錯, 但千島醬落得太多.整體一般.

20070610從時間上看，已經是brunch，但對於許多香港人來說，尤其是在落著雨的星期日早上，十點半十一點，應該是剛剛醒覺或者出門的時間吧。不過在速食店裏，其實二十分鐘之後，便已經會掛上午市的餐牌，不知是不是這個原因，在這最後的二十分鐘，場面出奇的混亂，落單的人龍，取餐的人龍，搞錯了的，倒瀉了的，不一而足，員工也個個繃緊著臉……未開餐之前，已經暗暗將它與“大”記比較，覺得輸蝕不少。好在座位有街景，扳回一點分數。只是這個卡位，像是設計給四人使用，但我們倆人對坐，也只不過是覺得略微寬敞，隔壁真是坐四個人的，其實甚是逼仄。講返個餐，一份番茄炒蛋，一個香草焗番茄，一小盤焗豆，一小盤粟米粒，一片美心牛奶排包（也算“homemade”吧：）），一杯豆漿，還有一碗腿通，作價19元，是蠻抵的，味道也還不錯。蛋炒得幾滑，又不多，加了番茄與少少糖之後略帶甜味，與酸咪咪的焗番茄相互襯托。焗豆一向為我所好，一直遺憾為什麼“大”記沒有……而粟米粒，不加牛油，有多幾分清香，勝過“麥記”。通粉普通，排包也相形失色。至於杯豆漿，畢竟不是專業出品，也不可強求。第一次試美心的早餐，好壞參半吧：）

跟住大人行街,總係要食快餐,自己冇權話事...冇辦法,因為佢地只係鍾意去快餐食,而對茶記恨之入骨,覺得茶記d野難食,又多人食煙...但我想:禁煙條例實施,又點會多人食煙?就係咁,又入左去快餐食...因唔想次次都公司三文治,今次就試下個田園pizza+豆漿...當然,快餐的pizza都唔可以預期咁好食...田園pizza唔大件,有d粟米,菠蘿,火腿在上面,黎果時唔熱...茄汁底,邊脆內軟,但d料幾難切,同埋散哂...ok好食,但係就比較麻煩...至於豆漿就ok甜...$15.5都幾抵食...始終快餐都有佢的好處,雖然唔係特別好食,但並唔係人人都有錢日日食貴野...間唔中食快餐,個人認為冇乜問題...當然,成日食就梗係唔好啦...

依間美心快餐，好多時見到都幾忙下，好難得等到個窗邊卡位～員工服務態度好好，因為我係同我朋友一齊去食，一個人要拎兩盤食物，咁ｄ員工會主動走過黎幫你拎一盤野食去你個位^^。唔小心倒瀉左杯冰冰，個員工仲走黎問我「請問果杯係咩飲品？我幫你拎過一杯新架啦！」果時都幾唔好意思，因為飲到一半倒瀉，但又要佢俾過杯新既黎。　講返食物先啦，我個朋友試左冬瓜盅套餐，而我就試左蜜汁叉燒飯。我地兩個一人加左５蚊要左個楊枝甘露布甸試下，仲加３蚊將個飲品轉左做冰冰，個冰冰叫做「菠蘿友」。　個冬瓜盅味道無得彈！!好多菇仔，仲有湯既味道真係清而有味兒！!冬瓜盅所附既食物我無試，不過有一個魚煲，一碗白飯跟餐。個魚煲賣相幾唔錯，打開果時仲熱辣辣的，不過我略嫌個魚煲有ｄ油。　蜜汁叉燒飯，我要求要瘦叉同埋一殼半既汁，斬燒味既員工都照做，而且態度良好。ｄ叉燒真係好好味，賣相更一流，難怪得咁多人排隊買，不過個飯太少蔬菜了。不過整體都真係好唔錯！!　楊枝甘露布甸，真係好唔錯，芒果肉又大粒又甜，而且仲真係咬到沙田柚肉架！!!但係就食唔到沙田柚有既苦味同酸味，成個餐最鍾意食依個。　講返個「菠蘿友」先，佢寫左依個飲品係雪碧+ 椰汁+ 菠蘿