美心西餅 (粉嶺站)

營業中

休息中

最近見到推廣，$16元以上既甜品買三送一，今日屋企有朋友到訪，於是諗住買幾件甜品招待，去到店內同店員講想要$16元以上既甜品，店員講解話依家買3件會送多一件，而其中一件要係蜜瓜撻先得，我回應店員說，我見到推廣內容，知道的，無問題，於是佢打開雪櫃門，問我想要那些款式，她又再次強調其中一件要係蜜瓜撻先得，我答我清楚知道了，我叫她可先夾定一件蜜瓜撻在盒，當我預備點其它需要的甜品款時，那店員竟然說不如其餘款式幫你要哂雜果撻吧，甘好唔好，我立即問點解？唔好囉，我問唔可以要其它款式的甜品咩，要指定要雜果撻既咩？那店員答不是，可以選其它款式。最後我要了摩卡慕絲、芒果撻、雜果撻和雙色蜜瓜撻。雙色蜜瓜撻: 哩款是新產品，賣相漂亮又多瓜粒系面，仲有蜜瓜味既啫喱粒，食落唔會太甜，可惜食到撻邊既時候係淋淋地。芒果撻: 朋友話芒果比較生和酸，撻邊同樣淋淋地。摩卡慕絲: 賣相精美，朋友話幾滑幾好味。雜果撻: 面頭生果每款都有D，朋友食完都係話舊芒果有點酸，而撻邊同樣係淋淋地。

撞正媽媽生日，當然要揀一個岩佢口味同心意既蛋糕啦，媽媽好鐘意食芒果，每年生日都指定要芒果蛋糕，咁岩今年美心出左新既，當然要試試佢。蛋糕外觀好靚，好圓滑好似無瑕疵咁，整個都係橙黃色，未食已經感到好吸引。睇廣告見到切開時啲芒果會係中間跌落嚟，真實都有6成相似，切開時芒果都足夠，營造到廣告出既效果，可以即刻相機食先。味道方面，蛋糕唔會太甜，老少咸宜，中間啲cream都好豐富，啖啖都會充滿住成個口，美中不足係芒果有少少酸。

表妹搬新屋，我就帶埋個仔去housewarming，順便食埋團年飯。其實因為啱啱入新屋嘅關閉，好多嘢都未曾準備妥當，所以基本上全部食物都係外賣，不過冇所謂大家係同一族人，一團和氣坐低食乜嘢都冇計較喇。成餐飯最特別就係一個好有新年色彩嘅蛋糕，呢個蛋糕係另一個表妹買過嚟嘅，係「美心西餅」嘅產品 呢個蛋糕，上面有一個牌寫住 「祝大家盆滿缽滿」非常好意頭， 本身呢個蛋糕嗰個造型都好靚好有薪年色彩， 蛋糕個面好多嗰啲水果，個蛋糕嘅質地都幾creamy 唔係好甜，食落都好好味，總之食個蛋糕，就皆大歡喜。 祝大家盆滿缽滿

聖誕節飯聚兼同事正日生日，大家開心買個蛋糕慶祝，因為無事先訂購，所以只可以買店內嘅預製蛋榚！蛋糕盒硬淨，大家一齊吹蠟燭好開心！聖誕芒果脆脆（$238）色彩繽紛，面頭好多芒果肉，不過比較難切，因為中央夾嘅脆脆層好硬，所以最後散晒，芒果肉酸甜爽口，脆脆有咬口，蛋糕層唔多，幾鬆軟，香滑忌廉唔算多，好味！最攪笑食完先記得個聖誕裝飾！）黑魔王森林（$218）無食！自己一向唔喜好黑森林即去即買到嘅連鎖蛋榚店，方便又好味！大家開心！

Yoyo~剛過去的星期天，家人打算送生日蛋糕給我，當我打算要東海堂蛋糕的時候，在facebook 上見到美心有Line熊大跟兔兔蛋糕推出，心情即時很雀躍，即時打去詢問詳情，幸好還有存貨，第一天購買還附送汽球。連蛋糕外盒也有Line Friends 公仔，心思度十足，好得意～主角終於出場，選了熊大的朱古力紅桑子慕絲蛋糕，打開盒子已有陣陣朱古力香味。熊大呆呆的，他的表情什麼時候也一樣，不過面部圓圓的很可愛。要切開熊大我覺得自己十分殘忍...嗚嗚朱古力慕絲、海棉蛋糕、紅桑子啫喱，層次分明。朱古力慕絲很軟滑，朱古力味算香濃，中間夾著甜甜酸酸的紅桑子，沒有想像中那麼甜，不過4人分享的話會覺得有少少甜膩了。好開心吃到自己心儀卡通人物的蛋糕，下回想買兔兔蛋糕。註：匯豐信用卡有9折 （原價 $188）

妹妹bb 一歲生日，買了鴨鴨生日蛋糕 (忌廉雜果) 以為得個樣，原來都幾好味。仲有豬和大象選擇，下次可以試下外面嘅黃色 cream, 以為只係 cream, 原來 d cream 夾雜咗椰絲👍👍，還有側邊啲生果都幾甜

謝謝美心送上的 BEST POP 朱古力炸彈，這是全為父親節而設計的蛋糕，噱頭和創意十足。"BEST POP" 中的 "POP" 是爆炸的意思，原來也是美國潮語用來稱呼爸爸，換而之 "BEST POP" 就是最佳爸爸的意思。對於我來說，在很久之前就沒有慶祝父親節了，爸爸的離世，令我更堅強和獨立生活。受作為大廚的爸爸影響，我對食的興趣漸濃，有誰想到我現在會到處飲飲食食，以食會友?雖然如此，今次我也是和家人分享這個蛋糕，因為剛巧可以和我的小情人慶祝生日呢。以炸彈作為蛋糕的外型，確是很奪目的設計。朱古力炸彈分為上下部份，上半部份是法國杏仁爆炸糖醬及朱古力慕絲。而下半部份是多層朱古力蛋糕、新鮮士多啤梨果肉及朱古力忌廉組成。整體味道不錯，香滑的慕絲，鬆軟的蛋糕和爆炸糖醬，配搭得宜，很有層次感。

謝謝美心送上母親節系列蛋糕 "花鑽禮盒"唔想送上鮮花，取而代之可以考慮美心新這個花鑽禮盒 Diamond Box ($188)。今次的蛋糕禮盒是粉紅碎花的設計，而蛋糕賣相就非常精緻，既有代表母親節的康乃馨，亦有介子盒，粉紅色的外表，倍添溫馨感覺。不論是蛋糕盒，康乃馨，介子，或是介子盒，全也是吃得的，很花心思呢。內裡是草莓慕絲，味道甜中帶微酸，也有鮮果肉點綴，慕斯絲質感幼滑，與軟腍的海綿蛋糕，配搭得宜。整體味道比想像中好，祝大家有個愉快的母親節。

一早返工想買 d o野 lunch 食，但趕時間，就唯有入呢間o係火車站入面 gei 美心... 其實真係唔係好想o係呢間買，那些一早包裝好 gei 麵包，總給人唔新鮮 gei 感覺... 而且堆埋一齊 gei，好多形狀有變... 今日被個新出麵包吸引，o係包堆中較為突出，就試佢 la..."南瓜芝士包": 外型可愛，應該吸引到好多女士嘗試。外層有 d 似係綠茶粉 gei o野，無咩味道的... 而包入面有許多南瓜蓉，但芝士味唔突出，但整體o係講都幾好 gei... 中間那枝子o係用另一種質感 gei 包，都算夠細心。但係我都係鍾意 d 濃味餡 gei 包...

同屋企人慶祝生日，見有兩張$50現金優惠卷咪買左個hellokitty款既生日蛋糕，點知個日下午買，到晚上切個時，見到d生果都雪到霉晒，無理由我屋企個雪櫃咁勁，個蛋糕外層有花生包圍住，連d花生都有d"益"味，肯定個蛋糕唔係即日新鮮整，可能放左兩日先買得出，下次都係去返東海堂呢間，d餅好食好多。