美心西餅 (已結業)

美心新出o既歐陸西餅-- 兩層朱古力海綿蛋糕夾住一層厚厚o既脆脆, 底層再以較薄o既脆餅托底. 蛋糕面有薄薄一層buttercream, 再飾以一塊白朱古力. 不嬲已經好鍾意美心o既$3.8拿破崙, 呢件蛋糕脆脆特厚, o岩晒我!我覺得好好味!

栗米方包, 好普通既方包, 幾乾下, 冇落牛油整既關係又唔係好香. 粟米得幾粒又係乾哂, 整體黎講都唔好食.雪花朱古力包, 係一條好大條既包. 上面有好多糖粉, 不過裡面既朱古力少得可憐白汁三文魚包, 唔係好覺有白汁, 不過三文魚都幾多呀, 係貴少少, 6蚊個, 不過幾好食.腿蛋包, ok啦, 冇咩特別, 個包幾軟幾香, 塊蛋好大塊呀.

我都試左呢個美心新出品. 如同一些牛奶同雪儀所言, 呢個包酥皮部份只限於面層一浸, 整個包依然以軟包為主打. 可惜提子太少, 而且亦久缺黑糖香味, 個人而言, 除左面層o既酥皮同糖霜外, 同提子包分別不大, 略欠其獨特之處.

朱古力硬哂, 咬左啖就變成一塊塊跌哂落膠袋到.丹麥條本身唔鬆化, 可能整左好耐啦. 有d 硬又有d淋個條食食下味道有d似提子丹麥條, 好奇怪

外面既朱古力只係少少咁, 唔會好甜又食到朱古力味.紅豆蓉好味唔太甜唔漏都幾香, 不過分佈得唔好, 全部聚哂響中間.麵包薄薄的似pancake 多d

如果下晝肚餓又有排未到食飯時間, 呢到買麵包都幾唔錯.發覺佢麵包既size都幾大就算唔大望落都好heavy應該好飽肚.試過的有墨西哥藍啤梨, 下面其實只係普通麵包一個, 仲嫌佢唔夠鬆軟. 上面係有小小jam咁解冇咩特別.仲有日式鰻魚, 依個配搭本身幾奇怪, 我覺得鰻魚夾麵包唔係咁好食, 而且個汁似燒八爪魚丸果隻, 再加埋面頭既木魚, 真係唔覺食緊鰻魚.不過佢個包又幾好食.

20041102 5pm我還是第一次出呢o的"得個包" o既食評.覺得幾好食先寫o架真係.日式鰻魚包($6), 真係有啖啖鰻魚o架wor! 面頭有木魚絲賣相唔錯, 包亦異常軟滑!!

琴日放工0係度買0左d包,我買0左2個拿破崙蛋糕三文治同一杯西米布甸.每樣都係$5.5一個.個西米布甸好食,尤其是面個d 少少焦0既皮,好香好吸引,入面都好多西米~個拿破崙蛋糕三文治就好大件,但就咁食都好乾,同冇咩特別,我覺得麻麻地,賣相就好似好好食囉...

朱古力紅豆包正!!1流~~不過個菠蘿蜜桃包好難食1個扁tat tat既包上面1 pat唔好美既custard1舊仔罐頭蜜桃2片仔罐頭菠蘿5蚊唔抵呀

中環横街o既美心西餅時不時都有d特色麵包係其餘分店無o既. 呢排呢間分店promote緊"日式麵包節", 有4,5款新款麵包. 我試左一個日式鴛鴦包, 一個心型麵包, 內餡係一邊係黃莓醬, 一邊係藍莓醬, 完全get唔到同日本有咩關係. 之不過包包裡面o既醬份量夠, 包身亦夠軟, 係好味之作!

muffin多數都係甜食,估唔到呢個煙肉muffin咸咸香香,又幾好味噃,仲唔漏添!不過質地好碎,食到好"ne he'~

家姐0係美心買0左4件几特別0既蛋糕,有綠茶蛋撻,楊枝甘露蛋糕,魔鬼魚蛋糕(個名好似係咁)同榛子酥餅.個綠茶蛋撻几特別,好有綠茶味又唔會太甜,清清地.個楊枝甘露好搞笑,飲就飲得多,未食過蛋糕款式.上面有一層用芒果汁做0既mousse同蛋糕,mousse入面有d西柚肉同西米,面有d芒果肉,但唔明點解底要加一層好厚0既朱古力蛋糕,完全破壞哂.個魔鬼魚蛋糕係圓形0既蛋糕上面有粒星型0既餅,味道都ok.個榛子酥餅都ok喎,但入面都係要加朱古力蛋糕,真係唔明,明明外面0個層榛子碎好好食,佢係要加d古力蛋糕搞搞震.除0左倨綠茶蛋糕,其餘三件0既份量十足,每件都好大件,都唔錯.

今朝食左呢個做早餐..都幾多餡,不過估唔到咁早買都係凍冰冰....太趕時間無叮到,(但係平時唔叮都唔會咁凍),味道ok,$4.5都幾平,可以試下既~~~呢排佢出左好多款新包包,有白汁三文魚包,仲幾幾款架..

今日買左呢個菠蘿撻放工食,同以前既菠蘿蛋糕一樣,不過呢個有個餅底,我覺得都好好味啊！感覺仲好似飽d添,都幾頂得肚喎！

前果排試過佢個raspberry napoleon 黎食,面頭粒raspberry太酸,d napoleon 味道好怪,我唔中意囉..再之前都試過幾款,味道一般,我都好同意佢既7.2歐陸西餅無3.6果d咁好味,只係得個樣,美心既西餅其中一樣我好中意既係菠蘿牛油切餅,而拿破侖就奇華果d我覺得唔錯,好鬆化~~宜家美心好似出左款蛋白脆脆birthday cake,之前佢果d脆脆birthday cake我好中意,唔知有無人試過呢款新既蛋白脆脆??以下分數係比raspberry napoleon