美心西餅 (已結業)

好啦好啦..同老闆食完一餐咁豐富既晚餐啦...由餐廳行去巴士站好似又咩都消化曬....)))))途中老闆已經吩咐我唔好將之前係美心買下既蛋糕一次過食曬呀...唉..真係好難講回到家就即開盒同佢地影個相先食佢地先...最後當然只係4件當中選一件啦...就選左個最唔起眼既芒果蛋糕..原來好好味架...中間有d餅干碎好好味不過此終都唔係貴野個蛋糕有點實...算啦...做promotion買3送1都係抵食架啦.

（此為陸海通對面，上海灘旁的美心西餅）試左兩款家庭裝麵包：黑糖紅豆包($15)和栗子包($15)。涵料不多，但包面為酥皮質地，所以依然香口好食。父親大人食完仲指定要多買一個。多口一問收銀小姐，呢兩款包只有四家分店有售，分別係中環，銅鑼灣，尖沙咀同將軍澳。試過朝早(8:30)去買，但未見有貨，午飯時間去就貨源充足，有趣。

外勤同事買回多款麵包糕點回來當下午茶。他說，某些產品只在某些特定的地舖才供應。我試了些「焗西米撻」和「紅豆酥卷」。前者係撻版烤西米布丁，味道僅微甜，可以再甜些少。後者係添加red bean paste 的丹麥酥卷，體操細小，幾cutie。味道唔差，經濟實惠，果真本地的「國民餅店」。現在，部份分店更設一名穿公司套裝制服的女職員，負責接待顧客，相當熱誠和有禮，好！

再來一個品牌, 美心今年的水準真不錯, 它的蛋黃油潤, 色澤橙黃, 蛋黃味足又起點沙, 真的不錯白蓮蓉的味道比上年的好, 上年加得太多油, 導致蓮蓉油得有點起膠, 但今年絕對没有這個問題, 反之蓮子質素比上年好像更香更濃味, 不錯不錯, 唯一不好的地方就是盒的package不漂亮, 又没有中秋feel, 今年又只promote容小姐的冰皮, 忽略了傳統月餅, 大大扣了分

lunch有時都會黎呢度買佢既套餐....三文治+湯/飲品...三文治我食過三款: 1.青瓜三文魚2. 醬汁豬扒3.蟹柳磨菇沙律我覺得都好味...$23算係幾好ga la

五月新出嫁..嘩,我真係覺得好食呀,我六日之內買了三次.之前個隻車打芝士包我都無咁瘋狂.不過佢隻黑糖包$5就唔鐘意啦,因為頗甜. 另外排包就好甜.

今天買了個＄3.5的紙包蛋糕, 蛋味好香, 但個口感好海綿, 完全唔鬆軟, 好唔好食......點解會咁架, 估唔到maxim會出到咁啊.......見佢出左好多大個的飽飽, 摸落好軟熟, 下次要try~~

並非對美心有期望, 而係覺得大集團有一套標準, 不應有如斯質素...一向是美心$14早餐fan之一, 因為磨菇腸蛋飽, 餐蛋治向來都不錯, 但係呢間既質素、效率同服務令我覺得好失望~餡既份量時多時小, 有時多到頂得上四個小份量既餡,總之就係無份量規定啦, 睇黎係視乎個人心情喇~ 另外, staff既效率同記性完全令人嘆為觀止, 呢頭你講完要咩, 收完錢再問一次, 然後先去同準備飲品既同事講, 等好耐先有野飲(安排不太好, 準備飲品既同事超慢, 應該加人手, 一係一早準備好d野飲), 再比野飲我既時候講左我要既係鴛鴦(我叫咖啡), 我問佢, 佢又問番沖野飲o個個人, 2個研究一輪先話原來我o個杯確係咖啡.....唉.....戲院里美心朝早太旺喇....我諗我都要另覓搵食地點喇..

今日0係度買0左個碎蛋沙律粟米包食...5.5 蚊一個..但真的好難食呀!!!d碎蛋唔多,但有陣怪味,好似嘔味咁,而d粟米味又好重,好似落0左好多粟米汁落去整,但d粟米味根本同蛋沙律一d都唔夾...d粟米汁又整到個包濕哂淋哂...我自己就受唔到呢款包... 好失望...唔知似乜!

買0左個粟米肉鬆包, 包ok好食,但肉鬆唔多,同粟米0既味都唔太夾,而且粟米份量都唔算好多,總的來說,五個几買個咁的包我覺得唔太抵食囉...美心0既包,係可以再做好d0既...但呢款真的麻麻地

想要細包d都唔得...原味既一定要大包裝...食過三隻都係原味最好食,因為choco 同檸檬味係超少,咁我寧願佢冇,要原味!同樣鬆化同多杏仁

有人生日，在此訂了一個三磅的生日蛋糕，係栗子蛋糕朱古力脆脆底。栗子茸好好味，忌廉好滑，而底層的朱古力果仁脆脆好有口感，整體而言這個蛋糕真的不錯呢！

買0左個鮮奶包食,見佢外觀都唔差,我諗都會几好食.我同家姐一人一半,人一人啖,大家都話啖啖好食呀!!個包真的好重奶味,冇呃人,而且極到鬆軟,個包好幼滑,好好食呀...上面仲加0左d糖霜,越食越停唔到口....就咁食已經好好食,根本唔洗加其他餡食呢~

今日行開,買個車打芝士包食.睇廣告個包就賣到好靚,d芝士漏哂出黎,但今日食發現完全唔同.d芝士唔算特別香,份量亦唔算特別多,亦冇溶哂出黎0既效果,包就有美心包0既一般水準,夠鬆軟,但今次呢隻味就普通d囉...

今日買0左個蕃茄露荀包,食落覺得麻麻地個包係蕃茄包,我最鐘意食佢地0既蕃茄包,好香蕃茄味又好鬆軟~包面就加0左几片蕃茄同埋几條露荀.蕃茄焗過都ok0既,但乾0左少少,露荀有d苦味,同埋露荀+蕃茄好似味道唔太夾....所以...包身好食,但餡料就一般...