美心西餅 (已結業)

七月十六日(星期三)今日中銀賣奧運紀念鈔票, 我地襯lunch時間到附近中銀排隊, 半小時後, 終於輪到籌, 要半個鐘頭後先可以返來購買…趕忙去醫肚…經過MAXIM, 我地入左去看, 原來呢間可以係入面食, 時間緊迫, 買左以下東東食食食:薯蓉螺絲粉, 有點似Pie & Tarts的法式螺絲批, 不過係大許多既一個, 都唔錯, 汁會比法式螺絲批淡些少…我仲追加藍啤梨鬆餅,都唔錯,但係都是超群最好!而且老公話似發左霉咁!而老公仔就食多個焗西米布甸…佢話誠意推介, d西米一粒粒, 好有口感, 而個布甸幾甜呀, 比滿記的勝一籌…食完, 又趕回中銀la, 好忙一個中午…臨走, 我地又買定聽日早餐la…係乜?...待續….

星期日經過中環，就會有衝動想入去買麵包做第二朝既早餐。點解？因為呢間美心西餅既款式較多，外表已夠吸引，而且流量大保證新鮮，可以買到其他美心西餅店沒有既款式。今次買了一pack“新輕樂”全麥合桃南瓜籽包，麥包軟熟多麥，配以合桃加南瓜籽食落有口感無咁寡，幾好味。

(17/4/08)本來想買紫薯酥盒$6.5,但發現左新light的豆奶金提包,對豆奶情有獨中,就買左這袋(五條)。麵包一d都唔軟,實bun bun,豆奶味更加之感覺唔到!嘉頓的豆奶排包,勁香豆漿味,好食好多!美心單個麵包已經難食架啦,而家連家庭裝都咁不濟!如果佢唔係"緊有一間o係左近"方便,d人都未必選擇。

忽然口痕，到這兒買個麵包。見這個「綠茶白巧克力麵包」（$6.5）賣相漂亮。係綠茶麵糰製出來的麵包，外披上綠茶巧克力和白巧克力漿，味道OK。邊吃邊覺得有breadtalk 的感覺。說像simply bread 似乎更貼切！

芒果mousse cake落左太多魚膠粉啦, 唔夠軟身. 底下嘅仍然係唔太好味, 而且啲芒果味好淡, 始終都係simply bread 啲野有水準啲

白雪公主小小暖，　唔係好油膩，　撻皮都算鬆化，　所以都ok. 合桃包無嘜合桃味Fruit Danish Pastry Pastry好脆，　啲custard唔係幾好食，　而且有啲果膠味

20080112大型的百佳多有自己的bakery，以前常常幫襯黃埔花園的一間，印象最深刻是大大個的核桃包，7.9元一個，夜晚減價時12元有兩個，香甜有質感，屢試不厭。日前行經美心，見到有類似的款式，買來一慰相思：）結果是更加想念，不論是包什的煙韌度、核桃仁的香度或是整體的感覺，都相差不少。普通一隻麵包而已……

這間美心西餅很有趣有美心賣開的飽餅也有在simplybread出售的一部分用的是simplybread的tray和夾總之就是2間店的結合,幾得意wor! 今次買了2款平時分開出現的1. 拿玻崙真係好好味基本上每次經過美心都會買(但多數都會賣晒...)好脆呢>3<10分2. 蕃茄煙肉酥第一次食,非常好吃!酥皮仍然脆和微熱,超正細細件幾好呀10分

其實我係去中環皇后戲院附近果間美心。間美心好特別喎，比一般大，仲要有個廚房，午飯時間過左去，見到又有飯，又有意粉，又有焗薯，又有特色三文治，好多選擇，難怪咁多人！今日有粟米魚柳飯，見佢個display都好似幾靚，要左一個，但係食落就真係好美心快餐，魚有兩塊，大細都可以，但係硬左少少，好在個皮唔厚，不過真係乾左些少，汁就好普通，白汁加粟米，唔算好好味，但可以令個飯無咁乾囉！叫做過得去咁啦！

(28/11/07)最鍾意那些,半酥皮口感的麵包。栗子攪成粉末般,旋轉在麵包中。預期以為是栗子醬餡,切開是這樣,真是好suprise~正!下次要試千層磅包先!($15三片咋....)

今日下午茶就係"朱古力"tart 啦!!! 我覺得做得唔錯, 有朱古力味, 唔太甜,d糖落得剛剛好, 個tart有口感, 唔係"林"pat pat , 幾好幾好, 我會再幫襯ar~~同埋d職員好有禮貌呀,非常專業

(3/9/07)同事生日,大眾口味只有芒果。兩層的香芒之城$148,蛋糕內的芒果大大粒,芒果與蛋糕的罅隙,無cream,可能白色o個d係,但已成mousse,所以食完都唔漏,唔錯!初時見到側邊圍大片朱古力,成個底又墊住一大塊朱古力,真crazy!原來好好食架,dark之所餘,有點脆脆,食晒!再買了兩個迷你紅豆粒粒冰皮月餅$22,店員極之努力同我地搵,最後都要去隔離拎俾我地。不過雪得太久吧,皮裂了,食唔到冰皮的柔韌。

琴日食完個蟹柳3文治, 今日又好掛住呢到D 大大份嘅3文治, 所以又黎呢到買LUNCH LAAA~~今日要咗3文魚跟特厚麥包~好好味ARR~~比琴日個仲要好味!!!仲有ARR~原來係可以叫佢烘吓塊包GAA...不過我等佢整好個3文治先問佢, 所以費事ma fan 人地烘過LAA~~不過佢D SERVICE 都好好, 個女仔好好笑容, 又好樂意咁話可以幫我烘個包~下次就要烘麥包!!!

今日終於都食咗佢個3文治laa~~之前經過見到都冇試到~今日就要咗個磨菇蟹柳三文治~原來係好大份架!!!個包就要咗香草軟包~個三文治食落去好似有小小黑椒味, 都幾多料~ok 好味la~不過我諗我下次會要麥包, 因為個香草軟包ma ma 地...佢有好多款ga...搞到我都唔知要邊款好...哈哈~~唔緊要la~慢慢試吓laa~~$23有埋熱飲~都唔錯la~

這個叫滋ＸＸＸ／ＸＸＸ滋的蛋糕好好味道！是ＨＡＲＤ　ＣＨＥＥＳＥ來的，好重芝味！