美心皇宮 (綠楊坊)

營業中

休息中

難得年初四不用返工，找天2個朋友陪飲茶，大約等左20分鐘有得入去食野，今次我地坐樓下待應話多點推車仔，但最後係少於5架車走黎走去有點失望添，最後要點心紙加叫待應落單。但待應態度比平常差而冇咁親切幫手。今次飲茶最後每人$130，蘿白糕勁失望又淋又冇蘿蔔香，蛋散係凍又吾脆口，燒賣好食夠熱夠多料，馬拉糕太細幸好味道不錯，甜品多選擇但燉梨超硬吾好味。粉皮排骨加左豉油都冇味，豆腐正常香同脆口。粉果係太熟一甲就爛晒。所以話以平常質素係失望。

今晚外出用餐慶祝媽媽的生日！一年N個節日慶祝，漸漸地我們一家也只是簡簡單單吃頓豐富的就算了。這晚近近地，選擇了美心皇宮。娜娜平日喜歡選一些有「獻」汁的送，貪它好拌飯嘛！在餐牌上見到這個金瑤琵琶豆腐賣相不錯，便叫了一試。味道不錯，而墊底的菜芯也新鮮好吃。而媽媽則揀了半隻燒鵝，這個價錢在美心堂食不算貴，肉質也好！只是南乳味在肉較薄那邊顯得太咸，但整體仍算好吃！酥炸日本鮮蠔，相比價錢份量算多而且鮮蠔大大隻！香口但吃落不覺油膩，值得一試。選了個濕濕地的「一品砂鍋飯」。用料稍為高級，除了肉還有帶子，但味道似乎較為淡口。

母親節去了美心食套餐, 星期五晚好FULL呀, D枱又迫, 勁多人, 我們的套餐:芝士焗大蝦烏冬千絲花枝圓蟲草花甜豆炒煙鴨胸花膠燴火鴨絲羹鮑菇皇扒生菜清蒸海星斑瑤柱湯泡翠苗東江鹽焗雞荔蓉珍珠露中銀信用咭不用2千元, 實在係好抵, 還包兩渣橙汁. 份量都好大好足夠的, 大蝦都好大隻的, 幾爽口呀, 好大碟, 烏冬OK, 個汁好香芝士味的, 好味道.花枝丸係有些麵粉包住嚟炸, 都好香口, 不過花枝丸冇咩味.鴨胸好香, 同埋都好多的, 好食呀, 有淮生的, 又爽口, 這個好啱口味.個羮有點似火鴨絲湯米的湯, 只係加左些花膠絲, 其它的材料都一樣, 咸咸地, 但怪怪地.鮑菇都好片的, 好爽甜, 草苗好好味, 好甜, 唔漏. 隻雞都好入味, 都夠滑身, 唔肥的, 條魚OK, 幾滑及多肉, 唔會過老. 最後的湯水係芋頭西米露, 冇芋頭料的, 好水好水咁, 西米好少, 呢個真的唔掂, 好難食, 食滯好大窩係度呀.

薑糖豆腐花 bean curd custard HK$68/桶(建議3-4人share)即叫即撞木桶豆腐花！清香的黃豆味，加上香濃而不澀的薑汁，更有點牛奶香味，滑溜可口😛yum yum

家人約定前(14-2-2015 Sat)晚食團年飯,而佢o地都決定出街食,出街食,會冇位,即刻打電話去明星book,8:30pm至有枱,咁唔好喇,爸爸等得咁夜.打去美心皇宮,話8:00pm,但o黎到都要等一陣,啊,照book住先.到呢日中午,美心打電話俾我,話6:00pm有枱,因有人取消booking,問我要唔要?我問有冇限幾點交枱?佢答有,8:00pm要交枱.我答我遲少少覆佢.佢話好的,但快,因唔多枱,而且第一個就打俾我. 咁我問屋企人早唔早到啦,但唔得,趕唔切,於是維持8:00pm,當然,我都同美心講返,唔好拖人o地.最後佢o地7:45pm俾到枱我家人,我o地,研究完menu後,就決定要$598.00o晚樂聚天倫四人套餐再點啲菜,點好後,好快有:1. $98.00o既財源滾滾來(雀巢炸桂林蝦丸)上到枱好精緻吓,o岩o岩有8粒,佢唔係好熱,口感同味道都正常冇問題;個雀巢就用春卷皮炸成,原以為唔脆會’益’.但原來唔係,係新鮮炸,脆口o既.味道: 3.5分2. 餐裡面o既豐料例湯睇到湯料係節瓜煲豬(月展)o個類,睇到個湯都唔太油,顏色幾靚,飲落幾舒服,鹹度適中,亦唔禿有味精.味道:5分

昨天家姐個囡百日宴, 訂左荃灣美心. 7:15PM去到, 已經有好多人, 枱的座位好迫, 我們有十三個大人, 張枱迫到一條上菜的空位也沒有. 齊人就起菜啦. 先嚟一碟生炒排骨, 點解細碟左咁多, 再嚟片皮鴨, 細碟的鴨, 一籠皮, 醬一碟, 冇啦, 家姐問仕應那些蔥及青瓜有沒有, 仕應說依家咪俾你, 態度已經不友善. 再嚟係翡翠花姿蝦仁, 又係好細碟, 一碟黑松露醬脆皮上素卷,只係得八件, 我們係一圍, 起碼有十二件吧, 我們一路食一路討論點解D餸細碟左咁多的, 又唔夠分, 鴨皮只有六塊, 問仕應可否要多一籠鴨皮, 佢話你地個餐係咁多架啦, 要另外加錢, 咁我地就加左一籠皮啦, 但越食越唔對路, 問仕應究竟呢個餐係咪十二人一圍的餐, 她竟然答係呀半圍六人呀麻.....我們訂的是十二人一圍,唔係半圍, 她話咁我叫廚房補番果半圍俾你啦. 然後繼續來那半圍的菜, 馬上叫他們叫廚房停止再出半圍份量的菜給我們, 我們要完整一圍的份量. 那些仕應只是不停說那負責落單的在廚房跟進中. 過了一會兒, 那負責的四眼男仕應生定部長定甚麼走過來跟我們說已經幫我們跟進, 會補回那半圍給我們, 我們問他那片皮鴨

同東海堂呢篇食評http://www.openrice.com/restaurant/commentdetail.htm?commentid=2387754&tc=sr2&con=rvw講o既一樣,我o地o係東海堂同美心都買啲送禮同自用.呢盒美心原價$178.00員工價$78.00o既流心奶黃月餅同原價$336.00員工價$178.00o既雙黃白蓮蓉月餅都 係我o地決定自己食o既.咁o岩,21-8-2014o既蘋果日報, http://hk.apple.nextmedia.com/supplement/food/art/20140821/18838620有介紹呢隻流心奶黃月餅,話用微波爐叮幾秒就有流心效果,同話佢好好味,睇o黎我冇買錯. 之後我o地拎返屋企喇,睇睇個盒,好細個,但裝潢幾靚,打開睇, 個月餅比迷你月餅更細件,度一度,直徑只有4.5厘米,真係超細件,即刻覺得有啲被搵笨. 就算佢唔寫迷你,都已經有心理準備係咩size,但唔係咁囉.31-8-2014(Sun)朝早,我終於忍唔住要攞o黎食,我同男友先食半件,打開睇,個皮都幾油,切開埋,內裡真係半流心,顏色亦比較深.食落,蛋

上星期五同屋企人嚟左美心皇宮食母親節飯, 見到呢個套餐平及中銀咭有折,一早訂左枱,又冇分時段,GOOD. 我們13個人訂左七點,但係等齊人都要8點幾,一路見越嚟越多人嚟,坐無虛席.套餐係有上湯龍蝦伊麵,龍蝦冇咩肉,唔夠爽口,伊麵好味,好大碟的炸蝦腐皮卷,份量都幾多,炸到好香口,好味呀,啖啖蝦肉蒜香雞,好味呀,好香蒜味,同埋好多醬油的,雞都幾滑呀翅,都OK,唔會好結好多漏汁的感覺,都多料的呀,有些蟹肉,魚肚,翅等花膠鵝掌,好大好大好大隻花膠呀,不過我覺得好厚,好膠,可能我麻麻地花膠,可能細件小小,或者用刀叉食好D呀,鵝掌都幾大隻,好味的豆菜苗,好好味,好鍾意食,力埋芽菜一齊食,正呀魚,條魚好大條,不過蒸得太耐,好老呀,D肉都唔滑呀.最後的甘桔馬楴露,好怪的味道,可能又係我地唔鍾意食馬碲露啦,所以覺得唔太好味,甘桔味道又唔夾,總之好怪的.套餐還包兩渣橙汁的.美心係大碟夾抵食的呀,服務又好.

返工的食飯時間，約左屋企人荃灣飲茶睇過開飯，地鐵站附近的南豐中心有兩間酒樓，一間服務差到會問候家人，一間等點心時間冇半個鐘都九個字…基於食飯時間有限突然醒起綠楊坊有間美心皇宮，所以黎左入到去已經下午茶時間，兩點九到…已經有位…坐低d阿姐就叫我快d去d推車仔度拎野食…三點就冇車仔這個年代還有這些點心車的酒樓真是小之有小我即刻去拎d燒賣，雞扎，鳳爪…大家即刻唔客氣…食左先！由於大家都係點心怪的關係，三個人都叫左超過十籠點心講番食物大部份都係不算大碟燒賣，雞扎，牛肉球，叉燒包…不過不失炸物叉燒酥，咸水角…不會覺得油膩熱氣還有點了兩碟小炒，55蚊一碟：火鴨炆米…湯好清好味，不是味精湯，但鴨肉好像不太新鮮有點霉味咸魚雞粒炒飯…足料，雞肉好大粒，我覺得可以，但兩老都話咸魚味唔夠驚喜位：鮮竹卷…開頭望個樣以為灌湯餃，睇真d先知係咩，超多汁…仲有舊菜膽整體黎講可以接受…一個鐘內黎齊晒食飽飽食埋糖水走人

今年中秋節去了美心食套餐,都幾抵食的,2000左右. 套餐有兩渣橙汁,蚌片,炸芋盒,雞絲羹,鮑魚冬菇,片皮鴨,蒸魚,雞,豆苗. 炸芋盒好好味,好香口,我食左兩個添呀. 蚌片都爽口的,鮑魚好味唔會好硬,都整得啱啱好呀,片皮鴨唔算好大隻,不過都唔會太肥,好味,我地仲加了50元用涼瓜炒D鴨肉,真的炒得好香,涼瓜唔會太苦,GOOD,蒸魚有兩條的,一般啦,唔算好滑,有點老,豆苗好好味呀,我好鍾意食細細的豆苗,用湯配一些海浙絲好鮮甜呀.還有豆漿馬碲爽,第一次咁食,有點怪.因為星期五的關係,因為有擺酒的關係,我地呢餐飯食了三小時,上菜速度慢得驚人.....

平日六點半入座, 唔駛等位, 入面唔太多人, 不過到左7點半就坐滿大半個場.樓底好高, 個場好靚, 好舒服.第1次食美心皇宮個燒鵝原來超好味! 又唔會肥,冇肥膏!西湖牛肉湯, 一般龍蝦銀絲粉, 好多龍蝦肉, 少少辣, 好入味.. 

金銀蛋浸莧菜($65)很多蛋白,但皮蛋粒和咸蛋黃卻很少。嫩嫩的莧菜浸泡在上湯,味道適中,不會過咸或過淡。八珍扒大鴨半隻($98)與八珍炒麵的用料不同。計有鮮魷,冇味蝦仁,海參,香滑鳳片,叉燒,泡油春蛋,吸收濃汁的魚肚,薄片帶子各兩件,一開二小棠菜四棵,當然吾少得半隻燜過龍的鴨。筷子一挾,皮,肉和骨很容易分開,味道和肉質就像我兒時吃的罐頭紅燒排骨一樣。德國咸豬手($98)賣相吸引的咸豬手熱辣辣上枱,店員用刀叉把約六吋長的豬手骨肉分離。怕吃了脆卜卜的皮會上火,可沾少許附上的南乳醬,油膩和熱氣感盡消。豬手的肉與超市檔口賣的豬手味道一樣咸香,很嫩滑。

每一年中秋，無論如何我都一定會吃些月餅應節，其中陪伴我大部份中秋時光的，必定是美心雙黃蓮蓉月。今年有點例外，捨傳統而取奶黃和冰皮，新意感大增，味道也不錯。美心在冰皮市場算是遲起步，可能知恥近乎勇，投放的心力研究卻不少，今年的冰皮月餅，相比起往年，餅皮更煙韌，也更為好吃，據說，是多年研發成果的收成。今年吃到的冰皮，是仲夏水果系列，以雙水果味道作賣點，共有四款味道，分別是粉紅番石榴杏脯、藍莓二重奏、士多啤梨、熱情果柚子，每款兩個。仲夏水果系列，中間的是水果果蓉，選取的都是夏日當做的水果，在秋意漸涼的日子感受夏日的氣息，讓人感覺很舒服，哈哈。四款之中，個人最喜歡熱情果柚子，熱情果的清新和柚子的酸甜很夾，和冰皮的味道也很匹配，吃了一整個也不會很甜膩，不錯。唯一要挑釁的是中間沒有果蓉的口感，可能是水果種類的問題吧，沒有如士多啤梨那一款的口感。至於士多啤梨和藍莓兩款，在室溫下解凍一會，中間的流心效果做得很不錯，也不會很「藥水」的味道，喜歡流心的朋友可以試試。最後是粉紅番石榴杏脯，最沒期望的一款反而有點驚喜，緣於個人很怕太甜的杏脯，但用杏脯做成的冰皮卻沒有太甜感覺，也是以清新為主，很特別。總括而言，

另一半今日OFF~所以齊齊去美心飲茶幫襯過本區其他酒樓..好似得美心仲係保存舊有特色"推車仔點心"食物方面..其實一向對美心集團都有信心~因為水準真係高D同集團係商場樓上果間酒樓~我地都係常客~食物質素同樣高~~~~~~今日第一次坐2樓~之前去都無特別開放~可能依家比較多人不過又唔係太多人鐘意坐2樓~因為無推車仔點心..要剔點心紙但對我地黎講真係無所謂~反而仲覺得幽靜好多^^我地點個"一盅兩件"菜乾粥+潮州粉果粥底比較杰~通常自己都會加少少水中和濃稠度粥底夠味~料好足..最鐘意食脆脆~伴粥食特別正~香口又唔會炸過火潮州粉果皮層好薄..有一隻薄到穿左~味道正..料足皮層夠煙韌"芋角"傳統酒樓炸點心~今次個味道ma ma..唔夠五香粉而且味道好淡+無乜料~外層就夠鬆脆"蓮蓉包"美心既包類本身都做得好好~由其中式包包層..好軟綿綿帶彈性又有包味黃蓮蓉餡好香..唔會好甜~餡料份量剛剛好..不過有蛋黃仲正(以前細個食有架)煮蓮蓉既時間都掌握得好好~因為試過有d食店既蓮蓉..燶+酸味的整體食物依然有水準~只係個芋角比較失色左

OK, so my wife's parents were visiting and I thought we should take them to Maxim's. Now, I had never been there before, so that was one reason I wanted to go. A second was that I had heard it was good and that it was a good place for tourists. Third, I'm a big fan of both Jade Garden and House of Beijing, two other Maxim's restaurants that have locations in Citywalk. And finally, Maxim's is right by the Sam Tung Uk museum, which is also touristy, if only moderately interesting.That being said,