美心皇宮 (屯門大會堂)

營業中

休息中

等位等左45分鐘,星期六日無得訂枱裝修華麗,座位舒適,待應招待好,茶香有賣點心呀姐推住點心車賣點心好懷舊呀臘味糯米飯-有幾片臘腸係飯面,糯米飯軟硬適中臘腸甘香可口鵪鶉蛋燒賣-味道OK懷舊下蝦餃-蝦肉新鮮好味,但係比較細粒豉汁蒸鳳爪-鳳爪好入味,重有柚皮係底,好好味牛肉燒賣-其實同生竹牛肉無分別,只係少左塊腐皮,新鮮好味麻蓉包-又係懷舊之選,幾好味,麻蓉裹面加左咸蛋黃,值得推介重有叉燒包同鴨腳扎都幾好食食物環境同服務都好好如果唔洗等位會更加好

終於等到美心皇宮開返。亞爸對茶超高要求。吾知係米屯門人個個都係咁諗。今日終於可以食到。今日一早0930吾洗等入去左。裝修更華麗。待應一樣招待勁好。茶香。點心一樣好味。最鐘意食佢既粟子西米布甸。多粟子又吾甜。超推介千層糕就冇咩南瓜味。但幸好吾甜煎腸粉....亞姐煎得脆口好味...多蝦米待應真係十分好。未到甜品時間話要等。到11點入返黎問洗吾洗落單。感動～美心皇宮已係屯門十多年。待應一直保持得好好。超讚5個點心加2個茶錢都係$166。值得比這價錢。

呢間美心成日裝修今次趁佢裝修完黎試~裝修的確堂皇~樓底高係賣點~環境一流~服務好~用具靚~叫左兩道菜唔記得叫咩豆腐喇~不過好味~而且勁足料~個汁好正~呢碟抵啊~因為有幾樣野食~有鴨架~個汁都係好正~同家人食最正~

美心皇宮用了一年時間去裝修, 8月頭終於重開啦,本來打算一開張冇耐就去試, 但係真的勁多人,所以放棄了, 之後過了幾個星期才再嚟, 都一樣咁多人,不過照等, 因為地方大, D人攞完飛好快放棄,所以我們要等100幾張飛, 但大半小時就到,都好快呀.坐在一樓最盡頭近禮堂位置, 裝修係華麗左, 地方闊落左, 本來係以為冇左燒味檔, 因為之前係門口, 但係裝修後冇左. 媽媽話見到有人食叉燒飯, 初初看餐牌的時候係睇唔到, 可能心裏面已覺得佢唔存在.其實係有的, 我們叫左一個蒸蘿白糕,珍珠雞, 仲有一碗叉燒飯. 這裏還保留推點心車的傳統. 食物方面退步了不少, 珍珠雞入面D配料只係一些肉碎,還有好多醬,好咸呀. 蘿白糕就勁硬呀,好多粉的,雖然都有蘿白絲,不過真的好實好硬. 叉燒飯都OK,但都冇以前咁好味呀.我們的結論係唔會再嚟啦. 

屯門美心皇宮屯門美心暫停營業了一小段時間作內部裝修, 完成之後好一段時間了, 才再來飲茶。又不覺得用餐的部份有太大的改動噢, 入口的地方倒是堂皇了不少。早上8時左右到達已經要等50張枱了, 足見其人氣之盛。不過這個場勝在夠大, 半小時多一點就被安排入座了。點心車會用點心車的酒樓已經愈來愈少, 都轉上用點心紙。雖然劃了點心廚房才蒸, 食物固然是新鮮點熱辣點, 但就少了每當有點心車經過都不禁探頭張望的樂趣! 美心皇宮的點心車也做了革新: 加上了電子螢幕! Errrrr 各位覺得又如何呢,,,? 我就覺得有點不倫不類, 電子螢幕中的相片又不及車內的籠子吸引, 是不是多此一舉呢?金錢肚是日最好吃的點心: 金錢肚。去酒樓飲茶最怕就是見到橙色的染色金錢肚, 除了顏色不自然, 一般都醃得軟綿綿毫無質感, 非常難吃。但這籠金錢肚不單單用料靚, 金錢肚又新鮮又爽口, 配上微辣的黑椒醬, 好吃就是這樣簡單!鵪鶉蛋燒賣每次來到美心必吃的一道點心就是鵪鶉蛋燒賣。沒辦法, 不是太多地方吃得到嘛! 豬肉燒賣不太油膩, 香口鬆軟, 好吃。鵪鶉蛋嘛, 我開始對全熟的鵪鶉蛋有點悶了。會不會有機會, 可以製做一個有溏心鵪

妹妹的一歲生日，除了中間去Outback吃芝士蛋糕、下午茶吃Haagen Dazs，還到了最愛的playhouse玩樂，然後夜晚到美心皇宮用餐。到訪過這裡很多次了，同樣都是美心系，甜魔媽媽覺得它比V city的八月好吃，而且由於樓底較高，人多也不太覺得嘈吵。這晚我們訂下一張大檯，可惜玉仔姨姨要上堂來不到，但也有七大兩小兩B一起開餐，非常熱鬧。每次吃飯，小兄妹都難免成為焦點！另一邊廂，是溫婉可人的小壽星妹妹；雖然不知怎地，她的頭cool掙脫變了髮型，但也一樣可愛～雖然小兄妹 (特別是妹妹) 才是當晚的主菜，但也寫一寫食物吧！沒有點珍饈百味，一家人吃的都是家常菜，首先是叉燒皇 ($78)，帶點肥而肉質鬆化，香甜好吃，很快整碟消失了～客家釀豆腐煲 ($108)，那釀豆腐做得不錯，而且配料包括魚雲及蜆隻，加添了不少鮮味。不過為了令豆腐入味，那奶白色的湯非常的咸，無法飲用了～很喜歡吃美心的中山蒸蘿蔔盆糕 ($58)，這樣大大盤一家人圍著吃，特別有氣氛又美味。推介！一品發財素菜盤 ($78) 有個好聽的名字，味道就沒有太特別，最好吃其實是中間的粉絲！多些就好了～燒汁咸豬手 ($98) 十分的好吃，

個日親戚搞滿月，平時好少去e間食-0-不過我覺得d野食麻麻地姐間房幾大,有2台雀局去到睇下餐單,有雞有魚有豬,都係個d宴會野食，不過個杏仁花姿球同燕窩羹幾得意。我就平時少食個度d服務幾好嘅,客人到佢地同黎問你飲咩,你飲咩茶佢地都記得斟番個樣比你同埋有得打牌,waiter都會斟水比水你飲不過個日無橙汁，個7喜好bad囉,似水又無氣>_<講番野食先佢差5多每碟餸黎都幫你換碟@@本人覺得有d5環保其實可以5洗換@@乳豬--宴飲必有嘅,但e間5好味,5脆,隻眼好好笑,有電杏仁花姿球--5多夠熱又5夠彈牙,杏仁片較多hahae個比較好d，西蘭花炒雞片蝦仁,ok的個燕窩羹好多燕窩5係平時嘅翅;)環保嘛^_^支持e個有個菜包住髮菜,幾特別,味道ok(y)蒸魚--有d韌,過左火,有d"鞋"

星期日同媽媽去左美心飲茶,2點幾先去到,本來都擔心好多人要等好耐先有位,但係果日出期地快喎,等左十幾張枱,叫得好快就有位啦,我地坐二樓,點心車都仲推緊,茶都未開已叫左一籠百花釀魚肚,三大粒蝦丸,底有魚肚,好好味,蝦丸好爽,魚肚鮮甜呀,GOOD.另外,我地叫左一籠糯米包,有三隻,糯米包已經唔係周圍都有得食了,好有特色的點心,糯米有些少配料,唔會太過淡,有點咬口,幾好呀.還劃了一碟三色糕同埋煎蝦米腸粉呀,等左好耐都未到,跟住追左兩次先嚟呀,不過見佢都真係熱辣辣的,煎腸粉唔夠金黃,豉油唔夠多呀,如果金黃色都香D,同埋豉油多D仲正.但腸粉都係好滑身的,有些少蝦米幾香.另一碟三色糕都煎得好金黃,好香,芋頭糕好粉好好味,蘿蔔糕都OK呀,唔會只係粉,冇料,馬碲糕都好多馬碲粒係入面呀.

AE卡在美心集團旗下的指定餐廳有半價實在是好抵，可是不是想食就食，因為經常FULL BOOKING，特別是在假期和九龍區的分店。無心插柳之下，著友人試下訂枱食飯，昨天竟然訂到今晚的美心皇宮，都說，在屯門區食飯是方便得多。未夠六點的美心已經熱鬧非常，原來WALK IN更餘下三張雙人枱，不消五分鐘便滿坐了。雖然我們有訂位，不過已經要坐到廳房裡去。一坐下便有收費小食，是我至愛酸菜$10﹗份量有一大碗，少鹹多酸，超級對口味，最特別是加了蝦乾碎之類，很香口的，簡單的餐前小食都可以有這樣水準，實在好想加添呢。小吃也是我喜歡的海哲頭$48，雪得夠凍，海哲頭軟滑亦不失咬口，一陣陣的麻油蔥油香，簡單便是最好食。兩人分一窩翡翠鮮拆雄魚羹$88好似過多，實際每人分到兩碗半左右。湯羹質感也不是那些嚇人的’鼻涕’，煮得比湯挺身少少，很易入口。份量非常多的菠菜碎佈滿湯羹內，配以少少蛋白和適量鯇魚肉，味道清淡宜人，而且無什麼油份，是一個健康湯羹之選。欖梅砵仔骨$72應該是推介菜之一(在餐牌內它有張大頭照XD)，砵仔小小的，盛載的排骨食極都有似的，的確有很多呢。排骨炸過後再放入醬汁中煮，令排骨表層帶脆，入面的肉鬆化不

果日我放假同屋企人去飲茶，因為未過正月十五，所以仲有新春嘅點心。於是我哋都叫咗幾款試吓……1. 盤滿砵滿 $58（鮑魚小盆菜）：價值唔值，味道一般，不太突出，而外型亦十分普通。2. 南乳炆豬手：味道都 ok，不過南乳味可以 D。3. 富貴榮華（金華火腿酥）：外型好 Cute，味道特別，有少少咸香味，比一般嘅叉燒酥特別，更勝一籌。

果日我屋企「做冬」食飯，我哋決定去屯門美心皇宮食晚飯。由於我哋果日下午已經預早訂咗位，所以唔駛再等位。之前侍應就幫我哋「開茶」同埋俾咗碟「前菜」。 然後，我哋就先叫咗個燉湯飲。 飲完湯，就叫咗碟「燒腩仔」同埋點咗幾碟餸食。當然仲有我每次出街食晚飯必備嘅「白灼蝦」啦！

其實大家不要以為美心是連鎖店，出品一定普通，事實上，這裡的燒味非常不錯的。這個乳豬，外皮燒得香脆，薄而不肥，加上肉亦醃得入味，絕對不比燒味名店出品的差啊！

一兩年前,自己常常來這兒和婆婆公公飲茶,但自從他們轉移陣地光顧稻香後,便長時間沒有光臨記得這裡以前是海霸來的,而美心應位置音樂噴泉上一層,現在音樂噴泉不復再,海霸都沒有了,噴泉上一層亦改建過,最終時代的巨輪滾滾向前,歲月留下的只是回憶查看OPENRICE屯門頁,發現這位居第三的酒家,自己從沒想過惠顧,難得全家放假,便去飲個早茶吧不似其他酒家,這裡環境舒適,沒有人山人海的壓迫感,亦不會太嘈雜,而且復古地推點心車先叫了鵪鶉蛋燒賣,才知家人們對鵪鶉蛋怕怕,唯有自己將之解決,不過又真係幾好食喎煎堆脆而香口,蛋撻鬆化精美魚肚大大塊,糯米包充滿油香蓮蓉又滑又香, 反而十分鍾愛的燒腩卷略為乾身蝦腸D蝦大大粒,不過食得出唔夠新鮮,至於西米蓮蓉焗布甸則令人驚喜,大大碗,足料,美味,香甜整體水準不俗,下次會再光臨的,但離開時見已經要等位,所以飲早茶都係早少少起身抵D

差不多每天路經此地，但發覺原來自轉手多年而來，都沒有入過美心一次，一來是有種兩層的獨立酒樓，晚膳價位會較高，二來不在商場內，每每都醒不起商場門外有間美心皇宮與男家的家人做節慶祝，也就一貫的選擇在市中心的範圍方便幾家人集合，不想又到稻香明星這些，就提議大家都不多到的地點，轉轉新鮮感。樓底高，整面玻璃設計加上座位之間夠闊，人流又維持八成左右，是理想的用膳環境。菜色中上價位加上美心大集團經常有不同的信用卡優惠，原來吃起來比稻香那些的強逼套餐政策更化算。點了不少五邑和客家菜式，大家都合胃口，其中最受賞識的都是一大鍋的菜飯，用上芥蘭頭有咬口，份量足夠十人分享。燒味小菜都是一貫集團水準，中規中矩，招呼到位。相信即使二人來晚膳，吃點家常小炒的價位都不會太高，有機會再試。

去美心飲茶就多，食晚飯就少d機會啦，同屋企人行完街，一於去試下晚飯啦~梅子排骨，一向好鐘意食用梅子煮既餸，梅子味唔太酸，排骨新鮮~ 生啫豬爽肉玉蘭煲，有媽媽最愛既芥蘭，仲有大量蝦乾，好香好味道~~椰汁南瓜燴三鮮，三鮮有蝦、珊瑚蚌同帶子，蝦好彈牙，珊瑚蚌同帶子都好新鮮，加埋甜甜既南瓜，開頭以為用椰汁煮會好怪，但係又出奇地夾到wo~甜品叫左紅豆沙，有好多大粒既紅豆，仲煮到起沙添呀~ 好有誠意既甜品!!!