美富菜館海鮮蒸氣火鍋

營業中

休息中

▪️黃金鮮魷 驚艷度爆燈！鹹蛋黃粉漿裹着彈牙鮮魷，邪惡但停唔到口▪️脆皮牛腩神級反差！外層脆如炸鮮奶，內藏慢煮級軟腍牛腩，蘸喼汁更昇華▪️啫啫生腸煲街坊價錢酒樓功架！生腸脆嫩無異味，啫啫醬香撲鼻▪️ 薑蔥蜆蚧魚雲煲 - 魚雲滑如豆腐+蜆蚧鹹香雙重暴擊▪️ 椒鹽九肚魚 - 薄漿鎖住啫喱魚肉，撒椒鹽手法老道🥬啫啫通菜煲 - 阿姐即席翻炒誠意加分，蝦醬味濃而不搶街坊價錢呈現酒樓級鑊氣功架，特別推薦黃金系列同創新脆皮牛腩，適合鍾意「有聲有氣」大排檔風味的食客。服務態度親切有溫度，想體驗老派粵式小炒風情值得一試！

太子大南街都有好多美食，我最近到這裡品嚐了蒸海鮮，味道不錯。蒸海鮮前當然叫幾個小菜:🌟#燒乳鴿乳鴿有點燒過火，外皮酥脆，內裡乾身，完全食不出嫩滑和肉的鮮甜，有待改進。🌟#涼拌脆魚皮清爽開胃的菜品，口感酥脆，搭配著酸甜的調味料。🌟#潮式煎魚和辣酒花螺這兩道菜都展現了潮汕菜的獨特風味。潮式煎魚以新鮮的魚類經過簡單煎烤而成，魚肉鮮嫩多汁，外皮酥脆香脆，吃起來一口咬下去，彷彿能聽到嘩啦啦的聲音。而辣酒花螺則是一道辣味十足的菜品，螺肉鮮嫩，刺激的口感和豐富的辣味。🌟#蒸海鮮: #花甲王，#大扇貝，#石斑，#蟲草花荷葉雞 新鮮的海鮮為主角，搭配清淡的蒸煮方式，保留了海鮮的鮮味和彈性。蒸出的海鮮肉質鮮美，帶著淡淡的甜味，絕對是海鮮愛好者的最愛。必試！大扇貝的肉質豐潤，帶有微妙的甜味，每一口咬下去，都能感受到鮮嫩的口感和海洋的鮮味，讓人讚不絕口。最後食埋海鮮粥，香濃鮮甜，正。美富菜館以海鮮為主打，餐廳的服務友好，讓用餐體驗更加愉快。

今日早收工, 朋友帶我過黎食小菜, 呢間菜館六點半多已經坐滿人, 雖然菜館名寫住蒸氣火鍋, 但九成客都係選擇小菜, 其實我見到好多菜式都想點, 又平, 下次再黎試其他1️⃣砂煲蒜頭生啫清遠雞機乎每枱客都有點, 等待期間, 每次侍應經過我張枱既時候, 香氣撲鼻令到我胃酸翻騰, 半隻雞份量, 加上洋蔥,蒜頭炒香令到雞肉更美味2️⃣芥辣牛柳粒呢個牛柳粒俾我有驚喜, 我之前都有喺其他菜館食過呢道菜式, 但呢度既 wasabi特別攻鼻, 又唔會蓋過牛肉既味道, 邊食邊流眼淚, 個人喜愛呢個辣3️⃣金銀蛋莧菜金銀蛋即是鹹蛋+皮蛋粒融合一齊再煮湯, 煮出黎既湯特別濃郁, 我都飲咗幾碗4️⃣竹蔗茅根水服務員很好, 幫我翻熱, 而且唔會太甜, 消暑解渴, 我鍾意

呢區食肆真係點心🥧同餃子🥟最多，其餘都係屬於一大班人食嘅餐廳，除此之外就是打卡cafe。一直冇去呢邊搵食，因為大部分都係打邊爐/小菜/雞煲/串燒/烤魚….. 總之就唔係兩口子街坊食嘅嘢，原來呢間火鍋菜館係有午市好似茶餐廳咁嘅！唔係講笑，真係又抵食又有質素！本來星期日想去食，原來星期日唔開午市🥲鐵板豬扒炒公仔麵剩係見到啲芝麻同蔥花都覺得有heart! 公仔麵炒得剛剛好，豬扒夠味又夠穫氣！姐姐仲送例湯～$38 凍飲🥤+$3真係唔知呢頭有間似樣嘅茶記！碗湯超級大碗，不過比較淡同得嚿骨！第二次去見到比碗黑色咁嘅係藥材湯，所以我冇要喇，本來想叫焗飯但太肚餓，唔想等😅眼見左鄰右里都係星洲炒米 但略嫌唔夠咖哩黃色，所以叫咗我好少食嘅乾炒牛河！夠鑊氣而且唔油！真係可以Bookmark 做飯堂，為咗揀間近得嚟又抵又好食嘅茶記真係唔簡單😮‍💨呢頭好多間茶餐廳都好難食，雖然我就唔太喜歡茶記，不過呢間款式算多，有時候都要陪下男人食，而且終於有一間唔洗誇區又食得落口既🥹

縱然有標榜「蒸氣火鍋」，唯當晚九成客也是小菜選項，甚至，久坐後，聽到鄰枱卡位——唯一一張火鍋枱（亦非蒸氣火鍋）之客人打落有點躁底，向老闆娘投訴火鍋配料遲遲未到，又發出不清理髒碟之碎碎唸。「虎皮椒炒生腸」$98，配搭少見，而此虎皮椒剛好辣度屬小辣，不負擔，生腸份量好足，有薄身轉彎位亦有厚身腸頭，腸頭亦煮得爽口易嚼，味道豉椒辣味，醒醒目目。幾乎每枱總有鍋「乾煸」。原來是侍應一手捧砂煲、一手拿菜餚，上枱時將菜餚全數倒進已燒熱的砂鍋，以不銹剛匙快速拌勻，使之二度衍生鑊氣。於是，「砂煲蒜頭生啫清遠雞」$138裏面的蔥段、芫荽在面前剛好炒熟，味亦剛好吊出滲滿疑似美極味的半隻雞份量的雞件。又是另一味內臟：「杞子豬膶浸勝瓜」$88。先夾豬膶，共六大片，時間拿捏準繩，煮得剛剛熟，不腥彈牙豬膶味濃，反而是個別勝瓜件切得太大件，熟與不熟腍與不腍之間徘徊（也還是能咬開）配頗大量切片雞髀菇，少量杞子。河粉午市用畢，「乾炒牛河」$68經主客同意下以烏冬代之。出來效果有點似淡味版上海粗炒，以此價錢來說相對大碟抵食。見幾張鄰枱炒起之薑蔥蟹、椒鹽瀨尿蝦顏值相當高，於是加單後者，有行路突然跣低感覺。每隻中至大size瀨尿

菜單上的價錢跟收款不一樣菜單上話$10 醬油錢 賣單又話加左價$15小食得花生同幾塊薑片 唔食都要每人收$10都算最後嗌咗個滑牛單上又話$68 買單嗰陣時又話乜嘢加價 之後變咗$78龍門任佢擺懶到菜單價錢又唔改唔係想同佢計呢啲錢但開門做生意，可唔可以有返啲責任心希望呢間公司可以改一改嘢食已經唔係話好食真係得啖笑

今朝行過太子，見到哩間食海鮮火鍋既餐廳咁早就開左，即係有得食早餐啦，於是望下嗰menu啦，望到有嗰歐綠早餐喎，即係all day breakfast 啦「歐綠早餐」我嗌左煎雞扒，腸仔，茄汁豆，多士配熱檸水不過今次我就嗌外賣既，好快就有外賣啦，番到屋企打開嗰外賣，見原來幾大份啵，嗰雞扒有成塊手掌咁大，不過肉質就一般既，應該雪得好耐，有雪味，同埋煎得太耐？有啲乾身，鞋口既，條腸仔炸得都ok🤩因為好唔鐘意平時白烚嗰啲hea腸仔。

大南街的美富菜館，每次夜晚時段無位。逼住過對面k net酒吧用餐，當作外賣用餐。^_^芥末牛柳粒真的送酒首選。老闆美富餐館的服務員都好友善，街坊客差不多啦，食慣自然會再來。

美富菜館的芥末牛柳，以及黃金鮮魷。是每次必點的食物。夜晚宵夜或者啤酒送飯，呢道菜都可以陪伴。芥末不算太辣，牛柳恰到好處的夠嫩口，但都不是每次一樣，今次分量少左，一大碟4個人食就幾舊

美富是一間茶餐廳。近年做埋隔離豐璟雞煲，以香港人最中意食雞煲黎講。呢間深圳雞煲都幾好吃，不過最過癮的是醉雞，雞肉選材夠嫩口，有時候遇到肥雞多啲雞油都無所謂，醉雞採用花雕，友人開車只可以食深圳雞煲哈哈。

說真在，我不想向外人介紹這家餐廳，怕以後太旺很難訂到位置（而且我打字很慢實在懶寫）可是我已經一年第3次來到這家港式地道的蒸火鍋，每次來都可以讓我超級滿足的回家。小菜我沒吃過，每次來都一定是選蒸火鍋。韓式的蒸海鮮火鍋似乎很受香港人歡迎，可是我吃到的味道都很普通，而且幾層樓高的設計讓我一直吃得很趕，吃得慢的人根本沒時間仔細品嘗味道。美富的蒸火鍋是一樣一樣菜慢慢蒸，煮的時候會有老闆娘和店員幫忙調教時間和火候，蒸出來的雞肉、鮮牛、海鮮剛剛好超嫩滑！火鍋的菜色選擇多，而且非常新鮮，蒸火鍋的就是要新鮮材料！最後的粥底火鍋是精華啊，記得選有咸豬骨的，如果人多的話蒸得久，粥底會非常入味。老闆娘和伙計都是非常熱情又好禮貌，笑容親切，很用心在服務，所以每次吃飯都很開心。今天老闆娘說已經記得我了，要我多多介紹朋友，我才努力打一篇小小食評。價錢來說很公道，人多的話多點幾道菜都不會很貴，我和朋友3 個人吃大概300元/人，6個人吃（1月生日飯）大概200多。

有時出來食飯，都會以食物質素較為重要，不論食肆裝修如何美觀，食物唔好味一様冇人客來，今次就去咗太子呢間食火鍋，貪佢呢度做街坊客，款式會比較簡單D，至於味道如何要食過先知坐低就先點咗胡椒豬肚雞，等鍋底滾起就可以開餐，揭開已聞到胡椒香味，豬肚同雞肉同時已熟，先食件雞肉肉質嫩滑，豬肚入口夠爽滑，飲番啖湯底微微香辣又幾好味食完鍋底輪到火鍋配料，先有本地手切牛肉，我覺得本地手切肥牛會好食過美國肥牛肉味會香濃脂肪會比較平均，放入湯浸一浸就食得，入口鮮嫩口感十足，越食越滋味再來有豬粉腸入口爽滑夠鮮甜同手打鮮墨滑用料足口感飽滿，食材緊接一輪又一輪，係不知不覺又食完一餐完美火鍋

近排天氣開始轉涼，就會好自然諗起食火鍋，是日晚就去咗太子近旺角警署開餐，係附近一帶都有好多不同特色食肆係度，尤其係火鍋店呢度都有好多選擇，呢次就去咗呢間除咗有火鍋食之外，仲有蒸海鮮同佐洒小食提供至於湯底係胡椒豬肚雞，到火鍋配料就有本地手切牛肉係呢度必食推介，再點咗其他配料，等咗一陣已見鍋底開始滾起來，就可以食得咁先食咗件雞，肉質鮮嫩之外仲有陣陣香濃胡椒味道，而豬肚入口夠爽滑，而其他配料亦開始陸續送上枱上，至於飲品係啤酒先來有係即炸響鈴，食到熱辣辣響鈴炸得非常鬆化，可以放入鍋度吸收湯汁又得就咁食又得，又估唔到咁好食到另一款梗係本地手切肥牛，未食已見到肉質有光澤就知道有幾鮮，真係急不吸待品嚐一下，放入鍋度滾一滾就可以食得，入口食到牛肉嘅鮮嫩，油脂亦甘香，真係食完一碟未夠喉要再encall 一碟先可以滿足食慾再來有手打鮮蝦滑同自家製手打四寶丸，當中鮮蝦滑，肉質爽滑又彈牙，而四寶丸亦一樣咁好味真材實料其後仲有鱔片同鮮魚咀，鱔片肉質爽嫩鮮甜，魚咀夠爽滑甘香，美食一款又一款逐一品嚐，係不知不覺又食到一餐簡單地道風味火鍋

今晚放工因搭錯車，約了朋友食飯，但到達時已是晚上7時15分，以為正常一餐飯，最低限度都可以食一小時，但我們點了兩個菜，味道尚可，但只食了20分鐘，那些侍應已不斷問剩餘食物是否要包起，其實我是未食完的，二十分鐘點食兩個菜，跟住又要我們埋單先再食，這樣做生意手法奇差，是否點兩個菜，就遭遇到惡劣的態度，但兩菜一白飯，已經要二百三十元，一兜東風螺唔夠10粒收20元，話食因為東風螺貴要當兩份收，我無要求要小食，而且味道一般！總之令我光顧一次，已經再沒有興趣再光顧!

前幾日，有朋友生日，想去慶祝，但我地多人，都想食平平地得黎又試下新野蒸鍋，其中有朋友之前黎食過覺得又平又抵食，所以我地成班人即刻話好一入到鋪 ，其實都見到入面好爆棚，好多人食緊，當中都見到台叫小菜😋好，去相 咁叫左個瑤柱白粥做個底，上面我地叫哂海鮮為主，d野都好新鮮，仲會見到識郁既， 另外有叫到雞，魚啦，服務好好，因為都要食完一轉佢又要再幫我地擺海鮮上去，食完一款又擺一款咁，一定要夾起哂食哂先，再擺另一轉咁既，食得海鮮又多殻，又會不停幫我地換新碟。台台都一大班人 好有大排檔feel,一齊蒸蒸下咁，個粥雖然係白粥底、但到最後食都有鮮味 ，佢個粥底仲有得揀咸豬骨粥既，如果怕白粥味偏淡