美味點

營業中

休息中

今天下午17:30pm 前往九龍灣體育館接種第3針疫苗💉，以及18:00pm 前來到九龍灣工廠區美羅中心1期。美味點這裡可以看到主耶穌基督☝️和聖經的話語🙌。當order 下午茶的時候，車仔麵的其中兩款菜式已經售罄，改為牛筋丸🦬及龍蝦丸😊。而且選了沙爹湯底，牛筋丸和龍蝦丸入口的感覺，需要慢慢咀嚼。用餐前我自己合實雙眼，低頭謝飯禱告☝️。以及賬單上面同樣找到聖經的話語，以及水吧的師傅和姨姨在工作上聽著詩歌讚美天父😊。而且一餐非常實為的下午茶，不需要花巧，凡事感恩便以足夠。因為耶穌回答：「經上記著：‘人活著，不是單靠食物，更要靠　神口裡所出的一切話。’」馬太福音 4:4 (新譯本)

早上完成瑜伽練習，順道到附近小店來一個簡單午餐，店舖外貌並不驚喜，但店主的誠意另我有深刻的印象。無添加食物，分量充足，價錢合理，牆上的海報更是帶來小店特色。值得推介！

今天難得與好友一聚，享受美味的下午茶，銀針粉，炸蝦餅，超長沙嗲牛肉飽都超正，感到好幸福！同埋，原來由九龍灣地鐵站行去好快，穿過去港大專業學院東九分校的天橋，一落橋就見到，好方便，唔駛五分鐘。本來諗住擔心疫情，不在茶餐廳堂食，但佢哋有晒消毒液，伙記又周不時清潔，感到很安心，下次一定再來。

近排開始返夜校進修之生活。收工即趕到九龍灣，要係7點開課前食飽唔係易事。好在俾我發現學校附近呢間誠意小店。美味點冰室環境同其他茶餐廳格局一樣，但食物種類絕對不少。最重要是下午茶餐至晚上7點，令我呢d有時想嚟個輕食嘅都可以。上左4個幾月堂，都試左餐廳唔少菜式。常餐、歐陸式扒餐、日式拉麵等等…款款都大大碗，份量十足，價錢都只是50元以下，仲要包埋飲品。我最愛就是順德魚腐米線，魚腐味道新鮮，米線就軟硬適中，仲有配料甜酸菜、榨菜、花生、肉臊，湯底唔會好鹹，調味剛剛好。值得一提，餐廳的老闆娘同職員都非常友善，粉麵餐嘅食材配搭都給予食客好大自由度。

九龍灣工廠大廈有好多餐廳，但係有好多都下午就開始關門，但依間美味點就例外，而且依到到夜晚七點仲會有下午茶時段。貪佢依度下午茶款式多，唔單止淨係普通茶餐廳有嘅雙拼公仔麵，西多士等，依到仲有拉麵同泡飯等食物。我最愛就係食手撕雞水晶粉$37 大大碗，有酸菜榨菜花生等，手撕雞份量又多多，有時候食完仲想叫多碗。如果唔想食得多，可以試下小食類，依個炸魚柳同薯角都即叫即炸，好脆口，而炒蛋亦都唔會炒得過火，比得上澳x啲牛乳炒蛋

酸辣薯粉配蒜泥白肉。店家寫明不加味精，喝一口湯頭清甜，酸味溫和，辣味屬微微辣，平常只接受小辣的我也加了羹辣椒油。湯底有酸菜和肉碎，和著粉吃，滋味提升了。薯粉係我喜歡的幼身捲曲那種，煮得偏軟咗少許。這家茶餐廳，來了不少次，上次吃了個豬扒早餐，豬扒是鬆散得很，真的入口不用咬就散開。為什麼我要提豬扒？因為蒜泥白肉竟是炸豬扒淋蒜泥。well...豬扒都係白肉嚟嘅。同樣地，豬扒入口溶咁滯，唔係講笑。仲有個打咗芡嘅蒜泥，出咗事。

那個樣貌娟好，成日黑口黑面，每天一早就打扮得亮麗，別有一番親切感的老闆娘可能係其中一個成日返轉頭光顧的原因。當然食物同價錢都靚就係第二個原因。早餐嚟講，哩度嘅粥餐同大糯米雞餐係我九成外賣嘅選擇。22蚊(無記錯的話，定係25呢?) 一碗是日粥(今日係瑤柱肉碎)，細糯米雞，仲有熱飲，超值。味道一定對得住哩個價錢有餘，粥底半綿嘅爆米花，味道不錯，配料都好豪爽。糯米雞係好食嗰隻，糯米醬汁和餡都平衡，無蒸到溶哂米。

今日Lunch同事話帶我去食九龍灣「隱世」手撕雞水晶粉！呢間餐廳其實只係一間普通茶記，但對附近返工或喺HKU SPACE返學嘅朋友來講似乎好評甚多。 先嚟一碗例湯，餐牌寫明呢到嘅湯唔會加味精，的確飲得出個湯好天然嘅清甜，蘿蔔同薯仔煲到好腍，湯頭有肉香，飲完唔會有味精嘅乾涸感。手撕雞份量一啲都唔姑寒，佔咗碗嘅一半！而且用上雞脾肉，啖啖都好嫩滑。芝麻醬酸酸甜甜，唔會太水流流。水晶粉其實即係薯粉，煮得岩岩好唔會太韌，本身水晶粉無咩味，加咗辣椒，同甜肉燥，榨菜撈勻嚟食好開胃。

於九龍灣工業區， 除了碟頭餐廳， 好少少嘅餐廳真係屈指一算。六點幾過嚟上堂， 晚市嘅餐廳更加少之又少，唯獨這間美味店幫襯再幫襯。最喜愛就是它的常餐， 有奄列香腸， 薯角豬扒及公仔麵， 抵食又大份！試過兩次老闆還送湯添！ 我已經被老闆俘虜了我的心！普通一間食肆還有特飲， 例如桂圓紅棗茶， 玄米薏米奶茶， 真係唔可以睇少佢， 奶茶加玄米薏米， 少少黏口， 十分過癮。雖然它的裝修一般， 每次來到這區只會幫襯它。 唯一需要改進的就是它的餐牌， 密密麻麻太多字。

OPPA帶起很多人對韓風既熱愛除咗韓燒，一提起泡菜就一定會諗起韓國九龍灣每到午飯時間一間小小的店就會有人龍既出現廚師係韓國人，太太久不久都來幫手第一次試就已經留下美好回憶廚師每次都係笑臉迎人，不論你只係在面前走過的路人甲乙丙，定係幫襯的食客面對人多單多，仍然笑笑的~~~~點了泡菜豬肉飯$38下單後要到美味點俾錢呢頭俾完錢，就已經可以拎飯啦~~有速度!!!!!　先試下個飯先，香軟食得出並非一般茶餐廳的米到食泡菜豬肉啦~豬肉用咗腩肉部份，愛瘦的姐妹記得呢個唔係瘦架!腩肉唔油，厚薄適中泡菜味道濃烈所以食唔到腩肉的香，但食到滑泡菜同街買的不一樣，帶少少甜不太辣，對本人來講辣度適中，另多少少酸食落更開胃相信呢泡菜係廚師的獨門秘技另外仲有其他選擇想食既朋友記得要早啲去試過遲去的就揀唔到自己想想既野架啦

做嘢前講得切去食個下午茶，佢哋只開到夜晚七點，而下午茶就做到夜晚七點，價錢經濟實惠，食物夠大件，重標榜冇添加味精湯底濃郁很鮮味，有茶餐廳很罕見的米通粉，雪菜肉絲應該是自家製的，味道調校得不錯，但肉絲略嫌太老，份量很多；多士烘得很脆與牛油很夾；奄列蛋皮略嫌過熟，但內裏的火腿餡料加蛋汁很好吃；茶走很濃郁，不錯是次食常餐， 30幾蚊埋單；若是平日，只叫一個雙餸麵， 20幾蚊就埋單了，九龍灣的外出晚餐來說實在很便宜喔

下班後，又在九龍灣吃晚飯。誠然，一些九龍灣的小店隱世於工廠大廈內，一些即使不在工廈裏但沒有招牌，鋪位不顯眼，其實也算是「隱世」吧？從店外望入「美味點」，就覺得店鋪不算太企理，門口擺放太多東西，所以有時就算經過也發現不到，甚至未有信心走入。然而，放下這些偏見，看過門口餐牌，發現原來也可以食得很便宜啊！看過餐牌，發覺「精選常餐」最抵食呢。店內環境裝飾等設計簡單，用上假天花、牆璧都貼上各式的餐牌，盡顯港式茶餐廳的味道。這一餐不飲奶茶了，反而想試試朱古力。可惜的是，沖得未夠濃郁，要下糖才夠味呢。先上沙嗲牛肉米粉。沙嗲牛肉的味道有點「假」，那些真的是「牛肉」嗎？而且沙嗲汁欠奉。米粉還可以，但湯底有點鹹，似乎都是用上味精湯煲的。那條生菜都沒烚過似的，現在半生半熟反而不想吃。當然少不了常餐的火腿奄列、還有腸仔。另外可選牛油方包或者炸薯角。不過炸薯角成本及製作複雜度肯定比牛油方包高，再者原來炸薯角有那麼多！腸仔一般般吧，不是香煎脆仔，較遜色。奄列的蛋挺滑的，火腿不會切得太細，是個美味的奄列。選擇炸薯角是正確的—新鮮即炸，雖然未算很脆，熱辣辣，但絕不油膩！而且有很重薯仔味，薯仔也有調味，每件也大大塊，份

大霧了很多天，今天總算可以看到太陽的踪影，整個人的心情也好了很多。這次又找到一間新的餐廳吃早餐。這個食品記錄咭上記錄了餐廳名字之餘，也記錄了餐廳徽號的函意，頗有意思。而再細看之下發現有基督教聚會的宣傳品。相信至少老闆是一位基督徒吧，有意思。食物方面，這次選擇了西式早餐。外形精緻，做早餐很適合。主體是香草煎魚柳。味道不錯，有香味但不會太濃，而且一會因為是煎而太乾身。但粟米就遜色了少許，因為是冷的，與魚柳的溫度形成一個太大的對比。需要好好地保溫，否則就像是剛開了罐頭就放上碟的情況了。然而這個炒蛋算是加添一點分數。從外表看以為是港式那種全熟的炒蛋，但吃下去才知原來內層是很足水份的，有半生熟的感覺，很美味。在享用完這一頓早餐之後再環顧四週，發現在牆上這了一段金句，最後的「祝福大家」是很美好的四個字。重見太陽的一天來到這餐廳除了食物之外也得到別人的祝福，真是高興。開心就是這麼簡單。

今天亦是在九龍灣辦事，於是走來工業區覓食。上次來到美味點，已經是前了，今次再來，是為吃一個簡單的午餐吧。今次到訪，環境與上次差不多吧，而且是與一般食堂的環境大致相同，只是聖經金句有所不同，但在下卻沒有記下。看看餐牌，都是與之來過的差不多，然而今次卻又點回與上次的午餐好了。秘製豬扒煎蛋飯。其秘製在於醬汁中，吃起來是有點甜甜地的感覺，豬扒煎得都幾脆和軟腍當中的炸粉不血太厚。熱奶茶。在沒有加糖情況下，喝起來更具有茶味和茶香，只是加了淡奶令奶茶有順滑的感覺。每次一個人吃飯都是平平無奇，而且還是要看時間吃飯呢！

已經看見拉麵display很久了，終於有得吃其中一種喇！之前中午來過這家餐廳覺得幾好食。這天因晚上有節目所以就來試試這裡的拉麵好不好。原本是叫個曰式煎餃子拉麵，不過餃子已經賣完了。 最後選了一個秘製牛扒拉麵。好食之如總還沒有那麼熱氣！ 真的好好味! 好味到，想喝完拉麵湯！ 牛扒醃得夠入味，而且肉也很嫩，很滑。湯底很甜，很濃：夠晒味道！拉麵夠彈牙也好新鮮、配料有半只蛋。不那麼餓，聞到香噴噴的拉麵也會流口水呀！相信其他拉麵套餐也不錯。如果要吃到那麼好吃的拉麵，只有2：00到7：00就有供應，晚啦就只好明天啦！