美味點

營業中

休息中

今日Lunch同事話帶我去食九龍灣「隱世」手撕雞水晶粉！呢間餐廳其實只係一間普通茶記，但對附近返工或喺HKU SPACE返學嘅朋友來講似乎好評甚多。 先嚟一碗例湯，餐牌寫明呢到嘅湯唔會加味精，的確飲得出個湯好天然嘅清甜，蘿蔔同薯仔煲到好腍，湯頭有肉香，飲完唔會有味精嘅乾涸感。手撕雞份量一啲都唔姑寒，佔咗碗嘅一半！而且用上雞脾肉，啖啖都好嫩滑。芝麻醬酸酸甜甜，唔會太水流流。水晶粉其實即係薯粉，煮得岩岩好唔會太韌，本身水晶粉無咩味，加咗辣椒，同甜肉燥，榨菜撈勻嚟食好開胃。