美味故事 (已結業)

經過太子同旺角交界見到係大廈入面有間小店望上去好似幾吸引就入左去試下,上到樓後一入去估唔到8點幾呢段時間都full晒,店員安排左坐榻榻米好有日本既感覺.晚餐餐牌都有都有幾多款色選擇而且一個set既配菜有好多係一個完滿既西餐.首先晚餐會送上一杯芒果沙冰清清口腔準備一下之後既菜式,芒果味香濃好清新.食完沙冰就送上餐湯,餐湯係蘑菇湯唔會將蘑菇打到好細滑保留蘑菇既口感飲落啖啖菇蓉.前菜有3款蒜蓉包烤得好香脆而且蒜同牛油味十足.沙律分3款點左温泉蛋蟹籽沙律,温泉蛋滑中間一吉開蛋黃就流晒出黎沙律菜新鮮又爽口.小食有好多款而今次點左叫芝士神秘波波卷入面係雪到冰左既黑加倫子外層包住青瓜再加上一粒芝士粒成個感覺好清新.主菜點左慢煮安格斯牛柳估唔到可以做得咁出色經慢煮後牛柳肉質好嫩容易切又容易咬開中間切間見到粉紅色嫩肉牛柳勝在少油脂但少左油脂都不失牛香味.配菜叫左墨魚汁冷麵帶少少麻油香面上鋪上芋絲條咬落卜卜脆.甜品本來想試試主打既D24榴櫣慕絲但可惜咁岩賣晒所以就點左朱古力蛋糕,朱古力味濃如果蛋糕更濕潤就更加滿分.

去完教協行街，當然要e肚。上網見到呢間樓上餐廳環境幾舒適，而且位於彌敦道，好方便，所以決定一試。餐廳裝潢簡約整齊，光線充足，仲有榻榻米坐位，好有家既感覺。晚餐menu好豐富，一個套餐包：主菜、餐前飲品、餐湯配蒜蓉法包、沙律、餐前小食和飲品及甜品。全部都有幾個選擇。另外，有得比錢加大或加多一份，好貼心。最令人驚喜係呢度竟然係用WeChat點菜，幾新奇。落完單，吾洗3min，餐湯到。南瓜濃湯，飲得出係用新鮮南瓜攪成，夠濃但吾會太杰，忌廉增加左creamy度。日式麻醬蟹柳沙律 + 蒜蓉包 + 紫菜雞卷前菜都咁豐富，而且份量都吾少，真係好滿足。蟹柳沙律同麻醬好夾，紫菜雞卷貌似壽司，但係用雞肉做飯，啖啖肉，好正。食左咁豐富既前菜，主菜黎了。慢煮安格斯牛柳 + 肉醬意粉牛柳嫰滑，慢煮令肉汁鎖住，一d都吾un，食過番尋味。白桃藍蝶花特飲白白藍藍咁，好夢幻，味道仲好吾錯，吾會過甜。美式朱古力蛋糕，口感實淨，朱古力濃厚，朱古力迷必食。呢餐真係十分滿足，味道好之餘仲好豐富。侍應們殷勤有禮，收碟速度快，環境很優閒舒適。回頭率高。

在喧鬧的旺角背景之下，這裏像是另一個平衡時空，寧靜悠閒，可以慢慢感受美味的故事。所以六點我就逃進來了。這裏點餐用QR code。晚餐很豐富。有一樣很貼心的是只要加一部份錢就可額外多一份或加大份量（綠色顯示）。吃不多的人可以要一個餐再額外這樣加，我看見別枱的兩個女孩就是這樣。餐前飲品：鮮果沙冰。很冰，還好當天回暖了，要不然吃完打冷顫。蘑菇濃湯，口感豐富，但略為不夠熱。寒天海藻沙律。擺放有心思。寒天應該是透明那些，本身沒什麼味道但有口感，柚子起了畫龍點睛的作用，酸酸甜甜令沙律很好味開胃。至於旁邊的芝士神秘波波卷，應該是青瓜提子配芝士，青瓜爽口清新，所以一點都不膩。主菜：黑松露芝士焗大啡菇配酸忌廉焗薯大啡菇熱辣辣又juicy ，和芝士黑松露很相配，三者味道都感受得到。太好味，令我覺得這個大啡菇不夠大。焗薯對比下只能說暖，但可接受。味道也不差，和酸忌廉拌著吃很好味。水果茶，熱的，味道似fruit punch。可以慢慢談天歎著喝。美式朱古力蛋糕，特濃朱古力味，面頭粒粒朱古力是脆的，好有口感。下次想試D24榴櫣慕絲蛋糕，因為今次來時已賣光，看來下午這裏也很旺。

星期日行旺角，真係玩自殺，愈行愈燥，太多人，太嘈，太擠迫，太多外傭，太污糟。行一陣已經想逃走🙈🙈🙈上左呢間美味故事cafe， 簡潔環境，只是一層之隔，已經給我洗滌心靈，休息換氣。電子化揀野食同落單，唔明可以問職員，佢地好有耐心解答。一坐低就黎杯芒果沙冰，細細杯，好冰凍，如果係夏天就好鬼正。磨菇濃湯，有粒粒磨菇粒，幾好味前菜：温泉蟹籽蛋沙律和煙三文魚他他多士温泉蛋真係好梳乎，震滕滕，流心呀多士脆卜卜，三文魚他他醬入面都混有蟹籽，口感更豐富。主食：慢煮羊後膝隻羊後膝好大件，超厚身，獨食有困難，一定要揾人sharing。慢煮關係，肉質好腍，唔鞋口，醮埋啲黑椒汁，好惹味酸忌廉煙肉焗薯熱辣辣既薯仔焗成滑溜溜既薯蓉，上層鋪滿厚厚既酸忌廉和煙肉粒，一熱一冷，相互交融，分外好味水果茶 ，西檸加香橙，有啲似飲fruit punch咁，不過係熱既無晒我至愛既D24榴槤慕絲😭😭😭😭得返檸檬蛋糕同朱古力蛋糕，最終我揀左檸檬蛋糕由七層組合而成既檸檬蛋糕，層次分明，仲有意外驚喜因為佢竟然包含左馬拉糕。這個中西合壁的蛋糕，有別於一般既蛋糕，唔會太甜或太酸，口感特別鬆軟，蛋糕又不會散開

唐樓中的普通cafe可以食到高級菜? 是否令人難以至信呢?旺角近太子方向開了一間大約四個月, 食物高級, 價錢並不高級, CP值極高的的樓上cafe。雖然選擇看似不多, 但其實多到令選擇困難症的男友選了很耐, 耐得店員擔心我倆不會用手機下單!當日我們兩人只點了兩個套餐, 就包了多款食物, 足以令我倆滿足地離座~餐前小食: 芒果冰沙 ※ 推薦指數: 5/5他們對食物真的很講究! 未食任何菜之前先給你一個芒果冰沙清一清口腔!芒果冰沙有清甜的愛文芒味, 不會死甜, 加上好像沒加水般口感濃厚, 很不錯溫泉蛋蟹籽沙律 with 蒜蓉法包 & 三文魚他他 ※ 推薦指數: 5/5溫泉蛋熟度剛好, 將蛋篤穿令蛋漿流到野菜沙律中, 真的是又健康又好味!蒜蓉法包很新鮮, 所以脆口又香口! 而三文魚他他都很吸引, 好食得當一個小食賣都可以!溫泉蛋蟹籽沙律 with 蒜蓉法包 & 雙色水欖芝士 ※ 推薦指數: 4/5雙色水欖芝士味道不錯, 一口就食到黑醋&水欖&蕃茄&芝士, 真心正, 但就是普通了點~蘑菇濃湯 ※ 推薦指數: 5/5我們都選了蘑菇濃湯, 其實可另選南瓜湯的!蘑菇湯真的很濃厚, 蘑菇味十足又不會

又一大發現介紹比大家~美味故事係一棟好舊既唐樓入面, 係出面見唔到任何banner(係對面岸先睇到1樓有寫店名), 經過完全唔知有間餐廳係棟野入面, 唔係朋友推薦加上下面有人派傳單, 可能真係miss左都唔覺就咁睇餐牌覺得: 都幾貴嫁wo~ 但食完之後, 反而覺得: 超值我地叫左一個慢煮安格斯牛柳餐($278)同黑松露芝士薯茸大啡菇餐($158)!!單睇價錢確實唔平, 但如果我話你知, 佢地既晚餐係有包餐湯, 餐前甜品, 蒜蓉法包, 沙律, 餐前小食, 配菜, 飲品同甜品, 咁你又點睇呢!?平時我鐘意推薦大家食邊幾道菜, 但係美味故事真係每一款都係重點, 每一款都建議大家親自黎試試!首先講下佢個餐前甜品: 芒果沙冰, 細細杯, 好滑, 唔會只食到冰, 感覺好似啖啖果肉mix冰沙咁而沙律有3款, 溫泉蛋加入野菜沙律度好正, 而寒天海藻沙律就有好香既柚子味, 跟寒天好夾~餐湯: 南瓜湯同蘑菇湯都夠綿夠濃夠滑! 小食入面既雙色水欖芝士一啖滿足, 而芝士配神秘波波卷特別得黎又好味!主菜慢煮安格斯牛扒好鬆, 牛味勁香, 雖然唔大舊, 但真心高質, 配酸忌廉焗薯真係一流黑松露芝士薯茸大啡菇又係好夾

天氣漸涼，加上朋友不喝那麼甜，老公又未病好，我又唔方便飲凍嘢，本來餐前飲的沙冰令大家互望了幾次...😅可惜個溫泉蛋穿咗...蛋味都好似唔多夠，三文魚他他好次無上次黎咁好食，一來係塊包開始"硬"，至於上面的部分又講唔出差啲咩...菜新鮮，多士脆口，如果稍微再香啲會更吸引~主菜仍然高水準，沒令人失望慢煮安格斯牛柳，羊膝，三文魚都好好食~建議配羊的香草預先從枝子上弄下來，讓客人能更方便享用~焗薯都好食~我無食墨汁冷麵，因為太飽了...對大家的食量及身體狀況估計錯誤，點太多了😅不過好吃的食物是會盡力清的~幸好奶凍唔係太凍~之前食過好鍾意，所以今次都係想再食佢~好鍾意個柚子茶嘅味道~原以為同老公兩人一杯試下都可以，飲飲下想飲哂😛

同朋友慶祝生日當然要食好啲，就上網搵左呢間餐廳。望落門面有啲hea同見係樓上cafe所以冇book，好彩早到先有walk in位，去到7點幾8點已經full house。一人一個set，唔太貴，質素算高。同呢度落單係scan QR code，online落，甘就唔怕落錯😂先有個餐前沙冰，酸酸甜甜，幾開胃。沙律要左流心蛋，真係超好食，又夠新鮮小食要左芝士橄欖，水牛芝士配蕃茄超夾，不過橄欖就唔太喜歡仲有湯同蒜茸包，蒜茸包好香脆又夠味。湯飲左南瓜濃湯，夠杰又香甜。主菜要左慢煮安格斯牛柳，份量超厚身，食落唔會老好易咬！可能因為慢煮既關係，所以保留到好多肉汁，勁juicy!要左酸忌廉焗薯，有d煙肉粒，焗薯唔會太濕同爛哂👍🏻因為夜晚要OT趕deadline就要左杯咖啡，係illy coffee，very nice~配上甜品黎完結豐富既晚餐，不過甜品就唔算太出色了，其他既野食出色多啲。

約左朋友係旺角睇演唱會，之前緊係要醫飽個肚！決定黎試下呢間美味故事係點樣一個故事～唔睇住地圖真係好易行過龍，隱藏左係舊樓中間既餐廳時間尚早，一上到去店員叫我地隨便坐，我地當然選擇呢個特別既日式坐位啦～好舒服啊！mean一張睇哂，但其實有超多選擇！選完主菜仲有配菜、餐前小食、沙律、餐湯、飲品、甜品，超多選擇 樣樣都有得自己選擇搭配！之後店員比左個QR CODE我地，自己掃一掃再係電話下單，岩哂我呢d選擇困難症既人，慢慢揀🤣先黎一杯welcome drink!鮮果沙冰，好好飲啊，飲得出有芒果 百香果⋯⋯⋯唔知仲有咩生果呢～總之好好飲 岩哂餐前開胃！之後黎既係餐湯 我選擇左南瓜湯，好濃郁好重南瓜味，又夠滑，成碗乾哂，再多d都飲得哂～再黎既係沙律 、餐前小食、蒜蓉法 包 ！我呢款係日式麻醬蟹柳沙律，新鮮又夠多，紫菜雞卷好特別，你咪睇佢舊肉好似好生，其實係慢煮既情況下就會收成咁 好juicy架！主菜終於黎啦，真係食唔停口，食完一樣下一樣又黎啦～～～好大塊三文魚啊！！真係超抵食！有配左一小盤黑椒汁，點左好味 唔點又好味！唔腥又滑又唔會太淋，食三文魚好怕一野未夾起就散哂，呢個唔會啊！個皮又煮到脆脆地

有一日有個好姊妹約咗我話有一啲重要嘅嘢傾，同咗我嚟呢度食嘢，佢話呢度啲嘢好好食而且坐得又舒服， 我哋大家都叫咗一個西餅同一杯嘢飲。我叫咗檸檬茶同埋一件檸檬西餅， 你杯檸檬茶比較淡口又唔係好有茶味不過啲檸檬就唔係好苦澀酸酸哋又唔會過份嚴重， 我覺得呢杯檸檬茶都幾好飲 ， 同埋一定會啱我哋女仔口味 。嗰件 圓滾滾又滑嘟嘟嘅檸檬西餅切開啲 cream 係好滑既，味道酸酸地甜甜地唔會好過份，可能我個人就係鍾意食檸檬嘅關係，所以我覺得都係好好味。

今次係嚟朋友帶嚟既cafe，佢知我好鐘意去cafe，而佢嚟過食又覺得好好食，所以係麥花臣睇演唱會之前就特登約我嚟食飽飽先第一次嚟到cafe有呢種日式坐位，staff見人未太多，兩個人都俾我地坐，個位好寛落好舒服。睇menu發現咗呢度有一個比其他地方特別既地方，就係佢所有既主餐都可以加一個價錢去加大份量或者配多一份，咁可以俾一啲細食既朋友仔們兩個人share一份，而大食既朋友仔又可以加多樣食，加既價錢又好合理，呢個做法幾好 不過因為我同朋友仔都好肚餓，所以都係每人叫一個主餐嚟食呢間餐廳落單既方法都好特別，係掃個qr code，係手機入面落單就搞掂，呢個叫餐法又幾過引。叫完嘢食，職員好快就上咗個餐前飲品，一個鮮果沙冰，果味好濃呀，食完好開胃。跟住就嚟埋個餐湯，我同朋友都揀咗南瓜濃湯，味道好濃烈，一啲都唔會好水，好好飲！沙律就揀咗個溫泉蛋蟹籽沙律，餐前小食就揀咗煙三文魚他他多士，一次過就嚟晒啦！沙律加咗啲黑醋上去，好易入口。而個多士上既醬份量好多，食落去好好味。朋友既餐前小食就叫咗柴菜雞卷，食落去就發現有啲啫喱狀咁，感覺幾得意，好味！終於都主菜啦，肉食獸既我就揀咗慢煮安格斯牛柳($258)配

禮拜六晚，聽朋友介紹話旺角有間新開嘅西餐廳，出品幾好，價錢又幾親民下，約我同佢一齊試下。呢間餐廳都幾隱蔽下，係一棟大廈入面，與其話係一間西餐廳，準確d黎講應該係一間cafe更為合適，環境都幾唔錯，好適合同朋友食下野，傾下計。餐牌上d套餐都唔會話好貴，大部分都係300蚊內，有曬餐飲，餐湯，小食，前菜，主菜同甜品，認真豐富。我自己就叫咗個慢煮羊膝套餐。一開頭就黎咗杯芒果冰沙，冰冰涼涼， 酸酸甜甜，好好味，又幾開胃下。跟住就到餐湯，我就揀咗蘑菇湯，湯濃郁香滑，蘑菇味重就自然唔洗多講，最得意嘅係呢到嘅蘑菇湯入面嘅蘑菇唔係細細快，而係細細粒，基本上每一啖湯都有好多蘑菇粒係入面，唔單止更發揮到蘑菇嘅香味，更加豐富咗湯入口嘅口感層次，好好飲，好快就比我清曬喇。跟住就到沙律同小食。我點嘅蟹柳沙律就不過不失啦，而個小食煙三文魚多士都幾好味，細細舊多士，鋪滿曬煙三文魚，一啖擺曬落口，好有滿足感，煙三文魚調味調得幾好，唔會太鹹，有獨有嘅鹹鮮味，連埋酥脆嘅多士一齊食，味道同口感都好豐富。跟住就到重頭戲慢煮羊膝。我自己就好中意食羊嘅，尤其愛羊個種好獨特嘅騷味，呢個慢煮羊膝完全滿足到我，首先羊嘅騷味岩岩好，唔會話

放假緊係約朋友食下野gather下，依間餐廳叫美味故事，唔知食物係咪真係咁美味同佢背後係咪有故事呢？😌餐廳d位幾得意，係升高地板變成枱，好舒服同闊落，乾淨企理👍🏻依度係scan qr code點餐既，行high tech路線我中意～版面操作幾容易，話咁快我哋點好食物！芒果沙冰係餐前飲品，雖然細細杯，但都幾沙冰感覺，有d貪心，如果大杯少少就好。蘑菇湯好濃好香，蘑菇唔係好大粒，但佢切到好細粒反而飲落每一啖都會有蘑菇可以咬下！麻醬蟹柳沙律+豆腐餅n木魚絲：豆腐餅唔會太多面粉，而且因為係韓風既關係豆腐餅會有泡菜味辣辣地但唔會太辣可以接受，然後可食啖清甜既沙律平衡番，但蟹柳絲撕得好細條唔會蟹柳還蟹柳，菜同菜咁分開左！睇得出呢度嘅前菜整得幾有心思！我地一致同意要安格斯牛😎😎 雖然無講到要幾成熟，但控制得ok, 未食淨係切都覺得好冧，食落都好juicy，有入口即溶即感覺，正！主菜配墨魚汁冷麵😀 首先個賣相好靚，而且係會愈食愈想食落去！ 以為只係得冷麵，但會有蘿蔔絲，芋頭絲同蟹籽，令整體更有口感！甜品揀咗最普通嘅奶凍，佢用左3.6牛乳，細杯但幾好味，上面仲有紅豆粒，大滿足！ 食咗咁多野，最後仲有杯凍水

星期六dinner, 揀左間上樓既cafe~ 佢位置唔太起眼，我差d經過左都無留意😼，好彩樓下有人派宣傳單張，我先confirm無去錯地方🤣🤣🤣叫左dinner set, 一落完order, 好快就有餐前飲品，d野食一碟一碟上，timing岩岩好！餐前飲品原來係沙冰😯整得好溶好開胃👍🏻 前菜沙律都好大份量，賣相都幾靚😬主菜係香草三文魚，好大塊好夠味，好香香草味，而且煮得好Lum, 好易切，方便同朋友share😋由於太中意三文魚，所以配菜都係煙三文魚焗薯😝，以為焗薯係配菜，但都有隻手咁大份！薯皮冇痴住，真心正，煮得啱啱好唔會太硬又唔會太蓉，而且煙三文魚既份量都好夠唔係求其幾粒就算。上面有蛋沙律，幾好味！🤤🤤要提返其實有個餐湯🤣南瓜濃湯: 好濃的南瓜味, 夠飽肚，配住沙律同包咁樣，係好豐富的前菜。最後係有埋甜品同特飲😀 Dinner大概$100-200幾一個set, 唔算平但好多野食，兩個人都夠share! 推介👍🏻

每年11月都係同朋友之間既大日子，事關連我在內起碼有2、3人生日，今晚就跟朋友推薦黎到呢間樓上cafe慶生。Dinner Set屬中高價，望真d原來都好多野食，包括主菜、餐前飲品、餐湯、沙律、餐前小食、飲品及甜品。 靠朋友掃QR code用手機落單，單係叫一個set已經花多眼亂大把選項，岩哂想試多幾款野又眼闊肚窄既女仔。餐前飲品鮮果沙冰幾有誠意，飲到新鮮芒果香味又夠凍。南瓜濃湯大獲好評，濃稠幼滑香甜，撈埋忌廉更加香，大碗少少就好。溫泉蛋蟹籽沙律用左黑醋醬，酸酸地好開胃。 因為醬汁比較濃同搶味，最後留返溫泉蛋單獨咁食，流心有蛋香、煮得岩岩好。餐前小食揀左友人力推既紫菜雞卷，紫菜味好突出，味道似CP牌同類雞卷，不過不失。 雞肉顏色紅紅地，最後證實左係醃料顏色所致，其實係全熟既。慢煮安格斯牛柳 ($258) 配煙三文魚焗薯由於係慢煮關係，冇得揀幾成熟，切開都見到少少嫩紅。 牛肉好嫩滑軟腍，不過可能食慣熟成個種味道，感覺呢款安格斯牛柳肉味唔算好濃，點埋黑椒汁先岩岩好夠味。 反而煙三文魚焗薯好有驚喜，薯仔本身已經好軟滑同充滿薯仔甜香，配蛋黃醬同煙三文魚好夾，最後連薯皮都食埋。桂花南非頂級國寶茶個