美味廚 (已結業)

星期日下午六時來到，很快便能入座。座位之間的空間較少，坐得有點迫，但明白銅鑼灣的租金比較昂貴，店主希望善用餐廳空間。點了一份超值套餐，包括一碗酸辣湯和排骨菜飯，另外點了牛筋湯面和台式炸豆腐。約十分鐘後全部到齊。酸辣湯的酸度很夠，香辣度可再加強，配料方面木耳和豬肚亦有數條，算是不錯。排骨和菜飯放在同一碗內，排骨炸得有點硬，而且味道有點過甜，亦只是暖暖的。菜飯內的白菜亦比較黃，但味道足夠，不會過鹹。牛筋湯面普普通通，很像家裏的味道。牛筋煮得亦算嫩，容易咬開。最驚喜的是台式炸豆腐，豆腐表面炸得香脆，豆腐嫩嫩的，配合台式醬油膏來吃，簡單得來又夠美味。埋單兩人共$162，可以刷卡。如果在銅鑼灣不想吃西式，可以考慮這一間。

加價不特止，外賣份量少。有圖有真相。你地可見飯有幾高？排骨，魚有幾多…排骨加飯都唔過一半飯盒，不如環保d做細一半個膠盒？我家幾十年都有幫襯此老店，希望外賣正常一點多些飯，排骨一件量少，再搭多一少件可以嗎？此圖為裝飾後外賣

經朋友介紹才發現這家店，平日走過都沒有留意，一試果然很好吃，雖然座位不太舒適，價錢也不算很便宜，但味道確是很好！排骨菜飯，事實上是豬扒菜飯，排骨沒有骨，很軟很入味，肥瘦剛好，非常好吃！菜飯也有味道，份量不多，但味道一流蒜泥白肉，跟平常吃的不一樣，汁是另上的，有粉皮在底，肉質還可，點上蒜汁味道很好！！粉皮也很好吃，軟滑彈牙！

2016年1月31日，再次惠顧銅鑼灣美味廚，美味廚的炸排骨菜飯及回鍋肉菜飯是我一家最愛！炸排骨多汁帶蜜糖甜香，熱騰騰，肉質不會過硬，配上菜飯，一口肉、一口飯，回味無窮! 回鍋肉菜飯亦是一個不錯組合，椰菜、青紅椒、豆腐乾、腩肉與辣醬炒在一起，十分惹味！飲品必點豆漿，豆味濃郁，$12元大大杯，抵飲！可惜的是....美味廚招牌食物衹能留在我腦海內!!!!事緣是當天，我與家人共三人慣常選擇窗口位置坐下，但服務員要求我們坐另一邊四人桌（註：一個月前亦曾被要求，當時沒有理會，況且我們每次用餐不足半小時），職員解釋我們坐的是2人座位，會阻礙稍後進入來的食客，在全場空檯情況下，硬要我們聽她安排，忍不住拒絕及與職員理論，你一言，我一語，在很不愉快環境下，吃完在美味廚最後一餐，並且在我的食店名單內永久刪除！ 食店擁有長期熟客極不容易，除了食物水準外，服務態度亦非常重要，慣常手法去營運而不懂靈活變通，走失客人，實在可惜！

最喜歡的上海排骨麵，一定要叫粗麵！今晚未夠7點到，最愛這裡的排骨甜度適中，又不能說上海味，但肯定第二度食不到。這裡的服務員好資深，永遠快手快腳～ 當然每次另上一定要點素雞，外型因像白切雞命名，冷盤食物其實係鮮腐竹卷到某個厚度，再配秘製汁，非常入味一點也不膩！在銅記想食得平少少又好味係好難，但呢間店名如其實～～美味！

果日晏就食左排骨菜飯,酸辣湯, 菜肉雲吞排骨尚可,較多骨,而且夠晒香,仲好入味,菜飯尙算多菜,我就覺得可以唔洗額外叫碟菜,雲吞皮較厚,好在料多答救, 酸辣湯好味,唔太酸,岩晒香港人口味.

大家不要再去！叫左碟津白，菜既份量不及我一個拳頭，又咸，同員工反映，冇反應，仲話係咁架啦！招牌既排骨菜飯，又硬又唔好食！太令人失望！叫左1個津白，1個排骨菜飯，加2杯豆漿，盛惠$151，收得咁貴，又唔好食，所以要提醒大家唔好再去啦！仲有好多好食既上海野係銅鑼灣！

食了多年的同一款套餐，平均一年幫襯一至四次，由初期覺得套餐略貴，到物價高脹的今年反而覺得套餐超值。食極也不厭的排骨菜飯，排骨甜中帶甘香。在別的上海餐廳再難找回這款酸辣湯的味道。銅鑼灣區，加一後才$83.而餐牌其他的餸菜也不貴。真的常多試幾款 ，可惜眼濶肚窄。

聽講呢度出名排骨菜飯，於是我地嗌左個排骨菜飯($47)，三絲炒年糕同雞絲粉皮($52)。店裡顧客唔算多，好多都係一個黎食個排骨菜飯...嗌完過左唔夠兩分鐘排骨菜飯已黎到，心諗邊有煮得咁快，到食落口發現排骨已經淋左，應該已煮左一排，但味道是可以接受的...我想講其實係個菜飯，因為我真係覺得好難食 ...首先D菜已經唔多，仲要係霉霉的，一點也不新鮮...D飯淋淋的，完全唔係一粒粒，食落口感不太好，坦白講，我覺得大家樂D菜飯好味好多，D排骨也做得不錯，比較抵食，真係唔知點解呢度既排骨菜飯係招牌另外三絲炒年糕同雞絲粉皮就正正常常，只係嫌雞絲粉皮$52但份量比較少...

已是第三次光顧此店，回想第一次友人對它的推介，心想，開在時裝店附近再加上這種中式餐廳裝修，感覺有點像旅遊書介紹的店子，誰知一試難忘！首先是雞絲粉皮，用的麻醬是真正的麻醬,芝麻味濃，不是芝麻沙律醬，粉皮滑嫰，雞絲沒有雪味!重點來了！上海排骨菜飯，排骨很香口，有微微的甜蜜糖味，夠鬆軟，菜飯夠味，不太油，和排骨是絕配！美味廚是個行街加油站！

這間係我由細食到大的老店之一，你耐不耐就會掛住佢嘅菜肉雲吞同炸排骨，所以今日就諗住嚟食lunch , 星期日中午約一點左右，人不多不用等位，坐下點了"炸排骨湯麵"同"三絲炒麵"，首先嚟嘅係排骨麵，排骨同麵係分開上令排骨冇咁易比湯整淋左，炸排骨整塊也炸得非常漂亮，仲有佢已經幫你切開左約四塊方便人客品嚐，佢的顏色比外面店的效深啡色係一種給人好想食的炸物顏色，再加上佢特有甜甜的味道令你想食完一塊再一塊的感覺，以我自己來講，我最鐘意食最左同最右嗰塊排骨，因為係比中間的濃味同埋會多點肥膏在內，真係人間美味！麵依然簡單幼細而湯亦夠味道，和排骨一齊食簡直絕配！之後到我從未在這店食過的三絲炒麵，佢六十五元一碟我一睇就覺得比較細碟份量比較小，材料有蝦、火腿，菜等等，賣相比較一般，但當我食落口之後，感覺完全兩口時，佢嘅汁料非常野味，佢炒到所有汁都可以平均包住曬啲麵同料，所以你食每一條麵或配料都可以完全食到佢個汁，而蝦都幾彈牙，好快唔覺唔覺就K.O曬成碟麵，確實係有水準嘅炒麵，只係如果比男人食係細碟左少少！

今日突然好想食菜飯, 即刻諗起好耐無去的美味廚, 好掛住佢的上海排骨菜飯上海排骨菜飯 - 店舖的主打, 切件的排骨表皮鬆化, 肉質好香, 沒有半點肥肉, 但一d 都唔dry, 好好食,菜飯也是一樣, 好香, 好軟, 保留舊時的水準蟹肉瑤柱羹 - 熱燙燙的, 好足料, 啖啖都有蟹肉同瑤柱, 不錯

星期日睇完戲,就同男朋友去揾食喇~不過佢要介口…好多野都唔食得~諗左一陣…不如就去食菜飯喇! 呢間菜飯我由細食到大…暫時都未揾到一間可以好味過佢嘅! 雖然由細食到大…但其實美味廚menu入面我食過嘅野應該5隻手指數得晒~今次去食…又係我最愛嘅排骨菜飯~2碗呀唔該~$45/碗排骨夠淋~炸得好香口仲帶少少甜味~菜飯入面菜嘅份量絕對唔偷工減料~啖啖都食到菜!呢餐我地只係order左兩個菜飯~但都超滿足呀!不過唯一美中不足嘅係…明明我地order先…佢都可以俾左遲過我地入坐嘅客人…搞到我地足足等左25分鐘仲要催佢先有得食…p.s.兩個人要收茶介…一個人食就淨係收茶錢…唔知可唔可以好似酒樓咁唔要介…收平d呢??

3/6/2014 Tue同友人喺銅鑼灣剪完髲，帶咗我食呢間"美味廚" ~餐廳環境企理，但冷氣太凍，食完即刻走人~免費小食酸菜開胃兼好好味! Encore加多碟要$6排骨菜飯 $45排骨夠軟嫩，口感帶點黏 ~菜飯軟硬適中，營養均衡起來~雞絲粉皮 $52粉皮煙刃，香滑嘅麻醬好薏味~

九十年代，銅鑼灣加寧街名為「食街」，當時的大丸百貨公司、松阪屋就在附近，人山人海，周圍的餐廳做到成行成市。可是，時至今日，日本百貨結業、店舖轉型，「食街」改成賣時裝，只有這裡的美味廚，多年屹立不倒(雖曾搬位置---由百德新街搬至加寧街)!而且打風落雨，照常營業!$51的套餐只有星期一至五供應!今天到此吃中午飯，干燒魚塊酸甜的，賣相不錯!配以陽春麵!(個人認為陽春麵比白飯或菜飯好吃)但是味精多!豆漿微甜。