美味小鮮肉 (已結業)

我之前喺呢度食過一次粉麵，今日同男朋友經過就叫佢一齊食多次😝貪佢夠平夠快，同埋幾好食嘅，款式都幾多，要揀食咩都諗左陣㗎。我男朋友叫咗個生麵，拼魚蛋同埋牛丸，佢話麵質唔錯，魚蛋幾彈牙，牛丸就真係幾好食，果然係招牌，牛味幾濃郁，有咬口😝我就唔食麵啦，叫咗個鐵板黑椒雞扒飯$48，上菜嘅時候覺得勁正，因為可以自己炒飯，整緊嘅時候勁香，令人流晒口水，我覺得個雞扒一啲都唔鞋，幾嫩滑，食完好滿足！作為鐵板餐，我覺得呢個價錢好合理，推薦！我哋分別各加左$3要杯凍嘢飲，佢飲凍奶茶，我就飲凍檸茶，凍冰冰夠消暑！成餐$100左右，兩個人都食到好飽，呢度嘅服務都唔錯，阿姨幾有禮貌，坐得耐少少都冇問題😊如果係附近返工，嚟呢度食晏真係慳返唔少😝

跟朋友相聚，唔駛下下大魚大肉既。有時大家夜收，又想見下，食個快飯都不失為一個好選擇。有見及此，大家就搵個大家既中間點~旺角~一聚啦～ 為咗可以趕及尾班車，就往女人街方向覓食。 美味小鮮肉~ 聽個名就諗起oppa ，原來呢間食潮式粉麵，或者打邊爐架~ 打邊爐對於夜收工既我地太奢侈了。食個潮式粉麵快靚正啦～ 魚旦米粉 $30 魚旦彈牙，味道唔太鹹。魚旦數量比想像中多。有冬菜作伴，多一種不同風味。 牛丸河 $30 超級抵食，碗河粉食極都仲有。食來食去都係咁大碗。哈哈哈~ 牛丸數量同魚旦數量一樣多~ 下次要試下打邊爐先~

在旺角行經女人街，被「小鮮肉」三個大字吸引，晚餐就在這裡解決。原來「小鮮肉」主打是一人一鍋的火鍋，見到隔離食客的火鍋船真的好吸引呀~~~但由於比4點才食午餐，所以晚餐時份不是太餓，所以今次跟這火鍋船無緣了。這裡除火鍋，還有潮汕粉麵、飯餐可以選擇。店內地方不算太大，但坐位整齊企理，由於方便客人食火鍋，所以坐住偏寬敞，坐得鬆動。坐低後店員好快遞上餐派，畫好想食的就可以叫店員下單。一碗單併粉麵$30。如果要轉湯底就要另外加錢 – 酸辣$6、蕃茄加$5，在旺角區食一碗粉，這個價錢，還算相宜&親民。另外，原來晚上6點前來，有免費熱飲~~~ 真是「早來早享受」﹗﹗﹗我跟朋友一人一碗單併，1+1=2，那就可以變雙併了~~~牛丸河粉 + 柚子蜜 $37 牛丸是手打的，所以十分彈牙、爽口，口感十足，而且牛味香濃河粉嫰滑不黏，份量好足，配上這價錢十分超值。魚蛋米粉 + 熱檸水 $33魚蛋每粒都是脹卜卜的，入口彈牙，跟牛丸河粉一樣，是清湯底，不太鹹，無味精，而且都是大大碗，真的食到好飽~~~

今日要出旺角交收交收完就係附近搵左呢間醫下肚順便等埋女朋友收工😂.點解會揀呢間呢？全因佢個名「美味小鮮肉」🤣獨特得黎又易記🙈.小店裝修以簡約為主，乾淨企理座位寬敞，冇壓迫感.餐牌款式多多有潮州粉麵，又有滷水飯等等最重要嘅係價錢夠哂親民👍.雙拼粉麵套餐包埋飲品都係$43凍飲就加$3有12種配料可以選擇我就揀左雲吞同自家製潮州牛肉丸.等一陣，大大碗嘅潮州米粉就上枱啦足夠一個男人嘅份量，吾洗驚食吾飽😂雲吞大大粒，入面有大蝦同豬肉，皮薄餡多而牛丸食落勁彈牙，牛味濃郁配上強勁掛湯力嘅米粉，到加d 辣椒油吾洗幾耐我就食哂成碗啦🤣飲品方面，我就嗌左凍奶茶入口香滑吾苦澀，不過就甜左少少

有時黎開呢頭會隨便走進一間店,今日黎左呢間,諗住快食。價錢親民但又唔會格調太低,有D中國特色擺設。有D新聞專訪,應該主食HOTPOT,但我果日要快閃,就冇食到啦!只係只左個炸饅頭,有練奶,簡單但好少地方有呢碟野,叫左碟炸雞翼,好入味,份量又多,好唔錯。仲叫左杯咸檸樂添,好大粒咸檸,酸與甜既交融真係好醒神,即時覺得自己個THROAT舒服晒。呢度就咁叫麵都好抵食,不過我一向都唔太中意食粉麵就冇叫到啦。

香港人常常都喜愛發掘在香港的不同國家的菜式，例如是西式、日本菜、泰國菜等等，但似乎比較少特意去尋找港式的美食。竟然讓我在OpenRice尋找到一間港式風味非常濃厚的小店，名字還很特別，叫「美味小鮮肉」，眾所周知「小鮮肉」這個詞彚在現今也很是流行，但不是真的只一小片肉的意思，而是指非常年輕又清澀的男生🤣不知道老闆是不是也很喜歡「小鮮肉」呢？「美味小鮮肉」的食物種類有不少，例如潮州粉麵套餐、招牌滷水飯套餐和美味大碗飯套餐。而相比起那些套餐，一人一鍋就吸引得多了，真的沒什麼香港風味的餐廳能做到一人一鍋，這裡基本一個鍋只需$68！但是火鍋配菜和肉類則需要逐項計錢。一整堆配料來到的時候還真的驚訝了，包括針扒牛肉、自家製潮州牛丸、豬肉餅、豬肉丸和各類蔬菜等等。牛肉每一片都很薄，帶點嫩滑的口感，牛肉味香濃明顯，$68就能吃到這樣的牛肉真的十分不錯了。散點了一份響鈴，依照外型來看，六小件響鈴原本應該是三條響鈴，餐廳把它們切成了六小件，吃起來就沒那麼狼狽。選擇的湯底是豬骨湯，餐有沙嗲、酸辣、蕃茄和麻辣，自己選擇了豬骨湯底，味道有點濃郁吧，說不上是很明顯。潮洲牛丸果然跟平時那些不一樣，沒有那麼明顯的灰色，

自家製潮州豬肉餅好食星期日出旺角買game，下到攰攰地又肚餓，去女人街睇下有咩岩食。見到呢間餐廳門口寫住有一人邊爐食，所以就入去睇下。佢地的一人邊爐都好似幾多野食，但係夜晚又約左屋企人早食飯，所以就只係叫左碗粉食下，唯有下次再試佢地的邊爐。潮州豬肉餅牛筋河，初初以為豬肉餅就真係好似平時食蒸肉餅咁，原來係好似魚片的豬肉餅。豬肉餅味道幾鮮，而且都幾彈牙，冇諗過食豬肉丸都可以魚片方式食到。牛筋睇落好似冇咩顏色，以為會冇味，但原來好濃牛味，而且幾彈牙，幾黏口。叫粉麵就可以以平平地價錢多一杯野飲，凍檸茶夠酸夠澀，唔會太淡

話說早排同女朋友行旺角，就見到呢一間食一人一鍋嘅打邊爐餐廳，類似于某大飲食集團大X樂嘅打邊爐套餐，不過我就覺得呢一間係女人街入面嘅餐廳，就出色過一啲係大集團旗下快餐店所推出嘅打邊爐套餐。喺打邊爐套餐入面條，小編最欣賞嘅就係佢哋所提供嘅牛肉，牛肉馺熟咗之後唔需要點任何醬汁就已經覺得好正啫，食完啲餸仲有個烏冬或者米線可以比大家選擇，一人一鍋剛剛好唔使爭，小編同女朋友都幾鍾意呢間餐廳嘅模式，大家經過嘅時候不妨試一試啦。

今日同女朋友去行街行行吓當然見肚餓咁我哋就搵嘢食啦又唔想食一啲連鎖店所以就去咗女人街搵嘢食因為呢度最多小店而女朋友話見到呢一間潮式粉面覺得幾吸引咁我哋就入咗去啦佢呢度嘅餸菜都幾多選擇而且仲有一啲潮嘅材料俾我哋選擇所以都真係幾特別咁我就揀咗佢哋最出名嘅豬肉餅同埋牛丸豬肉餅啖啖肉 而且亦都好有肉味牛丸一咬落去就爆曬汁 充滿着牛油香真係估唔到呢度咁好食只係40幾蚊就可以食到咁正宗嘅潮式粉面呢度係隱世嘅小鮮肉

今日去旺角開會 得好少時間去食飯所以就去咗食粉麵快靚正本身期望都唔係好大但係點知原來唔係喎幾好食喎而我就叫咗佢哋最出名嘅豬肉餅同埋牛丸豬骨湯底同埋河粉佢啲豬肉餅啖啖肉好有咬口呢個真係估佢唔到而且牛丸都好有牛肉味一咬落去有好多牛肉汁別出嚟如果河粉亦都煮得啱啱好唔會太淋個豬骨湯底亦都好香食得出好濃嘅豬骨湯未朋友仲叫多咗個雲吞佢話個粒雲吞都好好食入面有一粒粒嘅蝦肉而且亦都食得出好新鮮所以我同朋友都覺得呢一間餐廳真係好抵食

The best thing about mini hot pot is the flexibility to eat it by yourself or with your friend/buddy/SO anytime. We were suddenly in an urge to have hotpot this afternoon and found this unconventional hot pot serving Chiu Zhou hand beaten balls, which is usually served in noodles. So I guess this is really a fusion restaurant combining the local HK’s love for hotpot culture with Chiu Zhou food. We ordered the standard hotpot combo for $68. Fresh beef hot pot $68, beef slices are very fresh, very

今日咁岩要出旺角搵朋友，糧尾的時間最岩到女人街搵野食，見到呢間門面寫著小鮮肉的牌匾很搶眼，所以就係呢個下午黎試試。看見餐廳內很多客人都在吃一人邊爐，但是剛剛起床又唔想吃太多，所以點了一碗麵食、小食和飲品!牛丸豬手河粉，這裡的牛丸都要老闆打的，所以牛丸都幾彈牙，而且都幾juicy!豬手炆得夠淋夠入味，好有骨膠原的感覺!河粉唔會太碎，口感順滑，加入辣油味道更惹味!炸饅頭，一向都好喜歡食炸饅頭，而這裡的饅頭炸得剛剛好，外脆內軟，又唔會太油，加上附上好多煉奶，甜甜地很滿足的感覺!這裡點麵食可以選套餐會包熱飲，但這麼熱的天氣，還是點了凍檸茶，味道跟出面茶餐廳的差不多，茶底會有少少澀味!下次夜晚黎試下這裡的一人邊爐先，好似幾吸引!

今晚上堂前時間有限，就是但搵個地方食碗麵。黎到女人街見到呢間地方幾整齊乾淨既潮州粉面餐廳，好似食得過就黎食。咁抵就當然食麵。呢度餐牌係畫係過膠餐牌上，一定唔會落漏。餐牌有少少難明，不過經過呢度侍應解釋，終於明白呢度6點前就係套餐價$38包單餸送飲品，6點後就係套餐價再加$3先有。粉面全日免加一。我無叫野飲，就$35包一個餸，揀左+$5試呢度既茄湯底。單餸又點會滿足到我呢個大胃王，另外加餸每款$5。最後點左4款，分別係自家製潮州牛丸、豬肉餅、牛腩、牛筋。粉面就揀左米粉。等左10分鐘左右就上。番茄湯唔係用茄糕開既，而係番茄薯仔湯，無落味精，味道自然，帶微甜。牛腩同牛筋都係薄切，都幾有咬口。牛丸有三粒，夠彈牙。豬肉餅有四塊，口感似魚蛋，味道就係豬肉味，感覺新鮮，果然係呢度招牌之作。飲埋個湯底，食完好飽啊，埋單$50。有時平平凡凡食一餐，都一樣好滿足。

旺角通菜街逛街，見通菜街59B號德發大廈地下，美味小鮮肉。服務員親切介紹鮮牛肉丸、豬肉丸、豬肉餅，佢話潮洲老闆每天早上親手做鮮肉丸，點左豬肉餅河粉，豬肉餅有肉鮮甜味，豬肉清香又軟滑很好👍食。

今日相約朋友在旺角食lunch，途經女人街，人流稀疏，兩旁有好多食市，於是走去睇吓有咩好食，見到一間潮式粉麵，炎炎夏日，食碗麵也不錯🥰睇完一輪餐牌，原來有一人火鍋食，我地決定叫一碗牛筋麵和一個一人火鍋套餐。一 人火鍋 火鍋配料以一人份量黎講，算是十分多，有手切鮮牛肉、墨魚丸、貢丸同蔬菜籃，牛肉鮮嫩，墨魚丸彈牙，牛丸同貢丸都非常香濃，而且大大粒，整體黎講性價比非常之高👍。牛筋麵牛筋麵也十分讚，牛筋炆得十分好，咬下去不會太硬之餘而保留些少口感，而且十分入味，湯底鮮甜，食完唔會口渴，麵質爽口，冇鹼水味，配上自家制麻辣醬，更是錦上添花！