美味小鮮肉 (已結業)

今天行女人街，肚仔餓，但糧尾就要找好食抵死的，檔與檔之間見到“美味小鮮肉”，門外餐牌價錢都是30餘元，就有麵有汽水；68蚊就有1人打邊爐，抵呀！立即入去試。一開門就有一位笑容滿面的小姐迎接同帶領位置，遞上餐單。 這裡好正，可以直接用水筆係餐牌寫。裝修中國化，廚房設計成中國式亭台，用玻璃做遮擋可清楚睇到廚師們的製作。一睇餐牌就更開心，100% 新鮮肉，現在新鮮肉難求。款式多：有麵，鐵板套餐，1人火鍋，小食等。飲品選擇不少，還有羅漢果特飲來到潮州店，魚丸、豬肉餅必試, 有4款麵類揀，單點($30), 套餐($38)，雙併再加$5還可以選擇酸辣湯底，都只是加$6,所以點了一個雙併魚丸、豬肉餅套餐配酸辣湯底，連罐裝汽水。等一陣，一碗熱辣辣的湯麵同可樂就到。材料不少：豬肉餅肉筋比例適中，厚切，所以咬落去彈牙肉味濃，同之前食的好味多；魚丸不失潮州味，爽滑彈牙；米線幼滑配上酸辣湯底同多多蔥花，感覺香酸辣齊，味道不錯。見到好多人， 一早就來打邊爐，我都不已為意，直到我隔離食客點了，我就知份量十足，好大碟。偷影還有原來鐵板套餐很好玩的，見到食客自己將食物炒來炒去下次等我叫多兩三個朋友一齊試。

琴晚去旺角女人街買開學書，要執半個鐘先有得拎，就在附近搵野食，周圍都係日本野，西餐多，行落啲，有間美味小鮮肉一人火鍋及潮州式粉面店就入去食，出名自家手制牛肉丸，猪肉餅等，我喜歡食雲吞，簡左碗雙併，牛肉丸加雲吞米粉，湯清清地加入冬菜，芫茜，好又潮州面味道，好食，牛丸彈牙多汁，真材實料，咁既價錢都幾抵食看見隔離台的都是叫一人火煱，牛肉色澤好靚，配料價錢唔貴，好似比出面連鎖快餐店經濟，下次有時間一定要試試。

做facial 前食返少少野，突然間好想食潮汕粉面，見到呢一間美味小鮮肉嘅門口貼住左好多餐牌介紹，於是就入咗嚟食餐廳除咗有粉面供應，仲有鐵板餐，一人一鍋，而餐枱嘅設計都好細心，一邊放爐，一邊放野食，唔會同對面撞位雖然一人一鍋同鐵板好吸引，但我都堅持食粉面，係因為我真係好想食雲吞麵，另外仲比佢個自家製牛丸吸引左，於是就叫左個套餐，加錢轉雙併以及酸辣湯底等左一陣就有得食，首先試個湯底，個酸辣湯酸酸甜甜，酸菜都幾好味跟住就試牛丸，爽口彈牙、牛味香，仲好juicy雲吞都唔差，有原隻鮮蝦肉，皮薄餡靚下次要試下一人一鍋同鐵板先

一人一鍋小鮮肉旺角好多美食，最近發現一間比較出色平價火鍋，佢主打一人一鍋，就可以按照個人口味點湯底。現在已是中午時份，店內坐滿人，客人也多，主要都是本地客為主。我點了牛肉套餐、有米線🍜鮮牛肉、潮州魚蛋、肉片、粟米、同少少蔬菜🥬所有配料放在碟上，擺設得精緻有心思。我最鍾意食佢哋嘅牛肉，放在湯上白灼，牛肉唔硬都幾軟熟，魚蛋魚片都比較彈牙，加上米線一個人絕對食得飽🍜🤤而且價錢合理，大約60幾蚊，都坐得舒適，唔怪得有咁多客人中午前來食。

今日去左旺角行街，女人shopping最開心，買到唔知時間。去到夜晚到處都是人，間間餐廳都大排長龍，我又唔想食商場連鎖餐廳，結果就去左通菜街附近搵野食！「美味小鮮肉」，餐廳是一間潮式餐館，環境唔算太污糟，人客都唔算少。我叫左一碗粉麵，一杯凍飲。手打牛丸最出名，我叫左雲吞牛丸米線雙拼，牛丸好彈牙，手打果然唔同啲，牛味突出夠哂香，中間有肉汁最驚喜！雲吞粒粒都好足料，皮薄餡料多，入口蝦肉好爽口，皮薄最滿意。

無論店外內的裝潢都帶濃厚的中國風味。食客有外國人，他們都是在吃火鍋，朋友也因此點了一人火鍋，配料逐樣計；我沒有很肚餓，所以點了潮州粉麵套餐而已。湯粉麵份量不多，如果肚餓的話就不夠了。南乳豬手、金錢肚雙併米線：可以選擇一種或雙併配料，亦可加錢轉酸辣湯底。南乳豬手很入味，豬手炆得很腍。金錢肚數塊，彈牙有口感。湯底清淡，標榜以新鮮骨頭熬製而成，無添加味精。不過米線煮得太久，不夠靭。跟餐加了杯羅漢果茶，回甘味，而且解渴健康。

經過女人街一定見到這突出的招牌，之前經過看過餐牌主打應該是一人火鍋，還有湯麵及碟頭飯。這天純粹快速吃過飯醫肚，就趕著走了，所以也沒有時間吃火鍋。魚蛋墨魚丸雙併米線：除了米線外，還有數款麵條選擇。墨魚丸彈牙，白魚蛋反而較遜色，沒有很多口感，米線份量一般般，另加套餐價錢跟飲品。

呢排天氣好熱，又落雨，個肚又餓，想拿拿聲食個晚飯。咁岩我行過美味小鮮肉，見佢個名幾得意，岩哂我呢啲中意食小鮮肉的女子，呵呵。各式潮式粉麵同飯餐都有。仲有我覺得比較吸引的係６８蚊火鍋，有好多野食咁。但我今晚都係想快食一個晚飯算。。。食客用水筆畫喺過左膠的餐牌上面。我去食飯的時間仲早，都無乜人，環境都算乾淨企理。天氣實在太熱，好想飲凍野！咸檸七真係無得輸。七喜夠凍，咸檸檬獨特的香味同七喜好夾，超清新！嗌粉麵+7蚊就有呢杯特飲啦！我嗌左自家製潮州豬肉餅＋南乳豬手米粉，咁樣雙拼就43元。個豬肉餅好彈牙，有少少似扎肉。份量也不太少南乳豬手抆得好唸好入味，有陣陣南乳味，連埋啲軟骨食哂，好多骨膠原呀！個湯就夠哂清，唔會好似市面上的粉麵店咁好多味精。食完都唔會口乾。總括而言，美味小鮮肉呢間小店都唔錯，食客要搵佢就要留意下花園街排檔後面的餐廳呀。或者時間鬆動啲，下次可以試下啲打邊爐，都好似幾抵咁！

潮流興食小鮮肉😜今次去咗旺角嘅美味小鮮肉覓食呢度嘅招牌係打邊爐 不過因為趕時間 所以我同朋友各自嗌咗個價值38蚊嘅兩餸粉麵配菜以丸類為主我揀咗芝士丸同牛丸米線芝士丸好好味道呀🤤🤤🤤牛丸幾彈牙38蚊一個兩餸麵 雖然唔算特別抵 但都唔算貴嘅啱晒糧尾要慳住個荷包嘅打工仔🤝今次嘅體驗 整體而言不過不失唯一少少失望嘅係 我哋本來仲叫咗碟炸饅頭但最後無上到我哋又大頭蝦唔記得🤣如果下次再嚟會試吓佢哋嘅招牌火鍋一嚐小鮮肉的美味😋

今晚無端端落大雨原本同朋友諗住邊行女人街邊覓食但落雨就近入咗哩間個名叫美味小鮮肉😂咁有趣見到在座個個都係嗌單人鍋邊爐只係$68😱不過我同朋友都唔太餓就一人叫咗個粉麵我食雲呑米粉併肉餅，加$6要咗酸辣湯底朋友就嗌咗牛丸米線併芝士丸，清湯酸辣湯底好多酸菜辣味十足一唔小心索到就咳到我傻不過加咗酸辣真係惹味好多！辣就飲下檸水😂中和下我交換咗朋友啲芝士丸同牛丸嚟食都幾好食😝下次再嚟一定要試下佢個邊爐😍😍

餐廳名字：美味小鮮肉📍旺角通菜街59B號德發大廈地下2號舖重點： 潮洲小店*******Kay Gor 收工去到旺角搵食依間餐廳打潮州粉麵晚市仲主打一人火鍋的店子自家製潮州牛腩是不錯的，金錢肚也好有水準。牛腩金錢肚雙拼河粉👍🏻👍🏻👍🏻👍🏻👍🏻牛腩好淋身好好味，肉味不錯金錢肚都好入味同淋身好滑十分有潮州粉麵味道湯底是用新鮮湯骨熬製，完全無味精，味道都頗濃跟餐配凍檸茶，整體好味值得一試Kay Gor 推介食物 👍🏻👍🏻👍🏻👍🏻👍🏻環境 👍🏻👍🏻👍🏻👍🏻👍🏻服務 👍🏻👍🏻👍🏻👍🏻👍🏻價錢 👍🏻👍🏻👍🏻👍🏻備注👍🏻5粒代表最推介———

有時鬧市中要搵間坐得舒服、食得開心既餐廳都唔係咁容易。下午茶時段路經美味小鮮肉就比佢有排場既門口吸引左入去享受一下。入到去空間寬敞、坐得舒服，足足有四十幾個位，中國特色擺設，完全唔似一般女人街既餐廳。各式潮州粉麵飯、小食，仲有不同火鍋配料，啱晒唔同人既口味！最後叫左個自家製潮洲牛丸、自家製潮洲豬肉餅河粉加凍檸茶。凍檸茶甜左少少可能落重左手，但茶底幾好味。飲管係獨立包裝，比一般茶餐廳、粉麵店衛生得多！湯底清甜可口，河粉有口感、唔會一夾就碎。豬肉餅同牛丸果然都係自家製既好，食得岀自家製既用心之餘亦有濃口既味道，確實係確好河粉！

同朋友行旺角 隨便行入咗一間粉面店😂呢間店舖原來有一人一火鍋 見到隔離枱食大大份牛肉 都只係$68😆👍🏻 但係我哋都唔係好肚餓所以點左啲粉面小食一齊食～ 我哋叫咗自家製潮州牛丸米線 因為係六點之前叫仲送熱飲品 凍飲就加$3😆 一碗有四粒牛丸 佢啲牛丸入邊仲有冬菇 食落淡淡香菇味 調味幾入味😂 要咗個炸魚皮 $15 炸得香脆可口 齋食就卜卜脆 浸入湯入邊食又得🙈 另外加多咗個炸春卷$22 有四舊 岩岩炸起 熱辣辣 可以點一點隔離d 泰式甜辣醬😂

喺鄉下返嚟有啲掛住潮汕牛丸，返到嚟香港都係忍唔住要食返次潮州粉麵~深夜選擇都幾多，不過我就揀咗自己最鍾意嘅潮州牛丸同潮州豬肉餅幼麵套餐~~潮州牛丸豬肉餅幼麵牛丸夠爽口彈牙，而且牛肉味道濃郁，本身牛丸已經調味，所以味道較濃，但不算太鹹~豬肉餅味道就比牛丸淡少少，味道剛剛好，而且每一塊都厚切，啖啖肉，而且有肉汁夠juicy~之前食過一啲豬肉餅入面有好多油脂，反而佢哋自家製呢一款就冇呢種感覺，唔會太油膩，咬落都夠爽口彈牙~幼麵質地爽口，而且本身已經調味，所以湯底清清地其實已經好夠味道，個人認為都唔需要落額外嘅調味料~最後飲品揀咗凍檸水，唔會太甜，反而檸檬味比較重，清新嘅感覺夠解渴~

大家有冇試過食一啲好伏嘅餐廳呢？如果有類似以下嘅經驗，歡迎同我分享下。🤓嚟到旺角女人街搵到間平嘅一人一鍋，店舖名好搞笑叫「美味小鮮肉」，主打$68嘅一人一鍋。入去坐低，睇Menu先知道$68冇包野飲🌝未計+1🌝清湯外嘅湯底就要加錢🌝～Any肥，我哋叫咗豬骨湯同沙嗲湯火鍋，豬骨湯偏多胡椒味（有少少師傅）、沙嗲湯就冇咩味（係零啊）💩餸菜方面，賣相都幾好，有潮汕牛肉、金菇、生菜、貢丸、魚蛋、魚片、芝心丸、烏冬/河粉。食落夠牛肉同烏冬就有驚喜，牛肉厚身但爽，烏冬就彈牙，其他配料就普普通通啦～以為冇伏？傻啦⋯成碟野有個去水盤墊高左，搞到好似好多嘢食咁😗牛肉擺面，河粉係底，營造一個好多肉嘅效果😗如果一間餐廳用平黎做賣點嘅話，就要貨真價實😪。不過都係我哋蠢，比啲阿姐氹到要入去，冇下次🤗-一人一鍋（豬骨湯底） | $68 （湯底加$5再加一）-美味小鮮肉旺角通菜街59B號德發大廈地下2號舖-