美人鍋 (已結業)

哩間小編去試食佢既午餐set,咁有定食有鍋類，但價錢偏貴，而份量適中，食量較大既朋友可能未必夠飽，但佢既食物質素好，但對於偏食既寶寶黎講就不太好，因為佢既蔬菜盤係有好多不同種類既菜，包括青瓜、車厘茄同各種椒，對於有‘椒‘慮症既我真係接受唔到，同埋接受唔到青瓜打邊爐既情況下，我食完覺得好浪費食材之外仲食唔飽，但佢飲品方面幾多出面無既創新飲品，有勇氣既你地可以黎試下啦🍲。 服務：⭐️⭐️⭐️⭐️價錢：⭐️⭐️食物：⭐️⭐️⭐️性價比：⭐️⭐️⭐

之前喺尖沙咀嗰間塚田農場食過佢嘅美人鍋，望住個海景嘆住個火鍋真係一大享受。本身以為觀塘呢間都係食美人鍋唔會差得去邊，但係原來真係差天共地。我哋兩個人都叫咗個美人鍋，一個就壽喜燒骨膠原美人鍋，另一個就骨膠原美人鍋，一個set入邊包含咗免治肉，豚腩肉拼雞件，一個蔬菜盛合，另外可以選擇一個飯麵，我就選擇左個羽衣麵。另外出邊可以自由選擇飲品同埋有個沙律吧，首先講一講個免治肉，質感算係不錯，豚肉就普普通通但個雞件就非常之差，全部都係骨冇乜肉食，而且啲肉係非常鞋口，不過值得一讚嘅係個蔬菜盛合就幾豐富。但係以咁嘅價錢來講非常之不值，咁嘅價錢我應該會選擇另一間去食。

之前都聽過朋友講美人鍋，話有個好出名嘅骨膠原火鍋，不過自己本身麻麻哋太過膠感嘅湯底，但難得朋友誠意拳拳，都係黎試下。成間餐廳裝修幾靚，如這樣野飲都有好多選擇，有八款自家製嘅特飲，多數都清熱排毒、又美顏功用，不愧係美人鍋。嘢食方面，我叫咗個宮崎辣湯，食落唔算太辣都幾惹味，用我就揀咗雞肉拼豚肉，雞係雞腿加雞胸，唔係去咗皮嗰啲，都幾少見㗎。另外仲有明太子芝士免治豬肉。我仲追加左個牛小排，一個人食都幾豐富。美人鍋提供多種唔同醬料，大部份都係自家獨創，例如有炸洋蔥甜豉油、黑麻油等等，調味唔會過鹹。沙律吧方面，除咗普通蔬菜以外，仲有雞蛋薯仔沙律，都真係幾好食，我忍唔住食咗兩碗。總括嚟講，一人一鍋係疫症情況底下，係一個安心又衛生d嘅選擇，大家不妨考慮。

在openrice看了這家店幾多負評。我原本無諗住去，不過行過肚餓又有魚生食就去左。我係平日下午去，因撞正lunch hour,都幾多人的。我叫左個魚生定食，有沙律吧再加飲品。飲品幾多選擇，沙律吧就得6款配料到，有點少。至於主菜定食，份量的確少。刺身少，而且很薄片，但價錢卻要在100元。我覺得都幾overpriced.不過魚生係新鮮好食的。作為午餐價錢，當然也不便宜啦。性價比十分低的店雖然食物質素正常

今日路過APM，見到裡面擺放的沙律和飲品都幾吸引，就入咗去食了。因為佢入面已經包左個菜，上到黎發覺都幾大個同有幾多種類下，生菜，菇，彩椒都有，食完其實都飽左一半，個湯底叫咗個骨膠原湯，煮好之後都幾香下，食落去都好濃郁，加完湯仲有佢嗰一浸味。之後叫咗兩個平平地嘅肉，38蚊碟都唔太貴，其實食晒都已經好飽！仲加咗$48飲品吧同沙律吧，啲飲品都幾好飲，仲有罐裝同紙包嘢飲，沙律啲材料都好大眾下，都算新鮮。整體來講叫不錯👍，可以再試！

兩個人食 4分飽都唔到，成700多。性價比非常非常低，大家樂或求食都會好好多。完全不可接受，希望更多人能看到評語。如果你想食得飽 一係係到花費2~3千，一全直接上樓排另一家性價比好好多既啦！

試過呢間垃圾美人鍋，包你以後唔會返轉頭。啲員工個個好似遊魂咁，問非所答，非常唔專業。一早打電book咗梳化位既枱，confirm好，去到就求其安排張枱比我，話張枱卑人坐咗，咁book嚟做咩？食物嚟講，$116一個鍋，只係包啲爛鬼蔬菜，要嘢飲一係就加$38任飲啲放題質素飲品，一係就飲Menu入面既飲品（唯一好彩既係唔迫你一定要一人一鍋）。叫咗個$3xx蚊既拼盤（竹）&$2xx既海鮮拼盤（五品盒盛）每樣得幾片，跟著再叫個牛小排$138又係得個4、5片，質素又唔見得特別好，只係比放題質素好少少，最後就叫咗個$25一個既烏冬&飯（份數大約兩、三啖食哂）總之咁既價錢就大把好過佢既選擇。試伏首選

一行六人食晚飯，之前見到門口&裝修吾錯，加上餐廳名吾錯,決定一試.........點知⋯伏伏伏伏伏⋯訂左枱要求卡位sofa seat ,確認左,去到如全冇左件事,求其俾中間位⋯冇問題，好小事⋯can’t expect much.坐低十分鐘冇職員介紹menu,都好小事，自己問淸楚$116 人頭一個Q版湯煱配幾片野菜另外所有野要散叫，另加$38 位任飲·散叫item 份量小得過份，不見得特別新鮮Price Range from $50-$400 （all is 幾片only)湯低（叫左骨膠原&壽喜燒）的確吾錯(唯一好野）不過只係第一次（幾啖only 就飲完）之後加湯（雞湯）完全吾係骨膠原味🙄所以其他野完全冇特別職員少，大部分都答唔到我地問題但係總算有禮貌總括，價位離地，物非所值牛涮鍋/吉野家更勝一籌No next time ⋯（個人感覺）要食得飽，預計$500 一位不過係食吉野家級數

放假又廢事出街決定係網上外賣平台叫個外賣食醫下肚算 魚生丼飯係無調味普通白飯 絕對吾係珍珠米 仲要係熱飯 ？ 咁既價錢叫吾上貴 但連爭鮮都比吾上 整係熱飯尼一點我建議一係炒左個廚一係執左佢 我食魚生呀吾係親子呀師傅 你比份熱飯我放魚生？條低線吾係去到咁呀 ？炸雞定食個雞又咸前菜凍豆腐仲老過我老母大家想醫肚大可以事旦去爭鮮買都一定好過佢仲平過佢老實講叫得外賣無乜要求 但未至於差到咁既地步 即管叫or 將尼份食評禁低 但事實就係事實 完 多謝

第一次來觀塘APM美人鍋，原本係一間麵店，現在是火鍋店，有啲似半自助式。調味品在餐廳近門口處長枱取，還有各式各樣飲品跟套餐送的。就選了這個美人鍋套餐配烏冬。綜合蔬菜就一定有的。不錯可以再去！

美人鍋除左火鍋之外lunch set都好唔錯。今次食左個胡麻醬油火炙三文魚配雪魚子丼套餐，有飯有麵（有得揀烏冬/蕎麥麵 )，小食有得揀炸雞/三文魚，有麻醬豆腐，飲品任飲，選擇都好多成個餐份量好多，lunch食十分飽🤰🏻👍🏼

天氣凍緊係想食翻啲熱嘢暖下身，最啱就係打邊爐！放題邊爐太膩？唔怕，美人鍋主打蔬菜煲，湯底又養生，啱晒想健康又想打邊爐嘅女士！美人鍋套餐 $116♦️湯底有9款湯底可以揀，我哋就叫咗壽喜燒同宮崎風辣辛湯，前者清甜、後者就完全唔辣偏咸♦️蔬菜盛合好多款唔同嘅蔬菜菇類，甚至椒，真係好健康啊♦️配料醬料有超多款嘅醬料可以自行配搭，仲有好多新奇嘅醬料，個人推薦黑麻油同芝麻汁再配炸蒜！♦️豚腩肉 $38@120g散叫肉類絕對可以令女士們點到即止，唔洗怕食多左會肥！♦️三文魚牛油果美人卷 $48清清地唔錯！

菜式一般，選擇少，份量小，肉質好一般，價錢貴！要就住食，食得六、七分飽，埋單嚇死你！我地兩個人食左600幾！大家樂火鍋都好過佢！真心...真心...真心...唔會有下一次

中伏，三個人食咗千五蚊，還要服務費！哩個價錢都可以去食自助餐，份量又極少。味道真的是一般般。吃得不太飽，還要限時間，自助飲料的飲品是溝出來的，幾乎是水味，十分淡。難怪沒有人排隊。記得沙田有一間也是這樣什麼鍋的，以為這間不同原來也是一樣的。又貴又不好吃。平時都很少寫評論的，這次真的是警惕自己這間是中伏的，性價比十分低，不信的自己去試試吧。。。。。。。。。。。。。。。。。。。。。。。。。。。。。。。

Apm又有新嘢，咪去試試看。成個裝潢、餐具是吸引的，但實在太貴。二人進餐，已經好慳住食，每人都要$270。講番個套餐，一個湯底加一個蔬菜盤，盛惠$116，本以為挺抵食，但到結帳才發覺，湯底只包$48的，其他的需補差額，最重要係問店員先知。而牛小排只有約八小片，但都要$138，啲牛又不是特別新鮮，份量少且味道一般。其他的肉，價錢看似平，但份量也是超少。唯一可讚賞的是那個骨膠原雞湯底，總括而言，性價比好低，可一不可再。