美人鍋 (已結業)

比個名吸引左，加上天氣凉凉地，就同個美人朋友一齊試下～餐牌有好多野揀，揀左一大輪之後決定要兩個美人鍋套餐骨膠原湯底係佢主打，果然名不虛傳，感受到滿滿的骨膠原食入肚；另一個壽喜燒湯都唔差，口感好豐富明太子芝士免治肉呢個組合夠晒新鮮，又幾好食喎豚腩肉同雞肉好能飽腹，唔駛湛醬汁，淨吸收湯底味道都唔錯仲有重點——一大盤蔬菜，食完先明點解佢叫美人鍋，啲蔬菜好多，有啲連名都唔知係咩，好新鮮好健康日本羽衣麵唔好淥太耐呀仲有個飯-日本雞蛋雜炊，喺最後打邊爐打到湯唔多既時候落飯落蛋一齊煲，好好食😋

呢間一人鍋一直都想試好耐，今晚終於可以一試。第一次食都唔係好理解佢個玩法，淨係知得一個$168套餐。個餐包左一大兜菜，一份免治肉，一份肉類，同埋一個湯底。如果加咗$48仲可以任飲任食佢哋嘅沙律吧。不過因為我自己唔係好鍾意食沙律，所以就冇加到。而佢啲飲品其實都好多選擇，有唔同嘅果茶，絕對唔係啲汽水機嘅行貨。而佢個醬汁吧又好特別，好多款已經調校好嘅醬汁俾你揀，例如椰子芫荽汁，韭菜醬油呢啲。我自己揀咗個骨膠原湯，配明太子芝士免治雞肉，個肉我就upgrade咗做牛小排。個免治雞肉做得都幾滑，但就唔係好食到明太子嘅味道。依個牛小排都好林，油脂分布均勻，都有少少牛味，確實唔錯。而我覺得最有驚喜嘅係佢個骨膠原湯，放咗一陣已經起膠，我最鍾意食到個嘴唇笠次次嘅呢種骨膠原感覺。而其實佢個湯已經好夠味，所以完全唔需要點醬油。男朋友就揀咗佢個辛辣湯，配辛辣免治雞肉，果肉同樣都upgrade咗，但佢就揀咗牛肩肉。呢個雖然叫做辛辣湯，但係唔會好辣，只係味道比較鹹。佢個牛肩肉每一片都好大片，切到好薄，又未比有小排更加濃，兩者相比之下我自己覺得牛肩肉更勝一籌。另外我哋仲加錢叫咗一份豚肩肉同埋立魚片。個豬就唔太特別，但

行開APM shopping，晚飯梗係唔少得打邊爐。但要遊說身邊位靚女同我打邊爐，就要揀番間又靚又好座的地方。 美人鍋啱晒😂 有少少日系台系fusion, 又有sofa卡位, 打咭 ig-able!美人火鍋套餐會包括餐廳特色菜式，唔洗煩，一人一個套餐😂 用手機落單非常方便，先揀湯底、再肉類、免治肉滑、粉麵同追加食品。我地加多左個紫菜雞件同帶子刺身。出面仲有大量調味，好創新好多元化🤩骨膠原湯底必點！！！好飲之餘用來淥菜啱晒。田園蔬菜🥬好大盤好色彩繽紛好新鮮😍😍呢個相信係美人賣點之一。全部都好似每日新鮮精選咁。肉類分別加左錢食和牛同普通雞肉併豚肉。仲有芝士雞肉滑(推介)同辣味雞肉滑，呢兩個都有特色，出面未食過。最後有埋寬麵同蛋拌飯😌😌 一定夠飽。

聽到美人鍋個名,好襯我同朋友 XD 又係任食日式BINLO, 所以去食。一人叫左一個鍋,套餐有湯底揀, 我揀左骨膠原!個感覺真係好念口, 好補咁。朋友揀左麻SPICY , 冇想像中咁SPICY, 但D菜同肉吸晒好正!另有一款明太子免治雞肉同蔬菜盒個免治雞肉感覺好似雞滑咁, 自己可以控制大小,食幾多放幾多如果有需要可以再加$48去自助沙律吧同飲品而醬汁都係自家製既,有京蔥同韭菜, 都好想試下, 感覺都唔錯!主食既肉係豚肉, 好薄好爽口油壓分佈好平衡, 食落口感好豐富,都好飽肚。大家都係食左$160左右, 環境好大又坐得幾舒服, 幾唔錯。

朋友請食好西，想試這家美人鍋好耐了！美人鍋套餐有一碟豚肉/雞肉，一款免治雞肉有多種口味，加蔬菜拼盤，最後配一個飯或麵，份量絕對夠一個人食飽。湯底我揀了原味骨膠原湯底，其實豬骨味亦好膠質，成個感覺好特別，喺出面從未食過。每樣賣相都好靚！豚肉切得夠薄好滑溜，煮一分鐘就已經熟啦，免治雞肉整成肉丸咁煮～加48蚊無限暢飲係幾抵嘅加埋沙律吧，算是不錯。一人一鍋都比較衛生，而且環境食物質素都有一定水準，餐廳夠膽坐落又唔覺得逼夾，下次可以再去！ 

叫完個餐，淨係見到個食物量都嬲。減本都唔係減得咁離譜呀大佬。同兩個朋友食每人叫個餐$168，睇個menu成個打邊爐餐得一碟肉，要豚肉加$45,食牛肉仲要最少加$95好啦加啦一黎到，得半碟，四、五塊肉？！明明on top加成舊水，都唔足一碟有半隻碟係嗰碗雞肉蓉填滿左充數問個侍應點解係咁？佢話係計gram 數但個圖旁邊完全無寫到底係幾多gram即係佢話比幾多都得？當商品說明條例無到？最後強烈投訴完，先肯補番同menu 個圖一樣嘅量比我地3個人食成千蚊，都唔係好飽，下次真係不了。

今日放假 獨自係apm 行街買下野🥳🥳享受一個人的假期！行到累累地當然搵個地方座下hea下啦~想食刺身 見而間好似好吸引，就忍唔住走左入去 hahaha 仲有沙律🥗區同飲品bar 🥰 OMG 😆 好多款美人茶唷🧃🧃刺身盛盒 五種 $288刺身十分新鮮👅👅油甘魚刺身腩非常厚實滑嫩👍🏻三文魚厚切刺身魚肉細緻甘甜、滑嫩多膠質🥰牡丹蝦刺身有濃郁蝦味仲有淡淡的甜味！口感軟棉🤩帶子刺身 二粒帶子每粒一分為二 帶子彈牙 好食😋刺身入口即能融化在舌尖上😍😍很滿足喔

今日係Apm shopping 順便過嚟探下舊同事！！咁耐無見當然要搵佢一齊食飯啦💗💗佢介紹話而間幾好食😋 一於入去試下佢先👅呢度環境真係幾好~枱與枱之間闊落 感覺舒服👍🏻美人鍋晚市套餐🥳湯底方面有八款俾我地揀！最後我哋嗌左 壽喜燒汁👅👅 湯底口味較清淡很有日本feel唷🇯🇵蔬菜盛盒🥬🌽內有粟米芯、金針菇、蕃茄、青瓜及蓮藕等 而湯底加入娃娃菜等各種蔬菜煮滾後壽喜燒的湯汁會更清甜喔！👅壽喜燒🍲點可以少得牛肉喎❤️我哋專登轉左美國牛小排加 $ 68 ~牛小排火鍋肉片油花實在太美啦！！食落去真係滿滿幸福的感覺啊~~~明太子芝士免治肉先將明太子與免治肉攪勻🥄整成魚蛋既方式！放落湯滾一滾就食啦得!！ 免治肉加埋明太子都夾啊👍🏻👍🏻連殼帶子🥢帶子肉厚味甜👅口感彈牙 ！好好食啊😍😍

🍽美人鍋套餐/$168⁣1️⃣自選一款湯：⁣骨膠原湯底⁣骨膠原湯底好濃郁，可以不斷直接飲😋好養顏⁣⁣2️⃣自選免治肉：⁣明太子芝士免治肉⁣好嫩口嘅肉，入口即溶⁣⁣3️⃣自選一款肉：⁣豚腩肉➕雞肉⁣豬肉肥瘦適中👍🏻雞肉得2件不過都好大件！⁣⁣4️⃣蔬菜盛合⁣蔬菜嘅份量勁多！好健康！⁣⁣5️⃣選擇配料和醬料⁣芝麻甜醬油、柚子昆布醋、韮菜醬油⁣3款醬都係柚子酸酸地配肉好味d😛😛⁣⁣6️⃣自選一款麵⁣稻庭烏冬⁣無得輸呀！因為好煙韌好好咬口😁⁣日本羽衣麵⁣好薄好似腸粉咁，但滑好多！一入口就sir左落去😂😂😂😂⁣意式生帆立貝片(柚子胡椒汁) /$78

今日接男朋友黎接我收工，佢又過想打邊爐，不如就去APM食美人鍋，我地都係叫左個美人鍋套餐。美人鍋套餐 $168唔算平嘅價錢，但湯底有8款湯底可以揀，我就揀左壽喜燒湯，男朋友就揀左咖喱湯底，壽喜燒都唔錯，不過就冇配到隻雞蛋，有少少美中不足。咖喱湯底就偏淡，不過香味就十足。揀完湯底就揀一款免治雞肉，明太子雞肉同埋辣味雞肉，兩款都好好食，記得落鍋之前撈好同埋細舊D落。之後就揀款肉，雞肉同豚腩肉，如果要揀其他靚少少肉就要加錢，我地覺得都夠食，就冇特別去加錢揀其他肉，不過食落都好滑同埋唔會好多肉，都比較健康。蔬菜盛合就會包埋，好多菜，一個人食曬D菜都好飽，同埋一定會夠晚餐嘅健康蔬菜份量。飯或麵就揀左日本雞蛋雜炊同埋羽衣麵，雞蛋炊就suggest食到尾淨返少少湯底撈落去個湯底到加埋雞蛋食，真係幾唔錯，完全吸收曬湯底嘅精華。而羽衣麵就唔好煮咁耐，可以用滾好嘅湯加落麵到食就好D。我地就加埋個沙律飲品吧 +$48 /人野飲都好多選擇同埋有餐廳特制嘅果茶個D，都幾fresh唔洗淨係飲汽水。而沙律就少D選擇，不過都好夠食。本身睇個Menu都驚唔夠飽，因為唔係任食，但係餐廳

對呢間打邊爐很失望，價錢並唔平，但一d都唔值得去。從來未試過打邊爐係有小蕃茄係上面架，究竟係來就係食，定來打邊爐呢？腩肉拼雞加黃金骨膠原湯，呢個套餐份量太少，連女仔都食得唔係好飽，何況男既!因為佢既套係包一份主食咋。而家出面果汁，汽水，沙律個d仲要加38蚊，但係得沙律任食，無其他任何野啦!一係比錢追加號!自取飲品種類都算多既。而且d侍應完全係遊魂作態，一係就好似睇你唔到甘，要加湯既時間就唔見人。

宮崎風辛辣湯底，味道咸香、好惹味，辣度3分，食落多麻少辣。雞肉及豚腩肉，雞肉好新鮮，肉質嫩滑、肥美，食落鮮味十足；豚腩肉肉質肥瘦均勻，口感軟腍，油脂部分入口即化，肉味濃香。蔬菜盛合，好豐富，包括有蓮藕、車厘茄、青節瓜、紅椒、生菜、南瓜、金針菇、鴻喜菇、秀珍菇、青椒、黃節瓜、紫蘿蔔。蝦肉水餃，皮薄餡多，蝦肉口感爽口、彈牙，味道鮮甜。日本羽衣麵，口感薄身、爽滑，容易入味，配以香蔥、紫菜食用，味道清爽。

**美人鍋在APM開了一段時間，終於有時間去試試，點了一個一人鍋，加了一份炸雞。一人鍋湯底我選了它們最有名的骨膠原湯，配料就選了豬肉和雞肉、芝士免治豬肉，本來想點牛肉，但想一想骨膠原湯配雞肉還是比較襯。雞肉是雞脾肉，出來的時候已經8成熟，而且鍋底很薄且直接放在電池爐上，所以只要在鍋上可能放幾分鐘就可以食，雞肉很滑配骨膠原湯又多了一份甜味，引誘我多喝了一碗湯。薄切豬肉本來沒有什麼味道，配骨膠原湯也是很清甜，喜歡這個配搭。

3/5小小偏貴，套餐內的肉不多，蔬菜就有一大盤，但有得任飲多款飲品同任食沙律前菜，都幾好玩。要讚一讚店家雞件好吃。(Google translate)Little expensive, there is not much meat in the set menu, and there is a large plate of vegetables, but there are a variety of drinks and salad appetizers, all of which are fun. Like the store’s chicken pieces for delicious.

今日到觀塘接女朋友仔放工，然後去咗apm行街拍拖。行行下見到呢間門面好吸引嘅美人鍋，既然身邊拖住個大美人，就想入去試下！入到去座位都十分寬敞，桌面內嵌了一人一個爐，選好湯底後，店員會捧上一個十分矯滴滴啲鍋，果然「美人」由來有因！店內提供大量日本醬油調味料，還有沙律區，加$48就可以無限添飲汽水果汁！骨膠原湯底 - 骨膠原對女士美顏相當重要，湯底本身是啫喱狀，隨著加熱極速變成液態，湯汁清甜，帶點黏稠感覺，膠質豐富。和牛西冷 - 和牛剪裁得很大片，但份量徧輕量，和牛油脂分怖均勻，入口爽身嫰滑，牛脂香甜。明太子芝士免治肉 - 先將明太子與免治肉攪勻，再以墨丸滑方式下鍋，入口鬆軟，吸收了湯底精華，肉質鮮甜。日本羽衣麵 - 感覺有點像麻辣鍋的苕粉，但羽衣麵比較挺身，吸湯力沒苕粉強，口感爽滑彈口。蔬菜盛合 - 是一個蔬菜拼盤，適合女神吃完肉後來減膩，不愧「美人鍋」之名，處處為女神照顧周到！