美人鍋 (已結業)

試過呢間垃圾美人鍋，包你以後唔會返轉頭。啲員工個個好似遊魂咁，問非所答，非常唔專業。一早打電book咗梳化位既枱，confirm好，去到就求其安排張枱比我，話張枱卑人坐咗，咁book嚟做咩？食物嚟講，$116一個鍋，只係包啲爛鬼蔬菜，要嘢飲一係就加$38任飲啲放題質素飲品，一係就飲Menu入面既飲品（唯一好彩既係唔迫你一定要一人一鍋）。叫咗個$3xx蚊既拼盤（竹）&$2xx既海鮮拼盤（五品盒盛）每樣得幾片，跟著再叫個牛小排$138又係得個4、5片，質素又唔見得特別好，只係比放題質素好少少，最後就叫咗個$25一個既烏冬&飯（份數大約兩、三啖食哂）總之咁既價錢就大把好過佢既選擇。試伏首選