羅麥記 (東薈城名店倉) (裝修中)

每次去完大嶼山出返東涌喺東薈城搵嘢食都唔知食乜，呢間羅麥記吸引我嘅地方就係佢哋嘅種類好多，中式炒麵湯麵炒菜乜都有，小食嘅種類都好多！最重要係佢個餐牌又整得好吸引，次次都搞到每一樣都想試吓，有選擇困難症嘅人應該要揀好耐先諗到食乜🤣之前食過佢哋嘅瑞士汁雞翼撈丁，覺得都唔錯，所以今次試咗佢呢個蔥油雞扒撈丁，個雞排肉質好鮮嫩，雞皮都好脆卜卜，但係略嫌有點油，撈丁嗰啲汁都係偏油，但係每一條面都索晒啲汁嘅，總括來講都唔錯！

去咗outlet行下 睇吓有冇嘢睇上眼 結果因為啲outlet款太舊 唔太啱 跟住多數淨係得個睇 之後就去咗搵嘢食食 見到依個嘢食幾特別 所以叫咗黎試下 唔記得佢標準個名叫乜嘢 有咖喱有飯有軟殼蟹嘅吐司 是但就咁合埋嚟 叫佢做吐司咖喱飯軟殼蟹味道OK普普通通不過不失 第一次食呢個都覺得唔錯 軟殼蟹外脆內軟 就咁睇都覺得啲咖喱汁都幾多 不過食完個飯之後 到想食個包嘅時候 個包乾爭爭 啲汁唔夠食 本身個咖喱汁食落去覺得有啲口渴 好乾嗰種 下次唔會再食

入完大嶼山多數出返嚟東涌食嘢，上次食完呢間羅麥記，一直心思思想再食！鍾意呢間啲位都算坐得幾舒服，佢哋嘅餐牌圖文並茂，啲嘢食嘅相仲要影得好吸引，搞到有好多都想試！今日食咗佢哋嘅撈公仔麵，打開餐牌撈公仔麵嗰版都有兩版，諗咗好耐終於揀到「瑞士汁雞翼撈公仔麵」😂因為其實睇相全部都好吸引好難揀！上到枱一啲都冇失望，未食已經聞到好香嘅瑞士汁味，再加上本身勁肚餓，公仔麵嘅軟硬程度適中，唔會話太淋，每一條面都掛晒瑞士汁，真係勁正！雞翼都好入味，下次想試吓佢嘅雞髀撈丁！

假期同朋友一齊去東涌outlet行街，到夜晚搵嘢食，比羅麥記個磚頭焗飯吸引到😂由於比較夜，所以唔洗排隊等，我地嗌左三樣嘢：磚頭焗豬扒飯、蝦多士、蜂蜜魷魚鬚❀磚頭焗豬扒飯原本係要嗌咖哩軟殼蟹但係賣曬，唯有揀左焗豬扒，上菜嗰下真係好壯觀，好靚！焗豬扒飯嘅味道都唔錯，但係飯嘅分量唔係好多，原本以為係麵包中間全部係飯，點知得麵包嘅三分一係飯，其他都係麵包！完全食唔曬，因為麵包太乾啦😢 建議可以切一半個麵包就可以❀蝦多士有五舊蝦多士！超好味！多士邊係脆架！蝦嘅分量都好多，而且好有鮮味！必試🤩❀蜂蜜炸魷魚鬚呢個超級一般，魷魚仲要好硬🙃唔推薦

入去東涌一日遊，坐完纜車上天壇大佛，落返東涌梗係要行埋outlet shopping一番啦。但shopping前要依飽個肚先啦，每層行下去搵食，又剛好係下午茶時段，見到一間好多人喺前面等緊位喎，竟然係羅麥記，以前向將軍澳都食過，最記得當然要食佢嘅蝦多士啦，價錢單叫要60幾蚊，其實貴過叫一個下午茶餐或者一個下午茶嘅炒粉麵飯添㗎，但佢嘅多士都好厚身下，都幾飽肚嘅。另外必叫嘅一定係瑞士汁雞翼撈通粉可以轉公仔麵，我認為佢嘅瑞士雞翼係超級好食一定要試。當然環境就會迫啲，我係平日嘅星期五下晝都好多人食下午茶㗎，都要等十五分鐘到。

去完東涌行山就去東薈城搵嘢食，見到呢間好多人食就入去試吓，餐廳個設計好懷舊，好有香港特色，晚市都幾多嘢，好鍾意佢個餐牌，圖文並茂好吸引！叫咗佢哋嘅晚市小菜套餐「客家鹽焗雞」啲雞肉不過不失，唔會好友驚喜，但係個量都幾多，一個人食好夠飽！

放假一早去東涌行山，成個東薈城都真係無乜地方有早餐食，就入咗羅麥記食早餐。心諗，應該唔會太差嘅🧐點知入到去啲阿姐都黑口黑面🌚🔸火腿仿鮑絲通粉 配火腿炒蛋+多士(💰$42)個阿姐拎咗一碗無湯嘅通粉俾我！點解佢望咗幾眼明明覺得有問題仲要放低呢碗無湯通粉？😒結果我搵咗另一個阿姐換返一碗🥲然後啲通粉係淋嘅。🔸沙嗲牛肉公仔麵 配火腿炒蛋+多士 (💰$42)沙嗲牛好麻麻。講返個火腿炒蛋多士，火腿無煎過咁，炒蛋唔係炒架喎，係煎出黎咁，乾到不得了。嗰塊包完全無烘過，只係搽咗牛油，咁叫多士咩？講真，真係好耐無食過咁差嘅早餐。屋企樓下啲茶記都好過佢仲平過佢啦🫣今次真係bad bad😒希望佢只係早餐差，唔知其他食物係點😞評分: 4/10👎🏻

相信大家對羅麥記都唔陌生，佢主打港式懷舊食物，算係一間略為高價嘅茶餐廳，而喺環境方面亦混入咗唔少年輕元素入去，從而吸引好多年輕人幫襯😆🍳 蔥油雞扒煎蛋飯 $58呢個係星期六日或公眾假期早上11:30至18:00先供應嘅常餐，一個飯跟嘢飲！不得不提佢個飯真係超級多🤣 兩個女仔可以叫一份加其他小食，男仔就應該啱啱好！雞扒厚度適中，整體偏油但好軟嫩，肉汁都幾juicy。煎蛋就正常發揮😛 要讚一讚個蔥油😆 就咁食會好鹹但撈飯真係一流😋 而且份量偏多，咁多飯都夠用～ 嘢飲方面嗌咗個熱檸檬茶，檸檬偏苦而且茶味偏淡，無咩茶香味，用茶餐廳嚟比較的話就略然有點失望了🤦‍♀️🍛 焗住食（焗豬扒飯）$68而呢個就係假日早上11:00至5:30先供應嘅午餐套餐，亦都係配熱飲！比起第一個常餐佢嘅飯就比較少啦，但配埋咖喱薯仔都唔錯！其實唔係好記得叫咗d咩😅 因為個豬扒唔知點解係炸嘅(?) 但整體嘅口感都唔錯，肉汁幾多，調味適中，連汁食亦唔會太鹹！推介指數：🐘🐘🐘.5羅麥記🍳 蔥油雞扒煎蛋飯 $58🍛 焗住食（焗豬扒飯）$68

聽朋友講每逢假期羅麥記都有假日套餐，入面有一啲貴價嘅晚市套餐係午餐有得食。佢極之推介雞煲套餐，咁我哋就叫咗雞煲套餐，雞煲連瓦煲上加白色。白飯講真就唔係好啱我口味，佢嘅飯係比較長身，食落較乾身。但係佢個雞煲真係好送飯，有小小辣，雞件件數適中，而且配料亦不少。真係送飯一流，加上啲汁👍👍👍小提示: 如果覺得唔夠辣，可以叫佢另外要豆瓣醬！

親眼見，中午見肥女服務員對隔離枱個客呼喝，話佢人吾齊，命令佢走，態度惡劣😡當自己警察咁，真條差到冇朋友🤬個經理后來say sorry，但見個女服務員好唔順超，好惡咁，態度超差Please be aware of your attitude. Customers just want a nice place with good services for meal. Not to come to see ur  bad attitude. The customer service industry will be seriously affected by this kind of poor staff

✨✨東涌好選擇✨✨近排要去東涌做嘢，東涌被譽為食物沙漠，我都有少少認同，無咩好嘅選擇，所以呢個餐廳都係我近排嘅飯堂😆😆⭐️蕃茄豬扒通粉配炒蛋多士 $55包熱飲，凍飲+ $3🍲通粉好滑，係我鍾意個款通粉😆🥩豬扒厚身淋身，又有煎香過，好食👍🏻🍅蕃茄湯不算好濃，但都有蕃茄味👍🏻🍳炒蛋有蛋汁，不乾身，好滑👍🏻👍🏻整體算不錯👍🏻👍🏻晏少少就會好多人，所以要早少少去食，算係抵食👍🏻

難得今日lunchtime有時間同同事出去食飯，就去左東薈城搵食。好耐無食「羅麥記」既關係，大家決定排一陣都要食「羅麥記」。lunchtime既關係，都要等一陣先入得，7個人大概等左15分鐘先有位。佢哋每日午餐既選擇都算多，有時候有幾款都想食，今日原本掙扎左5分鐘後係想揀「香辣豆豉蒸排骨飯」，但係賣晒🥲最後揀左第二樣想食既「瑤柱蛋白炒飯」，唔洗等太耐就有野食。「瑤柱蛋白炒飯」（$68）：😉😉😉😉平時出街食飯叫炒飯最驚啲炒飯炒得太濕身或者太油，今次依碟自己覺得都算夠乾身又唔會油淋淋，瑤柱炸過夠香口，同埋口感會同出面食到既「瑤柱蛋白炒飯」會有啲唔同。個飯既份量都夠大，大到我都要俾啲啲我同事食先食得曬。如果大家有興趣既話，可以加$12加配多士同羅記炒蛋，因為多士夠脆口，炒蛋夠滑☺️當然，茶記黎講大約$70食一個lunch好似有少少貴，但勝在質素唔差，唔會係劣食。

生日過後去完迪士尼就執齊野去東涌OUTLET再作戰啦！睇下有咩可以Shopping🥳 其實羅麥記之前已經好多地方有 但始終都未食過😂今次真係覺得又攰又餓就入左去食我簡左蕃茄濃湯豬扒通粉🥣茄味係濃郁 同埋豬扒都好淋 多士方面脆口好食 我覺得最重頭戲係炒蛋😂首先我係蛋迷 咩蛋我都中意食 而且好有蛋汁！不過我認為價錢略貴羅麥豬手仔撈丁🍜食食下都覺得幾濟下 因為d豬手都幾大舊 終於食到撈丁 好耐冇食！裝修好懷舊 幾靚既🤣

.懷舊港式茶餐廳🌟👅晚市小菜套餐✍🏻………黃金蝦球🦐 $98好有咸蛋黃味😆🌟🌟🌟🌟🌟………黑椒德國豬🐷手煲 $98上台仲有sisi 聲👂🏻🌟🌟🌟🌟🌟……..性價比：👅👅👅👅👅5/5味道：👅👅👅👅4/5服務：👅👅👅👅👅5/5衛生：👅👅👅👅4/5………抵食呀！晚市套餐😍😍本身德國豬手已經夠黑椒汁，但我地想用汁撈飯🤪所以問職員可唔可以比多小小汁😯點知!!佢比嘅汁係重新煮過熱嘅黑椒汁，我覺得勁有誠意👍🏻👍🏻😍

☕️ 食物：👍🏻👍🏻👍🏻👍🏻 /5 💰CP值：👍🏻👍🏻👍🏻👍🏻 /5  🤵🏻 服務：👍🏻👍🏻👍🏻/5 🛋 環境： 👍🏻👍🏻👍🏻 /5發現係呢邊做野咁耐，都未試過羅麥記，就一於今日試下啦！內外如一，冇令我失望啊 羅麥雞翼撈公仔麵 撈公仔麵個口感同味道都唔錯，而瑞士雞翼都大方地比左4隻我 ，瑞士雞翼就真係色香味俱全，而食物既份量都有少少大份，叫個常餐包滑蛋同烘麵包，一個女仔真係食唔哂