羅東肉焿番

營業中

休息中

小編又要講起啲煙煙韌韌嘅嘢啦😂係呀！又係芋圓啦，不得不說🤔呢間啲糖水係好合符小編嘅味道，好多出面嘅芋圓糖水都係偏甜😝但係呢個嘅甜度啱啱好食完成本嘢都唔會好膩，裏面有白玉珍珠同埋爆珠，當然唔少得芋圓，但係呢間啲芋圓有點偏硬🤥同埋冇出面嘅咁大粒，一開始未落單嘅時候仲以為碗嘢會好大，好彩都係細細碗啱啱好，嗰陣仲要係食第一餐就已經係甜品，食完甜品個胃啱啱好full咗可以去食正餐啦👍😂

滿懷期待地食了芋泥紫米三文治，坦白說，很普通，沒有傳說中的爆漿，只有薄薄的一層甜甜的...stuffing...沒什麼芋泥味。芋頭控很失望，可能是因為期望太大了吧⋯⋯

第一次食咁難食既台灣菜！！！仲要服務員態度差到....我哋三個人去食。我同個Fd都係食一口雞粒乾拌麵，一口雞好多炸粉、肉都無乜，然後乾拌麵一pat pat咁....另一個Fd食肉丸配滷肉飯+凍冬瓜茶野食難食都算...但杯野飲叫凍既黎到係常温、一粒冰都無，跟著我哋叫幾杯水，佢話都熱水，結果杯滾水喺我哋離開佢都未飲得，決定出去買野飲算！！重點係成間野有乜理由冰都無？！而令人最失望嘅係店員服務態度差到呢我哋去埋單，張單又無價錢，咁我哋AA唯有自己人手計，計完$218，但收銀個店員(女)話$220，我就諗乜出錯，野飲要另加$?! 店員話唔洗 咁我再睇埋落去，肉鬆紫薯吐司係$47，但我哋見到餐牌係寫肉鬆紫薯$45，拎埋餐牌俾個店員睇，點知個店員一直指住肉鬆芋泥吐司$42話我哋加紫薯就加多$5，話我哋係錯！心諗：你無病嗎？餐牌係你個印既，我哋錯乜？錯黎咗你間垃圾店食？即係你哋無Update個餐牌咪直接講囉!$2啫，有必要咁去欺騙顧客？我哋明明食肉鬆紫薯吐司，個店員就係咁指住肉鬆芋泥吐司話另加紫薯要$5！ 佢咁堅決指住份肉鬆芋泥 但我哋份吐司又無芋泥既？ 真係On到一個點，唔知以為個店員文盲唔識睇字

同frd約好左想食呢間好耐🥺佢最廣為人知嘅我諗都係呢個芋泥吐司！傾掂之後就即刻跑過去食🥳元朗真係好熱好曬！但係為左呢間野都係值得嘅😋🥪芋見紫薯吐司 💰45都係個句 有芋泥仲要有紫薯真係啱曬我😭聽人話呢間芋泥太凍唔係perfect 我自己就冇乜所謂 個feel似食緊雪糕咁🥳 烘底我都覺得ok 扁扁地方便曬我地咬！同frd來嗌一個就夠啦真係好飽肚架🙈🍛滷肉飯 💰20（係學生優惠呀）滷肉飯整體醬汁好多不過不失 呢個價錢其實係細滷肉飯不過已經夠曬我地兩個女仔分🤣 仲有一杯冬瓜茶配！🍜乾拌麵+鹽酥雞+花枝丸（午市套餐）💰62套餐包埋一杯特飲 frd叫左冬瓜珍珠茶 好甜可以解渴😍乾拌麵醬汁非常入味 撈住食好正🙈鹽酥雞不過不失 花枝丸有D太油 唔係咁鍾意🍧仙草芋圓3號 💰36有齊芋圓 波霸同埋爆珠好多料😍糖水有D太甜同埋有一股金盞花味 個人覺得太濃厚了😢不過食到最尾我地兩個都食唔曬 個胃頂到超漲🤣大家都係根據自己食量叫好D🤭

今日難得平日早放工可以去試一試元朗名物😂依間係長期人龍小店，每次去親都超多人食唔到原來平日嘅5:00去食係唔使排隊㗎！😂好開心仲有下午茶套餐可以試吓，由於唔太肚餓嘅關係淨係叫咗佢護院同埋滷肉飯套餐試吓滷肉飯來得好快，個人覺得佢嘅味道有啲似台灣當地食嘅味道非常之有風味飯粒都係用珍珠米，有咬口，隻蛋一睇就知好食啦套餐跟埋一個炸物，有台灣著名嘅小香腸一食就知係台灣嘅味道加上甜不辣，非常之懷念台灣，值得一讚嘅係佢都非常之有台灣嘅風味芋圓跟餐仲有一個揸返薯條非常之大，上面有啲粉，甜甜地，熱辣辣，好食！仙草清涼唔甜，芋圓有咬口，好食下午茶嚟講，人均消費40幾元食到佢地係勁抵食！值得一讚嘅係店員服務都非常之有禮貌，由其是一個後生哥哥，非常有禮貌，小店嚟講好難得，值得讚！

第一次過去食了個燥肉面什麼的有點咸，第二次過去排隊排了好耐，食了個牛肉麵和一個套餐飯，牛肉麵好好食啊，湯底好喝，牛肉又大塊又多，總之好食，推薦。拼盤的雞腿炸雞都好豐富，還有一小碗滷肉飯，好食😋

《廢物女孩👭食の覺醒》#元朗篇💩·🍴Oreo 紫薯泥吐司 HKD 46先講賣相都靚既 又真係同張相差唔多😂多士烘到脆卜卜 有好香蜜糖味🍯真係啖啖都食得到 同芋泥好夾又好平均😎而紫薯芋泥都非常滑 唔會好甜 最特別係💩👧🏿兩個都食到有小小薄荷味🤔oreo其實就可以當多左個口感咁 冇特別突出🙈雖然係一人一半 但都已經夠飽😂😂😂因為💩👧🏿去到已經過左6點ㅠㅠ其實仲好想試佢啲熟食阿阿阿～～～～～

假日去 本新要等30幾張檯 但因為好多人都行開咗 所以半個鐘就入得小店原因 座位唔多，大約得5-6張檯假期預咗要等位 都好多人外賣 食物方面：1. 細魯肉飯有埋半隻蛋 份量大約一碗飯左右 適合細食嘅人 多汁味道偏咸 （唔太清楚台灣口味 個人覺得咸) d料都好多 不過不失2. 肉焿湯米粉 算係招牌菜式 都幾好食 d料好足 份量正常3. 夜市拼盤 有甜不辣 四季豆 一口鹽酥雞 等小食 每樣4-5細件2人食就岩岩好 味道都係偏咸～～性價比較低但可以試到最多小食4. 紫薯多士: 賣相吸引 d料都好足～～～ 多士都好脆 鐘意食甜嘢可以試5. 無糖高山茶&冬瓜茶 正常發揮二人消費約$200頭～～ 食完都好飽下！味道正常 價錢係香港嚟講算係咁

因為超鐘意台灣足料嘅吐司難得去到元朗就3個味道都買哂返去試啦晚上7點去到都有啲人等外賣問咗staff一個吐司大概等10分鐘我要3個可能要20分鐘但實際我都係等咗10分鐘左右剛剛攞到嘅時候唔太凍又唔熱，應該常溫食就最好味1. 肉鬆芋泥吐司$40其實本身麻麻地肉鬆，因為怕太乾但呢件夾住滿滿嘅芋泥完全唔覺乾芋泥本身唔係好稠，食落幾smooth好清楚食到肉鬆同芋泥嘅味道另外每件吐司都會食到甜甜嘅味可能有搽蜜糖係吐司面，偶然食到啲蜜糖味好開心！2. 紫薯芋泥吐司$45冇諗過紫薯會咁甜，食一兩口唔覺得但食咗四分一之後，會感覺芋泥嘅味道比紫薯蓋過哂鐘意食鹹吐司做早餐嘅人可能就唔太適合3. Ores紫薯吐司$46係比較新出嘅口味雖然本身鐘意Oreo，但都驚兩樣野夾埋味道會好怪但食落又好match咁喎兩樣都係比較甜嘅野oreo本身攪到就黎變泥咁樣，如果佢係落脆脆嘅餅乾碎口感可能更佳呢個吐司比紫薯芋泥再甜多一點點總括黎講，可以一試本人寫咗一半個吐司就飽同屋企人share就最好，咩味都可以試哂一隻味食四分一個咁早餐就變得好豐富🥰

好似真係勁耐無出食評，疫情係最大嘅偷懶藉口，因為唔敢周圍去食😂，懶到連格式都改返簡單啲先ƪ(•̃͡ε•̃͡)∫ʃ 到呢刻仲follow緊呢個page嘅你妳地，真係要講聲thank you ( ´థ౪థ）σ-羅東肉焿湯餐 $78餐跟滷肉飯，滷肉半肥瘦，食落啱啱好，係好地道嘅台灣味 ♥(ˆ⌣ˆԅ) 重頭戲羅東肉焿湯超級足料，有勁多嚿肉，肉質Q彈爽口，竟然一啲都唔嚡身，成碗湯嘅質地好似碗仔翅，食到一半已經好飽滯 (灬⁺д⁺灬)鹽酥拼盤滷肉飯 $69入面有檸檬烤雞鎚、雞卷、一口雞，最鍾意係一口雞，炸得香脆皮又薄，食落一啲都唔油膩，反而有好香嘅鹽酥味，而且嫩滑多汁 ( ˃̣̣̥ω˂̣̣̥ )台灣士林香腸 $32食落真係同喺台灣食嘅香腸無分別，自家蒜蓉醬同香腸真係好夾 ♡ฺ 環境真係有啲迫，同埋等位要等好耐，所以大家去之前做好心理準備-👾味道：7/10🔙回頭率：6/10（10分最高）

近年都主要買外賣多，因為堂食每次都要排長龍😂但今日有朋友到訪元朗，好想介紹比佢😝😝所以就排吓啦🤣想試嘅朋友真係要有心理準備😌呢度無論咩時候都要排隊嫁🙈🍚下午茶−輕食飯麵套餐 ($45)滷肉飯係我每次都必叫🤣🤣🤣滷汁鹹香惹味，肉碎肥瘦均稱，飯係粒粒分明，唔會太濕🙆🏼‍♀️醬汁撈飯真係一流🤤套餐另配一款小食，我地揀左鹹酥雞😋份量都算多又炸得酥脆，同滷肉飯絕配😝🍡下午茶−芋圓甜品套餐 ($42)揀咗蜜紅豆芋圓😋芋圓煮得剛剛好，好夠煙靭，另外配料都好足，有仙草，海藻水晶同紅豆，全都好夾👍🏼套餐仲包左個精選炸物拼盤🤤 有台灣腸，甜不辣，仲有QQ薯波😍 好Q彈好好食😋朋友試完後都大讚👍🏼 話又抵食又好食😋 呢個價錢有飯又有小食又有甜品🤤🤤真係大滿足🥰

元朗呢間出晒名架啦 當好掛住台灣菜 去呢間一定幫到你地 網上睇到圖片都已經好吸引架啦 今日同老婆上網睇食咩好呢 打開app 搵元朗區 第一間就係佢 決定去呢間食 呢間出名多人 係人都知架啦🤣去到拎票 等左大半個鐘左右食得 排隊都排到肚餓 入面地方唔算大就得6張台左右啦 我哋分別叫咗椒鹽雞拼盤 同埋一碗招牌牛肉麵 椒鹽雞拼盤另外包一個肉操飯 首先講左個肉操飯先 今次係我第二次去食 一如既往好食 我用左最快既速度食晒 真係好好味 另外牛肉麵真係真心可以 佢個湯底我哋係飲晒☺️☺️拼盤就不過不失啦 無太大驚喜

仙草芋圓反勝肉鬆芋泥吐司🍞💛上次對外賣嘅芋泥吐司略為失望，但又聽朋友講話佢地嘅堂食會好好多，於是一於再訪😝今次一於試清楚呢間人氣之選🤣1️⃣ 🍚大魯肉飯 $20 學生優惠20蚊大大碗採用珍珠米，飯同汁嘅比例恰當，味道唔算重口可惜係佢地魯肉比較碎，冇咗粒粒肥瘦均勻嘅比例🥺2️⃣ 🍜乾拌麵套餐 $45材料配搭好滋味，有魯肉，豆卜絲等，芫茜點綴 (可走）醬汁豐富，不過對輕口味嘅朋友嚟講會有少少鹹，可以視乎口味撈醬汁😉麵質感煙韌有厚度亦掛汁套餐包小食同飲品，小JunJun揀咗鹽酥雞囉冬瓜茶一口鹽酥雞香口嘅，不過份量少炸粉多，當bonus啦😝3️⃣ 🍡仙草芋圓1號 $34呢款真係要推介👍🏻🤤完全可以encore😆三色芋圓共10粒，食到材料原味，質感亦煙韌，偏甜 仙草散發隱約涼茶味，非當滑溜帶有韌性 仲有亮晶晶嘅海藻水晶，食落煙韌彈牙又爽口，為成個甜品加分😋4️⃣ 🍞肉鬆芋泥吐司 $40今次再試堂食，的確比外賣好食，包身冇咁乾帶有微温，但未去到好食級別，整體都係偏乾滯，芋泥偏甜總結而言，呢間人氣台式小店的確有台灣嘅感覺，主食性價比頗高，推薦仙草芋圓，不過馳名嘅芋泥吐司表現麻麻，可以留肚試其他菜式😉😋

特色 #多士 外賣自取，外賣盒🥡$3#肉鬆芋泥吐司 #🍞 $40幾特別，甜+咸食～味道又幾夾。吐司是凍的，但是多士烘底和肉鬆都微脆，而且多餡料，感覺足料。涼浸浸的芋泥不會太甜，少少甜芋頭味道，不錯#乾拌麵 #刀削麵 $40即叫即煮熱烘烘，滷肉飯的味道🙈甜魯肉醬不會辣，個人比較喜歡他的面質，粗身彈牙～可能牛肉麵會比較好吃#一口鹽酥雞 #鹽酥雞 $42熱烘烘出爐，細細粒金黃色脆卜卜，惹味不會太鹹，不錯ᶘ ᵒᴥᵒᶅ個人口味評分：7/10

其實呢度已經變左我既日常飯堂🤣今次叫左個吐司就拎番屋企食，就寫下食評啦☺️🍞🍠 Oreo紫薯泥吐司 $46其實我真係唔太建議大家去羅東叫吐司，因為just for 打卡is fine😂我諗每個人一食落口總會有啲失望～第二次食終於明點解😂😂😂佢個包太厚，好唔鬆軟得黎又唔香🤨 仲要有啲乾啲餡就味道偏淡，完全食唔到oreo味🤣紫薯味道就中規中舉，餡料都整得唔算軟滑～我期望既吐司係可以好軟熟同熱，食入口會有幸福既感覺，但呢個就做唔到啦🤣🤣不過，其他野例如仙草芋圓都好值得一食架🥰