羅東肉焿番

營業中

休息中

最近每次吃台灣菜都一定會點個香腸，因為疫情不能去台灣，實在是太想念士林和馬告香腸的味道了……和蒜頭配上就更突出本身的香，因為我喜歡香口, 要是再脆身D會更正, 但總算是一解台愁。鹽酥拼盤不得不提甜不辣是炸得恰到好處，外面脆卜卜，但到中間是最喜歡的煙韌口感，果然炸是皇道啊! 不過要提一下辣椒醬會偏咸和重口味，大家不要一下點太多。我們又點了麥仔茶試，是台灣飲料一貫的甜，但麥味很清新解膩，我覺得不妨一試，會有驚喜。之前沒試過王子麵，覺得味道是不錯，不過煮得如果濕身一點會更好。滷味份量不少，讓我最念念不忘的是米血糕，如果可以單點我一定會續一個。最後是招牌肉焿湯，湯是芡湯，跟碗仔翅有點像，肉焿口感脆但不柴，而且個頭不少，有種大口吃豬排的滿足感!這家店和你妳有合作賣芋泥吐司，下次再來要吃吃看!

下午茶時間和媽咪來到羅東肉焿番，一齊品嚐台灣美食。肉鬆芋泥吐司:送上來時已切開一半，方便和朋友分黎食。一摸微暖，吐司表面烘得香脆，芋泥香滑，肉鬆咸香鬆化﹗芋圓套餐(芋圓2號)配精選炸物籃$43仙草芋圓2號:三色芋圓、白色小丸子、海藻水晶，芋圓煙韌有咬口，甜甜冰涼，透心舒服﹗炸物籃有花枝丸、台灣腸、甜不辣，旁邊有蒜辣醬，香口惹味，牛三寶湯麵套餐$76配凍高山茶:入面有牛筋、牛肋、牛腱，半隻溏心蛋。牛筋軟淋，膠質豐富，牛肋同牛腱都大件，口感偏硬身，勝在牛肉味濃。而手工麵彈牙，配埋濃香微辣湯底，果真一絕!

我一直都好想食元朗呢個芋泥三文治不過我成日覺得元朗太遠啦所以一直冇去不過作為搵食兵團最後我今日放假都係過咗去因為一場過去所以今次我嗌得比較多嘢食先嗌咗兩個招牌一個招牌係一魯肉飯加肉焿湯另一個招牌係乾拌麵加貢丸湯另外當然唔少得要加個芋泥三文治台灣野食梗係最尾加芋圓招牌一魯肉飯加肉焿湯魯肉肥瘦適中而且到個味道都好啱味仲有個流心半熟蛋而肉焿湯質地有啲似碗仔翅但當中肉焿既好好食湯加咗隻特別嘅醬個感覺好有台灣古早味乾拌麵加貢丸湯伴麵肉醬味道到適中加埋落啲面度令到啲面又唔會乾身本身面嘅質地好所以越食越香而貢丸湯又大又彈牙之後就到我哋主打我最想食嘅芋泥三文治揀咗遇見紫薯吐司除咗芋泥之外仲有厚厚嘅紫薯三文治焗到好脆身入邊就係紫薯同埋宇泥而且份量非常多一食爆漿咁好滿足加埋呢個芋圓紅豆有仙草有芋圓有海藻水晶每樣有唔同嘅口感但係都夾好好食一場入嚟元朗但食完呢餐真係覺得好

同朋友去元朗行街，見到有一間小店好多人排隊，當中有等位亦有買外賣。睇返menu, 原來有好多特色嘅台灣小食，當中有一啲應該係獨家添嘅！二話不說同朋友入去幫襯 ！有飲品、主食同甜品，都係二百幾蚊，非常抵食！滷肉飯～ 去台灣非常多人選擇食滷肉飯， 咁耐冇去台灣，當然要點返一碗啦！ 鹹鹹香香嘅味道加上黃澄澄嘅滷蛋，真係非常吸引！羅東肉羹湯～ 質感有啲似碗仔翅，但當中辣嘅味道係比較特別！一向肉羹畀我嘅感覺，都係用肉丸，但原來呢度係會用一件件嘅肉，真係非常特別而且好好味！不愧為招牌菜！澎湖花枝丸甜不辣乾拌麵～ 炸到好香口，而且落咗蒜鹽，非常惹味 。拌麵都係自製嘅～麵質非常有咬口，心機之作。芋泥綜合芋圓～ 一個甜品咁多配料正常情況下總會有啲比較， 但呢一個甜品，每一樣配料都非常好食！！ 雖然有唔同嘅口味同埋口感，但要我喺當中揀一樣highlight 我都做唔到，因為每一樣都真係非常好食，每一樣我都咁鍾意！！

突然好想食台灣嘢，所以去咗呢間位於元朗嘅小店！平時經過都見到好多人排隊，咁就知道係好嘢啦～😎介紹下食咗啲咩先～乾拌麵+綜合丸子湯套餐個拌面相當惹味！辣辣甜甜嘅，有肉碎同豆腐卜絲。值得一讚嘅係麵質好好，煙煙韌韌，而且都幾粗，可以沾好多醬汁😋綜合丸子湯有兩粒墨魚丸，墨魚丸裡面有一粒粒墨魚，好爽口彈牙😍另外仲有粒貢丸，都幾鮮味😋台式雞卷呢個真心正！😍雞肉出面有層薄薄嘅皮包住，炸得好脆，但又唔會油膩，雞肉仲好有肉汁😍點埋個辣醬一齊食就更加惹味啦~紫薯芋泥吐司吐司有牛油香味，烤得香香脆脆嘅～紫薯同芋泥口感幼滑，甜度適中😍唔錯唔錯～芋泥綜合芋丸（2人份）食台灣嘢又點少得芋丸呢～呢個芋丸好豐富呀，有三色芋丸、芋泥、、仙草、蜜紅豆、白玉珍珠、白色小丸子同海藻水晶。芋丸口感好好，QQ的～同埋芋頭味都幾重，證明係真材實料；芋泥整得好滑😍略帶奶香，好好味！而且整個甜品食起黎唔會太甜😗飯後食剛剛好😛冬瓜茶唔會好似一般嘅冬瓜茶咁死甜，非常解渴呢間餐廳真心幾高質，而且老闆同店員都好nice，真係有去咗台灣嘅感覺～就算排隊都值啦😎近排台灣疫情嚴重，希望情況快啲有所改善，天佑台灣

上星期响附近食完晚餐，經過這家店發現有芋泥吐司，當晚太飽吃不下，心心念念想要試吓，決定今日來食。店內陳設簡單乾淨，進店時剛好趕及下午茶嘅尾班車。叫咗2個下午茶餐，再加一個鹽酥雞，當然唔少得好想食嘅芋泥吐司啦。第一個茶餐係肉焿湯米粉，加半隻溏心蛋，仲有個炸物籃。溏心蛋口感又滑又香。肉焿湯米粉嘅湯好厚身，大大舊豬肉質地鬆軟有肉香，又幾好味喎。炸物籃有花枝丸、甜不辣+台灣腸，最鍾意花枝丸有粒粒花枝，唔點醬都好味。鹽酥雞又香又脆，食到停唔到口，怕熱氣就飲返啖冬瓜茶中和吓。第一個茶餐係芋圓甜品套餐，有一碗細芋圓，加一份炸地瓜條。炸地瓜條表面香脆，內裡香軟口感黏糯，加埋梅甘粉台灣味出曬呀。我哋揀芋圓3號，好鍾意仙草加芋圓嘅口感，連埋煙韌黑白珍珠更加正，仲有咬爆爆珠嘅滿足感，好爽！最後最後就係今次嘅主角芋泥吐司，佢其實係紫薯蓉加芋泥蓉，吐司外皮烘脆，紫薯蓉同芋泥蓉都好香滑，一啖咬落去，香脆嘅口感，滿滿嘅餡料隨即塞滿口腔，真係~ 好！滿！足！啊！

羅東肉焿番 (元朗)元朗鳳翔路69號建輝大廈地下5號舖週末當然就係揸車同女朋友周圍去下啦。今次入咗屯門順便去咗元朗搵食，好耐冇去台灣呀所以見到一間台灣嘢食當然係唔可以放過啦牛三寶湯麵牛筋牛腩牛肚組成嘅牛肉湯麵，豐富又好味份量都幾多，而且用上自家製手工麵條，好好味，最值得讚係佢哋嘅湯底甜甜地，又有牛骨嘅湯味肉鬆芋泥吐司肉鬆再加上芋頭泥，依個吐司嘅份量超級多，而且味道出色絕對有地道嘅感覺仙草芋圓3號仙草加芋圓再加上爆珠，多重口感多重選擇，呢個甜品食得出食又好味雖然疫症期間去唔到台灣但係估唔到香港都會有咁出色嘅地道台灣菜，算係彌補左唔少嘅缺陷

今日行開元朗，突然口痕痕掛住食異國美食，住係元朗當地既朋友就推薦左當地台灣既人氣小店，就係位於新界西美食天堂「雞地」入面既一間小店，聽講店主夫妻都曾經有特登有去台灣深造當地美食，所以都帶住期望去試下。去到之後，發現好多人係度排隊，隔住道門已經聞到芋泥既香味（因為我係芋泥控）。因為本身我同朋友都比較輕食既關係，所以決定點左一個細魯肉飯再加上各種唔同既小食。 入到去點左餐之後，因為小店人手既關係，所以大概十分鐘左右先開始陸續上菜，等既時間唔長唔短，不過野食都係熱辣辣。當中令我有最深刻印象既係古早味炸雞卷，可能香港本身都無類似既食物，呢隻雞捲係一層薄薄既腐皮包住雞腿肉捲。因為本身雞腿肉特別嫩滑，加上少少雞皮黏住腐皮既油香，食落雞味重但係又唔算特別油膩。我加左落去魯肉飯撈埋黎食都覺得配搭不差。而一口鹽酥雞聽講係小店必食，試左之後覺得炸粉幾薄而且雞肉都幾新鮮，兩個小食份量適合兩位輕到中食人士。最後甜品飲品方面有叫到無糖高山茶再加仙草芋圓3號，茶既份量唔算多但好適合拎黎解油膩。 總括黎講值得再次一試，不過可能會選擇下午放假時間去食避開人流。

近日新聞比較多台灣的消息，令我想起台灣的美食。所以揀左間係香港比較地道的台灣餐廳。我地點左：台式綜合滷味王子麵王子麵之前當零食食過、當麵食真係第一次，口感軟軟綿綿，好入味～配料有甜不辣，咸咸甜甜，好香滷水味。粟米仔- 爽口又帶甜滷水豬耳-爽口彈牙又入味米血糕-QQ口感又帶米香滷水雞翼皮滑肉嫩好入味。滷三層控肉套餐 包括：綜合丸湯- 濃厚既胡椒和蒜香味。香菇豬肉丸好香菇菇味，又彈牙，豬肉味濃🐽墨丸同樣彈牙，食到墨魚粒，唔係cheap cheap 麵粉丸👍🏻自家酸菜- 酸酸辣辣，令人好開胃。豆卜滷水調味好入味～木耳絲 - 口感爽滑魯肉飯用左珍珠米已經攞分，帶點脂肪既魯肉份外香滑，一口落去就浸出香味。滷肉帶少少油份令口感更滑，飯更香，每口飯也有滷肉香。流心蛋好滑溜～樽仔奶茶好得呀！茶同奶既比例岩岩好，好香茶味，超鐘意❤️蘋果蜜桃茶 好清新，好香蘋果和桃味，甜甜地，so sweet🥰夜市鹽酥拼盤包括：鹽酥一口雞- 超香脆、好香椒鹽味，和雞肉好配👍🏻香芋海鮮餅-好驚喜，竟然有我鐘意既芋頭，好香呀🥰甜不辣-口感脆得黎又煙韌😋四季豆-第一次食燒四季豆，口感好得意，調味以椒鹽為主，好食呀！仙草芋圓1號

日日經過都勁多人排隊，又有芋圓又有芋泥嘅台灣嘢食！見到夜晚有套餐，四號 滷三層焢肉套餐 綜合丸湯、自家酸菜、木耳絲、魯肉飯可轉滷水大雞扒。我哋就揀咗雞扒，好入味，肉質嫩滑，魯肉飯味道香濃，份量多，加埋綜合丸湯同飲品冬瓜茶。一人餐黎講係勁豐富。性價比超高。五號 牛三寶湯套餐有牛筋、牛肋、牛腱，配手工麵條。食麵最緊要係湯底，呢個牛湯底真係好濃郁，大大碗，牛肋、牛腱大大舊，好入味，牛筋爽口。一口鹽酥雞份量多，極具台灣風味，粒粒香脆。芋圓2號有三色芋圓、小丸子、海藻水晶夏日消暑必食，芋圓同小丸子份量好多，性價比高

久違既台灣味道 有一次去元朗行街時經過發現呢間餐廳好多人排隊 餐廳門外堆滿人群 好奇之下睇吓呢間餐廳係食咩 原來係食台灣食物 而佢更加係主打台式嘅肉焿湯 喺香港比較少見嘅台灣菜本身當日就想一試有幾好食 不過排隊嘅人數太多 等候時間比較耐 所以當日無去食隔咗幾日 揀喺平日再黎 我哋大約七點左右嚟到餐廳 但門外已經有好多人排隊等候 好彩最後大約等咗半個鐘左右就可以入到餐廳 一坐低 我哋就點左佢嘅招牌套餐 ---羅東肉焿湯餐，台灣士林香腸，鹽酥拼盤 羅東肉焿湯餐 $79套餐裏面有一碗滷肉飯再加一碗肉焿湯，而且餐廳好貼心會喺牆上張貼如何教品嚐肉焿湯，滷肉飯既滷肉好惹味 而且滷肉汁送飯一流 而肉羹湯係有d似碗仔翅 但係肉羹湯會比較杰身 而且裏面嘅肉丸比較有有咬口 肉羹湯本身已經有放調味料 烏醋，蒜蓉醬等 所以撈埋一齊食已經好好食😋台灣士林香腸 $33而一講到台灣又點會少得台灣腸呢~食落去就係台灣食嘅味道 而且佢配搭自家製嘅蒜蓉醬 令人一口接一口 好快就食晒夜市鹽酥拼盤 $69拼盤包括鹽酥一口雞，香芋海鮮餅，甜不辣，四季豆 全部嘅食物都炸得好香口 好好味芋泥綜合芋圓(二人份量) $70最後我哋叫咗

1號羅東肉焿湯餐餐有湯和魯肉飯同一杯飲品，其實都幾抵食，因為隨行的不喜歡辣，所以走辣和芫茜，真係真係變左少左好多層次，好彩有叫鹽酥食拼盤，所以有另外的甜辣醬，加上後真係另一個世界，不過即使只係食肉焿都好足夠，出面未必可以食到這種味道。鹽酥拼盤 乾拌麵拼盤亦都相當抵食，有鹽酥雞、蝦捲、香芋海鮮餅，樣樣都即叫即整新鮮熱辣，不過魯肉都要讚一讚，無味精但味道係敦厚，唔好太搶味但又濃郁，不過個人覺得乾拌麵，好食過飯。oreo紫薯吐司身為一個相機食先的香港人，見到紫薯吐司，就差不多必叫，黎到的顏色真係好靚，打卡一流，而味道都不差，雖然係凍，但多士仍然香脆，紫薯味好濃，oreo反而味唔太出，但增加脆脆的口感。仙草芋圓1號（三色芋圓、蜜紅豆、海藻水晶）一場黎到都要試下甜品，不得不說相當抵食，其實2人一碗都剛剛好，由其依家夏天，清甜清熱的感覺相當舒服。

這間餐廳的芋泥吐司經常在網上被人推介，所以行程第二站我們便來到這裡吃午餐，我們分別點了「遇見紫薯」吐司、一口鹽酥雞以及仙草芋圓 2號No.1【遇見紫薯吐司】$45本身我們對它抱有濃濃的期望，可惜「希望愈大，失望愈大」，沒想到它的美味竟然只是「吹噓」出來的，事實上它簡直是全場最難吃的食物！吐司的質感十分堅硬之餘，口感亦非常乾巴巴，至於內裡的紫薯芋泥，我本身以為是室溫甚至是熱騰騰，沒想到它竟然是冷冰冰的，這都算了，芋泥不單止欠缺濕潤的感覺，更沒有任何紫薯的香氣，淡而無味的，老實說連最普通的腿蛋治的味道都比它出色！No.2【仙草芋圓2號】$35芋圓和小丸子的質感煙煙韌韌的，十分有嚼勁，但是仙草的味道卻十分怪異，竟然帶有淡淡的薄荷氣息，簡直嚴重影響整碗糖水的味道，我嚐了一小口便已經想放棄了No.3【一口鹽酥雞】$43全場最正常的食物便是這份鹽酥雞，由於是一口 size，所以每一粒鹽酥雞都十分精緻小巧，而且雞肉亦嫩滑多汁，鮮甜美味，可惜它的炸粉卻太多了，真正的雞肉其實只有很少而已，所以不太值得推薦給大家價錢方面，遇見紫薯吐司 $45，仙草芋圓 2號 $35，一口鹽酥雞 $43，餐廳不用加一服務費

羅東已經係我朋友經常光臨既食店，食物品質優質，唔貴今日仲發現有新品！全部都好吸引，令到想去台灣好耐既我大為心動更令人心動既係佢有promotion!半價食滷味😍個滷味黎到哇出聲，咁足料，原價食已經好良心，佢仲做半價仲order 左牛三寶手工麵，有牛筋牛腱同埋牛肋，朋友話好出色，我偷左半件牛腱，一咬好淋好入味，係出色既牛肉次次都必叫既肉庚湯，味道不變，都係充滿台灣風味飲品正常發揮，珍珠有黑白兩色餐加$15有魯肉汁生菜，每次必加

呢間我想試咗好耐㗎啦！我好鍾意食芋泥，所以見到呢個芋泥肉鬆多士，真係好想即刻試！終於有機會嚟元朗，所以要排好耐隊都要食！星期日下午兩點幾嚟到，都要等10幾張枱，因為鋪位少位置唔多，唯有有耐性咁等吓啦。等咗大概45分鐘，就有位。肉鬆芋泥吐司真係名不虛傳，芋泥甜甜嘅程度剛剛好，肉鬆鹹鹹地，配合烘烤過嘅吐司，真係好好食！一個女仔食會食唔晒，如果可以買半分就好啦！除咗芋泥肉鬆多士之外，我哋仲叫咗個乾拌麵餐配三色丸。拌麵嘅味道好特別，係以前未試過嘅味道！雖然佢話辣，我自己就覺得冇乜辣。三色丸係墨魚丸八爪魚丸花枝丸，最喜歡食都係花枝丸。拌麵整體都OK，除咗重口味咗少少。