羅富記粥麵專家 (已結業)

週六的早餐終於有一間食肆得到笑臉!時間還早(9時),所以未有炸鯪魚球供應牛肉粥-粥夠綿和滑,雖然第一口有點鹹,不過再食,味道適中牛肉嫰,唔會太”林”,有少少咬口

炸醬撈同炸鯪魚球係我至愛,不過炸醬撈已經差左,但係佢個「蜆蚧汁」做得好味,佢地d雲吞好有以前大排檔個種味道,牛根又好淋,粥就唔在講啦!不過,如果係食晏多人ge時候,就好似沙匐魚咁迫埋一齊,又會比班夥計牛咁眼望實你,你食到一半已經大聲同等緊ge客講你就快走!最正仲係佢地班夥計,講野好似「拆樓」咁,不論男女,一定滿口「蝦蟹老味」,其中一個約六十歲ge男人最無品!經常呼喝d客,好心佢老闆改善下啦!

返學前同朋友黎食野先...,朋友食牛肉粥,我想來想去都唔知食乜,就是但叫左碗雲吞面,d雲吞幾好味,但係成碗湯都浸晒油咁...本來已經唔係好肚餓,我又唔食得咁油..所以食晒d雲吞同兩啖面就無食...可能我唔識食啦~我情願去沾仔記食好過,哈哈~~

我對於粥，總是欲拒還迎，我只喜歡粥水部分，即是將碗粥熱騰騰的端來時，碗面有一層薄膜形成部分，這需要粥底是綿才會有的，亦是整碗粥精華之所在。羅富記是我少數會食的粥店之一，其牛肉丸粥，粥底很綿很滑，而且它早開門，對厭倦了到茶樓飲茶或茶餐廰那些ABCD餐，這是早餐不錯的選擇，不過這兒是沒有茶供應的，飲料只有汽水。雖知道其最出名的是鯪魚球，無奈，本人對此興趣不大，而且處於中環，誘惑實在太多，始終沒有試。羅富記於中環已有三間舖位，而且每間都很多人，雖然不知那一間是最多人的，但卻肯定三間都能使老闆致富。

鯪魚球好好食,同出面o個d唔同,點埋d蜆芥實在太好味啦.牛肉粥都唔錯.雲吞都好好食.但環境差少少,舊左d.無咩服務,因為太多人啦.

上個星期同友人食羅富記,原本只係貪佢就腳,食完碗麵就覺得都算冇來錯~~雲吞麵size中等,d雲吞都唔係好大粒,但咬開後發現每粒都有2至3隻蝦,貨真價實,d麵仲幾彈牙,$17一碗都幾抵~~友人叫左個撈麵,我feel佢應該都覺得幾好味,因為佢小食猛話好飽好飽,都最後都食晒碗麵,下次我都試下先~~

每次行過,佢d大地魚的雲吞湯都會香都想走入去食番碗。但最愛還是鯪魚球,暫時係我食過全香港的鯪魚球中最好的。肉質彈牙而不"林"或硬。正!

細細個..媽咪就好中意帶我黎食~所以前幾日同男朋友經過~都再食下~味道同以前一樣~好好味~叫左一碟鯪魚球..一個粥一個撈麵..簡值食到停唔到口~一流~個日我地唔小心整趺左辣椒醬~個老闆娘好好人咁幫我地抹返~仲之就好啦~

一碟炸蜆芥鯪魚球+ 一碟薑蔥拌麵,食完鯪魚球之後倒埋D蜆芥一齊拌麵食~超正~~~

第一次係朋友帶我黎哩度食野ga，佢話平時行過見到哩間店好多人排隊食野，應該好好味，所以就帶我黎哩度試下。一黎到，果然係好多人，等左大約十五分鐘，終於有位喇！店裡面好多人，位好迫。坐底之後叫左兩碗牛腩麵、油菜同炸雲吞，牛腩湯味好濃，牛腩都ok，唔會話好廋好，油菜都幾大碟喎！少雲吞就油左少少，一碟都有六、七舊，食完覺得好熱氣！哈！之後再黎試ga時候就係食左牛肉撈麵同鯪魚球，都係覺得普通ga麵好味d！鯪魚球一般啦！

琴日有事中午要到中環一趟當然要先醫下肚先開工叫左鯪魚球粥($18),炸醬撈麵($22),淨水餃($18)鯪魚球粥～鯪魚球好彈牙又唔粉,好有魚味,一碗有5大粒,粥底雖然算綿,但落左師傅,食完成個下午不停飲水炸醬撈麵～朋友仔既炸醬麵好油又辣,結果佢要將d肉放入湯度沖一沖先食得,試左一啖覺得除左辣味外無乜味道,幸好麵條都幾爽口,無乜鹼水味淨水餃～一碗6粒,皮唔及劉森記薄,餡料亦無咁飽滿,有蝦,木耳呢d大路材料,ok啦!阿姐都幾好禮貌服務唔錯不過要飲水就要主動問佢攞同埋阿姐有時會壓d手o係檯面既食具度衛生意識較差

最鍾意食佢地個d 鯪魚球粥....有成5粒.....係外買喎....仲有蜆芥鯪魚球.....最緊要係唔洗自己去買....有朋友買返黎

一路都有食開羅富記d粥，因為媽媽愛吃它的滑牛粥，通常也是倍她來的。而我便愛吃咸瘦肉粥，原因好簡單因為它的咸瘦肉是絲狀的，有點像手c的，吃上來不會太肉。不過今次是自己一個來吃，可能是下午4時多的關係不是太多人。我如常叫了咸瘦肉粥，可是今回只吃了半碗，自覺浪費便叫伙計拿外買碗給我，她見粥放進外買碗中只有半碗便問我"要不要加粥?""0下~加粥?""是加滿它!""0我"她便拿走外買碗，回來的時後是一碗加滿了白粥咸瘦肉粥，沒有收錢的(外買碗要加一元)。回到家爸爸以為是買給他吃的，他吃了，我沒有說出真相~哈哈~~~

週日晚上路經靜英英嘅中環, 見呢檔羅富記有開就入去, 估唔到假日晚上佢啲生意都唔錯, 落單嗰位亞嬸可能太忙碌, 做到有啲燥燥哋兼寫漏嘢叫咗及第粥($18), 炸鯪魚球($9)同油菜($11), 粥底還算不錯(不過我還是比較偏好對面海彌敦粥底嘅綿同杰), 豬潤豬腰灼得剛好, 但豬肉丸則比較實同'鞋', 美中不足; 炸鯪魚球一貫香口, 水準意料之中食食下見到黃X如同佢老公入嚟幫趁, 佢真人同上鏡個樣......又唔算差好遠, 都係上鏡時表情nice啲嗰種, 其他食客見到都吱吱噚噚, 唔知講咩呢?

There are two Law Fu Kees in Central, both serve excellent congee and both located in the sidewalks that zigzagged into the office buildings and commercial hubs of Central. The congee variations LFK serves are more or less alike those you will come across in any other congee houses in town. What really makes LFK different, however, are the tiny nuances of perfection, such as the incomparable smoothness and creaminess of its congee. Rice is entirely melt into the congee after simmering hours on e