維記咖啡粉麵

營業中

休息中

相信係香港人都會聽過維記豬潤麵❤️❤️而且相信好多人都會食過但作為香港人嘅我竟然未食過所以我決定今次嚟到深水埗排隊都要食一次去到已經見到大排長龍啦🥲🥲🥲冇計啦決定咗就一定要排隊等咗大概20分鐘左右就有位其實呢度嘅食物選擇唔多 加上嚟得一定係食豬潤由於我麻麻哋啲面 我就叫左碗豬潤米粉✌🏻✌🏻嗌完嘢食好快就到佢啲豬潤真係超級多 仲要件件都好大件啲豬潤吸哂啲湯底 令到啲豬潤好入味食完再食不停咁食 以佢嘅米粉煮得亦都唔會好冧口感好好 個湯底有齊晒豬潤嘅味 唔怪之得佢咁多人排隊😂😂😂我覺得排一個鐘頭都值不過大家要坐就坐得真係唔係好舒服

幾年前成日都黎食係一碗好好食嘅豬潤通，當時嘅豬潤厚，食落去爽滑，有將豬潤睥水。每次黎深水埗都一定必食。今日再黎食，本來非常期待。上枱賣相唔靚就一直都係嘅，所以冇咩所謂。點知連內涵都冇，啲豬潤竟然每一舊都又薄又硬又苦，成個素質都差好遠。實在唔理解點解本來一碗好好嘅豬潤通可以退步成咁，好明顯冇心做。如果唔係點可能一碗咁嘅素質嘅通粉都仲可以放上枱俾客人食 曾經係一間好識整豬潤嘅店，宜家係一間完全唔識整豬潤嘅店，同煲完湯嘅豬潤冇分別。非常之失望，又少咗一間好食嘅店!

每隔一排就一定要返去食豬潤米每隔一排都一定會返去食豬潤牛肉米，因為出邊真係食唔到一間豬潤麵係可以咁濃味嘅湯底。每一次我都一定會將碗湯一滴不留咁飲晒佢，因為飲得出湯底係用上非常非常多嘅豬潤熬製而成。豬潤非常有口感，好新鮮、一啲腥味都唔會有。已佢人流咁多，所以豬膶真係新鮮，即叫即煮，有時豬膶上枱仲有少少血紅色，要浸落啲熱辣辣湯到令到佢熟啲我先會食。牛肉有牛味，口感比較鬆，唔會有筋。想讚下價錢真係好抵食，豬膶同牛肉份量非常之多！今次仲要加埋午餐肉，真係捧住個肚走。

放假到深水埗買電腦用品， 經過維記咖啡粉麵， 就入去食下午茶。 大約下午5點幾好快就吃晚餐，所以下午茶就食少少，蛋牛治$19、西多士$19、煲鮮奶$15、凍咖啡$15。 蛋牛治味道正常，普普通通沒有特別。西多士與糖漿融為一體， 味道不會太甜。 煲鮮奶溫度夠熱， 凍咖啡淡而無味， 好像飲啡水。😊其實以前都食過幾次， 食物味道正常， 不過今次對咖啡就有點失望。🍴維記咖啡粉麵地址: 深水埗福榮街62號及66號地下/ 北河街165-167號地下D號

這一家應該也是老字號，沒有疫情前，放假去吃，永遠都是大排長龍，就算在疫情期間也會有一些人在排隊他們家最著名的就是這個豬潤面🐽🐽🐽還有他家的芥央多士另外也有腸仔/午餐肉/牛肉，還有其他別的配料我這次點的是芥央西多士，差不多十桌裏面有七八座，也有點這個有蛋的香味，還有脆脆的邊，中間的芥央醬，甜甜的配搭的非常好吃有通心粉/米粉/公仔面也可以雙拼三拼四拼，加錢就可以了以形補形這個補血豬潤面真的很好吃

不管是外帶還是堂食，這家店一直都維持長長的人龍，可想而知它的味道保證，這次點了招牌的咖央西多士、牛肉午餐肉通粉跟凍檸茶。雖然我還是比較喜歡傳統夾花生醬的西多士，但用咖央來做夾層還是挺新穎有風味的，點是超級邪惡！反正我跟我朋友都很喜歡這個口味，一下子就已經把盤子清光了🤣🤣不過牛肉通粉的湯底才是精髓所有，用牛肉豬肝熬成的，很有味道的湯，不用加任何的辣椒醬都已經很足夠了，最後茶味偏重的凍檸茶絕對是我的愛❣

放工出深水埗食維記 ,豬潤麵$30,湯頭來說跟小時候常吃的豬肝湯非常相似,維記一定要食豬潤麵， 豬膶麵系招牌，上得好快，整得好食，但膶厚身啲就好啦!!咖央西多士$19,金黃酥軟，也沒有挾帶多餘的殘油，內餡的咖央據說是自家製!

黎到深水埗就必定要食維記嘅豬膶牛肉公仔麵，加吔多士，真係超級好味，豬潤超級爽，配埋公仔麵真係一流，唯獨飲品要散叫！依家去多數都不用排隊很快有位，不用等太久！大家不妨試一試

維記咖啡粉麵都可以算係由細食到大，基本上去親深水埗，九成都會揀食維記，就算佢地長期都要排隊；呢日同樣，即使受到疫情影響，限二人，人氣不減，都係要等位，但都無損我地想食嘅意欲；味道無咩點變，不過牛肉同豬潤唔知係來貨轉左、定係煮耐左，覺得肉好鞋，無以前咁好食；而落單姐姐都唔再好似以前咁快而準、竟然落錯單，咁多年黎都真係第一次，以前全場爆滿搭哂枱都唔會落錯單，反而宜家因為疫情限聚，人少左，坐疏左，反而姐姐記性都差左🙈餐牛米餐潤米

隔左一星期食左兩次嘅豬潤麵。湯都好有味，唔會好咸，唔咪精！一食豬潤，唔知點解豬潤可以咁爽口！一碗麵好大碗！豬潤又比好多！第二次點左豬潤牛肉麵，連牛肉都好滑好嫩！第一次試咖吔多一般，但第二次叫西多就好好食！

雖說內臟膽固醇高，不宜食，不過隅爾食也無妨。 到維記必點它的豬潤牛肉米粉，選雙併無非是想減少進食豬潤的份量。豬潤與牛肉及米粉胡亂堆放在大碗內，碗邊的泡泡也實在不太美觀，不過食落就覺得它平凡樸實，沒有額外修飾。豬潤剛熟，幼嫩無渣，薑絲跟豬潤就如抹茶配紅豆、朱古力配香蕉，牛肉配黑椒等，兩者配搭起來，發揮出最佳效果。牛肉其實也不算差，只不過主角是讓給豬潤罷了。湯頭清甜，喝後不會感到口乾，足以證明冇落味精。

屹立喺深水埗好多年嘅豬潤湯麵，即使係住沙田嘅我好多時都會專登揸架車出去食。所以門口長期都拍滿晒車，搵個位都難呀。例牌叫豬潤牛肉湯米，豬潤一啲都唔腥，質地偏軟熟，軟得來唔會太淋，豬潤數量都唔少。牛肉質地偏林，唔會軔，牛香味唔算好突出。最精彩係個湯底，係用大量豬潤主城，超級香嘅豬潤味，唔會好鹹充滿鮮味，每一次我都會飲晒見底。如果想有少少辣，可以加胡椒粉，帶出豬潤嘅香濃味。咖央西多中間夾住嘅係傳統解央醬，西多嘅麵包唔係好厚不過好易入口，麵包沾滿蛋漿先拎去炸，入口濕濕地，但香味濃郁。中間嘅咖央亦都有滿滿的蛋黃味；配合埋糖漿食，真係停唔到口

深水埗維記食之前冇心理建設你一定會鬧佢，所以你食之前我要話畀你聽你會食啲咩。好多人食豬潤下意識就會覺得要食爽脆彈牙滑捋捋半生半熟，入面個心仲係粉紅色嗰隻，但維記唔係賣呢種。維記嘅豬潤呢，就係類似枸杞豬潤湯，入面嘅煲湯豬潤咁，你食完碗豬潤麵呢得到嘅係行氣活血這個種感覺，而唔係滑捋捋爽口彈牙嘅感覺，所以可以留意返個湯頭算比較特別。咁我多士我覺得就普通嘢唔需要特別試，抵食就唔係特別抵食啦，嘢飲分開嗌，碗麵都偏貴，始終已經係一間知名嘅餐廳，坐同服務都唔係特別好，但始終都係值得試一次嘅深水埗食物。

今日第一次去到深水PO幫襯呢間好出名食豬潤麵朋友食豬牛米，我點左牛麵（本身唔like豬潤），另加西多咖央，凍奶茶外賣拎走，無係果度食，上左朋友屋企食，只不過係行2條街，好近咁食啦，食左個麵先，哇個麵淋到丫，係發脹而且淋，omg我唔知係果度即場食會唔會好啲啦，只係相隔我諗5分鐘已經咁不過佢係普通大光麵，係差架喇（個麵）咁我試佢個牛肉啦，正常，無特別，即係唔會話好好食，唔係特別嫩然後我試朋友個米粉，呢個就好硬身，硬到好似未熟咁既食咖央西多，我心諗呢個係最OK，點知無我幻想果種咖央味道，純甜，蛋香係有既奶茶正常總括黎講，唔係話失望，無期望，不過係令人難明點解排晒隊潮聖

用家個人感受，不是打手！7️⃣0️⃣位置，深水埗地鐵站出，行過去5分鐘，唔難搵嘅，學生時代經常去。4️⃣0️⃣裝修，茶餐廳格局，感覺唔係好乾淨，坐得唔舒服㗎，食回憶咋。今日大約5:15pm去到，無乜人，入去坐低叫野，叫晒野即收錢，心知不妙，原來話拉閘關門(白色台個間舖)，唔係掛，叫晒野先講，早知我唔食啦。6️⃣0️⃣招呼，落單姨姨都ok，食物好快到，食咗5分鐘咋走啦，阻人收工感。3️⃣0️⃣豬膶米$32，可能趕收工，無講錯，大約5:15pm話拉閘，只得2塊大小小嘅豬膶(睇相)，其他都係散修修的，又無味，連基本薑味都無呀，痴線，衰過湯渣。4️⃣0️⃣凍啡$15，完全無啡味，奶水糖水，又賴關門事吧。❣️2️⃣0️⃣CP值，兩叄年前去完之後，已經同自己講維記已走晒樣。今日路經，又心癢癢再吃，完全失望到極點，發誓唔會再去。下午5:15pm幫襯，埋單$47。