維記咖啡粉麵

營業中

休息中

4/5⭐️ 豬潤麵x咖央西多新配搭** 🍜 經典雙絕 🐷 豬潤麵 + 煎蛋- 豬潤鋪滿碗 雖然冇以前咁爽脆，但依然嫩滑無渣 - 靈魂豬潤汁多到浸滿麵條，加隻太陽蛋撈勻更邪惡 🍞 咖央西多士-*爆醬級咖央，班蘭香+椰香雙重攻擊 - 麵包外脆內軟，即叫即煎熱辣辣 - 配熱奶茶係絕配，甜度剛好 一碗豬潤麵+半份西多士，完美演繹老香港早餐進化論！

好似好來無來食過佢的豬潤🐽, 望下餐牌, 有通粉, 米粉, 公仔麵同好少外面會煮的湯意大利粉😘, 叫左豬潤🐽加雞蛋🍳🥚湯意粉, 凍奶茶🥤🧋走甜, 等左一陣凍奶茶先到, 可能真係走甜😆的關係, 帶唔出味道出來😁, 只係飲到奶茶的茶味😅奶味就唔係好飲到😀, 再等左一陣送來意粉, 不過店員知道比錯牛肉🐮, 之後立即拿走👍再等左一陣送來豬潤🐽雞蛋🍳🥚湯意粉, 飲啖湯先😚好清甜, 湯上面好多滾起的豬潤汁😆, 真係d湯超級滾熱🥵, 食啖意粉, 浸左豬潤湯🤩好味道😀, 豬潤🐽都比得好多, 但已經比以往食覺得無敢爽脆😅, 不過又不是好粉個只, 只🥚🍳煎蛋食落幾香蛋味🥰👍 一啖湯一啖意粉一啖豬潤, 簡簡單單的一頓午餐, 可能真係連續假期的關係, 都好容易找位置😀 抖一抖飲埋杯凍奶茶走人😁唔係阻礙人家位置太耐了😂

作為一個資深的美食愛好者，深水埗嘅維記，是我每個月必定會打卡一兩次嘅地方。每次光顧，我都會毫不猶豫地點上一份猪肝牛肉米粉，再搭配上一杯凍柠茶或者凍奶茶，另外，西多士也是必不可少嘅。這樣嘅搭配，對我而言，簡直是絕配！維記嘅猪肝牛肉米粉，湯底清甜，米粉充分吸收了湯汁嘅精華，每一口都超級入味。而猪肝同牛肉嘅口感，更是鮮嫩得讓人贊不絕口。至於凍柠茶，清爽解膩；凍奶茶，醇厚香濃。西多士則是外酥內軟，夾心香甜，令人回味無窮。維記無疑是典型嘅平民美食代表，價格親民，味道卻是一絕。每次坐在維記，品嘗著這些美食，心裡都會湧起滿滿嘅幸福感。真心推薦大家都去試一試，相信一定不會讓你失望！

懶惰二人組本身想去深水埗我地去開既冰室食返個下午茶，不過原來間冰室唔覺唔覺關門了！今日又想食下粉麵，於是轉去食豬潤麵食！《潤牛麵》 $40/ 《豬潤米》 $37/《凍奶茶》$16極速上菜，大大碗，湯熱辣辣。琥珀色既湯，有薑同麻油既香味。豬潤同牛既數量都算係多。豬潤爽口 鮮牛有少少咬勁。好食，不過一大碗食到最後有少少漏，飲兩口湯，有少少薑同麻油味都可以中和一下。奶茶茶味濃!🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟整體❤️食物選擇唔係多，不過豬潤好食，個湯都好香。💚環境就係一般粉麵店，佢有三個鋪位，有一間係特別舊架！💛服方面，姐姐人肉落單，上菜速度極快。有時會食下姐姐先寫單俾你😂Rating：懶惰鼠😻😻😻+0.5懶惰虎 🤩🤩🤩📍維記咖啡粉麵深水埗福榮街62 & 66號地舖/ 北河街165-167號地下D號舖💰人均消費：$60⏰營業時間：星期一至五 06:30 - 17:30星期六日及公眾假期：06:30 - 19:15

好耐無去維記食, 今日出開深水埗就去食, 點知勁失望, 好難食, 叫左餐牛麵多汁, 點知嚟到無味, 淡茂茂, 問佢地係咪多汁, 佢地話多汁左, 但可能無落鹽, 叫我自己落, 但湯底根本無牛肉味, 落完鹽只係變左鹽水麵, 試左一口, 都係好難食, 食唔落走左。竟然答得出唔落鹽要個客自己落都好搞笑…. 個麵自己係屋企煮真係好食過佢。

佢嘅豬膶麵都出咗名好多年，一直都幾好，間中會專登黎食，例牌食豬膶米。雖然要等位，通常都好快可以入座。以前個湯好清同埋有濃濃薑味，機本上每次都差唔多飲晒啲湯，而豬膶都新鮮。今次食已經完全唔同，飲第一啖湯就覺得怪，無咩薑味，又鹹又濁，飲多幾啖喉嚨‘確確地’就無再飲。又係變左味精湯🥲其實間鋪都係專注做幾款野，正正常常整個湯就好，豬膶係正常，但係湯底完全唔得。啲餐廳越做越求其，機本野都唔做好，又少一個選擇😓

太耐冇食呢間嘅豬潤麵，有啲掛住，🤭🤭之前都有食過好多間唔同嘅豬潤， 但始終覺得呢間係好味啲嘅，🤗🤗當然有好多人嘅意見都唔同， 但係去到見到好多人食即係證明都唔錯😋😋今次只係簡簡單單叫個豬潤牛肉麵， 我喜歡佢哋就係唔係太大塊嘅豬潤， 比較容易食， 平時我就會嗌佢哋個咖央多， 因為今次得一個人所以簡簡單單就算數🥰🥰 等我下次同屋企人嚟再試過， 飲品我就叫咗杯熱鴛鴦， 始終都係覺得舊式嘅餐廳咖啡鴛鴦係好好飲嘅🤩🤩

好懷念10年前嘅味道。以前嘅湯底好清好有薑味豬潤味，一上枱就飲咗一半，食完整碗麵個湯已飲了9成。雖然現在豬潤都仲keep到以前老闆嘅質素，但湯底飲兩，三啖就會停，食完成碗麵都會乘好多湯，食完個湯米後個喉嚨感覺唔舒服，個湯底咁深色及味道感覺似加入了豉油，偏咸，一路食一路唔開心，仲想停下來就完。食湯粉麵湯底好重要。現在感覺無咗靈魂。好掛住以前老闆打理食店時嘅豬潤“湯”米。還有加蛋，以前隻蛋係煎蛋個蛋黃係熟嘅兩面係有少少濃嘅，今時今日加蛋個黃半熟兩邊都唔濃。真係唔同哂。係幾年前去都發現唔同咗，但今次比機會再試，可惜食物味道都無咩改變，我諗暫時都唔會再去喇。

今天去深水埗逛下，順便去這間小店食下午茶。已經很久沒有到這裡用餐。今次點了豬膶牛米，湯底跟以前相比沒有那麼多泡泡，味道也不如以前那麼濃郁。不過，豬膶依然鮮嫩。雖然是豬膶牛米，但牛肉的份量不多，而且切得很細，驟眼看以為只有豬潤。

位置深水埗豬膶麵，深水埗排隊店，同朋友叫左一碗嚟食，再叫多份咖央西多，店內環境坐嘅位置不多，但大家都是密密食完就離開，所以都不用等好耐，豬膶麵的豬膶好重薑味，豬膶大件，食落唔會有內臟腥味咖央西多唔算大件，但加埋糖漿味道很好

離開咗深水埗一段時間，再次食佢嘅豬膶麵真係震撼到我。冇諗過會變得咁難食，豬膶又老又柴，食落冇味，湯亦冇晒啲豬膶泡泡。唯一可取，係夠熱！為咗減低我因為食咗劣食而引發嘅憤怒，我加左件加央多，希望可以平衡味蕾，好彩冇浪費呢$16，佢療癒咗我，冇即場反枱。隔離枱有對銀髮族夫婦，嗌咗豬膶麵同牛肉麵，佢哋都話豬膶好老、咬唔到。伯伯想叫店家換，但婆婆制止佢，話食唔到就由佢，最多以後唔幫襯。冷靜落嚟，回想剛才嗰碗豬膶麵其實並唔係咁難食，只係佢唔再係維記豬膶麵嘅味道，佢只係一碗將貨就價，用唔新鮮豬膶做嘅麵，我剛才嘅憤怒只係恨鐵不成鋼，只要放下對維記豬膶麵嘅感情，就唔會影響到我情緒。香港飲食業萬歲！

個湯溝水溝到稀過滾水 已經食通粉 都係冇味越嚟越難食 越做越hea專程黎食一定失望而回以前唔係咁的以前每次黎都好期待希望老闆可以用心少少個湯真係冇味 唔好再令專程黎既人失望奶茶都好飲 加映西多都好食 係粉麵越嚟越差

真係好耐好耐冇幫襯但佢一直都喺我個list今日終於有機會經過，本身已有d飽都格硬食，最期待嘅咖咉西多。但換來嘅係勁失望同決定可以將佢從list剔走。記得以前食，個咖咉冇咁淡色。而我叫西多，就expect係西多，唔係多士囉。佢直程就咁，搽醬，痴埋兩塊包，煎蛋，放包入蛋，就上碟。莫講話金黃，係小小黃都冇。由一間變兩間再變3間，誠意就逐間咁減。咁算啦，以後唔洗再掛住你。

深水埗豬潤麵獨步江湖今日食咗豬潤麵，呢個係我試過咁多地方，始終都覺得深水埗最啱我口味。佢哋嘅豬潤麵湯底濃郁，豬肉潤滑多汁，令人食完仲想再來一碗。配料方面，豬肉片煮得恰到好處，加埋啲青菜同麵條，一碗麵下肚，暖和又滿足。而且喺深水埗食豬潤麵，環境無改變，有特色，唔會覺得唔舒服。食完飯心情都好好。總括黎講，深水埗嘅豬潤麵真係獨步江湖，唔會令人失望。如果你鐘意豬潤麵嘅話，真係要嚟深水埗試下啦，絕對值得一試！ 唔飽仲有可以過對面掃街

維記咖啡粉麵💁🏻‍♀️地址：深水埗福榮街62 & 66號地舖 / 北河街165-167號地下D號舖唔知大家會唔會同我一樣有個習慣就係每逢星期日朝早都會一大早起身食個靚早餐🍳靚早餐，靚心情🫶🏻老字號：潤牛麵湯底以豬潤為湯底，由細食到大食咗咁多年都係依然味道鮮甜👍🏻但唯獨是豬潤冇左之前咁滑身，最值得一讚係牛肉一樣唔係淋身個種☺️冇落任何梳打粉醃製過#潤牛麵 #豬膶麵 #foodie #香港美食 #香港好去處 #老字號