維苑餐廳 (已結業)

四個朋友到此餐廳食，食完三個都肚瀉，還有服務態度非常之差，換一杯水都換左好耐！我覺得咁o既價錢，唔應該係咁o既服務態度！所以去之前一定要諗過先

兩個人去食午餐......我同我朋友都係叫餐, 個餐的餐包及湯很快就到, 之後我朋友果個主菜很快便到......但我果個呢, 就係我朋友食完, 再飲完杯餐飲, 再睇完我之前在樓上80M巴士店買價值一百六十八蚊的書, 再出埋去櫃員機提左款返埋黎都仲未到, 足足等左四十五分鐘, 催第一次當我隱形, 催第二次當我死, 催第三次終於破口大罵, 仲竟然反問我黎左果個係咩, 最後在一點五十分叫的餐, 要兩點三十五分才到, 但係經理只係講左句唔好意思就算數.鄰檯更好笑, 兩個餐湯一紅一白, 竟然黎左個紅湯, 個白湯就等人地食完主菜, 仲要催先黎......仲有, 同意其他食家看法, 呢度的待應真係跑唔係行的, 非常危險.最後埋單$86, 小弟朋友一個仙貼士都唔俾就走左.

<<維苑>>出名据扒,之前食過都覺得ok架尋日下午一個人入左去食TEA,試下佢d拉麵餐服務態度ok啦...不過成日冇人理,想叫野食個侍應等到好耐先發現到我...叫左日式叉燒+雞中翼拉麵,認真麻麻...d日式叉燒都唔好食o既...一d都唔林...雞翼過得去啦,但係d拉麵...好重鹼水味...d湯又鹹...食到最後仲發現舊叉燒有條頭髮...於是冇食到舊叉燒...冇叫餐飲,碗麵$16加一,$18覺得好失望...

星期日成個商場都係人行完想行既就想搵個地方tea 一tea去pacific 又人多.最後去0左呢度叫0左兩個tea,幾好最好既係可以坐好耐我地兩個人坐四人卡位3點坐到5點幾~唔趕時間而又想搵個地方落0下腳呢度最0岩!

有時星期日朝早去睇戲之前一定0係度食早餐0的早餐都幾大份不過沙嗲牛肉麵有0的怪怪~~ 咁黃既? 似CURRY多0的~~.

上到黎見佢o地有咁多個笑都嚇一跳.呢間o野我就bad list啦.事緣係咁o既:有一次一班人去食,話唔食煙.點知一坐低,隔離檯已經有人食煙, 投訢啦.佢話我o地要吸煙區.重話另一邊先係非吸煙區,咁人家老屈都冇法子.冇耐佢話o既非吸煙區都有人食煙, 我o地話非吸煙區得我o地呢檯咋.

肥豬公講得無錯喎d侍應係跑係行架,好危險.講番d嘢,我試過叫tea set麻麻地啫!d飯好腍呀!d牛扒ok啦!d湯就差la,個餐包都好o既

我諗佢地都唔想.因為我有個朋友在那裏做過,規定啲待應一要快,要攞得多野.如果唔係,連工都冇~~

如果大家到葵芳維苑食飯時，你地留意下D侍應唔係行，係跑。我去過好多次，都見到此奇景。其實葵芳維苑D地方已經好窄，如果D侍應仲跑來跑去，真係好鬼危險，我見過佢地有次險些兒撞跌一食客的鐵板餐落地。仲有佢地D侍應好似玩雜技咁經常一次過由廚房好多個熱辣辣既鐵板餐出來分發比食客，見過一次過4個鐵板餐，每隻手2個。如果唔小心跌落食客度，都唔知點算!!!如果想睇下呢D奇景，快D去試下食餐飯。

投訴維苑餐廳(葵涌葵芳興芳路223 號新都會廣場177號舖)本人於08/09 晚上前往維苑餐廳晚飯,侍應生技巧欠熟練,把"紅湯"倒在我的褲上,侍應生只顧淸理台上食物,並沒有理會客人是否被湯燙傷.我要求侍應生遞上紙巾抺乾褲子,侍應生未有理會,郤只能於我再三要求下才遞上抺過台面的紙巾... 令褲子更污穢. 其後,某職員只懂說對不起,更說要免除10% 服務費及送兩個加$10.- 可得的甜品. 10%服務費+兩個甜品,估計巿值$40.-, 費用還不夠褲子乾洗, 難道客人就是欠了$40.-會餓死? 毫無誠意!!!!再者,賠錢事小,侍應生的處理才叫人失望!!!!此等事情發生固然屬意外,但到底侍應生是否有足夠培訓,好使他們懂得顧及客人感受呢?為何有事發生, 不是先照顧客人, 反是淸理現場為先?一個客人可以失, 但請問貴餐廳有多少位客人可以失呢?到Pizza Hut 用餐,只要成為會員,則隨時享有九折優惠,有上述事情發生,免除客人10%服務費是否看扁了客人呢?希望此餐廳能好好培訓前線工作人員!!!

8個同事去食lunch, 去維苑等位等左差不多半個鐘…我order左一個咖哩吉列豬扒飯套餐, 首先餐湯同餐飽都好麻麻, 唔好食; main course都係fair 啦, 味道冇乜特別, 有少少太油囉…其他同事o既套餐都覺得一般, 整體感覺唔係咁值, 去隔離食大快活會抵d…

噚晚食個鐵板餐，居然奉送小強一隻，搞到冇晒胃口。跟住諗住飲埋杯凍檸茶，杯茶淡到唔似茶，仲奉送菜葉一塊，簡直不知所謂，奉勸各位不要幫襯。

成日有老鼠,小強,服務又差,員工成日講粗口,該店主管應好好反省!

早餐同學生餐都好抵, 廿蚊多d.~<br />但係唔食學生餐..就貴好多, 成$40-50!~<br />d 服務都唔錯,都算有求必應~

尤其是大細眼果個,好似叫秀麗!service勁差,勁冇禮貌,成日落錯野!!火都黎埋炒佢la!!!搞到間餐廳cheap哂!!