維苑餐廳 (已結業)

上個星期夜晚去左葵芳維苑叫左個紐西蘭牛柳跟薯菜，叫左７成熟,結果出黎又變左６成,血淋淋唯有叫佢\整個,出番黎又係個舊扖,其實都預左,不過估唔到連汁都變左,蒜茸汁變左辣辣黑椒汁,真係食唔到,於是唯有叫佢\換,但係他們只是換汁唔換扖,塊扖仲可以見到一粒粒既黑椒,但估唔到係啲薯菜都少左,唔知係咪將啲有黑椒汁既薯菜唔要，所以餘下既都唔多,其實我都去過好幾次維苑,好多時話幾多成都唔準,有時同朋友去,6成仲熟過8成,既然唔準不如唔好問人要幾多成啦,真係食到一肚氣又唔飽,今次真係忍冇可忍,我下次都唔會再幫襯!

要我怎麼評維苑呢？當你吃過好的西餐，你當然嫌棄它的出品；不過當你想坐得舒服，又不想付百多二百元去吃一頓飯時，這可能真的是你的選擇。而在餐廳內，當你願意付多一點錢，很有可能吃到較高水準的食物。我就有過這種經歷。　上星期四，我與男友及另一個uncle，就約在維苑吃飯。很少吃牛的我一時興起，跟風都點牛柳。男友點的牛柳($48)口感較鞋，肉味不明顯，需靠醬汁搭救。我試了貴$20優質紐西蘭牛柳，質感與味道的確要好。　這有趣經歷讓我對牛的興趣大增。之前覺得去Ruth's吃五百多元的steak有點不可思議，現在卻有點蠢蠢欲試，因為真的有"一分錢一分貨"的道理~

晏晝tea一tea，心情輕鬆ｄ。但輕鬆的心情被維苑破壞晒！首先被安排坐一張極為擠迫的檯，坐入去之後就完全郁唔到，令食慾大減。Order一件西多士一杯熱檸茶，等了接近二十分鐘才來，跟住侍應又沒有給我刀叉，要問佢幾次先識俾我，真係激死！西多士個賣相嚇親人，個ｄ糖粉散滿碟上，好恐怖。味道當然唔好，又炸得唔夠脆，同茶餐廳既西多真係差得遠！一句講晒，唔會再來。

上星期同女朋友去葵芳百老匯睇六點半，見仲有成個鐘先開場，就去隔離維苑食返個TEA啦，個日都幾多人，我地唯有去吸區內的卡位，跟住叫左兩個下午茶，我地一齊叫左個雞脾薯條餐，跟住等左好耐個餐都未黎(大約等左四個字)，我地叫個男waiter俾兩杯水黎，佢冇出聲，但我確定佢一定聽到，又等左十分鐘，杯水都未黎，於是我再call佢，佢話未有水住，有冇搞錯，清水都冇你地點做生意呀，無水d餐飲又會整到既?個時已經一肚氣，加上等左好耐個餐都未黎，真係諗住走人。之後隔離個人又叫清水，佢先一次拎三杯過黎，真係谷鬼氣。跟住我地見到另一人埋單走個陣個媽仲問個女:「你做咩俾貼士佢呀，佢d service咁差?」跟住個waiter掘一掘個阿媽。可想而知呢度的服務有幾差。講返個餐，d雞脾口感好硬，薯條都晒，我估佢地放左好耐先拎出黎。總括黎講，呢間維苑真係唔好黎，我之前去過馬鞍山個間無論食物定service好過呢度多多聲。大家冇謂俾錢黎呢度受氣

上個星期五同朋友黎呢度食飯，食物就普通喇，不過Service 就的確係嘛嘛！一行三人，我同另外一個朋友都叫左鐵板牛柳餐，兩份一齊上時又就咁放低，又唔問下邊位要幾多成熟，到我朋友開口問佢先問返你邊位要六成熟！落汁時，個位侍應哥仔真係得人驚！可能我坐卡位埋邊，咁佢唔夠手長就好正常咁慢慢倒汁，我朋友坐旁邊，手夠長時佢就用個旁邊位好似倒水咁倒落去，當我想叫我朋友小心時，佢已經倒完，過程肯定係兩秒內完成！好想問下佢〝你好趕咩？〞兩份鐵板牛柳同一時間叫，同一時間上，我個塊鐵板就夠熱，倒汁時有沙沙聲，我朋友個塊鐵板就好似凍既一樣，冇喱聲氣，同一間鋪，同一款食物，同一時段，點可能咁都做唔到？唯一比較好少少既係我叫五成熟，佢大致上都唔係太熟，唔會好似其他既所謂食扒既地方，叫五成變八九成，不過以牛柳黎講，佢比較鞋口囉！不過自己唔係好鐘意呢一種開放式既餐廳，Delifrance 同Starbucks除外！

(15/10/05)本來去椰林,見哩度有位(我地7個人)是但啦。其實我心想,「維苑」不嬲都劣評咕喎,我以前個同事,都曾叫我幫佢寫投訴信,指摘佢地的service。大圍人話入咪入o羅。加$20跟餐,個羅宋湯,"creamy"得濃味,好多數是味精湯。佢地多是叫鐵板,我看淋個汁上去時都唔za za聲嘅,即唔夠熱啦,有點兒不像樣噃!至於我和男友叫左,煙三文魚龍蝦汁意粉。menu相,煙三文魚是生的,卷著,來到是熟左o既...,龍蝦汁味道好淡之餘,一D龍蝦味都無,意粉又"林"。芝士銀鱈魚鮮菇飯(葡汁),哩個ok噃!總括,焗的食物有點"紅螞蟻"feel。食物味道算中下。服務就好香港人「特色」,叫咪幫你o羅,唔會熱情款待。

兩個人去吃晚餐, 一肚氣.只是餐牌整靚些, 價錢較前貴很多.以前豬扒飯+湯+飲品- 約$45但現在單叫$48 + 20才有湯+飲品= $68我和老公叫乾炒牛河+ 瑞士雞翼墨魚餅焗飯乾炒牛河- 勁多冬菇, 牛肉只得幾小片, 味道不如茶餐廳瑞士雞翼墨魚餅焗飯- 賣相不討好, 雞翼很多毛, 隻碟又污穢, 瑞士汁不外如是黑衫經理態度差, 叫到扮聽不到.上菜超慢

看了大家的食評，看來前天光顧是走運呢！前天看電影前有五十分鐘晚飯時間，隨便走進了維苑。是的，服務很快，尤其上菜的侍應，都是用跑的！不過也不見有什麼意外，倒像在看雜技。而且感覺他們分工很好，一些專責上菜、一些專責點菜、一些專責收拾，很有條理，亦讓服務更快。至於食物，當晚有兩款晚餐供應，均為$48。我點了西冷扒，坦白說，原價$63是不會考慮的了，但以這個價錢，倒可以考慮。朋友點的是芝士焗西蘭花意粉。餐湯不很好，也不必期望這類餐廳的餐湯。但卻很喜歡那餐包，牛油味香，很鬆軟。主菜西冷扒很稔，也很大份，不錯呢！芝士焗西蘭花意粉的西蘭花不會焗的過火，沒有變黃不會過稔，也不錯。最愛是那凍檸茶。現在很多地方的檸茶都帶澀，不然就沒有茶香；這兒的不澀又有點茶味，檸檬也很新鮮，讚！眼見其他食客點了其他的菜，看上去均不俗。希望再光顧也是這樣好運就好了！

我之前都有睇過d 食評~~我都有心理準備會好差~~好彩去到又唔係~~不過d侍應o既服務好似唔係咁好~~個個講野都好"骨"(低音)~~即係冇尾音o個d呢.......最唔好就係我地係用現金券~~雖然coupon後面有寫明如果叫特價野就要用原價計~~但係佢地又冇o係menu寫明邊d係特價野~~到我地嗌o既時候先話俾我地知~~搞到我地又要再諗過~~好煩~~同埋佢地話用coupon一定要預先book位~~但其實我唔係好明點解要咁做~~就咁walk in點解唔可以用coupon呢??真係好奇怪~~不過好彩我地有book~~而我見到隔離檯又係用coupon~~但冇book位~~跟住同經理講左一陣~~不過最後唔知點呢???仲有就係d侍應真係行得好快~~見佢地拎住成個鐵板餐行得咁快真係心驚膽跳~~同埋最最最唔好就係成日催人地叫野飲~~都話左唔叫住~~過一陣又問~~超煩~~跟住埋單時有一個waitress又懶醒~~以為用coupon要加錢~~又要check我地係咪有book位~~好似好唔歡我地用coupon咁.......最好笑係有另一個waitress好似盲咁......明明張coupon寫住係"發出

今日一行7人去食LUNCH, 上菜，收碟一味快，D野食好似工廠o卑出黎一樣，好粗糙! 好噪，又會比出面的路人望到你食野，d臺不斷係敢"搭"，無路行，食完無位出! 一味快，一味碟頭大!

前排同friend食lunch,真係除左食物少許吸引之外,服務真係差得恐怖.我地叫左碟"牛扒加薯菜",味道ok.前菜既餐湯同餐包,味道都唔錯.仲要收得貴,又無加錢送沙律甜品,餐茶又去得慢雖然送水杯果位同事服務都ok,有求必應但見到有其他同事,真係當其他客人無到特別有個女樓面,不停兇神惡剎地只係叫其他同事執檯,她自己只係顧住自己工作,一係係度遊魂...真係,難道她雙手被人斬斷了嗎?見到人地食完野,就雙手插袋啊?佢最怪係... 一個落單,兩個送菜,四個清樓面最慘既係... 個個都好似無訓練過一樣,個個傻下傻下最恐怖既係.. 送餐果兩位仲玩"佛手",一手拎三四碟野,直衝埋去... 若果突然衝到客,叫佢點解釋?我之前另一個friend做過呢間,佢講呢間最恐怖係一日做十個鐘,無停過;有時仲會返朝早,下午落場,然後夜晚直落到十點... 難怪個個員工都好似訓唔醒咁啦.....若果維苑只顧包裝,而不理會"顧客至上"既心態,倒不如直接改名做"維苑茶餐廳"仲好!

我以前去過個度幾次, 食物味道麻麻最奇怪係有一次見到成班人(十個八個) 係離遠一張table度大聲講笑同食煙.... 睇真d個班人係d伙記黎!!!

全部維苑分店d waiter/waitress都係跑,唔係行o架,而佢地一d只負責落order,一d只負責埋單or執,係佢地策略,佢地話咁先有工作效率喎,點解係跑唔係行,因為老細鍾意喎,咁先叫做到o野呀,因我有朋友係度做過嘛, o野食衛生方面就.......真係不敢恭維,大家咪當眼不見為乾淨lor

呢間野d人做野十分古怪, 落單的只會落單, 執檯的只會執檯, 送餐的只會送餐, 就係咁落單都等好耐....無服務可言, 難食, 唔係平...唔會再去

葵芳店親身經驗: 之前一日BOOK左位準時去取位無留位比我地不過補鑊功夫OK荃灣店親身經驗:落錯單俾我BOSS 勁"媽"葵芳店友人經驗: 兩碟龍蝦都有小強雖然兩者外型有D似但係佢地唔可以同時出現!! 可怕!!