維苑餐廳 (已結業)

一晚同男友到此晚飯....其實入到去見冇乜人，都覺得唔對路，算啦，試一次啦~一路睇餐牌，見到有幾款特價扒餐唔知有咩分別...問侍應姐姐$48 扒餐同$58 扒兩種有咩分別，佢話"$58 新鮮d lor" (原來貴十蚊新鮮d...)叫完之後等十分鐘，見到個湯同餐包....再等十分鐘終於見到個鐵板扒!暖既~比起其他客已經算好，有個男人等到講粗口~ 因為等完咁耐佢個扒係凍o既!另一個客叫人拎枝茄汁，兩個侍應聽到扮自己路過，到人大聲鬧到出口先有個經理仔拎試過呢次唔會再去..v_v"

尋日與一班舊同學慶祝生日，差唔多9點，其他食店都仲要等位，見呢度唔使等位，就入在去食啦...搞左一輪，決定每人叫一個餐share食，成7-8個人，叫野食時一定會好混亂ga la！但個侍應姐姐都好有心機解釋，仲同我地有講有笑tim！其實食物就一般啦！無論價錢同食物質素都係同花園餐廳咁上下，個湯唔熱又冇咩味，main course就好d，d焗飯同d扒都幾好，份量亦夠大！叫d侍應加水都好快手，又好笑容，之後叫佢地幫我地影相佢地都好樂意，年青侍應有講又笑，個感覺好warm！個笑臉係比個service同尋日既心情既！

一月十六日離睇戲仲有成個半鐘, 之前都有黎過呢度食, 諗住呢間可以坐耐o的啦. 就同左個friend黎左呢度食. 三個人都係叫左當晚最抵既晚餐- 牛扒+ 炸吉列大蝦, 可加薯菜/意粉/ 飯, 連餐湯, 麵包, 一杯餐飲. 都係$43 未計加一. 點知o的人既服務都係"冇得頂", 整瀉晒o的野啦, 唔識搵布抹枱囉, 要人地叫囉, 唔知係咪o的waiter/ waitress實在太細個, 冇訓練過架呢? 最搞笑既係到埋單啦, 我同叫左一個哥哥仔講啦, 點知等左好耐都冇張單黎, 好啦, 叫過第二個啦, 我問佢匯豐card係咪有九折, 佢就走番去cashier度問. 佢之後行番過黎話有, 咁我就俾左張credit card佢. 我只係咁意望左一望張單, 但發覺有問題播, 我地三個人食左$96咁少, 我驚個waiter要自己俾番出播, 咁我再問佢有冇機會張單搞錯左, 佢個樣係完全唔明我問乜囉. 同埋我問佢乜唔駛簽名架, 因為佢拎左我張card去"look"之後, 就咁俾番張receipt同埋credit card咋就算囉. 另外一個waitress見唔對路, 走左過黎, 咁我又同佢講多一次啦.

睇《父子》前，到這兒吃午餐。女伴一個鐘頭前才飲過早茶，不餓，睇住我食。大部份食客都點鐵板餐。於是，我都點了一客「雞翼牛扒鐵板午餐」（$48），湯係磨菇忌廉湯（稀稀無味）、餐包（迷你版，既乾且硬）、鐵板（三隻細小的煎雞翼、一小塊超軟的「蘇打」牛扒、大量什菜和意粉）。味道係很差！餐飲要了杯「蘆薈柑桔特飲」（另加$7），柑桔味的超甜糖水。女伴的「蘆薈荔枝特飲」（$23）亦是糖水一杯，甜到飲唔落！環境侷促，服務超爛，餐桌油污黏黏，食物油膩，味道惡劣，得個平字，再便宜都唔會再幫趁！

星期六的晚餐7:30 p.m.帶位- 個男帶位無禮貌到唔望你，你根本唔知佢係咪同你講緊野﹗一路行去個位度，佢都不停左行右行同其他侍應講野，之後指住張個位話"呢度"~~~~ 唉Order - 叫左十分鐘，愛理不理﹗食物- 主菜早到過餐湯同餐包。到你食主菜既時候，主菜已經涼了一大半。本身主菜已經唔係好熱，涼左一半既銀雪魚自然已經開始唔多好食。旁邊個圍都係主菜早到過餐湯同餐包，另一邊就係早到過我，我走佢都未有得食。問女侍應要茄汁，點知佢轉頭唔記得左我要d 咩，但係佢冇問我，反而問佢同事，到佢俾支茄汁我，佢一個好慘既樣問我係咪要茄汁..但係佢俾左支冇哂既茄汁我﹗個女侍應都好客氣話俾另一支我，可惜，十分鐘都未見到支茄汁﹗﹗再追問佢，佢唔係答我，係用好無辜同好慘既樣望住我，唔出聲.......火都嚟埋﹗我要茄汁，又唔係要佢去死....帶位既男侍應，無論送餐定係埋單，佢都用跑﹗有幾次撞到其他人，但係似乎以為跑就係高效率.... 無見過一餐廳係咁..... 仲要係一間專食鐵板既餐廳﹗意見箱放係一個極隱蔽既地方，想投訴都難﹗唔會再去﹗﹗

呢間野d服務真係要幾差有幾差我本身o係葵芳返工,都食過佢地好幾次平時午飯時間,佢地好係多客所以十叫九唔應係梗既事黎既可以忍忍佢,但係我就試過兩次1:10坐低,1:50都未比到野我食(同我一齊去既同事都食飽飽了)我吹佢一野,佢幫我係咁易問一野,我再吹佢一野佢又幫我問一野~到我捉佢果個所謂既黑衫黎同佢講:我果份唔駛黎喇,我要走喇,你同我cancel佢啦~之後另一個伙記用0.37秒既時間擺低份餐o係我面前唉,都黎左,唔通唔食咩......又有一次去食早餐....落單果個妹妹d態度衰到我想大巴大巴升佢,但為左我個早餐唔好比人加料,所以忍手我自己本身成日食茶記,服務唔會睇得咁重但係呢間既服務真係差到令我好難忘大家如果唔係冇得簡都唔去呢間-_-"

睇你叫乜野食…比一般茶餐廳好好多，服務差了係因為之前既人唔做，換了新人，起碼無之前的靚。煎煎炸炸既菜式唔會點好食，去到邊一樣，係食客唔識叫，三、十四元當然麻麻，最差無乜抵食小食，推介焗飯同扒餐，通常越貴越正，如果淨醫肚去麥記，維苑可供你傾計一、兩個鐘，這已是很好，千祈勿坐近WC或對住風口，否則食完可即走。

環境好唔好就見仁見智喇但係服務就麻麻啦大部分都係冇乜禮貌反而最有禮貌既係執野囉叫野果陣個女仔對住入黎既客大叫好耐:坐呢邊呀！＝．＝唔識落完單先去叫架咩！仲有就係ｄ侍應好勁一對手可以拎三四份既鐵板燒我覺得好礙眼，就算趕都唔使一下拎四份呀嘛？！有ｄ係幾抵食既

八月十七日今日同女朋友去左呢間食, 係因為以前有食過, 不過係晚餐, 而今次係午餐。我地十二點廿八-九分入坐, d侍應問我地食唔食煙, of course not啦, 佢地叫我地隨便坐... 咁邊邊先係非吸煙區呢下?! 最後都係自己搵左個位黎坐...一坐底, 侍應好快就拎左堆menu黎, 唔夠一分鐘, 有個女侍應走黎話要收番一個優惠餐既menu, 之後隱約聽到話「落埋啦」, 我諗係佢地經理講啦...ok, 咁我地照落order啦... 叫左萄汁焗雞排飯同日式照燒雞大碗飯(唔exactly 記得個名了) .. 一講完佢就話要一點鐘埋單... 下... 不是嘛... 而家都12:34 了....好啦, 唔落都落左... 照食啦... 但係d食物分別係12:40 同12:45上... 只好努力咁食啦....一點鐘佢真係夠膽死叫我埋單.... 當時我仲有半碗大碗飯未食... 杯野一啖都未飲... 但單照樣埋左... 味道真係比之前晚餐咁好, 我碗大碗飯仲係一半就比番左佢... d 汁好怪, 好"膠" ... 即係好多"豆"粉... 照燒d汁唔會係咁樣樣囉... 平左兩蚊比d咁野人食都夠膽...

其實呢間食過好多次。禽晚為慶祝老老實習順利完結同本小姐收到PI入圍的消息，於是決定食餐好d。禽日睇戲前來吃，見多人等，但唔駛好耐，呢幾日因有新分店開張，話有七折，都算驚喜。但入去坐低，問落先知有d係無特價，三份menu內只有一份是有的，散叫的亦無。好奇怪。有一張menu則每個餐加$10先會有七折，好無厘頭，一係就慷慨到低啦，收費混亂。叫了個珍寶腸龍利柳鐵板意，都好大堆頭，個蘑菇汁值得一讚，好味。餐湯係太鹹，餐飲叫了少甜亦勁甜。條腸好大，有點吃不消，我惟有分一半比老老。無辦法，晚市好旺場，佢地做o野要好快手，食客要叫服務亦要有耐性d等待了。出來時，見對面以前唱片舖個位變o左滿記甜品，都好大間下，o係葵芳咁旺又咁缺糖水舖下，應該係做得到的。又多一個選擇了，真好。

在葵涌新都會廣場食早餐基本上有很多選擇, 今天見早了20 分鐘出門口, 末到上班時間,‧就入了維苑, 進門後自由選位, 坐低後５分鐘才有人給我一杯水, 叫了５次才有餐牌, 落單叫過２人都話不是他們落單, ３分鐘後找來一個人來落單, 這人跟他從開始落單到完成後約一分鐘,他的面(或身體從未有望過/面對)過客人(我), 眼睛望向餐廳外的地方, 我要了肉絲米線, 我問他可否不要午餐肉改熟蛋, 他回應"唔",心想這樣的態度,一定不會跟我意思落單, 最後如我所枓, 送來是午餐肉和生蛋,巳過了差不多４Ｏ分鐘, 如再更換很定遲到上班了, 唯有不吃算了. 因看到坐在我傍邊幾個客人也不斷追單, 唉!客人只有十多個, 在樓面他有工作人員６-7個, 不明白那些待應幹什麼,每個眼睛就四圍望, 不專心理客人需要,趕客一樣, 食物質素一般過一般, 埋單時叫人, 剛有侍應並排行,面向我這面走過來(肯定他們無事做, 因邊走邊談笑), 我舉手埋單, 他兩用眼睛射我一眼, 繼續談笑,我發火了大叫"埋單呀", 他們才肯去叫埋單,差不多用了一小時食一個滿肚氣的早餐, 我巳遲到了..

首先, 叫了銀鱈魚拼大蝦, 難食, 好難食, 魚無魚味, 淨有腥味, 蝦無蝦味, 肉霉, 薯條淋bak bak其次叫了龍脷柳拼雞肉珍寶腸, 雞肉腸臭餿, 龍脷柳都係霉的肉, 難食, 個羅宋湯入面仲有瓦片碎服務態度無乜服務以後不會幫襯!!

2005年10月15日 話說呢一日同大人落葵芳搵地方食晚餐,講真呢頭真係無咩選擇,想了良久都唔知去邊度食野好,好耐都無黎過呢度食,就打算食多次試下水準有無改善啦,點知......餐廳既選擇好多,令我有點花多眼亂,睇左好耐先決定了吃什麼,我的是珍寶大蝦拼銀雪魚:蝦都算幾大隻,不過蝦肉本身不夠彈牙,算是還可以的貨色,魚就十分不濟,吃了一口感覺是霉的,爭在唔係臭既,我好鬼鍾意食銀雪魚架,而家睇得唔食得,真係咩心情都無晒.大人的係名誠咖喱牛腩飯:咖喱汁好稀,又無咩味道,好淡,辣度好小,我唔食得辣都食到,所以大人嫌佢唔夠辣囉,牛腩都算燜得幾淋,薯仔都好味,可能我地都鍾意食薯仔,所以覺得份量偏少啦!總括黎講,呢間餐廳坐落係葵芳相信已有十幾年歷史,水準就十年如一日,幾乎可以說是完全無進步過.下次唔會再貼錢買難受了.

纽西蘭西冷牛扒$68 (七成熟感覺熟少少)牛柳炸魚柳餐\ $54 (牛柳好淋，炸魚柳好香口)忌廉湯內有梳打餅(第一次見，好特別)餐\包(細細個好似豆沙包，好得意)

Yestersay I have dinner with my husband in 維苑....we ordered 維苑雜扒& 咖哩雞伴雜菜, 個雜扒d肉好"鞋", 好難咬開. 而個咖哩雞伴雜菜, 咖哩真係好香亦都好spicy, 好味道, 雞的份量好多有成2件"鎚" & 2件雞中翼, 但都係好"鞋". 仲衰過碟雜扒......另一方面要提的是, 佢D sofa 坐到人好辛苦呢, 好心就換左佢啦....