綠茶餐廳 (創紀之城五期(apm))

營業中

休息中

江浙菜過江龍整體定價唔高所以人山人海，晚餐收工時間超多人等位🫨 餐廳裝修都幾有心思 好多中式元素例如山水畫、竹葉等🎍 值得試下據說還原經典中菜既蔥香脆皮烤鴨($128) 鴨肉唔會烤得過乾 旁邊有巨多蔥油 夾埋一齊食香氣十足 同一般烤鴨風味唔同🦆 涼菜方面 呢款三色燒椒杭茄($58)完全係估佢唔到咁出色 茄子已經抽成絲咁綿滑 好似西餐他他咁放係底 面個層鋪左三款三色剁椒碎 綠色黃色偏酸甜 而紅色就香辣型 又清新又惹味🍆 另外涼菜仲試左熗伴冰草($48) 微酸口感爽脆 好開胃～ 而其他主菜例如黑醋脆皮牛腩($118)唔算常見 都值得一試 雖然睇份量就相對冇其他菜式性價比咁高🎋

食開銅鑼灣店，見apm新開就試吓，點知食物味道及服務都差, 以後請我都唔會再去！叫咗：-南乳醉鮑魚：鮑魚完全冇調味，好似食緊塑膠，好難食，南乳汁更加水泥泥完全冇酒香味！-鮮果糖醋九肚魚：嘩唔好咁啦，同menu張相差十丈遠，粉醬仲厚過維園球場塊地皮，離哂譜！-黑松露牛肉炒飯：平時食開銅鑼灣N次都可以叫走黑松露，呢度十分唔願意做，做好咗出嚟話師傅 唔記得走黑松露，問我介唔介意照食，大佬呀梗係介意啦，唔係駛鬼叫你特別做咩，跟住又話再做過要等好耐， OK照等。好啦，整好咗擺喺你面前，跟住個侍應竟然同我講，呢個係特別order只係做呢一次以後唔會做，我的天啊這是什麼服務態度！好似我欠咗你債咁！-炒菜芯：好硬！-龍井烤雞：正常是次體驗非常失望，以後唔會幫襯！

今日去咗APM行街，行完街，覺得有啲肚餓就睇吓附近有咩好東西吃。竟然比我搵到一間靚靚正嘅浙江餐廳，兩個人只係三百幾蚊已經食得好飽！粉絲裏蝦見到幾乎每一台客人都有點呢一個招牌菜，食完真係覺得好掂！粉絲充滿蒜香的味道，而且有超過10隻嘅蝦仁，蝦仁夠彈性，味道鮮甜，令人拍手叫絕。野菜腐皮卷呢個好適合推介俾啲生酮或者低碳人士食用，豆腐皮包裹住馬蘭頭、春筍、西芹、香菇和豆腐乾，口感獨特。東坡肉五花肉煮得恰到好處，肥而不膩，肉質軟嫩。米飯吸收了肉汁的精華，讓每一口都充滿了豐富的風味。土豆芝士塔呢個撻外酥內軟，口感極佳。土豆幼滑細膩，芝士濃郁，加埋培根的鹹香點綴，整體風味真係好出色。

有一日經過一間餐廳，見到門口有個仙女喺度彈古箏，睇咗一陣準備入去，點知爆咗場。所以今晚就訂定檯返嚟。仙女果然唔係浪得虛名，呢度入面包括裝修同埋食品，都真係做到詩情畫意。 🍖首先係山藥蓉做成雷峰塔形狀嘅前菜，加淡淡嘅綠茶醬，彷彿系從呢一度成為入口，開始呢個清新之旅。然後陳皮菜甫頭老鴨湯，鴨湯清澈得嚟唔帶油，而且非常暖身，系冬天嘅恩物。仲有熗伴冰菜，冰菜本身係好爽，個醬汁令外面變得柔軟而且入味，但係再咬深啲，爽脆口感依然。以上三種感覺都好似有被自然氣息嘅包圍。 🍖然後系另外兩種另類嘅清新。首先係蔥香脆皮烤鴨，烤鴨一向相對比烤雞冇咁肥膩，而且鴨肉會比較結實，配合薄而炸得香脆嘅外皮，食落特別香。然後呢種香，再俾墊喺底度，超多嘅蔥油同埋xo醬倍數咁放大，可以話系齒頰留香嘅代表。最後一款就唔係人人鍾意，但我就最鍾意，尖椒臭豆腐，喺上面講嘅咁多種清新清香感覺之下，竟然有一碟餸，睇落清淡，聞落冇咩味，食落臭到冤嘅餸菜。呢種臭，好比香港傳統嘅臭豆腐，令人慾罷不能，加上肉碎同辣椒調味，我封佢做全場總冠軍嘅餸菜。 🍖最後食甜品，茶香奶凍，我個人覺得佢應該改名叫做茶香奶熱，個奶凍唔係凍嘅，唔係暖嘅，係熱嘅。因

近排香港大熱嘅中國過江龍餐廳，係APM開左第3間分店🔥餐廳內裝修得好有古代中國嘅感覺，而且店員嘅衣著都好復古，對香港人嚟講係一個新體驗👍🏻餐廳空間闊落，唔洗同隔離枱逼嚟逼去，所以都食得幾舒服☺️.味道：🌕🌕🌕🌕🌑人均消費：$200.龍井烤雞 $138呢款烤雞可以話必試🤩雞皮烤得外脆內軟，雞肉好嫩滑，份量都適合2-3個人食🥰而且底層有一陣陣龍井茶葉嘅燻香，所以食落係有一陣香味，十分特別😋薺菜碎肉千張包 $88千張包嘅外包似一層腐皮包住薺菜同碎肉，成粒嘅感覺係大粒啲嘅水餃咁👍🏻值得一提係浸住嘅雞湯，幾清甜同埋配千張包一齊食係好夾🥰南乳醉鮑魚 $98鮑魚片數量都算多，而且每塊切嘅厚度適中，食落都彈牙😋重點係南乳醬唔會好咸同濃郁，配落鮑魚片一齊食係幾新奇，但整體都幾好食☺️狀元芋頭煲 $88芋頭煮到十分淋同入味，而且配啲碎肉一齊係超啱撈飯食🤩芋頭控一定要叫，因為食落係唔會好濟果啲🥰土豆芝士塔 $22芝士都幾多，再配埋酥脆嘅塔皮同埋滑滑嘅薯蓉，一啖食落都幾惹味🥰

近年內地餐店進佔香港商場已成常態，依間中菜館擁有江南景緻，令人坐得舒適。美食好多選擇，菜式充滿新鮮感，而且價錢實惠，一家大細晚飯的好地方。龍井烤雞 $138招牌烤雞係幾好食，雞皮脆薄無油脂，肉質嫩滑有肉汁，以龍井茶葉煙燻，有陣陣清幽嘅茶香。有辣粉可蘸更加惹味。野菜腐皮卷 $78薄薄的腐皮包著大量菜苗，味道清甜少少青，好有鄉土味，感覺健康清新。粉絲裹蝦 $108粉絲蝦煲即場烹煮，淋上醬汁煮數分鐘，店員用計時器精準無誤，唔會煮得過火。粉絲收汁剛好，非常上色入味，唔會好咸。洋蔥好淋，蝦仁軟嫩彈牙，敏出簡單高水準小菜。土豆芝士塔 $22酥皮撻底填滿幼滑的薯蓉，混有煙肉和薯粒，面層有香濃芝士，咸咸甜甜，非常滋味好食。

觀塘APM都開咗綠茶🤩七點之後就開始勁多人，好彩我哋早到😆 APM分店環境都一樣咁靚😚竹林風～古色古香嘅味道🎋茶位每位$12🌱一嚟到就會有龍井綠茶飲🍵粉絲裹蝦 $108呢個係每次必點！店員全程幫我哋整😚 6分鐘之後就有得食🤤蝦肉超級鮮嫩😋粉絲係精華🤩索曬啲鮮甜味🍤自己食一份都冇問題🤣砂鍋西施豆腐 $88呢個又係超好味！豆腐好嫩滑😋仲有蝦乾、芋頭粒、豬肉碎調味！口感味道都好豐富🥳蛤蜊絲瓜 $78蔬菜一啲都唔Hea 好足料👍🏻勁多蜆肉😍鮮蕃茄煮有機花菜 $68好似好普通嘅菜花，但真係整得幾好食！酸酸甜甜，係新鮮蕃茄嘅味道🍅菜花軟硬適中❤️‍🔥老紹興喉囗豬肉包 $38豬肉包size有啲似小籠包，可以一啖一個😆包皮好軟熟！入邊豬肉餡都好味😋西湖雷峰塔 $28香港限定嘅甜品！係山藥凍配青豆汁！超級特別😆唔會好甜👍🏻係養生嘅甜品💕西柚杏仁豆花 $48上面嘅西柚汁酸酸maymay超解膩！下面杏仁豆花有啲似布丁嘅口感，杏仁味濃，唔會太甜，推薦🥰

呢一間中菜館係apm見好有特色🌟，外面仲有中式音樂表演即刻決定試下🥳蔥香脆皮烤鴨作為呢度嘅招牌菜之一就一定要試下啦🤩，烤鴨皮脆肉嫩，咬落超級惹味，香口得嚟又唔膩🤪黑醋脆皮牛腩平時食開炆牛腩多😝，估唔到炸完再點黑醋可以咁夾！外脆內軟，個汁酸甜開胃😌七味鹽香脆九肚魚九肚魚炸得通透🔥，魚肉仲keep到嫩滑，而且椒鹽口味真係好香口😜茶香奶凍茶味同奶香平衡得啱啱好，好有茶香味道而且唔會太甜👅

最近APM開咗「綠茶餐廳」新分店，係國內有二十年歷史，絕對要去試吓👏 ，餐廳主打浙江菜，仲有米芝連星級名廚設計嘅菜式，色香味俱全黑醋脆皮牛腩牛腩外脆內嫩，配上黑醋醬，味道酸酸甜甜，開胃粉絲裹蝦🍤蝦肉鮮甜彈牙有口感，建議用粉絲包裹住食，咬落去有層次感，令人回味蕭山蘿蔔乾炒飯米飯炒得粒粒分明，蘿蔔乾帶出咗特別嘅風味，簡單但好味龍井烤雞龍井茶香浸透雞肉，烤得金黃酥脆，肉質鮮嫩，滿足老肇慶猴口豬肉包，一籠有五件，豬肉餡香滑，外皮鬆軟，食完一個仲想食第二個！麵包誘惑🍞🍦最後一定要試嘅甜品🤤 烤得香脆嘅麵包配上雪糕，口感對比超正「綠茶餐廳」嘅裝修典雅，環境舒適，店員服務到位，無論係朋友聚餐定係家庭聚會，都好適合🥳

新開張位於觀塘APM嘅人氣餐廳「綠茶餐廳🍵」，呢度由米芝連星級名廚設計江淅菜式，無論係賣相定味道都一流，絕對值得一試！👨‍🍳🌟首先一定要試吓佢哋嘅 「蔥香脆皮烤鴨🦆」，皮脆肉嫩，鴨肉多汁，配上滿滿既香蔥同特製醬汁，食落真係好滿足，口感層次豐富，正！😋再嚟係 招牌菜「粉絲果蝦🦐」粉絲吸晒啲蝦嘅鮮味，蝦肉爽口彈牙，加上微微嘅辣味，食落好開胃，真係停唔到口！🍜🔥「砂鍋西施豆腐🍲」都係必試，豆腐滑溜溜，入口即化，砂鍋煮出嚟嘅湯汁濃郁，仲有青豆等不同配料，配白飯一流。💖「蕭山蘿蔔乾炒飯🍚」都唔錯，蘿蔔乾鹹香得嚟帶啲爽脆，炒飯粒粒分明，鑊氣十足，食落好有家鄉風味，好有驚喜！🥕🍳最後要推介嘅係 「喉口豬肉包🥟」，有啲似生煎包，包皮鬆軟，豬肉餡料多汁，咬落去爆汁，食完仲想再encore！🐷💥總括嚟講，「綠茶餐廳」嘅菜式精緻又美味，但絕對物有所值，大家有機會一定要試吓！👍😊

綠茶餐廳於內地有相當人氣，陸續有多達400間分店，特意邀請米芝蓮同黑珍珠主廚擔任飲食顧問，務求將個人特色及創意美學融入各款菜式當中。✿ 海苔芝麻球 $38諗起平時酒樓食嘅煎堆😆表面沾滿芝麻，但就緊系吾系一般煎堆咁簡單，裡面食到海苔陣陣香氣💚配搭非常新穎，可鹽可甜。✿ 鮮果鵝肝塔殼 $128鮮果系芒果🥭底部有少少鵝肝蓉，味道吾腥，芒果香甜開胃💛撻皮亦好有驚喜好香脆～✿ 龍井烤雞 $138餐廳招牌菜式之一，之前食過上海菜龍井蝦仁覺得正，今次就試吓龍井烤雞🐔有淡淡龍井味清香，估吾到茶香同食物系可以咁夾☕️烤雞皮脆肉嫩，香氣十足。✿ 粉絲裹蝦 $108平時最常食粉絲蝦系中菜館或者大排檔，呢度都有得食。店員呈上菜式時會先用蓋蓋住一陣，令其食材更溫熱🔥粉絲一條條頗有嚼勁，蝦仁新鮮又爽口彈牙🦐✿ 江南綠茶餅 $28江南地道名物🍵將茶葉打碎後過篩成為麵餅，裡面芋泥餡軟綿香甜。沾上大量白芝麻，口感外脆內軟。

三色雞絲涼麵而家天氣轉熱，食涼麵就最啱胃口。涼麵係手工麵黎，麵身彈牙得嚟又唔會太硬，而且混合左菠菜，南瓜，紫薯，形成三種顏色，好睇得黎又好食。薺菜碎肉千張包柔韌的外皮包裹薺菜同碎肉的鮮美內餡，底層有一直用蠟燭暖住嘅雞湯，完全唔怕放耐左會凍左唔好食。龍井烤雞一開始會成隻雞咁上等你打下卡，之後會有人幫你切開唔同部位，非常貼心。雞嘅表皮金黃油亮，雞肉嫩滑多汁，龍井嘅清香完全滲入肉質裡面，非常好食，推介！黑松露牛肉炒飯一上菜就聞到黑松露濃郁嘅香氣，而且非常夠鑊氣，炒飯粒粒分明，而且表面有層好靚嘅油光。牛肉粒軟硬適中，又唔會炒到好乾，係個高質嘅炒飯。另外，唔好睇店外好似好細，但其實店内空間非常大，而且好整潔。

野食我覺得中規中矩..以價錢黎講系吾太貴 性價比都ok但系有一樣吾太理解 網上book位只可以4個或以上book到..但系如果2個人食 不但吾可以book位 要walkin拎飛..依樣就覺得系咪想賺d多人位既錢多過2人位既錢再加上觀塘台門口侍應態度吾好…串串共岩岩開業冇耐就咁…所以吾太想再食多次

🔸茶芥: 九曲紅梅 $12/位🔸龍井烤雞 $138🔸老紹興蔥油腰花 $128🔸黑松露牛肉炒飯 $88🔸麵包誘惑 $88-茶芥嘅茶葉係九曲紅梅，茶香清雅，解膩又醒神。龍井烤雞係必試之選，雞皮烤得脆香，肉質嫩滑，搭配龍井茶葉嘅清香，滋味層次分明。老紹興蔥油腰花嘅腰花爽滑，紹興酒香濃郁，仲有蔥油嘅提味，非常滿足！主食方面，黑松露牛肉炒飯係驚喜之選，黑松露嘅香氣完美融合牛肉嘅鮮味，每一口都係高級享受；最後，甜品「麵包誘惑」真係畫龍點睛，麵包外脆內軟，加埋雲尼拿雪糕，幸福感爆棚。綠茶滋味十足，價格亦合理，可以一試！

30年老杭州人，從沒吃到過如此難吃還貴的杭幫菜。點的菜端上來和餐牌照片完全對不上。小籠包號稱是手工現包，實際和20元能買2公斤的速凍小籠包一個質素，比杭州路邊早餐攤位上的小籠包還要難吃。麵餅醬香五花肉的肉已經炸枯，咬下去都硌牙，完全背離了杭幫菜“輕淡適中”的特點。春韭蠶豆煮螺片，蠶豆是冷庫冷凍的已經乾癟了，螺片切片切的非常厚，從沒見過如此厚的“螺片”，可以直接叫做“螺粒”。3個菜連加一盛惠360，在杭州這頓要敢收60我都要報警。