綠茶餐廳 (創紀之城五期(apm))

營業中

休息中

收工同老婆去觀塘 APM 撐枱腳，發現咗有間叫綠茶既餐廳裝潢非常特別，睇過menu後價錢有公道，就入去試一試！估唔到餐廳入面更加有特色，而餐具都帶有主題感覺，畀人有個煥然一新嘅feel頭盤先來個南乳醉鮑魚，主要係畀個名吸引咗，100蚊都唔使可以食到個醉鮑魚，醬汁唔會過路而蓋過鮑魚的鮮味，廚師功夫到家，鮑魚切到薄片，咬起上來容易吃！點了個麵餅醬香五花肉，在外面吃飯應該點一些家裏做不到的菜式，五花肉炸過後香脆可口，麵餅及醬料包裹著五花肉，一咬後五花肉內的油分與麵餅結合起上嚟十分match，很有特色的一道菜！葱香脆皮烤鴨，這道菜是老婆所點的，起初我十分擔心會否像廣式燒味，吃過後原來有另一番風味，香蔥配上炸洋紅蔥醬，成為烤鴨的配料，將烤鴨味道提升！juicy 鮮嫩烤鴨，每一口都充滿著蔥香，配飯簡直一流！happy ending 來份綠茶餅，這是熱食的甜品，綠茶餅內果著芋泥，甜而不漏，飽肚感也很強！餐廳菜式特別，無論擺盤及味道，加上環境服務，以及優惠價格，必定會有下次！

星期六下午茶三點入座有88折，價錢上算合理，但可惜食物種類不多，如果有下午茶餐類供應會更好，飲品打卡一流，毛筆番薯酥特別，煙燻雞皮脆可惜有點鹹，炒飯不建議叫有點淡而無味

同朋友路過APM 諗住食埋lunch 再去飲杯咖啡傾下計 甘岩見到我成日系深圳都會食既綠茶餐廳 就邀請朋友一齊入去試嚇原來佢哋有套餐 以為係單點 不過大眾點評就冇券可以買，可以買套餐試一下翠舟蝦划和鮑汁燒年糕都喺個套餐入邊 我以為蝦滑下面係辣椒 原來係秋葵 整體賣相都幾靚 不過嫌佢味道唔夠 同侍應反映之後 拎咗個豆瓣醬俾我哋 鮑汁燒年糕 年糕好煙靭 可能我哋兩個食得比較重口味 年糕個汁都係比較淡 可能多啲汁會好味啲？最後點埋個麵包誘惑 大致上同深圳都差唔多 價錢都唔貴 可以再試

呢間綠茶成日都喺深圳食 好鍾意佢個麵包誘惑 同埋綠茶餅 咁啱嚟觀塘傾保險 無意中見到原來佢喺APM開咗 咁就同朋友一齊入去試吓 睇吓同大陸嘅有咩分別本身以為剩係得出邊嘅座位 原來入邊都好大 有幾張圓枱 仲有幾張窗口枱 可以望住地鐵入站 都幾特別 所以我哋都揀咗窗口坐餐牌比起我哋喺深圳食嘅種類少啲 但比較符合香港人嘅口味 因為冇咁多辣嘢 多咗好多菜🤔 價錢就梗係會貴啲 但係都好合理既試咗兩款新菜式 一個係蝦滑 另外一個係紙片荀仲有佢嘅招牌烤雞 同埋麵包誘惑！呢個蝦滑一上枱 同事就忍唔住拎咗相機出嚟打卡 好似一條條龍舟wor 個賣相都幾靚 就係蝦滑再加秋葵 食落都幾夾另外一個紙片荀 仲有五花肉喺上面 未試過紙片筍 所以食得比較少 同事就好鍾意烤雞同埋麵包誘惑同我喺深圳食嘢一樣 都係咁好味 食完埋單下午茶仲有七八折 三個人每人都係$100左右 都算幾抵食

星期五午餐兩個人去綠茶餐廳，都係第一次嚟。食咗個鴨，仲有個肉卷，最後加個綠茶餅。先講個鴨，有肉汁味道都可以，口感唔係脆嘅，都幾好啦，不過份量同餐牌圖片顯示就少好多啦。豬肉卷平平，因為冇點飯，所以成為今餐主食。最後個綠茶餅，有綠茶香味嘅甜品，價錢唔貴試吓都無妨，不過呢就冇乜特別。食物價錢唔算平，有茶錢同+1，性價比唔算高，在商場內其他餐廳應該有更好選擇，所至星期五中午間餐廳一半都坐唔滿。我亦都聽隔籬枱講因為深圳都有綠茶餐廳食，所以啲人唔會喺香港食。* 無試食優惠

旅行前夕，因為忙於執拾行李，多在外用餐。今日選擇了在APM的餐飲集團旗下的江浙菜餐廳，因為今時今日的江浙菜已變得簡單，就算少人用餐也有很多選擇。餐廳佈置簡單明亮，最喜歡的是當中的一抹綠。💢宋嫂魚羹宋嫂魚羹雖說是湯羹，但湯底還是過於厚身，相信栗粉下得有點重手，儘管料子不多，魚味則是不錯的。💢蘿蔔燉牛筋腩蘿蔔和牛筋腩都燉得非常入味，然而口感略嫌有點過於軟爛，但也是很好的下飯菜式。💢蛤蜊絲瓜絲瓜鮮甜是喜歡的蔬菜之一，蛤蜊等有殼海產的咸鮮味一向充足，以其配絲瓜更顯鮮味，煮過的蛤蜊變成配襯品，可有可無。💢喉口冬菜包冬菜包的包子薄而鬆軟，以冬菜及碎肉製成的肉饀亦十分美味，咸甜交織，不一會兒便清籠。💢西湖雷峰塔非常小巧精緻的一個甜品，塔身是山藥及奶所製，味道不錯，湖水則猜是豆蓉調出來的，同樣吸引。

「綠茶餐廳」係間抵食嘅新派雅緻浙江菜💚，喺人氣過江龍餐廳，裝修好典雅，食物高質抵食。先來一個好色彩繽紛的三色雞絲涼麵🐥，賣相好吸引，涼麵啱啱夏天食，偏辣但幾好食。🦐粉絲裹蝦喺每次都要嗌嘅，勁多隻蝦，上枱後計時煮熟，打開個蓋好香，蝦煮得啱啱好，新鮮彈牙😍，粉絲都好食。🦐蝦湯泡飯濃郁，有蝦粒，新鮮滋味，加埋脆脆更加有口感👍當然唔可以錯過甜品，「麵包誘惑」🍞係由柔軟嘅麵包和雪糕交織一齊，讓人感到幸福感爆棚。🍍暴打鳳梨茶

同朋友想食下大陸菜，第一時間就諗起綠茶，今次又嚟apm分店醫肚！入座後侍應會預設每位奉上龍井綠茶，每次嚟茶款都有啲新意，茶底香濃，飲落幾舒服～不過夜晚飲綠茶都擔心瞓唔着😆新推出嘅蔥香烤豬頸肉賣相吸引，豬頸肉片厚薄適中，肥瘦均勻，香烤味突出，入口唔會太油膩。食到最尾先發現底層原來鋪咗一層綠茶葉，難怪食落有陣淡淡綠茶清香，幾有驚喜！香鍋花菜用五花肉、蒜苗、美人椒同椰菜花一齊炒，香氣四溢，五花肉香口邪惡，啖啖都好惹味。鮑汁燒年糕口感煙韌，配埋五花肉、蒜苗、雞蛋、雪菜，味道唔會太濃，帶點淡淡清香，好有上海年糕feel。三色雞絲涼麵有菠菜麵、南瓜麵、紫薯麵配雞絲，口水汁麻辣帶勁，份量迷你，但味道刺激，幾過癮！不過個人唔係好分到三款麵味道有咩分別😆喉口鮮肉包一定要趁熱食，包皮薄，肉餡多汁，推介大家蘸埋雞絲涼麵個麻辣汁，口感更豐富，簡直係隱藏食法！整體水準穩定，環境舒服，想食中式fusion菜又唔想太heavy，都係會encore之一😀

綠茶餐廳的環境寬敞，裝修風格以園林為主。九曲紅梅茶這款茶香氣撲鼻，清新怡人，搭配餐點非常合適，讓人感受到茶文化的精髓。三色雞絲涼麵涼麵色澤鮮艷，雞絲嫩滑，搭配的醬汁酸甜適中，清爽可口。龍井烤雞這道菜用龍井茶葉烤製，雞肉外焦內嫩，茶香深入。麵包誘惑加一球雪糕這款甜品的麵包外酥內軟，搭配雪糕的香甜，口感極佳。土豆芝士塔土豆和芝士的組合讓這道小食香濃可口，口感豐富。暴打鳳梨茶鳳梨的酸甜與茶香結合，口感清新，令人耳目一新。

火遍全國浙江菜 —綠茶—開到來香港🇭🇰啦即刻同朋友來試下，價錢唔貴，人均200餐廳設計竹木為主，簡約舒適！冷盤—新菜式綠蔥油汁萵筍，擺盤精緻，師傅刀工了得，萵筍清新爽口，蔥香四溢，口感脆嫩，搭配油汁十分美味蒜蓉開邊蝦粉絲煲，店員會即時開火，5分鐘後就食得，香味四溢，蝦肉鮮嫩，粉絲吸滿湯汁，味道濃郁 👍🏻👍🏻蛤蜊絲瓜鮮甜可口，蛤蜊鮮嫩，絲瓜清脆，必食推薦砂鍋西施豆腐滑嫩入味，配料有豆有肉，送飯一流👍🏻土豆芝士塔外酥內嫩，表面有香濃芝士及沙律醬，土豆綿密，口感層次分明，讓人一口接一口，好出色👍🏻

媽媽經常抱怨我自私食，這天帶她到apm走走，吃吃喝喝。在商場內發現「綠茶餐廳」，立即帶她入內開餐。店內佔地非常大，全店以「水墨江南」主題，翠竹及假山石都充滿中國風，將西湖山水完美呈現眼前。土豆芝士塔撻皮酥脆，上層放滿軟綿薯蓉、香濃芝士，及煙肉粒粒，鹹中帶甜，讚。龍井烤雞烤雞外皮金黃酥脆，內層肉質鮮嫩，肉汁豐富，不會因香烤而變柴，入口有淡淡龍井茶香。香炒菜心菜心脆嫩不老，菜葉綠油油，配上豬油渣粒粒，酥脆油潤，一點都不膩。三色雞絲涼麵麵條混合了三款不同的蔬果汁，包括菠菜汁、紫薯汁及南瓜汁，再製成麵條，搭配嫩滑雞絲及葱絲，再以秘製麻辣醬汁調味，味道香辣帶麻，酸酸爽爽，非常醒胃消暑。黑松露牛肉炒飯黑松露味道濃郁，飯粒乾身分明，加上牛肉碎粒、粟米、青豆及紅蘿蔔粒粒，口感豐富，令人忍不住一口一口吃下去。

綠茶餐廳（官塘）餐廳位置地點優越,在觀塘地鐵站隔離APM一樓,餐廳裝修簡約清幽以綠色為主調,多個位置擺設竹樹作裝飾,座位寬敞用餐舒適,餐廳主打江浙菜,服務員招呼殷勤友善。三色雞絲涼麵三色麵有南瓜麵,菠菜麵,紫薯麵,上桌好搶眼,有芝麻和辣汁,微辣,麵身口感爽彈,雞絲嫰滑不腻。黑松露牛肉炒飯炒飯配料有紅蘿蔔粒,牛肉粒,青豆和粟米粒,炒飯上桌己聞到有鑊氣,飯身粒粒分明,黑松露味濃,牛肉粒油香肉嫩。蛤蜊絲瓜蛤蜊絲瓜配料有蛤蜊,蝦米,蒜粒,薑粒,絲瓜煲上桌滚滚生動,香氣撲鼻,絲瓜口感嫩,蛤蜊食溶鮮甜。蔥香脆皮烤鴨廚師用大量香蔥和醬汁烹調烤鴨,鴨身烤到金黃色有微微焦香,微鹹不腻,鴨肉食落油香肉嫩甚香口。

等咗呢間餐廳好耐香港終於有分店了！今日去一間中國風嘅餐廳、充滿園林氣息、環境滿分之外！入面嘅植物栩栩如生！土豆芝士撻：鹹甜交集超好食好推介，芝士好香、土豆加芝士一個好好食嘅組合西湖雷鋒塔主要材料係：雲呢拿雪糕、淡奶油.青豆泥：屬於一個唔太甜嘅甜品但係味道有層次！陳皮菜蒲頭老鴨湯鴨湯超出味，仲非常多料、除咗足料之外菜蒲完全發揮出層次香味！高湯蝦湯小青菜江南綠茶餅龍井檸檬茶齋菜碎肉千張包比較推介食佢江南綠茶餅，味道好特別再加埋芝麻食落去好香濃！但係綠茶餅又唔會太甜甜到啱啱好！綠茶觀塘道418號APM(創紀之城五期)UC-1

今次係apm發現到一間新開嘅中菜餐廳，俾佢門口嘅竹林佈置吸引，咁就入佐去坐低食嘢，因為時間尚早，客人唔多，職員見到我地有BB，特登安排佐窗邊位俾我地，阿仔全程好乖咁望住地鐵🚇同車食飯，有景睇即時變得好乖，大人可以慢慢食🤣蛤蜊絲瓜 $78 - 湯底鮮甜香濃，絲瓜超甜，阿仔好喜歡食，雖然蛤蜊細細粒，但味道夠鮮，蛤蜊同蝦米份量都幾多楊枝甘露冰糭 $38 - 期間限定，見琴日最後一日，所以特登叫黎試下，原來係慕絲蛋糕，做飯後甜品剛好，唔甜膩，內層楊枝甘露芒果味微酸，外層食到似係淡淡嘅班蘭香味宋嫂魚羹 $48 - 諗住叫俾阿仔食，貪佢有魚肉絲，點知阿仔鐘情蛤蜊絲瓜🤣可能湯底味道相似都係魚味蜆味濃嘅白湯，只係魚羹比較濃厚啲，所以下次可以唔洗叫黎食菌菇醬肉包 $38 - 之前返深圳係其他地方食過一次，因為包底出哂油太油膩諗住唔試啦，點知見到隔離枱有人叫黎食，好似普通一個包仔咁，所以又叫黎試下，又真係無咁油膩，肉餡味道偏濃，一口半個連包咬入口食，味道剛好，包身亦鬆軟龍井烤雞 $138 - 雞肉烤得嫩滑，雞皮薄但未夠脆，不過食到有淡淡茶香，而且調味方面幾好，唔鹹唔膩杭式片兒川 $28 - 雖然唔知個名點

其實行過呢間野幾次，都有啲心動想試下今日朋友提出想食，覺得外面已經好特別一入去成個環境都好似會聞到淡淡綠茶香味即刻睇下Menu 食咩好叫咗：🤗龍井烤雞好夠味喔~不過肉就嚡咗少少都值得試吓🤗土豆芝士塔呢個我兜得好正~ 要襯熱食！🤗薺菜碎肉千張包呢個正正常常，無咩特別～🤗太雕糟黃魚條魚食落少少辣，好開胃幾頂癮🤗花菇燒豬手都係正正常常~好入味 送飯一流🤗香鍋花菜入面個環境都幾清幽～有機會都會再食吓🤗