綠林甜品

營業中

休息中

很少地方會有花生糊架, 以前呢度係有架...but...好失望... 既男友 叫咗糖不甩,但口感就一般,實實地,花生粒又太大我叫咗桑寄生茶, 但味道就一般喇,還有黑豆係裏面添. (好奇怪地有黑豆既存在)有點澀,但都入到口既~下次要同男友去番我屋企附近果闁先~

吃過綠林糖不甩，一直覺得又抵又大粒： 糖不甩 ( $10 )：糖和花生的配料特多，而湯圓的體積也特大！非常欣賞！ 不過店舖環境一如既往，很迫很狹窄，夜間多數要和人搭枱才有位...

見到咁多食家師兄師姐都覺得綠林正，始終都要試一試兩個人三點零五行到間鋪外，一入去，已經成十幾廿人，真係咁好食？？開鋪五分鐘都咁多人！記得這度D食家話豆腐布甸正，於是座底即叫豆腐布甸再加個芒果涼粉。豆腐布甸一試哈哈！真係有豆腐味，都ok！至於芒果涼粉都覺得ok可能剛剛開鋪，D唔係點解凍！下次都可以再試一試！

本人最喜歡芝麻糊, 每到每一家甜品店必先試它是否合格綠林的芝麻糊可以一試, 芝麻味很重很香, 在炎炎夏日吃一個冰凍的芝麻糊果然是一件賞心樂事.另外它著名的豆腐布甸也不俗, 豆味濃且布甸很結實, 有口感, 切下去也不見得會粉身碎骨 鑽

這天晚上不太多人，我們坐了二人枱，點了： 蕃薯糖水 ($10)：朋友吃，超多蕃薯！ 紅豆沙($10)： 紅豆沙好香陳皮味，味道香濃，口感綿綿有沙，很正！ 糖不甩($10)： 一定要推介糖不甩！十蚊就有六粒食！而且粒粒都好大粒，好好味道！喺出面都食唔到咁平，仲要咁大粒的糖不甩！糖不甩口感好煙韌，我自己唔太鍾意花生，就無太多 ~ 朋友就喜歡這裏好多花生，很好！結賬只是 $30 ~

糖水時間, 黎左幾次綠林, 試左幾次唔同既野.........今次終於有野寫喇, 我叫左個西瓜黑珍珠加什奶, 我最個姐姐咩係什奶, 佢好亂黎咁話有d師傅揀既奶囉, 仲有"人"奶囉, o下? 人奶? 我呆左, 叫佢講多次.....haha~~~原來佢話椰奶, 唔係人奶!!!西瓜好爽甜, 蝌蚪都冇野好講架啦........但d什奶真係好得, 好香好香, 有椰奶味, 掂呀!~~

久聞綠林的大名，所以今天經過綠林的時候，特意去試一下。榴蓮pancake：榴蓮的味道非常香濃，榴蓮的分量出奇的高。實在是很好味。只不過皮比較硬。紅豆沙：很綿，很多紅豆，而且起沙。實在不錯，很少甜品店恆做出如此水準！！！

昨晚與朋友一起到綠林吃糖品,它的芝麻糊一向都咁正,不過次次都是吃芝麻糊,今次改變口味,就與朋友吃喳咋及栗子糊. 喳咋 : 有很多不同種類的豆及西米, 勁多渣, 芋頭很大件,很正! 又不太甜! 只是$11 栗子糊 :一般,不像其他糖水店冇咩栗子,有適量的栗子,但栗子的質素不太好 吃,可能未當造 的關係. $16

平凡中有驚喜!!我同我男友極少會去深水埗..因為冇乜特別野行...不過, 一出到去就俾我地食晒兩間出名食店...真開心~一入到哩間糖水舖我地揀左~ me: 西米+豆腐花(熱) 非常正!! $9 he: 湯圓 $8 不錯!好底食呀~ 豆腐花好滑~ 推介~下次試下豆腐布甸先得~ 哈哈~

今日在深水埗等可愛女友收工，或許想早點看到她吧！所以長途跋涉地到深水埗，也順道到黃金電腦商場看看。怎知卻發現這鬧市中的「綠」色森「林」呢！入到店鋪，每一張桌子也坐滿了食客，因此這家店的名聲可想而知。我們被安排和一個婆婆搭枱，看到她津津有味地吃着甜品，那滿足感源自於她一個人叫了兩道甜品，真想說：婆婆，妳好刷得^^女友深知這裏的甜品出名，所以就叫了豆腐布甸，榴槤pancake，一吃之下，布甸很滑溜，豆腐味也很清甜。榴槤pancake是女友至愛，它配合少少cream，加上很香很重的果王味道，吃得我倆要逗玩玩爭食呢~~~

某個晚上一家人去深水保食完晚飯就轉場去食糖水, 去綠林係我提議既, 因為果到既凍芝麻糊係我所食過最好食既凍芝麻糊~去到又心多多, 因為有D口乾又有少少熱, 就要左個蛋花馬蹄露, 其他人分別要左凍芝麻糊/桑寄生茶(原來加蛋要另外比三蚊)/熱栗子粒糊 我個馬蹄露上台先, 入面有勁多馬蹄, 但係D馬蹄有少少怪味, 唔係清甜囉好似有少少酸味唔知係唔靚定係點, 成個扣晒分, 桑寄生茶睇清楚個餐牌應該係買粉返黎開既, 我媽話唔好飲仲完全無味添, 佢要自己勁落台面豆腐花既糖水, 自己買粉返去開好過, 而栗子粒糊就仲衰, 稀到死有D栗子係壞架, 見到好多黑色既地方, 食左半碗已經食唔落, 得返凍芝麻糊仍然維持好味, 我唔知係咁岩D材料唔當做定係根本唔識整呢幾樣糖水, 叫四樣野有三樣係唔好食已經超出我可以接受既限度, 或者以後我係呢到只會食返一向食開果幾樣糖水, 唔會再試佢既新野! 雖然今次令我失敗, 但我睇在凍芝麻糊份上今次唔比喊面!

久聞綠林甜品之名，雖然食完旁邊的山東餃子館已頗滿足，但還是忍不住坐下點2個甜品和男友甜蜜蜜一下~~深水埗區搵食真好哦，比銅鑼灣平多了，點了1份著名的豆腐布丁和榴槤pancake才$33豆腐布丁($13)：非常誇張的彈，小儀試過順時針，逆時針，上下左右的打轉件布丁都一一做到，真係唔食得都玩得~~而難得的是，畢下去軟，食起來也算滑，味道雖然不至於驚為天人但至少真的忠於豆腐的本質，清清淡淡的~榴槤Pancake($20)：漲卜卜的pancake包得非常誘人，那淡綠的皮不太厚，cream雖然不算很滑溜，但榴槤味夠，以$20來說有$3x的水準，滿意得很了我對面位一個街坊裝的太太買完菜也自己一個來吃了$36完甜品(起碼2~3碗)，可見它的實力真不俗呢~~呵呵，以後又多一個平靚正甜品據點了

23-03-2010(二) Thxdtsdd在 ”劉森記” 吃完雲吞蝦籽撈麵後仍然覺得意猶未盡, 所以到了 ”綠林甜品” 吃甜品.Thxdtsdd 先來一個豆腐布丁($13), 因為在其他甜品店很少見到這甜品, 所以要試試! 豆腐味幾濃幾香, 至於幼滑度都 ok, 而且唔太甜, 整體都幾好食!吃完豆腐布丁, Thxdtsdd 加多一碗芝麻糊加杏仁露($15), 不過店員以為我是外賣的, 用了外賣碗盛糖水. Thxdtsdd覺得這碗芝麻糊加杏仁露一樣很好吃, 甜度適中, 很香口, 不過芝麻糊的味道較濃, 杏仁糊的味道稍稍被蓋過了, 但整體都唔錯!Thxdtsdd 覺得這類舊式甜品店甜品好吃, 價錢又實惠, 比新派的甜品店更好! 照片可參考:http://hk.myblog.yahoo.com/thxdtsdd/article?mid=3681

食完正餐, 行完黃金買完套, 係時候黎到今日深水步遊既尾聲!!!就係綠林糖水啦!!!!!!!!! 肥妹仔真係唔知點解食極都唔飽架喎 嗌左個芝麻糊、杏仁糊同埋豆腐布甸!!! 3樣都係比較多人食既糖水同甜品!首先, 凍芝麻糊係炎熱既天氣之下, 帶黎絲絲既涼意, 再加上非常之滑, 享受呀!!! 再黎就係杏仁糊, 肥妹仔話幾好味, 幾岩佢食, 大家可以試下!!! 最後就係豆腐布甸, 唔係太滑, 亦唔係太有豆味, 比起第一次食既時候差左!!!總括黎講, 綠林既舊式糖水都係值得一試既!!!!!!!!! 今次深水步之旅收獲好豐富!!!!! 正呀!!!!!!

聽朋友話綠林甜品做得好好，所以專登過來碰下，入內已見到好多綠林好漢，幸好都有得坐下。（熱）豆腐花…好香豆味，入口好滑，滑到入口喉嚨，豆腐布甸…奶味偏重，豆蓋過了豆味，不滑，湯丸…皮厚，餡少，水有薑的香味，但入口無薑個種辣味，唔掂，栗子湖…對我來說係新野，未接觸過，未識分好與不好，我覺得甜度適中，有少許栗子粒 咬，幾好味，可以再番吃。吃了四樣都係46元，好抵呀！