組長日式放題 (已結業)

組長在臉書貼文，說身份証號碼中組長電話號碼有折，於是打電話去book 檯，問左有呢個優惠之後，我:「今晚6點3 兩位」侍應A勁晦氣:「下?!無呢個時段架渦!」我:「咁6點半吖」然後電話比另一個人聽左，侍應A從來無話比另一個人聽咩事。侍應B:「你好」我:「你好」侍應B:「有咩可以幫到你？」然後我又要再複述一次同侍應A既對話，侍應B:「6點半無位，要9點半之後先有位」最後我地6點3 walkin，大L把位，心諗:「咁既態度緊係大把位，職員夠哂大支野」坐低之後問有冇身份証優惠，職員:「book位先有優惠」臉書寫全日都有優惠，book位話冇位，walkin冇優惠，職員態度仲衰過對輪米的人，人地派米做慈善的起碼唔會黑面黑過鑊燶。我地即刻走左無食，本人唔會再食，但我會推介比各位，各位有被虐傾向的人，會因為黑面的職員而食得好high

今日同媽媽行銅鑼灣 諗住睇下附近有無啲咩好食既野 因為本人鍾意食日本野 所以就去左呢間放題到試下😄一坐低就緊系點剌身先啦😬寫左好多件 師傅又真係出足比我地👍哈哈😆三文魚好新鮮😋正！海膽鮮甜可口👍其他剌身緊係一樣咁新鮮啦👍我比佢地既評語係環境舒服 剌身新鮮 熟食一般貨真價實👍值得一試😋

朋友生日因為係 fb 見到有身份證號碼優惠 有 6 折 所以book 左位去食放題 入到去都幾多人但係都安排得幾好 即刻有得入坐 咁我地當然第一時間都劃飛落單嗌野食刺身黎得好快 好大盤不過就全部都好細件好似 bb 版咁 味道正正常常 甜蝦好難食之後黎串燒 得雞翼同雞軟骨係正常 其他都好一般 .... 之後 d 野越黎越跨張 嗌左個蟹粥好淡 半架 又肥又韌 芝士元貝味道幾好 但係又係勁細粒！ 鰻魚壽司好乾 海節好乾 好中伏成晚最好食係個菠蘿同埋雪糕 正常既有肥牛煲同 章魚小丸子 同埋小番薯 有樣野要讚既就係侍應收碟收得好快 同埋啤酒可以任飲 埋單每位 $150 不過係6 折左 價錢係放題黎講算抵食 不過野食真係麻麻..... 所以絶對唔會再黎！

第一次試，對於糧尾冇錢又想大食一餐既人都算不過不失，食物種類多裝修幾好由刺身，炸物，鍋類，燒物到沙律，味道唔算太差，但上碟賣相就差左啲，上菜算快，對於糧尾冇錢既又想大食一餐既人黎講，都算係一個選擇！

好耐都冇寫食評了，今次再寫返係因為，重遊舊地想勾起左好多回憶。同同事食左勁多野，有同事生日仲有折頭，真係勁開心。冇黎咁耐食物同服務依舊不錯。今次去仲發現左好多新既食物。裝修亦改變左好多靚左好多。本人今次推介：本人最愛汁燒一口牛，串燒帆立貝，忌廉煮青口，焗芝士扉貝

刺身是爭鮮用料一樣，價錢要198，我在爭鮮可以食到60碟，我和男朋友只叫了10碟左右，已經不想吃了，我第一次食放題，食小小已停下來，我和男朋友會記住這間，不再過來

本身book左1930食放題，但早左20分鐘去到，餐廳都幾好咁比我地坐低先，到1930先正式落單~ 熟食大部分都唔錯，就好似燒牛脷，牛脷雖然厚身，但食落去仍然好鬆軟，味道幾好~ 大蝦天婦羅好香口，蝦肉質都幾鮮，食落口唔算太油膩~ 燒羊架都唔錯，聞落去好香，食落口都幾入味，唔算太羶~ 炸薯條係新鮮即炸，好夠熱，而且好脆，但茄汁要叫人上先會有~ 紫芋粟子薯餅好好食(可能自己本身鍾意食紫芋)， 味道香口濃郁~ 至於主角刺身就有d失色，三文魚及甜蝦味道幾鮮甜，其他剌身則一般，帶子味道及質感都有少少怪，唔似平時食既帶子刺身~ 至於飲品方面，選擇唔算太多，所以我地每位另加$18任飲清酒，本身自己好少飲清酒，所以唔知佢既質素高低，但覺得飲落去算易入口~ 而甜品選擇唔多，味道一般~ 以這個價錢食放題，都算ok~

本身想與友人食午市放題但可惜過晒時間 就等5點半去食選左好耐食呢間～ 刺身 壽司都過得去～ 叫左碗叉燒拉麵 D叉燒又「嫂」味 湯又無味 同完佢講d叉燒有陣「嫂」味 佢又無咩野咁去廚房換碗比我佢仲敢死比我 當然拒絕左叫左份黃金脆薯 佢老闆直頭係老麥既薯條黎 問佢拿茄汁都無叫件燒羊架又係 又老又鞋 又無芥末都唔知佢有咩～ 除左刺身同壽司食之落 其他都中晒招都米洗指意我下次再幫親

話說要在銅鑼灣搵嘢食唔難，但原來book位食飯先難，組長放題係朋友要求的，但身為活動專員既我打左幾十通電話無人聽之後本來想what in了⋯想放棄之際，又被我打通左～放題時間係5:30（$178+10%）或者6:30（$188+10%）～用餐兩小時～另外餐廳有個生日優惠，生日本人半價（前7日、後7日都有），食物方面選擇性都幾多，壽司刺身、一品料理、炸物、串燒，但飲品和甜品選擇就比較少，刺身：三文魚、帶子、甜蝦都很新鮮，三文魚都很厚切，勁正～而且份量會按照你order 既出，唔會少左～～滿足曬想食刺身既我！！牛柳粒～醬汁勁正，而且火候岩岩好，認真有水準～蟹肉粥～兩件蟹肉係粥內，上面仲有蟹黃，也有蟹肉絲在粥裡，味道唔錯！炸物：芝士年糕炸得金黃，外脆內軟，果然是鎮店之寶～好味好味！大蝦天婦羅一定要點（等得比較耐，可以一次叫多少少）炸香蕉都幾特別～味道唔差！比較奇怪係呢間餐廳天婦羅無醬汁提供，亦有可能我地無問佢拎⋯壽司方面：握壽司有蟹棒、鰻魚、花之戀壽司都好好～但軍艦壽司、芝士炸蠔卷就麻麻地～以$188+10% 既價錢勁真唔錯～唔怪得咁難book位啦！生日之友絕對可以再考慮～

相公的肚量是非一般人所有的, 所以每次諗又要好味又要食得飽佢都好難諗, 行了一整晚銅記, 最後都係相公的示意- 食放題去也.不過這間組長放題到了晚上9 點多還有好多人呢…說回食物, 我地就先來個刺身先, 整體的刺身 (帶子, 三文魚, 油甘魚, 八爪魚及鮑片) 都是新鮮, 沒有雪味臭味, 不錯.而帶子及三文魚都是出色, 肉質感覺滑嫩之餘, 都好有本身帶子及三文魚的味道而今餐中我要大大推薦的是這個蟹粥, 第一, 平時食放題都唔會有蟹粥食(有的話請話俾我知), 第二, 這個蟹粥大大碗之餘, 未食都己經聞到好香的蟹膏味, 第三, 一入口不得了, 好鮮甜, 有濃郁的鮮蟹味, 從未想到食日式放題的蟹粥竟然有這樣高的質素, 不得了!!!立魚牛奶鍋, 我另一個推介之選(我真的在吃放題嗎????) 魚湯鮮甜美味, 裹面的看到一兩塊小片的立魚, 及其他的配料好像金菇及蔬菜, 這些配料吸收了立魚的精華, 令到我地都食同飲到停唔到口, 最後我我一舖清碗!食完以上兩樣其實我己經有7-8 成飽, 不過食放題點都要食其他野, 壽司手卷類, 壽司用的紫菜都是脆脆的, 不是放久了林林的那種, 除了我覺得軟殼蟹的粉漿多

放工和娘子去銅鑼灣Sogo行街街，但其實今晚想吃甚麼大家都未決定…到9時左右…娘子終於忍不住問Step：『今晚有甚麼想吃呢?』Step當然想都不用想：『日本放題!! 』這時剛經過東京廣場，看到傳單，原來12樓有一間食一個半小時的日式放題 – 組長日式放題。Step立即拉娘子上去一試!!幸好今日是平日時間，Step和娘子還可以不用等便有位了。一坐低，Step和娘子便立即看看Order紙，這裡放題食物分為：生食 – 刺身、壽司、軍艦/卷物/手卷熟食 – 鐵板、一品料理、炸物、天婦羅、串燒其他 – 冷麵、拉麵、沙律/小食、甜品可以說種類之多，只要你想得到的都可以食得到(樣樣都合Step心水)；說時快那時慢，娘子已經交了Order紙了。刺身(4♥/5♥)Step和娘子點了三文魚，油甘魚、八爪魚、鮑片和帶子刺身。這裡最令Step喜歡的就是三文魚、油甘魚和帶子刺生，兩者都是大大片厚切，加上脂肪紋理平均，不但啖啖肉口感不錯，肉質鮮嫩鮮味不俗，入口有點融化的感覺，Yummy!!而最重要是每一片刺生都不是冷冰冰，食入口溫度適中，讚!!壽司/軍艦/卷物/手卷(4♥/5♥)跟據Step的經驗，刺生有水準，壽

總結,好少食放题既我,都覺得e間幾好 ,好多款式可以選擇,而且我與友人只是兩位,侍應都俾了大枱給我們,可以舒舒服服傾住計食美食,真心可以happy share 俾朋友.

今日放半日，就出左銅鑼灣同友人行希慎。一心諗住有book位就唔使等咁耐，誰不知都要等成十幾分鐘先有檯⋯⋯ 一坐低就好似車輛轉咁，喪剔食物紙，可能始終都係放題，所以一啲都唔吝嗇～ 率先到既係飲品同沙律，（上面的泡菜青瓜沙律，味道辣得黎幾開胃，青瓜十分爽脆。下面則是牛油果沙律） 刺身上場！ 呢度我朋友發板，點了林林總總既刺身，而quality尚算新鮮、冇咩雪味黎完刺身就輪到壽司了，壽司種類其實都幾多，而且佢地啲名都幾得意、心思（黑色花之戀叫黑玫瑰戀），值得一讚既係，呢度既壽司飯係微暖而且係有黏性，所以唔會一夾就散！ 上燒物同我最喜歡既韓式炒年糕： 燒物做得尚算出色，雞翼入口外皮脆，裡面既雞肉又唔老good但年糕就麻麻地⋯只有淡淡既辣味，而且賣相並不討好 等左好耐，終於上檯既牛肉粒、小丸子小丸子好足料！但佢既做法好似同平時個啲有分別，呢度佢是用---炸的所以食兩粒就有飽肚感。牛肉粒則十分野味，而且又不會太韌 最後食甜品，在下叫左而家好少見，但細個成日見既「朱古力雪條」懷念下返小學既日子⋯⋯

之前食過旺角的分店覺得不錯，今晚約左老友出黎行誠品，順便食埋野啦。我地食早場，環境尚可，但地上有點滑，要小心啦。一坐低梗系劃劃劃，寫哂想食個啲野先。有至愛嘅忌廉溝鮮奶！韓式青瓜，辣辣地幾過引。牛油果沙律，好多牛油果，正呀，仲係麻醬添，呢兩樣無敵夾。各式刺身，厚切又新鮮，吞拿魚意外地甘味。卷物同軍艦，頭個件係黑玫瑰之戀第一次食，基本架構同花之戀一樣，換了黑魚籽，同樣好味。各種壽司，火炙過迫哂啲魚油出黎更肥美，飯不算大舊又軟綿，幾好味。泡菜炒年糕，賣相差啲但味道ok，年糕煙韌又辣辣地。燒牛柳粒同牛舌，一口一件富牛味，加上蒜香，正。小丸子，熱辣辣燒起，多汁好正。串燒類，不過不失，但墨魚咀有點點腥，好似未係燒得好熟……扣分了！焗扇貝，芝士蛋漿好正，全部食清 肥都係咁話。燒三文魚同其他串燒，燒得香又唔乾，放題有咁水準收貨啦。雪糕泡芙，食到last order又係時候要甜品，一口一粒，正。紫薯餅同芝士年糕，紫薯香甜，入面仲有粒粒栗子，香口又有口感，好好味！芝士年糕真係邪惡之物，芝士流心，年糕香軟，外面炸得金黃，又係好好味，肥死都要食。腐皮壽司，食食下甜品追加左一客，甜甜嘅腐皮都算半甜品啦燒菠蘿，

心思思想食放題(其實忍左好耐, 終於都忍唔住喇), 行過組長, 好啦..仲唔即刻9衝上去咩星期二冇咩人, 好快就可以埋位喇..拿拿聲mark低哂食d咩...就等食啦..話咁快..真係話咁快就已經送到黎喇..先講魚生, 小弟有一段時間都冇食喇..原因係怕食完肚痛, 不過今次真係忍唔住..叫左好多魚生食..老老實實, 今次既魚生真係唔錯, 係幾好食既, 三文魚同油甘魚仲要係厚切架, 仲有海魚立同馬刀貝(應該唔係好多地方食到掛)、吞拿魚等等, 夫復何求呀大哥!食完一盤魚生..又點可以唔試下其他熟食呀!試埋佢地D牛舌同牛柳, 牛柳真係幾好食(我好似餓左好耐咁既?!)係幾多汁既! D牛舌都幾多, 幾林架!燒物, 點可以唔試呀?有燒菠蘿呀, 正呀! 出面食0個D, 驚死唔燶咁, 舊舊都黑既, 今次真係燒得岩岩好架!仲有雞軟骨同蝦, 真係唔錯架!其他既仲有天婦羅, 嘩, 大佬! 今次好快手呀, 點完冇幾耐就已經黎哂所有天婦羅, 而且仲熱架, 一D都唔油膩! 今次真係食得好滿意! 值得一讚