紫藤屋

Lunch喺灣仔搵食🤩見到轉角位呢間紫色嘅日式便當餐廳應該係新開冇幾耐睇相d便當又好似幾吸引咁，就決定試下餐廳入面得幾張枱🙂所以我叫左外賣第一次幫襯叫左壽喜燒牛肉便當 ($55)個外賣盒都高質好靚☺️配合返店名紫藤屋，外賣盒係紫藤花設計，連紮住個便當嘅橡筋都係紫色🥰欣賞店家注意到呢d小細節牛肉入味唔靭，配菜每樣份量唔多，但勝在多種類～飯量偏少，食量大嘅人未必夠飽🤔加8蚊可以跟麵豉湯同沙律第二次幫襯叫左雞肉沙律 ($58)沙律菜幾新鮮，雞肉調味都幾好👍🏻係健康輕食之選！食物質素中規中矩，附近返工人士不妨一試，外賣仲可以whatsapp落單再去店自取，非常方便！店員都好年輕但幾有禮貌，係值得支持嘅小店😃…查看更多

灣仔活道轉角位開咗檔新餐廳， 見佢poster貼出嚟嗰啲便當盒好似整得好精緻咁， 抱住試下新嘢嘅心態入去試一試。餐廳入面座位唔多， 坐得有少少逼， 主要做外賣。 我點咗個豚肉時雨煮便當，再加八蚊加配一個麵豉湯同埋沙律， 承惠66蚊， 同區黎講價錢合理。飯盒用一個紫色花紋嘅四方盒載住， 上面嘅玉子燒同埋生薑豚肉擺得整整齊齊，同poster一樣咁靚， 實在難得。米飯晶瑩通透，味道甘香鬆軟， 配上沾滿醬汁嘅豚肉， 令人食欲大振。 再佐以酸薑玉子燒等等嘅配菜，成個便當嘅口感就更為豐富。美中不足嘅係份量若嚴少咗啲，男仔食可能會覺得意猶未盡。…查看更多