更多
2023-09-19
267 瀏覽
灣仔活道轉角位開咗檔新餐廳, 見佢poster貼出嚟嗰啲便當盒好似整得好精緻咁, 抱住試下新嘢嘅心態入去試一試。餐廳入面座位唔多, 坐得有少少逼, 主要做外賣。 我點咗個豚肉時雨煮便當,再加八蚊加配一個麵豉湯同埋沙律, 承惠66蚊, 同區黎講價錢合理。飯盒用一個紫色花紋嘅四方盒載住, 上面嘅玉子燒同埋生薑豚肉擺得整整齊齊,同poster一樣咁靚, 實在難得。米飯晶瑩通透,味道甘香鬆軟, 配上沾滿醬汁嘅豚肉, 令人食欲大振。 再佐以酸薑玉子燒等等嘅配菜,成個便當嘅口感就更為豐富。美中不足嘅係份量若嚴少咗啲,男仔食可能會覺得意猶未盡。
張貼