素年 (福隆大廈)

營業中

休息中

慢人十拍之依家先寫「素年 」🤣素年有幾出名就唔多講啦其實早係上年食過一次，因為拖延症...所以一直冇出post。咁點解而家又講呢？事緣隻手受傷(黑仔)唔太可以煮飯...然後見到有外賣平台竟然同 「素年」 合作...諗都冇諗，即落單！嗚～ 食物到手仲係暖㗎，份量超級大🤣亦因為咁，呢幾日嘅午餐晚餐就解決到(鬆一口氣，呼～)哈，及時雨。 一於嚟過順水推舟，順便介紹啦。因為係上年食過，有啲飲品或者食物可能已經冇再推出，就當記錄一下，話唔定遲啲有快閃又或者重新推出呢...1. 泰式香辣不可能肉碎意大利粉呢個超級好食！愛食辣嘅人會好鍾意，意粉入面有菇、蘆筍、蕃茄仔、Impossible meat(口感勁似肉)唔油膩，夠乾身。呢個dish已encore好多次，超愛！2)吉列豬扒三文治第一次食素豬肉，好impressive，有好多下錯覺都覺得自己食緊真嘅豬肉但記住要趁熱食，凍咗嘅話口感上會有分別，但味道係好食嘅。3) 黑松露醬番薯條大推介，好好食。番薯條夠甜但唔會過甜，而且炸得好乾身，唔會油淋淋，同黑松露醬非常夾。4) 凍伯爵茶雖然冇入鏡，本身自己唔鍾意飲伯爵茶，但鍾意伯爵茶葉製嘅食品或飲品，冇諗過淨

之前喺第二間cafe試過impossible meat，當時真係好驚訝味道同口感都做得非常似牛肉。今次就喺素年encore呢隻素肉嘅漢堡扒版本，咬落去口感其實同真肉好接近只係無咁結實，而且仲整到五成熟咁中間半紅而且非常多汁，加埋火箭菜同芝士唔講真係以為食緊真牛肉漢堡。不過原來呢種素肉雖然保留到真肉嘅營養但卡路里同時係比真肉高！至於新豬肉我就第一次試，同素牛肉一樣個口感會比較鬆散，無真豬肉咁結實，而且係完全無肥肉油脂個種感覺。換嚟嘅好處就係營養成份比真豬肉更好，減低一半以上嘅飽和脂肪同卡路里仲無膽固醇，非常適合追求健康嘅朋友。除咗個豬，日式咖哩同意大利飯好夾，當中仲有一啲雞髀菇，真係份量超大！至於蕃薯條個黑松露蛋黃醬係非常出色，蕃薯條唔算太甜所以都比想像中夾。我自問係個食肉獸，要我完全唔食肉基本上係唔可能，但考慮到人類引致嘅氣候同糧食問題，若然呢種新嘅生物科技可減碳排放同解決糧食問題，我覺得慢慢轉食素肉亦會係重要嘅一大步！

1️⃣⭐️不可能漢堡包⭐️$128 (8/10)又係Polaf最愛嘅Impossible Meat😍 今次仲要比上次食嘅更加厚肉，食落更加似牛肉漢堡😋 仲有溶咗嘅車打芝士🧀，夠晒邪惡😈 落咗意大利黑醋，配合火箭菜同洋蔥，減返少少油膩感👍🏻 蕃薯條好有驚喜，外脆內軟🥳唔會好多炸粉，蕃薯味十足💕 🔹利申味道一定無真牛肉漢堡咁豐富，但站在素食嘅角度，哩個漢堡真係好高分😚 完全唔似食緊素🍔📌 佢地嘅份量真係好大，意粉燴飯直情2-3份，建議大家share黎食😳

今年佢哋搵咗老字號生隆餅家生產純素月餅，不含蛋奶，亦冇防腐劑，啱晒素食/敏感人士。💰$240有四大個.🔸蓮蓉欖仁月餅分數: (7.8/10)含欖仁，蓮子，粒，麵粉，菜籽油。蓮蓉好香，唔會過份甜，中間多欖仁，又唔會太硬。.🔸陳皮豆沙月餅分數: (7/10)含陳皮，紅豆， 糖，麵粉，菜籽油。豆沙較甜，有幾粒陳皮小粒咬落較硬，有點難咬，索性lur左粒陳皮。.⚠️錯誤示範： 小編太心急，拎咗月餅好快就拎黎試，未等得切佢回油，所以餅皮唔夠軟滑，應該擺夠4-5日先回油。

1️⃣ 日式定食🍱 (外賣自取9折)總算食到素年Years💛喇🥺 日本控🇯🇵👦🏻太思念家鄉揀左日式定食🍱 外賣包裝都好靚💛 打開都仲係暖暖地添架~呢道熱門菜式包括麵豉湯, 烏冬, 南瓜薯餅, 枝豆, 凍豆腐, 醃蘿蔔, 木耳, 甜薯, 紅豆大福仲有玄米茶🍵 (我見有時會係蕨餅😍)腐皮烏冬都幾大碗😃 好似食緊加大版咚兵衞😆 南瓜薯餅尚脆口仲勁香南瓜味😊 凍豆腐好滑, 甜薯係勁香勁甜, 粒紅豆大福勁煙韌🥰玄米茶唔係用茶包架😲👍🏻一次過食曬我鍾意既食物會唔會太幸福☺️ 望落份量好似唔多但食落真係好飽😵Menu上面其實款款都好吸引👉🏻👈🏻 我下次食不可能漢堡包定黑松露蘑菇漢堡包好呢🙈

今日臨時撞到朋友即興嚟食晏晝差唔多四點幾五點唔需要訂枱下午茶時段免加一不過 餐牌晏晝夜晚差唔多冬陰功意大利飯$88少少香辣嘅冬陰功 好夠香同濃本身諗住佢加咗cream會好漏但係其實食完成份係啱啱好上面嗰舊泰式茄子有驚喜好好食同埋個糙米飯好有咬口煮得啱啱好好推介呢個香草青醬意大利粉$88面頭有好多火箭菜 唔鍾意食火箭菜記得叫佢走佢嘅香草青醬係自己做嘅 夠香夠味但係真係好油 食到一半已經好漏 食咗大半之後頂唔順 成個碟都係油唔怕肥膩嘅話可以叫 其實幾好味但係我下次絕對唔會再叫 因為怕肥焙茶燕麥奶（ 下面嗰杯）跟餐加$24幾鍾意佢啲熱飲 本來定咗配燕麥奶 仲可以揀改豆奶唔使加錢平時出去飲嘢如果有得改燕麥奶我都會改普遍都要加$5至$6 呢間唔使加錢感覺抵咗焙茶味夠 甜度可以唔使改 唔會好甜但 略嫌面頭嘅泡唔夠綿密

11:45去到門口已經有人排隊喇！接近開門時人龍已很長，朋友食過所以我地早啲去排。我地點左沙律同咖哩豬扒飯，份量十足！炸豬扒唔知用咩整，但口感超似不過由於太多人等位，食完就要走喇！

💛 #深水埗 #素年 #Years同幾個大學同學去深水埗買嘢之前去食返餐好嘅先🤤 鍾意食素嘅friend揀咗呢間素年比我哋試, 朋友之中有一個食肉獸 (唔好打我🤪) 但睇到素年啲食物相都話可以一戢, 所以就黎咗☺️🍛 日式咖喱吉列豬扒意大利飯 ($108)我叫咗呢個咖喱飯😋, 一上碟就feel到一定食唔曬! 佢超大碟, 女仔一定要叫少飯呀😫! 個risotto勁大碟, 裏面有蘑菇、露荀、車厘茄等等, 面頭仲有兩塊蘋果。 第一次食吉列新豬肉, 一開頭嗰幾啖沾咗咖喱汁, 覺得同普通吉列豬差唔多😲, 之後食咗舊冇汁嘅. 覺得好得意好似一舊好食嘅炸薯餅 🤣🤣🤣🍱 日式定食 ($88)朋友叫嘅呢個日式便當好多嘢好吸睛🤩! 有漬物、烏冬、什錦配菜、麵鼓湯同甜品等等,好抵食咁🤤🤤🍔 不可能漢堡包 ($128)不可能漢堡包係熱門菜式之一🔥, 入面塊不可能漢堡扒超厚! 仲有火箭菜、車打芝士、洋蔥同意大利黑醋, 另外仲有好多番薯條添😋😋🍜 冬蔭意大利飯 ($88)另外有個朋友叫咗呢個冬蔭意大利飯, 不過佢好鍾意食肉, 就話覺得呢個偏dry(笑🤣🤣) 呢個risotto入面有金不換、車厘茄、泰茄子、草菇同蘆筍

With the strong meat eating culture that persist in Hong Kong, Years executes a high quality and high quantity meal that is exclusively meat free. This store is now not only one of the more popular restaurant options in Shum Shui Po, it is a restaurant that makes you say you want to go back for more. Make sure to go early as the line can get ridiculously long during peak hours. The ambience of the restaurant is beautiful and bright. The service was also very timely which is mighty impressive giv

之前成日見人食呢間餐廳，啲賣相幾靚，所以想嚟好耐！原來唔止靚，仲係一間食素嘅餐廳。我哋book咗1830，被通知2000要交檯。餐點選擇唔算多，菜色亦稱冇太花巧特別，唯獨我同朋友都即刻聚焦一樣 —— 冬蔭意大利飯！呢個聽落最特別了，感覺好fushion好新鮮。順帶一提，menu寫明份量大，有需要可以要求減量⋯令我真係好好奇份量有幾大先會叫人減量？然後，係我錯了。佢份量真係好大好誇張啊！淨係望啲飯都起碼有兩碗吧？！基本上兩個人細食啲都會夠食 真係應該乖乖叫減量的⋯個飯好有冬蔭功嗰種酸酸辣辣、金不換嘅香味，但味道上唔算濃，反而係偏清淡少少但帶微酸辣嘅飯。飯質偏淋，但同啲汁融為一體。飯入面混有草菇、蘆荀，令口感冇咁齋。但作為食葷嘅人，即使佢味道唔錯同幾特別，但整體都係算清淡，會有少少空虛。而呢個意粉就普通好多了。就真係純粹一個以植物材料炒成嘅齋意粉⋯混有蒜泥，但味道真係冇特別，好家常菜feel，感覺自己喺屋企都輕易整到一模一樣嘅味道。但值得一讚嘅係意粉算煙韌同幼身，所以口感幾好～ 整體嚟講最大賣點係 份量大！好適合大食嘅朋友😂而味道上都係偏淡的，食慣肉/重口味嘅可能未必滿足。不過呢兩款都係主

幸好我早一星期訂位，否則walk-in 就要摸門釘了，第一次試 ，很多人推介，而且食素挺健康的，所以就來試吓。我見有甜品蛋糕，就大膽問吓有沒有寫生日字在蛋糕邊上碟，點知竟然有，可以送個驚喜比朋友，很開心呢😊純素沙律碗$78沙律有生果配搭比較好食，出面通常淨菜或淨生果反而有點單調，這個配搭很開胃，很好吃。色彩繽紛，令人賞心悅目，見到都開心。泰式香辣不可能肉碎意粉$88平時食既會配生菜，但這個配意粉，意想不到很香口，辣得黎好野味，是很好食，很驚喜咁好食😋。不可能漢堡包$128「肉」很厚，味道很像平時食既漢堡，薯條唔係平時食既薯條🍟，是番薯🍠炸的，我比較喜歡番薯炸的。朱古力（餐+$28）好味玄米茶（跟餐）朋友沒說唔好飲豆腐芝士蛋糕$58食到豆腐味，但如果芝士味濃多啲會好啲，朋友很喜歡，說甜度和味道都剛好。深水埗有兩間店，留意番自己訂枱訂邊間，因為聽到有人去錯了。

🌈素年 Years👾一出街食飯，幾乎餐餐都大魚大肉🌝都會想揀啲對身體負擔冇咁重嘅食物🌿👾芫茜意大利飯 $88✨如果你係一個芫荽愛好者基本上你見到呢一個飯係個餐牌上面出現你都會想點尼食🤩🤩🤩除咗芫荽之外，仲有粟米筍，蓮藕，菇全部都係可以提升食物香氣嘅材料😍所以呢一個飯個味道好濃郁🤗雖然我淨係單點左一個飯但係佢都大份到食唔晒咁濟🤭🤭近呢10幾年，唔同嘅環保團體都提倡緊素食主義因為佢可以減低碳排放量市面上嘅素食，越來越多變化唔再係我哋以前嘅齋菜雖然食肉獸冇辦法食到全素😛但係都感受到呢間餐廳嘅用心我都會偶然返嚟🌿素年用膳@meatymonsters#勇敢作反食肉獸 #mm深水埗 #mm素食

早知呢間名店要排，身為街坊，第1次幫襯知佢開1200nn，我12:40min到，店外已經長長人龍即刻入門同店員登記，我個名已經係第1頁紙嘅第2個column喺門外等了80分鐘由12:40等到2:00pm入，露天等，又落雨又熱不太好受店內衛生措施不錯，每枱有隔板分開睇吓人地食咩，見好多人叫泰式香辣不可能肉碎意粉、Burger都多人叫另外亦有唔少人叫咖哩豬扒飯同埋日式定食我地都叫咗泰式香辣不可能肉碎意粉$88份量算多不可能肉碎質感似肉但真肉嘅香氣係模仿唔到意粉好al dente，我鐘意露筍爽口車厘茄有燒/煮過另外日式定食都係$88好大堆頭，8樣嘢腐皮意粉、小蕃薯、醃蘿蔔/木耳、豆腐、南瓜餅、麵豉湯、紅豆麻糬南瓜餅勁正，熱辣辣入面又軟綿綿醃蘿蔔/木耳最難食木耳一pat嘢咁，又鹹又酸熱玄米茶，跟餐免費食物及環境不錯但等80分鐘則不太值得亦設加一服務費

素食宜家已經係一個trend, 越來越多人食素，平時食肉食得多，耐不耐都會想食下素，今次揀左深水埗素年全店都以白色木色為主，走簡約風但又不失型格既感覺泰式青咖喱意大利飯意大利飯就食得多，但青咖喱意大利飯真係第一次，青咖喱加上金不換真係令成個意大利飯帶有泰國風味，仲有車厘茄、茄子、草菇，豆乾、個份量真係非常誇張，係我平時食開既3倍，飽到一個點黑松露蘑菇漢堡包我無揀不可能漢堡因為我唔鍾意食假肉，呢款漢堡用左大啡菇取代漢堡扒，口感上絕對唔輸蝕卑漢堡扒，蕃薯條真係炸得非常鬆脆，好好食凍伯爵茶同玄米茶做餐茶正好解左頭先青咖喱既濃烈同蕃薯條既油膩感素年不單指將素食變得型格，成為潮人打卡熱點，更令一些對素食抗拒既人慢慢開始接受，因為好多人覺得素食係唔飽，但呢度絕對可以令你飽到個波咁碌出去😂

第一次黎食，飽到食唔落深水埗糖水，價錢合理。炸蕃薯條夠甜，比薯條好食，擺得耐會軟，證明無防腐劑另外個黑松露磨菇包好香，車打芝士岩岩好，再大舊就好滯好肥。其實呢個素食唔算健康，但勝在份量十足，食完晚餐都食唔落。個杯青蘋果羽衣甘藍奇異果燕麥奶係屋企較難買材料榨，其實都甜。但粉紅色既香蕉火龍果係甜到爆呀！係屋企有榨汁杯就榨到，由於問過店員少冰又得果糖，真係唔錯！我仲即刻去超市買燕麥奶，溝其他水果都好好飲！