純子 (已搬遷) 新店位置

睇完韓劇心思思想食韓國菜朋友仔選來了幾有好評既地方不過打算book 檯既時候先知原來搬左去謝非道順帶一提, 原來呢度係walk-in.. 無reservation 的><Makgeoli 好有米香, 不過甜度不足。正宗的應該是很甜的。飲既時候可以咬下米粒tim~前菜 7小碟。每樣都係細小portion, 有薯仔, 菠菜, 泡菜, 豆腐, 芽菜, 小魚同蓮藕。最鍾意就係薯仔,小魚同菠菜。其實樣樣都幾好味, 但其實小妹最愛的還是凍食沙律通粉, 可惜呢度唔將佢列入前菜。Seafood pancake 煎得很好, 夠香。用鐵板上保證熱辣辣~ 仲有韓式風味tim~ 不過就無咩海鮮料, 蘿蔔絲居多。心諗有d 似食蔬菜pancake 多d.. @.@Dumpling soup 湯清但帶有甜味, 仲有蛋香。其實我覺得佢比seafood pancake 做得更好。餃子包得堅實; 肉質鮮嫩。蛋花唔會太散!~西瓜 每檯用餐後都送既生果。時令生果, 適合外間火辣辣既炎炎夏日!!滿足的一餐~ 감사~~

在辦公的地方附近, 但很多同事都嫌貴, 所以從未光顧生日那晚, 終於與女友來到, 只有主菜, 沒有套餐待應不暗中文, 英語對答還可應付(指本人)七小碟, 有我最喜愛的牛肋骨,其於六款都不錯, 炒年榚是其中一款, 不是大多韓式餐廳會將它放在前菜呢叫了客鐵板橈牛肉及帶子, 每客同是$100 同樣的價錢,帶子比較超值起初以為沒有飯, 就叫多碟牛肋骨炒飯, 炒飯食到一半, 才奉上白飯及湯, 真奇怪所以最後都吃不完價錢偏貴但可接受, 但如果午市都是這樣的模式要好好考慮清楚了

看韓劇經常見到一些韓國料理，就是這種了，很住家式，簡單的枱櫈實而不華。點了牛肋骨，牛肉。由於燒煱太接近客人，油會彈到衣服裡，所以奉勸各位如果穿著名貴的衣服時，請叫侍應煮熟上枱，不要自己燒烤了。食物味道不錯，有一點驚喜。但最令我留下深刻印象的是一身的油煙味及回家要馬上把恤衫上的油潰洗去。

細個o既時候，韓國菜對我o黎講就係同韓國燒烤劃上等號，而且我亦非常熱愛韓燒... 但近三四年都已經幾乎冇食過又開始呢個試盡公司周圍o既食肆之旅。第一次行過純子，幾鍾意個格局，但因為門口冇餐牌，自己又未出糧，唔敢入。跟住上o黎望過下D 食評，似乎都幾好　(雖然似乎偏貴)，決定一試。望下個餐牌，因為上過黎望都知大約價錢，反而揭到後面有D 驚奇，點解淨係一個三文魚壽司都要$160? 而且呢間韓日料理似乎係偏向韓菜多一D...好喇，廿幾年人第一次食真正既韓菜，冇叫lunch set 反而叫o左個BBQ 羊肉，有好多樣前菜，整得好精美，雖然我唔太鍾意食泡菜... 個羊肉整得幾好，但驚喜不足，如果再幫襯可能會試D 更偏門既野另外，服務都幾好，如果學埋講廣東話更好；環境好，如果少D 人仲好... 不過整體上都好滿意，埋單有粒糖送添，哈

約左朋友食lunch又唔想太多人太逼，行過見呢間唔太多人，入左去試。普通既食物真係幾貴，石頭飯要$110。於是叫左個daily course，好有屋企feel。包埋湯，而個set有d前菜，主菜係魚同牛。魚幾好味，面有一層蛋包住，點埋個醬，好味~牛就「鞋」「鞋」地，不過都ok。之後仲有西瓜tim~ 韓國菜有呢個好處，就係好balanced，有伕魚有肉有菜，仲有生果，正氣d嘛~最重要既係呢度個感覺好舒服、乾淨。而且d service都幾好。睇番其他人的comment，韓國口音既英文係難理解dd既，不過佢地都好盡力ga la，我地唯有努力d試下聽囉~ 如果大家往日返工想搵個好地方食飯，呢間都係一個好既選擇。

上星期五約咗個client係灣仔食lunch, 通常都會選擇三里屯但係真係有D悶，突然想起「純子」，因為未試過而且通常行過都見佢full house，應該都唔差得去邊。於是打去1083問電話不過冇登記係open rice度登出嚟的電話又永世冇人聽，唯有早15分鐘去等位，一去到就有位不過就要搭枱。純子係一間有家庭feel的韓國餐廰裝修較簡樸，可能地方較細都幾嘈。老闆娘同waitress都係韓國人，唔識講中文但識聽少少。食lunch嚟講我覺得有些少貴，石頭飯要110元其他湯麵或飯都係差唔多價錢﹝約80元起﹞, 最後決定叫set lunch不過冇得擇只得一款，有湯、牛肉、天付羅、前菜同埋甜品有西瓜，份量好夠味道都幾好，埋單每位70元plus 10% service charge。不過以lunch比較個人嚟講就覺得銅鑼灣韓雅林好D，真係又平又好味，而且portion 好夠仲有好幾款可以選擇，set lunch 都只係48-60元，地方舒適又唔嘈。

看過這兒的格局，還有大家的食評，原本以為這是家快餐店式的店，怎料進去才知道那是不折不扣的餐廳收費！進來了，還得點菜。我很愛吃石頭鍋飯（只有一款），所以就點了一個（$110）。點了菜，前菜送來了，有七小碟之多，每碟都很好，尤其是那泡菜，保留了菜本身的水份和鮮甜，不是一味的辣，很好。還送上湯一碗－－沒肉沒味精，怎會這樣甜的？！原來是洋葱白蘿蔔湯，其實不必花巧，便可以很好。石頭鍋飯的材料都是全熟的－－個人喜歡不是全熟的材料（尤其是蛋），待上桌後拌勻，以石頭鍋的熱力把材料迫熟，這樣才夠原汁原味－－不過大概顧慮到習慣和衛生的關係而沒有這樣做吧。石頭鍋看來不是很熱（沒什麼飯焦），不過材料的味道都很適中，非常好吃！給大家一個溫韾提示：午市套餐只會在星期一至五工作日供應，想試又不想花太多的要注意了。

行完了半天的禮品展攬, 沒有太大的得著, 下午二時許約同附近的朋友來一個簡單的午餐小聚, 似乎他們的生意不錯, 店中幾近乎客滿, 而樓面只有二位太太和二位侍應在工作, 總算坐了一個比較理想的位置, 可惜見侍應們工作真的有點混亂, 而且不小客人像我們一樣被冷淡了, 有的還在等位子, 剛坐下的因侍應理會而離去, 鄰桌的朋友單是結帳已等了十多分鐘; 我也不太差, 坐下五分鐘後才來了兩杯茶, 十分鐘後才送上餐牌, 前菜與套餐已是幾近半小時後的事, 小一點耐性也真的不肯; 點了鹽燒牛肉和燒羊肉, 中午時間一般是在廚房燒好出來, 味道一般牛肉有點雪味, 羊肉只是不過不失, 反而前菜弄得比較出色, 整體上退步了不小.

今晚要參與太座果邊朋友的聚會，出席前來了這裡醫肚。呢度都開張了幾耐的日子，是一間幾正宗的韓式料理，當然講緊係十年前的標準。七時來到，人客不多，可能大家都去了萬聖節聚會。韓藉老闆夫婦在看韓戲，兩檯客人都是韓國人。呢度除左韓烤位，還有地道的韓式塌塌米。餐牌同以前幾乎是一模一樣，除了一般韓式食物及韓烤外，亦有刺身及壽司，當然吃這些日本料理不用在這裡。近排太多BBQ，不想吃韓烤了，故叫了什錦石頭飯，炆牛肋骨及冷麵。例牌先來前菜，有七碟，排開也不算很多。先吃泡菜，夠辣夠鮮，有水準，我們見好食就照例吃完又添。魚仔乾雖然味道不差，但魚仔太小，太濕碎，引不起渴清酒的瘾頭。醬油浸蓮藕及薯仔都好味道，用來送飯都得。其他還有如芽菜、麻油莧菜等；什錦石頭飯同大陶碗盛著，保熱功能應比鐵碗更好。侍應用醬油及韓式辣醬撈過後，便有得吃。材料豐富，啖啖都有不同的料，如蛋、芽菜、牛肉等，不過香味就似乎略縑遜色了一點，是不錯但不算出色；冷麵是傳統的格式，韓式都條是用上薯粉製的，所以會如橡筋般彈。辣汁不太辣，味道則幾醒神，算不錯；記憶中炆牛肋骨是呢度不錯的菜色，今次看到賣相還不錯。除了不少的牛肋骨，還有幾多配料，如粒粒栗子、

懶了好幾年, 公司終於參與今年會覽的展覽, 可惜買家比預期中小, 獨自在公司的攤位內呆坐了半天, 才等到接班的同事到來, 午餐時間總算可以鬆一口氣. 記起近附近有一間不錯的韓式餐廳, 亦已近一年多沒有光顧了.正好來一個短暫的回憶.這次單身的來一個午餐比已往的更難選擇, 幸好侍應主動提議, 就點了一個燒牛肋骨午餐, 先來了7碟前菜, 除泡菜外味道都偏於輕清; 蘿蔔湯亦是同樣走淡味路線, 主菜燒牛肋骨是預先在廚房燒好, 牛肉味突出而且肉質爽口討好, 但略嚴多油. 午餐末段還有一小片西瓜清清胃口, 舒服滿足的一餐後, 又要趕回攤位去, 再呆坐餘下的一個半天.

The daily specical lunch set costs $70 (+10%) & consists of various kinds of veg, beef slices, steamed rice, soup & fruit (a slice of watermelon). Tasty food. The lady boss / superviosr is really nice.

這裡是吃韓國與日本菜的，但價錢就非常之喇俐，lunch都要成一百元一個人, 石頭鍋飯幾好食。

今天午飯,一個人唔想行,就在此店食.太熱,唔想食太多肉,叫了個泡菜鍋,非常好味,正! 此外如Cat小黑貓所說前菜真的很多,而飯後西瓜好甜. 服務都幾好.不過成百蚊食午飯都幾貴.

韓日餐廳~ 開頭覺得又韓又日, 一定唔掂~ 但食過唔錯喎~ 兩個人食lunch, order o左兩個餐(lunch box & 石頭窩飯)~ 前菜好多, 唔錯~ 石頭窩飯好好味~ Lunch box o既portion好大~ 有牛肉, 什錦天婦羅, 等等~ 唔錯~ 飯後o既西瓜仲好甜o添~ 埋單$250~ 貴就貴d~ 耐唔耐一餐算啦~waitress service好好~ 但有樣o野好唔滿意~ 一個應該係老闆娘o既女人, 咳都唔帶mask~ 仲行o黎行去(佢睇電視咋, 唔係做o野), 仲企o係客人附近咳, 佢都完全唔覺有問題咁~ 太唔合衛生啦~ 我唔知道會幾時好番, 所以佢一日唔帶番mask, 我真係唔敢再去~

Food really similar to Korean! cos people who severs are also Korean! The "accessary" food, e.g. Kimchi is excellent! You can have a try!