紅葉茶屋 (奧海城二期)

營業中

休息中

今日等朋友收工，收工後揀左去奧海城行街食dinner，經過見到有抹茶做主題嘅cafe，木系裝修簡約雅致，所以就入左去試下～❥ 燒味琳魚乾魚乾片經烘烤後變成金黃色，口感酥脆，嚼落中間帶有小小韌性，好有咬口😙❥ 鹿兒島黑毛一口和牛定食一口牛入口即溶，食落牛味重仲好juicy，配白飯真係一流👍🏻❥ 豪華海鮮丼茶漬飯豪華海鮮丼有新鮮生蝦、魚子、帶子、三文魚、吞拿魚，茶漬湯揀咗鰹魚味，食落鮮味十足🥰❥ 鎌倉紅葉茶屋抹茶提拉米蘇必試signature item抹茶提拉米蘇，香濃抹茶粉配上忌廉蛋糕，每一啖都超滿足🫶🏻❥ 冰忌廉抹茶拿鐵抹茶拿鐵帶有濃郁抹茶香，配上牛奶飲落口感順滑，上面仲有層忌廉，打卡啱晒🤩❥ 冰抹茶拿鐵怕肥嘅朋友就可以走忌廉，都好正架😝

位於大角咀奧海城的和風餐廳，絕對係一個讓人驚喜嘅美食天地！餐廳環境優雅，充滿日式風情。和牛肉壽喜燒定食 $198呢個壽喜燒定食真係唔可以錯過！新鮮的和牛肉片，搭配香濃的壽喜燒醬，肉質軟滑，入口即溶，配上白飯食，更加令人陶醉！豪華吉列滑蛋丼（豬扒＆廣島蠔）$168這個丼飯非常豐富，酥脆的豬扒與新鮮的廣島蠔，搭配滑蛋，味道一流，讓人忍不住多吃幾口！鎌倉紅葉茶屋抹茶提拉米蘇 $88呢款抹茶提拉米蘇帶有濃郁的綠茶香氣，層次分明，口感滑順，甜而不膩，絕對係抹茶迷嘅心頭好！**追加三文魚刺身（3片）$58** 三文魚刺身新鮮滑嫩，口感極佳，簡直係海鮮愛好者的必點之選！胡麻蕃茄 $48胡麻蕃茄的味道清新，蕃茄的酸甜配上香濃的胡麻醬，令人欲罷不能。炸牛肉薯餅 $68這款薯餅外脆內軟，牛肉味道濃烈，作為小食非常合適，絕對能夠打動每位食客的心！

下午約咗朋友行奧海城兼食飯聚下。買完嘢揀咗黎呢間食飯。樓底高，裝修光猛偏日系。坐得好舒服。傾計都唔使就住就住喇。Menu內有好多食物選擇。日式和食款式，相信好啱大部份人食。佢哋嘅甜品類都好吸引。今餐真係要留返個肚接收甜品🍨。友人揀咗吉列豬扒滑蛋丼飯餐，包括埋面豉湯，凍檸茶，加配一客炸餃子。炸餃子炸得好香脆。呢個丼飯份量都幾多。豬扒炸得好食，粉唔厚，豬扒係香脆同juicy架。真係唔錯😍。而我就揀咗牛肉壽喜燒鍋定食，有珍珠飯，面豉湯，飲品係雪糕抹茶拿鐵，加配抹茶蕨餅新地。壽喜燒鍋入面都有好多牛肉和配菜，例如好豐富。偏甜的湯底，好惹味。我杯雪糕抹茶拿鐵，甘甘地，好濃嘅抹茶味，雪糕慢慢溶落抹茶度，好飲，好透心涼。抹茶蕨餅新地，賣相好靚😍。個底有窩夫盛載住牛奶雪糕，cream, 球狀紅豆茸，抹茶味蕨餅。好豐富，雪糕香滑，好好味😋😋友人被menu上的甜品吸引住，叫多個有抹茶Tiramisu同埋冰柚子茶嘅Tea set試試。Tiramisu上灑滿日本抹茶粉，濃味甘甜抹茶配Tiramisu，入口香滑甘甜，大愛😍😍。好喜歡呢度嘅甜品，好出色😋正餐+甜品，好味又好飽，可以encore。

#🐒😋平時真係好小去奧海城今日難得行過就緊係開埋餐先啦去咗一間叫紅葉茶屋食日本菜豪華壽喜燒 真係份量十足有好多片牛肉 仲有其他配料一定夠哂飽肚呀仲加咗炸餃子同炸南瓜即炸熱辣辣呢樣嘢已經無得輸忌廉烏冬芝士味好重 雞肉份量都合理甜品要咗抹茶雲石芝士蛋糕唔算好漏 最底有薄薄一層海綿蛋糕── ✦── ✦ ── ✦ ── ✦ ──ʚ #豪華和牛肉壽喜燒定食 ɞ ʚ #芝士雞肉蕃茄忌廉烏冬 ɞ ʚ #炸南瓜餅 ɞ ʚ #炸餃子 ɞ ʚ #抹茶雲石紋芝士蛋糕 ɞ ʚ #凍柚子茶 ɞ ʚ #熱蜂蜜薑紅茶 ɞ ── ✦── ✦ ── ✦ ── ✦ ──

俾佢個甜品Menu吸咗入嚟，喺香港都有好幾間分店，木系裝修，坐得舒服~🔘藍鰭吞拿魚＆三文魚刺身茶漬飯首先試吓兩款刺身，都幾新鮮，三文魚肥美，然後發現更鍾意茶漬飯嘅食法，加湯加紫菜同Wasabi，揀咗配搭鰹魚昆布湯，更能帶出魚嘅鮮味，另可揀蝦湯~🔘豪華吉列滑蛋丼（豬扒＆廣島蠔）豬扒juicy，炸得香脆，廣島蠔幾大隻脹卜卜，又係爆汁，鍾意佢個蛋夠晒滑，不過味道就淡咗少少，要加少少七味粉調味~🔘紅葉甘の三味一個價錢食到三款甜品，好似幾抵，最鍾意抹茶提拉米蘇，香軟順滑，抹茶味亦夠香濃，仲有牛奶雪糕同牛奶布甸，大滿足~🔘黑蜜原味蕨餅&抹茶蕨餅蕨餅口感Q彈，自己倒入黑糖汁，咁甜度就可以自己控制，呢間嘅甜品整體都幾好食~ 🔘冰芒果百香果茶🔘冰鮮奶咖啡

這間位於奧海城的日本菜餐廳係日本鎌倉過江龍，有多間分店，主打日式料理和甜品，裝修以日本木系為主，環境舒適。.和牛肉壽喜燒定食 $168牛肉份量不少，肉質嫩滑，肉味香濃，配上壽喜燒汁和溫泉蛋，味道香甜又香滑。配料還有豆腐、香菇、蔬菜等，十分豐盛。.吉列豬扒滑蛋丼 $118豬扒份量十足，炸得外脆內嫩，配上香滑雞蛋，很好下飯。.炸餃子 $38餃子煎得香脆可口，滿滿的豚肉充滿肉汁。.雪糕牛奶抹茶 +$25牛奶抺茶味道甘香，配上香甜冰凍牛奶雪糕，好適合炎熱夏天。.芒果&西柚紅茶 （熱） +$20果味濃郁，茶味甘香，上面還有西柚果肉。.鎌倉紅葉茶屋抹茶提拉米蘇 +$42抺茶控至愛抹茶提拉米蘇，充滿抹茶甘香，口感富層次。.抹茶蕨餅新地 +$42有抹茶雪糕球、雲尼拿軟雪糕、抹茶蕨餅、脆米片、紅豆蓉，十分豐富。

今日同朋友去咗奧海城嘅紅葉茶屋食飯，環境舒服，日式風格～我哋點咗個海鮮四色茶漬飯，入面有好多新鮮嘅刺身，厚切三文魚、吞拿魚，好新鮮，入口即溶！香濃蝦湯度，蝦湯好鮮甜，同飯一齊食，味道好特別，我好鍾意！小食炸餃子，炸得好香脆，咬落去有好多肉汁～牛肉壽喜燒定食，個牛肉比較嫩滑，壽喜燒嘅汁好濃郁，同埋有好多配菜，好豐富甜品紅葉甘之三味（配牛奶雪糕），有三款唔同嘅甜點，精緻，味道都唔錯，好鍾意鐮倉抹茶提拉米蘇，好香濃；牛奶雪糕好滑，奶香味十足；布丁酸酸甜甜～呢間紅葉茶屋嘅食物質素唔錯，特別甜品😍，印象深刻～

來自🇯🇵日本鎌倉嘅和風Cafe連鎖店🌟紅葉茶屋🌟，大角咀分店位於奧海城🍁！🍁紅葉三重奏 $98可自選蕨餅、迷你芭菲嘅口味，十分Flexible！三重奏包括黑蜜抹茶蕨餅、多重口感層層疊嘅迷你非常雜莓芭菲、同埋軟綿香郁嘅抹茶雲石芝士蛋糕，甜品質素唔錯！🐟海鮮四色茶漬飯 $148定食會有埋前菜，亦可以優惠價加購小食及飲品！茶湯嘅口味都有得揀，鰹魚昆布湯可以提升鮮味！另可選蝦湯！🍝溫泉蛋卡邦尼烏冬 $92忌廉汁卡邦尼，加埋溫泉蛋，夠晒濃滑，而且份量足！🥗蕃茄胡麻沙律 ＋$20沙律清爽開胃！🦐柚漬赤蝦紫菜卷 ＋$48自組壽司，漬赤蝦軟糯甘甜，得一隻唔夠喉！🍹冰芒果&西柚紅茶 ＋$20勁多西柚，清新解膩！🍵雪糕牛奶抹茶 ＋$25有埋雪糕嘅特飲，好邪惡！

是日到奧海城玩完一輪🙌🏻又到尋食時間😋見到紅葉茶社呀～門口兩個大Menu勁吸引我要入去啦🍁豪華和生牛肉壽喜燒定食醬油味咸甜適中🍚配飯一流👍🏻牛肉肉質鮮嫩🥩如果有熱鍋爐底暖住味道會更好🍁北海道味噌燒野菜拉麵味噌湯味道香醇🍜拉麵份量足～麵質唔錯正常發揮🍁抹茶白玉紅豆窩夫白玉QQ🍡窩夫即叫即整🧇上台時暖暖的同抹茶雪糕有口感對比🍵紅豆蓉甜道爆炸～嗜甜者大喜🤭

之前幾次都係其他分店食過，食物質素唔錯，服務好，出餐都好快～今次試吓佢個和牛壽喜燒定食，配溫泉蛋、青瓜、雪梨、麵豉湯等，和牛唔肥，想食多啲牛肉可以升級做增量版，底下嘅蔬菜超入味，索晒湯汁，整體不錯～芝士雞肉蕃茄忌廉烏冬個味道超濃郁，醬汁好掛汁，所以烏冬好好味，推介！另外推介一定要加購呢個柚漬赤蝦紫菜卷，味道好漬新，有柚子過香及醋味好開胃！另外加購炸餃子都非常香脆！飲品推介呢個冰蜂薑蜜紅茶，薑味都算濃～甜品來個美美的抹茶芭菲，配蜜瓜雪糕，加埋黑糖醬更有日式嘅味道！價錢參考

今晚去同朋友食飯，佢叫我陪佢去奧海城行吓街，順便夜晚係果邊食個便飯。咁岩行攰左係附近搵左間食日式定食，因為行經過聞到好香生薑燒豚肉味。我就梗係叫反個生薑燒豚肉定食配凍百香果茉莉花茶🩷🩷🩷🩷🩷果然真係好有驚喜，一上菜已經聞到勁香好肚餓了。佢係甜甜地個醬汁炒香個豚肉配埋白洋蔥好清甜，送飯一流。再配埋啲漬物仲有個麵豉湯好豐富。佢個百香果茶飲到酸酸甜甜既百香果味同埋茉莉花既茶味。另外叫左個鹿兒島一口和牛定食配蘋果汁加配炸餃子🩷🩷🩷🩷🩷佢個一口牛入口即溶同埋都炒得岩岩好，咬落好juicy又係送飯好正！佢個蘋果汁酸酸甜甜好開胃，同埋個炸餃子超脆即叫即炸熱辣辣。我仲有叫多個我最鍾意食既燒鱈魚片🩷🩷🩷🩷🩷竟然呢度有得嗌。食完之後本身想搵間甜品舖食吓飯後甜品，點知見到呢度有埋甜品食，佢個抹茶提拉米蘇我好想試下，朋友想食佢嘅牛奶軟雪糕我叫左呢兩款。佢個抹茶提拉米蘇真係驚艷咗我🩷🩷🩷🩷🩷🩷，抹茶味好夠濃，又夠creamy奶味都好濃郁配搭得好好😍。牛奶軟雪糕有啲似牛奶妹個軟糖味，甜甜地既牛乳味。無諗過呢間餐廳咁有驚喜。

位於大角咀的日本過江龍日本料理甜品店，以木色裝修風格為主，座位舒適，寬敞。主打日式定食、壽喜燒、丼飯、拉麵、飲品及甜品，全港都有分店。烏冬：香蔥柚子蜆肉烏冬蜆肉大大粒，份量也蠻多，粒粒很鮮味，烏冬麵條彈牙，湯底清淡帶柚子清香，這碗絕對是清新開胃的夏日之選。魚丼：鰻魚滑蛋丼鰻魚厚肉，甜甜的鰻魚汁配上滑蛋汁，米飯吸收了蛋汁及醬汁後，特別下飯。定食還有麵豉湯及前菜。甜品：紅葉三重奏甜品是不容錯過的必點之一。這款集合三種甜品，一次過滿足三個願望。分別有一款迷你芭菲、抹茶雲石紋芝士蛋糕及蕨餅，非常精緻。迷你芭菲，蜜瓜雪糕，中間有脆片、抹茶生朱古力、牛奶雪糕、抹茶啫喱，細細杯份量剛好。芝士蛋糕軟滑，帶點淡香茶味，芝士較突出。抹茶蕨餅，沾上少許黑蜜，中和抹茶之澀。甜品：鐮倉紅葉茶屋特製軟雪糕芭菲招牌的芭菲，滿滿的配料，最頂層是期間限定口味的軟雪糕－夕張蜜瓜雪糕，配上銅鑼燒，然後有紅豆蓉、白玉，中間有抹茶忌廉，口感如慕絲般綿密，底層是牛乳雪糕及抹茶啫喱。抹茶系列：牛奶抹茶抹茶拿鐵味道濃郁，呷一口，先是牛奶味，之後濃郁的抹茶慢慢散發出來，奶香甜中帶茶澀，濃厚回甘，不會甜膩。咖啡系列：冰極椰青咖啡先倒入椰

今日约左朋友喺奥海城簽單，完成後都成三點，想揾啲甜品慰勞下自己，行下行下見倒呢間"紅葉茶屋"門口有個下午茶海報，即管試下。用手機落餐，點左個柚子香葱义燒拉麺+凍咖啡，另外點多杯芒果焦糖迷你芭菲，坦白講碗拉麵同凍咖啡正常水準，無咩大驚喜，义燒有厚度，唔係燈影义燒，湯底同麵都好味，反而個芭菲有啲驚喜，外觀吸引，上面係蜜瓜味雪糕加上QQ芒果，正，下面係麥片加椰果，食落又有唔同層次，下次可以試埋其他口味！埋單兩舊水，唔算平，但勝價比高，可以—試

紅葉茶屋幾間分店我哋都幫襯過好多次，但今次真係恐怖體驗，喺佢哋IG留咗言但未有人睇或回應，暫時唔會再幫襯，亦會叫家人朋友唔好幫襯當時有至少兩個員工（一個負責水吧甜品吧、一個傳菜）唔戴口罩但不停打噴嚏同咳，兩個都近距離處理同接觸食物，但竟然有不適都唔自覺戴口罩，員工守則竟然亦冇寫明，其中一個員工仲企正我哋隔離一邊玩手機一邊咳咳咳咗一段時間，而我哋係用餐當中的。而且餐廳入面有好多好大隻嘅烏蠅飛來飛去，衛生情況欠佳。對紅葉茶屋同一般日式餐廳嘅印象係衛生水平、員工培訓都比較嚴謹，但今次真係非常失望。建議大家咪再幫襯

好耐無喺奧海城食飯，想食清淡少少，揀左呢間紅葉茶屋食晚餐，之前淨係食過外賣甜品，今次係第一次堂食，不得不讚d餐碟真係好靚.✨牛肉壽喜燒定食✨前菜有醃蘿蔔同牛蒡，壽喜燒汁唔會過咸，好送飯，可惜味噌湯感覺似即沖✨蒲燒鰻魚茶漬飯✨茶漬飯無茶揀🙈揀左鰹魚昆布湯，湯份量太少，但味道不俗，鰻魚肥美，可惜得一件✨藍莓芝士忌廉窩夫✨呢間日式餐廳好多甜品選擇，好多都好吸引，呢個窩夫有好多配料，好豐富，只係個窩夫感覺係現成野，唔係新鮮壓出黎，質感偏軟，但過吓口癮都唔錯既