紅茶冰室

營業中

休息中

尖沙咀红茶冰室，平日見要排長龍，今天下了霧霧雨，居然不用等，就可以入去坐。叫了下午茶，想試特色豬扒包伴薯皇，飲熱奶茶，另外要了一個芝士炒蛋魚柳包，同樣也是伴薯皇。説老實，豬扒包是普通水平，雖然，豬扒尚算軟嫩滑，但跟澳門豬扒包還是差一些。反而，芝士炒蛋魚柳包就很好味，賣相也很好，食完好飽肚，略嫌不是熟烘烘的。最後，地方環境算方便，離地鐵站不太遠就到。坐位舒適，冷氣也可以接受，甪膳餐具，自己要用熱水再洗乾淨。上餐不用等太耐，服務員服務態度也不差。整體以言，地點，環境和食物都很好。

紅茶真係去到邊都咁多人食, 好在今日我地12點就去到, 唔洗等位, 仲有卡位坐!見D人通常都係推介食常餐, 好耐冇食過沙嗲牛肉麵ge 我都忍唔住要叫黎食!Top one 丹麥呢個有D驚喜, 唔洗食白面包真係太好喇!佢好重牛油味, 但就唔係好甜, 又唔係好脆, 但我加左砂糖食就可以加番分GE~!炒蛋正常~沙嗲牛麵個汁好好食, 濃得黎唔會太鹹. 牛肉淋身, 都好食！個麵我覺得軟硬到岩岩好, 常餐黎講我覺得係滿足! 下次想試埋佢個焗飯, 好似幾好食咁

約朋友一起19.00去科學館，下午一起先食下午茶，朋友推薦這裏說是地道的香港餐廳，相對於其他店會好吃一點，於是我們就近找了這家店朋友最推薦的就是波蘿油包和公治和蛋撻這個是不夠吃又多加了豬扒包和紅豆冰芝士流心西多士我不是很喜歡吃，吃了一口覺得很膩，不過朋友好像很適應，把剩下的一清而空海南雞湯粉，雞肉跟海南雞飯裡的雞一個味道，還不錯，軟嫩

中秋放假同朋友去科學館睇Pixar展覽，4點幾睇完肚餓就行左去紅茶食tea😙😙，原來尖沙咀呢間餐廳有兩層，除左地面，仲有地庫一層。🧐我地先點左蛋撻醫肚，蛋撻酥皮、鬆脆👍🏻👍🏻當然唔少得佢地冰火餐 - 菠蘿油+紅豆冰，$30。呢個真心推薦，菠蘿包 包皮 好脆，牛油夾在中間好正💯佢地跟餐$30會配埋紅豆冰，都大杯，唔hea底。我們仲叫左芝士西多士，我地都話呢個好邪惡😈😈，4個人分就好啦，一個人食哂真心太肥膩😂😂 上面幾個都係下午茶餐，配野飲，凍飲加$3，特飲如紅豆冰就加$9。公司三文治配薯角就無下午茶餐優惠，係單點的，呢個睇相都好吸引，食落當然都正啦😋😋 我覺呢幾個都係必點既特色茶餐。♨️

想輕食又想揾個位坐得舒服 價錢又實惠 紅茶冰室真係尖沙咀嘅不二之選我就叫左個雞脾薯條下午茶餐講真尖沙咀佢$41包嘢飲 （凍飲另加錢)真係好抵 佢啲薯條唔係hea人個啲 佢係用左薯角 而雞脾都好大隻 不過有小小overcooked 🤣但係整體係唔錯皮都好脆👍🏻

好近MTR 一出b 出口，多個搵食地方啦，門口有麵包，大大個飽滿即時吸引左我同男朋友仔去食個tea 再shopping 地方好大，落左basement 層，叫了份$30 菠蘿油加紅豆冰，椰汁紅豆冰唔會太甜，塊牛油用冰冷住，食時自己夾入菠蘿包入面，個層曲奇面夠曬脆同酥香，極之邪惡美味我唔太餓就只點了流心雞尾飽，流中就唔算啦，個餡加多左油，食落鹹中帶點甜，相信是鹹牛油混椰絲做餡，個飽大大個，但餡料唔夠多，但都抵食架$9 only

每逢星期五就會去食個靚早餐提一提神尖沙咀新開左紅茶冰室，等我試吓keep 唔keep到水準先！（以前係油麻地紅茶冰室食開早餐，真心覺得好食！）聽講冰室以前用開隻丹麥多士轉左Top one 丹麥之後冇咁好食，食落又真係爭啲！以前用開嗰隻密度高啲奶味重啲同好香噴噴，而家呢款真係差啲，密度疏，而且食落太乾太脆！炒蛋保持一貫水準！沙嗲牛肉麵個汁同牛肉都好味，牛肉亦淋身！但個麵無油麻地嗰間軟硬度拿捏得剛剛好，煮得淋左啲！希望之後會有改善！否則質素跟唔上價錢！

今日去試尖沙咀新開的紅茶冰室， 咖哩汁裏面出現咗兩條頭髮， 感到極度嘔心， 店員解釋有陣時煮嘢食不是有心事頭髮落去的，我問佢廚師煮飯的時候不是戴上帽子以防頭髮丟到食物上嗎？ 店員說，這情況是非常難以避免的！！！！

在大雨中看到這店門的多個花牌, 有新餐廳, 所以試下. 就座後, 點了嗲牛米配熱奶茶. 因為自己不喜歡公仔麵, 反而比較喜歡米粉. 另外米粉夠幼細, 易掛汁, 可以嚐到嗲牛原味. 圓形的炒蛋, 是預先炒好的炒蛋, 較濕潤, 是炒桂花的前身. 習慣將炒蛋放到粉麵上保溫. 而丹麥酥表面有一層黃色的油, 很大機會是人造牛油MARGARINE馬芝蓮. 好邪惡呀! 還未計每層酥皮之間的油份呢! 於是以紙巾墊底, 希望能吸走多餘的油份.   沙嗲汁以甜為主, 不太辣, 有微微的花生香. 牛肉紋理清晰, 鹼水味不濃, 有質感要多加咀嚼, 不是勁啤水的貨色.   把嗲牛浸在米粉之中, 好讓每條米粉都沾上沙嗲汁.  然後就要有儀態, 以叉子享用沙嗲味的米粉了.   最後來一杯熱奶茶做早餐的句號.   呢杯熱奶茶的附加功能, 真係好勁呀! 總之好順暢啦!  個人覺得: 奶茶不愧係地表最強的X藥!  

最近公司附近開左間新茶餐廳，每天返工都見門外有人排隊買新鮮出爐的麵包🥯返工做早餐。今日，飯腳提議去試食呢間乾淨企理的新裝修茶餐廳，平日甚少光顧茶餐廳的我，也點頭默允✅餐廳除左乾淨企理外，更重要‼️的是價錢非常大眾化，💲6️⃣0️⃣左右就有個「有餐湯」同「餐飲」的午餐，簡直係冠絕尖沙咀，更難得的是，食物質素及水準大大超越了呢個大眾化價錢，簡直係超班🤩🤩🤩難怪餐廳🍴任何時候都有人排隊，要幫襯的話，記住預點時間排隊啦，為左抵食，花少少時間排一陣也值得😚😚