紅茶冰室

營業中

休息中

尖沙咀見到呢間門口都多人，於是入去試下，望個餐牌，見到都價錢都比較貴，但睇裝修同環境都唔錯，叫左2個餐試下，特餐招牌沙爹牛肉米粉配奄列同丹麥酥，午餐鹹魚雞粒炒飯。個特餐沙爹牛肉米粉，啲牛肉都好大塊唔硬好淋，個米粉好有口感，奄列應該用日本或靚蛋，有蛋汁好難得，最出色係個丹麥酥，好香好翠，真係要試呢個，而個鹹魚雞粒炒飯都好好味，唔油，唔濕，有鹹魚香，又唔太重鹹魚味，炒飯底真係粒粒分明，餐飲凍檸茶同茶走，呢間嘢個茶底好靚，由其杯茶走，茶香味夠，唔會好苦澀。整體間環境唔錯，價錢有啲，有啲似翠華，有自己特色食物唔錯。

收工外賣左兩份晚餐返屋企食，打開袋發現餐廳比少左2個餐包，我地都算，一兩個包都好小事。但咬左啖臭既焗薯，即刻吐左出黎，用漱口水漱口。我地忍唔住都要打電話去餐廳講同佢地講返件事，點知餐廳聽電話果位竟然話唔關佢事，佢只係付責收錢。真心嬲左，佢地間餐廳食物有問題，分分鐘食左會肚痾唔舒服。竟然回答唔關佢事，一句道歉都無。然後我地要求同經理講，聽電話果位話經理唔得閑，亦無mark低我地既資料，問聽電話果位女生叫咩名，佢又拒絕透露。 我地真係好嬲，本身我地返完工都攰了唔想落樓投訴，結果我地都被逼樓落去餐廳投訴。去到餐廳果位聽電話既女仔見到我地都繼續傾緊私人電話，完全無唸住解決件事。而經理坐左係最入面，都要我地行入去搵佢先出黎。雖然有道歉，但都感受到佢想快啲打發我地走，退返餐錢比我地了事。相信經歷過今次，以後都唔會再幫襯。開餐廳既，連最基本既食物質素都保證唔到，實在不值得光顧。

下雨天，一大清中，天氣較寒，適合嘆個經典港式早餐。早餐款式好多，有各式麵食，又有扒餐&全日早餐感覺會最傳統既餐最安全，揀左沙嗲牛肉麵配炒蛋&TOP ONE 丹麥酥 $39沙嗲牛份量多，沙嗲味濃，配公仔麵真係色配，yummy炒蛋同樣大大份，成座山甘，炒得好滑，可惜偏咸丹麥酥賣相似多士但咬落鬆鬆，原來係一層層酥皮，不過唔夠鬆軟有d靱，同埋有d油個人口味飲齋朱古力，朱古力夠濃郁，可沖成兩杯餐廳上餐超快，落單後幾分鐘就上餐。卡位闊落，若搭枱加左塊厚隔板，抗疫….埋單只收現金好唔方便，搵錢包，拎完硬幣又要消毒

買外賣，前枱有2個人，左邊個個人已經問緊我食咩，我都已經答完佢。右邊個個人又問我野，之後問我飲咩，係超大聲囉，仲要問幾次，我企係你前面使唔使咁大聲呀！我唔係聾架！我點知係右手落完單又要係你度落呀小姐？真係相由心生好冇禮貌囉。之後仲要超冇禮貌，仲要嗔嗔聲，個樣又串⋯冇下次囉⋯唔明點解比錢買飯都咁難受😤員工質素好差其他員工都好好呀，但唔知點解呢位員工咁囉⋯唔該呢間老闆教下呢位員工做野，係呀，金色頭髮，平陰，帶color con個位。

之前食過幾次其他分店，好食，只係坐得好迫。 今次試吓尖沙咀分店外賣，一打開個盒，有浸臭味，宿宿地。 試吓，原來係冬菇宿左，攪到成盒有宿味。 炸魚好咸，河粉係油浸河粉。 食左二啖成盒扔咗。 浪費金錢同時間

自從我去過尖沙咀呢間新式港式茶餐廳- 紅茶後，一諗起尖沙咀要搵下午茶食，都諗起佢。因為之前食過佢地個好邪惡嘅爆漿芝士西多士後，一試就愛上！ 今次我就試左佢地最平的下午茶餐： 兩個新鮮出爐嘅酥皮蛋撻再加一杯熱奶茶，都係$28。抵到爛！ 酥皮蛋撻熱熱辣辣 但 可惜酥皮太厚，如果薄一點就prefect, 蛋香未夠需提升。 但賣相吸引。 杯熱奶茶值得encore， 超重茶味，非常濃郁，口腔內滿載茶香。尤其喺尖沙咀shopping完後，要搵到一個下午茶餐$30內，而又可以坐得舒適的茶餐廳，非常困難。 落去佢哋地庫嗰層好寬闊，感覺完全唔侷促。枱同枱之間亦都有寬闊嘅距離! 值得推介。

平時中午經常要排隊，試過食物都可以又黎得好快。咁今次就試吓夜晚，見佢唔使排隊，點知門口姐姐態度好差，雖然嘢食正常，但都唔想再幫襯好耐冇遇過服務態度咁差嘅餐廳😭😭

▫️冰火脆皮菠蘿油 (HKD30) - 今次遇著新鮮出爐嘅菠蘿包，菠蘿皮特別酥脆。跟菠蘿包塊牛油唔夠厚，否則邪惡感倍增😂😂你哋可能覺得冇乜特別，不過我覺得要做到菠蘿皮脆口而又鬆開唔係一件容易嘅時。套餐配嘅紅豆冰轉咗做凍咖啡😆另外叫咗份招牌沙爹牛肉麵(早餐 - HKD39，跟炒蛋及多士) - 呢份沙爹牛肉麵湯底夠晒濃厚，最緊要嘅係我一啲都唔覺得鹹😬有食評話呢間茶餐廳嘅侍應態度差，我又唔多覺喎，幫襯過兩次呢度啲阿姐都幾nice，應該係我好彩啦😂😂⭐️寫post時先發覺原來喺港島區係冇分店嘅😂

好耐未試過去一間餐廳可以啲員工咁冇禮貌， 之前我見人等位又嗌交， 我之前打電話去叫嘢啲態度已經很差， 今時我去到攞外賣嘅時候 ，已經說明唔好意思我忘記號碼， 員工同我講你下次記得，我話知道再一次道歉！ 但他還不停喺度講十幾廿份個個都唔記得number唔得㗎嘛！ 我都已經道咗歉喇！ 還要瞓話我！ 一路以嚟聽到啲人問這間餐廳服務態度很差我都唔信！ 今天終於領教到啦！ 現在做生意仲有啲咁嘅服務態度真係難得難得

食物味道: 晚餐食物味道中規中矩，可惜晚餐可能屬於預製食物，已攤凍晒，上枱變成冷飯菜汁，大打折扣，凍冰冰嘅情況之下試吓味道，雞扒和雞髀菇尚算OK，不過杯奶茶嘅茶味苦澀，相信已煲過籠。食物份量: 份量充足價錢: 一般冰室價錢環境: 地方好大，由於開張冇耐，裝修新淨，坐得舒服。服務: 侍應態度散漫，十問九唔應回頭指數(10分滿分): 如果嚟食晚餐我就唔幫襯，所以只俾0分，除非再俾個機會佢，試下其他食物啦，否則都唔會再嚟。

紅豆冰奶扣水冇味好似飲水咁，咖喱汁太稀，焗黑椒雞飯，肉是焦的，還太鹹！！店員很串，服務很差！！！唔會在去食！食過旺角和油麻地嗰間都冇問題，但係尖沙咀呢間真係好唔掂！

Happy morning~ 路經尖沙咀，試下這間紅茶，簡單地叫了個早餐，試下經典的沙嗲牛肉麵！的確，不錯！沙嗲湯底味道夠濃，剛剛好，再配上香滑牛肉，一絕，搭上每一口公仔麵，雖然有些邪惡，但是忍不住的享受😙炒蛋配丹麥酥，同其他的茶室所配的方包又或厚多士不同，又加分了，雖然都是好多牛油，但少少脆，好味😋炒蛋都炒得好滑，味道不錯👍難怪咁早已經大排長龍！下次要試下個下午茶先😎

平時叫開戶戶送食呢間，真心覺得食物好食，今日落店坐低食，真係不得之了，啲職員高高在上。話說我一個人去，樓上就叫我落樓下坐，下面大把位，落到去想請個職員比我坐出少少等我收到電話訊號（因為地牢位置坐入左收唔到），佢就專登安排我坐最入，問佢出面個位無人比我坐得唔得，佢發哂惡“唔坐入面就上返去等”，O哂嘴，有位都唔比人坐，算啦，唔同佢計較就上返去睇下有無得坐上面，點知下面個職員用對講機同上面嗰位話我玩野（仲要比我聽到哂），上面嘅職員都好惡咁閙我叫我企出門口等，心諗發生咩事，我想坐出少少啫，點玩野呀？又唔係殺你全家😔唉！唔食啦，買個包就算啦，問阿姐有無椰絲包，估唔到連賣包嘅都係奇人，“依家幾點呀，喺哂度自己睇啦”無咪無囉，唔使咁講野呀。最後我咩都無幫襯，亦都以後唔會再幫襯，連叫外賣都唔會。我唔會要求佢茶記有五星級服務，但都唔係一黎就出口傷人架佢個老闆有啲咁嘅員工真係啲野再好食都無用。

冇禮貌，啲嘢食有幾好味都冇用啦！熟客可以打尖！周圍都有位重要人地等！等都唔係問題，重點 係點解要受你氣 >本人係十分樂意搭枱！經過今次之後係絕對唔會再幫襯（而家香港仲有咁嘅服務態度）超差劣！！！

平時收銀個阿姐做野又快又妥貼，今日換左個個帶眼鏡攣毛阿姐手腳又慢，態度極惡劣，同佢講野問非所答，仲係客面前勁大聲講粗口閙員工，明明係佢自己問題，挑剔員工，極差，請D咩人