紅磡雞蛋仔

營業中

休息中

好多人都話紅磡雞蛋好出名，今日咁睇完戲路過仲未收，一於試下😁遠處已見到有條人龍，原本想叫個夾餅同雞蛋仔，一去去到老闆就誠意推介我地食呢個自家製人氣蛋白肉鬆酸菜班戟，肉鬆加埋酸菜有個神奇的化學作用👩🏻‍🍳🤩🤩係出奇好味👍🏻👍🏻估你唔到，店長仲話唔好食唔收錢，超好人，🤣🤣🤣掃街推薦👍🏻👍🏻夾餅亦到非常脆身，我特別喜愛花生醬，老闆特意落多一點給我，好有人情味嘅小店，下次黎到紅磡都一定要再試😋😋

落雨天，食過飯，心情一般般。行經呢度聞到好香，見到阿叔幫緊位太太整夾餅，勁有心機。既然行過又咁香，就算已經食到好飽，都好想幫襯。望下牆上價錢牌又唔太貴，完全無理由唔幫襯，於是買左抹茶朱古力雞蛋仔。因為新鮮整，所以要等起碼十分鐘。晌哩十分鐘，阿叔都好健談，話最近出左個video，post 左晌facebook，問我有無睇 😂 ...份雞蛋仔真係香噴噴，熱辣辣又外脆內軟，有肉而唔係果d空心脆殻。抺茶味香，朱古力既有少少流心醬。兩隻味都好香甜，真係超好食，飽到反艇都一定要食，極力推介。由於太飽，請埋比同事食，大家都讚好👍🏻👍🏻👍🏻上面朱古力，下面抺茶影唔到，哈哈😄

伯伯既班戟真係又抵又好食每次有機會經過紅磡，就算多人排隊，都係忍唔住要買黎食班㦸好有蛋味又好軟身。超多新鮮芒果粒，無渣無根。成日食完都話下次要試其他野，最終忍唔住又食返佢下次下次。。。下次大概可以。。。試下其他口味

成日都聽日講紅磡雞蛋仔 但成日都見到勁多人排隊又懶得排🤣終於的起心肝去食💓😋大概5-6人排 等左都無5分鐘😛原味格仔餅 $14 叫左多奶😍略嫌皮底有點過厚🤨 唔係好夠鬆軟～佢搽的花生醬、奶、牛油也沒有很多有需要就叫多醬啦相比起格仔餅，我更愛淨芒沙律斑戟💛 $18到底個斑戟係點樣整到咁鬆軟😍🤪芒果絕不吝嗇雖然斑戟並不是即叫即整，但拿上手仍然係熱😆初頭會以為沙律醬係精髓，其實好味的是個斑戟呢🤣見到伯伯親手整 而且佢態度好好會問我有冇野需要改善😝 淨係食呢份人情味都抵返哂😊😊

-紅磡好出名嘅紅磡雞蛋仔😍成日路過都見到好多人幫襯，而我每次去都係食芒果pancake🤗-沙律淨芒班戟🥞($18)班戟皮好鬆軟，蛋味好香，口感煙韌😆，熱辣辣嘅班戟 加埋沙律醬😀 再加 超多凍嘅芒果粒，味道好夾，食唔停，一個人食曬成個pancake 都得😍而且每個pancake 都有好多好多芒果🤤芒果好甜又大粒，真係好抵食😆-去紅磡就一定會食嘅紅磡雞蛋仔嘅pancake😍下次有機會試下雞蛋仔☺️-

每次經過都總係排長龍的一間小店，由細到大都係果位伯伯整的，後來上咗好多社交媒體開始愈來愈多人黎食，由得幾行的餐牌演變到而家有好多款同味道班戟、雞蛋仔、格仔餅，由一位伯伯整變到而家有幾位幫手。伯伯間唔中都同街坊吹水，大家都有種熟悉的感覺，有感情的小店。食咗咁多年，味道冇變，只是價錢都合理加了一點，雖然加價，但份量是沒有變的。順便一提，食班戟會等耐啲。如果食原味雞蛋仔格仔餅，可以問問老闆有冇整咗係度，有就會唔洗排隊即刻有得食。

一向無話特別鐘情於雞蛋仔同班戟，但抵唔住朋友既盛情推薦，就買左呢度既班戟黎食，點知試完之後完全返唔到轉頭！已經列入紅磡必食清單😍每次黎紅磡都要食返轉先安樂！香蕉班戟($11)個班戟皮係靈魂所在，香濃蛋香，口感煙韌，帶點微温，令人欲罷不能！仲邪惡過最近好hit既梳乎厘班戟😂香蕉配上煉奶，超級搭配，價錢便宜，味道出色，難怪次次黎親都大排長龍啦！如果班戟皮能夠再熱小小就完美啦🙈🙈有機會會再試埋呢度既雞蛋仔！

說到紅磡雞旦仔 住開紅磡多年既人 應該認得個老闆係以前明安街賣夾餅起家 而佢賣既夾餅 可以話別有一番風味 特別係肉鬆pancake 大大兜 好足料 加上夾餅整行好鬆軟 唔似好多小食店咁整都好乾硬掘掘 實在係物超所值

去開紅磡可以試下佢哋嘅雞蛋仔即叫即做新鮮熱辣外脆內軟 非常香口最緊要仲有 夾餅都係 熱辣辣 香噴噴食到冇得彈而且佢哋仲有 芒果班戟 肉鬆班戟啲芒果又甜又大粒 真係好抵食下次離開 記住試下

👁‍🗨 黃金雞蛋仔 💲30媽咪雞蛋仔成日都勁多人排，閒閒地都要等半個鐘，呢日好彩竟然無人排，等五分鐘就有得食🍳平時食開佢既原味或者粒粒朱古力雞蛋仔，外脆內軟，唔會空心無餡，質素夠平穩☺️見佢出左黃金雞蛋仔，雖則三十蚊一底唔太平，但係都忍唔住要試🙈一開始見無咩鹹蛋黃係失望既，不過食到第二行就發現佢既蹤影，甚至大半粒都係，所以即刻補拍一張，食到核突都係咁話😍而且鹹蛋黃味越黎越出，係幾滿足😛但食半底已經飽濟，感覺膽固醇超曬標，兩個人一齊食會好啲😂🔛 整體評分（7/10）

聽過人地講呢間pancake好好食，今次終於試到去到都有幾多人排隊，叫左個芒果pancake同埋格仔餅，比起屋企樓下既小食店，真係好食好多!皮脆又鬆軟，格仔餅又多花生醬芒果pancake又啖啖芒果~咬落去，真心想講~好好味啊

因為要聽一個briefing 所以就黎到紅磡食完晏就又唔夠飽所以就決定周圍搵食☺️一直都聽過紅磡雞蛋仔好好味Pancake又平又好味所以就決定去食下❤️一去到 果然真係好多人條隊好長 但無辦法啦 食好野就要排下隊🤷‍♂️一排到去 見到個牌食今日無芒果果下好傷心 突登過黎食佢出名既芒果pancake但無哂😭😭😭😭所以唯有揀朱古力格仔餅等左幾分鐘 終於有啦🤗攞上手熱熱地 咬落去 好脆 食到落去好軟綿加埋花生醬糖 好正最開心係個邊脆脆地 好正❤️好香朱古力味❤️食完好滿足但係下次一定要食到芒果pancake😕

由讀poly時期開始，每個星期總會落紅磡食一次紅磡雞蛋仔，老闆夫婦都會問候一下學業，關心一下，除了味道好，還有人情味在.沙律芒果班戟 $18這是我的最愛，全香港應該只有這裡有街頭班戟食，老闆會暖住d班戟皮，口感鬆軟有質感，配上滿滿的鮮芒，架沙律醬，好滿足.原味朱古力雞蛋仔 $18這個一邊是原味，正常，硬度控制得不錯，另一面朱古力有點失望，以為入面有朱古力粒，其實只是朱古力味，沒有朱古力在入面.烹調時間不算耐，效率都高，等了五到八分鐘便有了，還是我最愛的班戟最好食

之前行過成日都見到好多人排隊，但每次都係食飽左野先經過，今次難得未食野，就當然要試下啦見到個個都推薦淨芒果班戟，唔洗驚選擇困難症，直接order左個淨芒果班戟一試究竟。伯伯人好nice，邊整班戟、雞蛋仔、格仔餅，邊同食客傾下計，重點係記到邊個要邊樣，勁啊！哩啲可能就係小店既人情味掛雖然門口有好多人等，但叫左冇耐，就有得食啦！睇相好似冇人地果啲咁澎湃，啲芒果未至於多到跌出黎。但其實食落覺得芒果份量都幾多，好大方，真係要小心食，唔係既話會跌曬出黎。班戟係厚實既班戟黎，食落質感軟熟，佢唔似熱香餅咁食落得陣風，有咬口既，同埋散發陣陣蛋香，正芒果食落去啖啖肉，係無渣既。大部份芒果都夠熟，香甜，但有一兩舊就酸酸地，但可以接受，都好食既白色既醬係酸酸地既，我估係沙律醬。有人會覺得加左沙律醬都幾match，我個人黎講就覺得個沙律醬既酸會蓋過左芒果既香甜同班戟既蛋味，下次再食我會叫走醬。我欣賞個班戟既厚實質感同食落有蛋香、軟熟既口感，下次會想試下原味既，可以單純咁享受佢既濃濃既蛋香格仔餅同雞蛋仔都好想試下雖然價錢唔算好平，但都接受到。作為一個驚肥既人，會想繼續試啲高卡格仔餅同雞蛋仔，就知味道係唔錯同值得

去過紅磡既朋友仔一定記得，伯伯日日無停手咁煎班戟，街坊學生排哂隊等食，伯伯仲係會同每個人傾下計好親切，唔怪得附近學生都要走落黎買。伯伯不停咁無停咁煎，一次過三塊都絕對悠閒咁同你傾計，仲表演下拋餅，整左咁多年真係熟哂手，睇住整既時候仲好似睇表演咁。食左《奶油甜班戟》($8)，全部即叫即整，花生醬煉奶一啲都唔孤寒係咁落，班戟都好鬆軟。見到芒果班戟都好正爆哂芒果出黎。店名：紅磡雞蛋仔地址：紅磡大沽街寶利閣2號舖餐牌: