紅磡雞蛋仔

營業中

休息中

一向無話特別鐘情於雞蛋仔同班戟，但抵唔住朋友既盛情推薦，就買左呢度既班戟黎食，點知試完之後完全返唔到轉頭！已經列入紅磡必食清單😍每次黎紅磡都要食返轉先安樂！香蕉班戟($11)個班戟皮係靈魂所在，香濃蛋香，口感煙韌，帶點微温，令人欲罷不能！仲邪惡過最近好hit既梳乎厘班戟😂香蕉配上煉奶，超級搭配，價錢便宜，味道出色，難怪次次黎親都大排長龍啦！如果班戟皮能夠再熱小小就完美啦🙈🙈有機會會再試埋呢度既雞蛋仔！