紅火鮮料火鍋專門店

營業中

休息中

見上網有介紹，剛剛長假，便上去試下，假期下午茶時間不多人，所以座得舒服，如座滿都有些擠迫，當日食海鮮餐，先食刺身，再食蒸海鮮，有每人半隻澳龍，鮑魚好大隻，聖子，帶子，全部海鮮很新鮮，湯底有花膠雞湯，好足料，湯很鮮甜，飲完湯再打邊爐又有韓燒，打邊爐的配料選擇也很多，牛肉不錯，自助區也很多選擇，飽到雞煲也吃不下，下次一定要試埋雞煲真係大滿足，飲料也很多選擇又有俾酒，人均不用400蚊位，真係好底，值得一試。服務也很好

我同男朋友係紅火fans, 2月未禁堂食前, 差唔多1個月1次來食。個陣好欣賞佢1個價錢可以食好多野, 燒肉, 火鍋雞煲, 日式放題等...琴日就終於有時間去番幫襯, 因為紅火都關左好多無開, 覺得夜晚實好多人堂食, 所以選擇左晏就。上到到紅火, 中午12:00竟然一個人都無, 仲以為自己勁lucky包場。如是者, 坐低左諗都唔洗諗就叫番可以食晒3樣個set啦 (個價錢又唔係爭好多)不過, 我地其實都無問清楚 (的確我地都有唔岩既)掃個張QR code諗住即刻叫番佢既壽司同天婦羅啦... 點知...點野食個page竟然得幾款燒肉料( 最平平既韓國燒烤質素... 肉仲要浸晒血水...然後日式放題得番刺身可以點... (嗯...唔知我味覺差定點...款款都好腥...個雞煲既味就無變既... (無份量得番3分1隻雞咁多...但我覺得幾好既就係, 火鍋配料變左自助bar (但有好多火鍋料都無左, 變左好似好平酒家個D料...但知道疫情下, 可能紅火都好辛苦無開都要交租, 所以減少左好多食材...不過紅火之前做得太好, 所以我地一時接受唔到重點! 重點! 重點! 鐘意食紅火壽司類同天婦羅類既人,

龍躉白鱔海蝦大閘蟹都有既海鮮火鍋放題 - 紅火鮮料火鍋專門店去開旺角食開自助餐既朋友都一定認識兆萬呢個地方，呢度有好多美食放題選擇。呢次CK就去左一家同時間可以食火鍋同韓燒既餐廳。店舖位於17樓，環境幾大幾舒適既，每一枱都有火鍋同燒烤用具。我同朋友係假日晚市去食既，價錢大約係二百多一位，可以任食3小時，一個價錢食到幾款食物感覺幾化算吧。湯底有十幾款選擇，而我地想食得健康一D，點左濃湯花膠雞煲。裡面有半隻雞同花膠等等材料，建議先飲湯再食雞，咁之後食隻雞就無咁乾身。湯底味道鮮甜，雞肉肉質嫰滑，花膠大大片口感煙韌，建議食哂之後再加湯再食火鍋。簡單講下呢度有D咩係重點推介啦 !肉類：美國雪花肥牛、西班牙黑豚肉、羊肉片、安格斯牛柳粒、新鮮田雞海鮮：生猛海蝦、紐西蘭青口、蒜蓉元貝刺身：三文魚、珍寶帶子、北寄貝、八爪魚、象拔蚌，赤貝、鮑片及厚燒玉子總結: 食物選擇非常多，有刺身、壽司、肉肉、海鮮、天婦羅、丸類、蔬菜、飲品和甜品等選擇而且食材新鮮。大部分食材也可以同時間做火鍋和燒烤配料，所以其實客人係有兩種口味揀架。紅火鮮料火鍋專門店地址: 旺角西洋菜街1號兆萬中心17樓電話: 2688 6822營業

準時入座，6人派了圓枱坐得舒服，中日韓三款任食。先上花膠海鮮鍋，湯甜多花膠。刺身款式多，而且上得快，燒肉料就普普通通，沒有太大驚喜，相反燒火鍋鱔片肉片仲好食😋。店員服務態度好有招呼有講有笑。

香港人一定鐘意打邊爐架啦 唔係因為嫌要洗要切 一定係屋企打舒舒服服 出面好食既邊爐又要單點 兩條友都成千蚊 諗住貼地啲食任食火煱啦 其實都無expect 同單點果啲相比 但起碼想對得住估價錢先呀 點知… ☹️又係中伏經驗 我淨係諗住打邊爐 但佢又跟埋韓燒呀 魚生呀 好似一個價錢食到好多野 好似好抵咁 但重點係… 無一樣出色 同樣每一款選擇都相對少左，無咩得揀同埋又火煱 又韓燒爐 兩舊野放係張枱都無晒位啦 枱又細 魚生又要勁大個盤咁上 我其他食物放邊？成餐飯都好狼狽咁 講返個湯底 好似好正的花膠雞湯 係.. 好大舊花膠 但同時好重味精🤢出街食飯一定有味精 但唔洗咁重手嘛 浪漫左隻雞同花膠囉食緊同食完飯都係咁飲野 飲都飲飽啦 食乜鬼一肚氣

本來睇 you tube 介紹，係任食既，但去到當日就改左每人只限8隻，唔，照食喇，兩個人加埋16隻，加上係午餐，就算喇！當時我地係第二檯客人，只有一個侍應，上蟹，帶位，傳菜，收貨，乜都係佢但其實到差不多3點，都只係得5檯客，所以都勉強可以喇。。。我覺得佢午市都 ok 既，唔嘈（因為冇乜客），唔趕（因為可以食3個鐘），食物質數都唔差，龍躉片，油炸鬼魚滑都好食，可以再黎（只限午市）！唯一不足就係，午市冇炸物供應，想食熟食既就要留意返！

近期有幾位 YouTuber 都介紹這間餐廳的大閘蟹放題，而且它同時亦是一間 D類的餐廳，即是可以營業到凌晨 2點，晚上 10點後更能任食三小時剛巧最近我兩位朋友在同一間餐廳工作，很難同時請假，所以我們便決定今天晚上大家放工後，一起來到這裡吃大閘蟹宵夜放題，沒想到最後的用餐體驗卻和我們想像中有些出入...首先大閘蟹的供應數量是有限制的，每人總共最多只能吃八隻，並且他們凌晨 1：30便會趕人走，換言之客人要晚上 10：30之前入座，才能吃足三小時可惜這些我們之前都不知道，我們一早預訂了晚上 11：30，並且更提早15分鐘入座，但是下單的時候便告知炸物和刺身已暫停供應，之後晚上12點的時候更告知要 Last Order了，不過大閘蟹仍然會供應和你們可以繼續進餐另外，這間餐廳的大閘蟹是需要自己蒸的，所以蒸蟹的時候我們便先嚐試一下花膠雞湯底，由於雞肉和花膠的精華都滲透進湯水中，所以每一口湯水都充滿著濃濃的雞肉和花膠氣息，同時雞肉的肉質都算柔軟嫩滑，鮮美多汁，我們都喝得津津有味，不亦樂乎不過今餐的主角是大閘蟹，可惜它的質素卻比較參差了，首先我很不幸吃到兩隻都是沒有什麼膏，如果兩個人來的話便真的是

今日星期六放工去食個邊爐 第一次黎揀咗中日韓咩都有嘅餐 試試佢 中午3點幾去到唔算多人，價錢$208未加一刺身嚟到個樣就幾靚 但好可惜佢同我見嘅數量差咁遠 係指我叫2件佢俾4-5件我 俾咁多 我地開波想試下味得唔得先再叫 點知一黎到 d蛋啊 北極貝 甜蝦啊 蟹柳啊黎到咁多 （仲要哩d刺身係我男友自己食先自己叫咁小 我唔食嘅🤭） 咁講吓味道了 三文魚係最正 帶子正常 螺正常 其他普通 但我男友食左甜蝦好猩 打邊爐d牛肉睇落係牛板鍵肌嚟 厚度比出面牛涮x 一鍋x d肉厚d 但就無咩牛味 ； 牛舌煎同打邊都正常邊爐最出色係肥鵝腸同雞腸 正啊 去就試一試啦豬腸唔猩唔苦 唔錯 ；蝦滑都正常 ；鱔普通 唔算爽口；脆骨腩 叫左6件俾3件 但佢俾就無左最好味嘅腩位，得返上半 （你睇圖就明）脆骨腩 係一鍋χ度食就真係goodgood了牛丸叫一粒嚟2粒 但可以講你唔 唔好食 ；鴨血 易夾爛 唔同我之前食過嘅 燒肉牛仔骨 同 羊架都唔錯 幾好味 個個蠔就細細粒 我唔多中意只味三文魚頭燒佢都係唔好搞了 加左油都好黐底 炸物只食到2款 因好飽天蝦 黎到好熱 但炸皮好厚 而且無天婦羅汁芝士年糕 嚟貨味 熱 好食

YouTuber 介紹呢間 $498 加一有火鍋有大閘蟹任食但係就兆萬 😂 死唔順伏去左食。⬇️訂枱電話長期唔聽、最終搵到個9字頭號碼訂到枱食4點鐘( 因為可以坐到7點 )。上到去見佢哋一時聽電話一時由佢響 ⋯ No wonder⬇️準時上到去不停話訂左枱佢都話自己揾位坐、隨便坐 ⋯ 因為怕迫寧願坐入D，明明 YouTuber 係坐卡位但原來食大閘蟹你坐唔到卡位。因為蟹要自己蒸，卡位得一個爐你剩係蒸蟹就唔洗火鍋囉（果然 YouTuber 贊助係唔同D人地蒸俾佢食同拍片 )、咁就要坐返佢平時兩個爐頭既枱。⬇️坐低左叫你揀湯底就乜都冇講、好似當你熟客乜都知道咁。好啦揀左花膠雞鍋，個哥哥仔落左單又不停問食唔食雞煲 ⋯ 見枱面有兩個爐頭就問可以食埋雞煲架？佢答你究竟要食花膠煲定雞煲呀！妖 ⋯ 我真係好亂，之後又放底個蒸鍋、原來食蟹要自己蒸，另一邊要留返火鍋用。唔明佢狂問我地食唔食雞煲做乜 🤷🏼‍♂️⬇️跟住個哥哥就放四隻大閘蟹落蒸爐、叫你自己計時廿分鐘，但又唔教你點用個爐原來要開大火、好彩有個女既員工 Nice D 敎我地。佢上埋花膠煲裡面有半隻雞，即場幫我地剪埋再煲多陣。個湯係甜味道唔差、因為我麻麻大

同老婆今日黎左旺角，就週圍行，老婆想打邊爐，但係我怕熱氣，喉嚨痛仲未好番，行行下就見到呢間有得打邊爐又有刺身任食，我地二話不說就入左去。飲品同食物都有好多款選擇，我最欣賞係刺身好新鮮，我叫左好多次三文魚，全部都有黎齊，無漏單，啲刺身都好正。老婆就主要打邊爐同燒烤，我都食左幾舊燒海鮮，不過兩個人其實真係樣樣都食啲，但可以同時打邊爐、燒烤、刺身，滿足晒所有願望，下次會再黎！人愈多應該愈開心，乜都有得食！

係網上睇到有KOL介紹呢間"紅火"都好吸引，睇食評大部份都係讚，應該都唔會中伏啩，尋日終於約左朋友試下呢間餐廳。首先上左個花膠雞煲，啲雞都算嫩滑同個湯都唔錯，但係啲花膠就好羶好唔掂。等到啲食物黎到就知出事，壽司薄切 + 大大舊飯，啲炸物(炸蠔，炸蝦）粉厚肉少，重有就係"炸蝦膠油炸鬼"，食到成口都係油。我地點左第一轉已經冇再落order，所以講唔到比大家知重有咩係伏位，從未食過咁差咁垃圾既晚餐，冇諗過$260/位都會食唔飽。至於員工服務態度方面，朋友多次舉手示意員工幫忙也咋看不到。到最後埋單終於忍唔住，同餐廳員工反影食物質素有待改善，点知佢既態度係目無表情，感覺係hea我地，可能我地已經唔係第一個同佢地講呢番說話。呢間一定無下次。

睇到youtube介紹平靚正 即日係openrice book位算容易 不過就未如介紹般咁好環境方面本身睇到片都冇太大期望 不過黎到都真係好有茶餐廳食放題feel叫左個中日放題 雞煲唔係好入味 不過就唔係難食既…刺身方面應該擺係雪櫃太耐 解凍左一陣d鮮味先出返小小 食完雞煲打邊爐 要講一講app落單既一件有d其實係一盤…叫個陣最好保守d海鮮同內臟都幾多選舉 肥牛就真係麻麻地 太厚好容易食到好飽 同埋叫左一份竟然係兩盤黎海鮮叫左d魚片蝦蜆青口等等呢d大路野 整體唔差 其實叫左一輪刺身同邊爐料我地都已經飽曬 雪糕都幾多隻口味 食左香芋味唔錯 似雪米糯個隻 但係朱古力味就麻麻 最後埋單2個人5xx 可以食到2個鐘既中日放題算係幾抵 不過質素就真係麻麻地 岩想一次過食幾樣野過過口癮既人 未必會再幫襯

book左6人枱，結果去到等左十幾分鐘，俾左張4人枱，我地重要揀左中日韓，2爐6人坐4人枱，非常逼狹。一黎就送左中日韓各一份頭盤，分別係海鮮、刺身、烤肉，擺滿左成張枱，烤爐都擋住左，要縮埋個人先燒到肉不過食物質素ok，刺身正常水平，只係款式較少。烤肉嘅肉質其實都唔差，但係冇醃過，可以食到肉香，不過醃左會好食好多，枱邊只有鹽同孜然粉，要自己調味。雞煲揀左胡椒豬肚雞，湯底幾好食，雞件都夠食，不過當日幾乎坐滿人，所以邊爐啲熱氣唔太散到，坐爐邊位會熱。最滿意係海鮮，送嘅頭盤有鮑魚，任食嘅蠔仔、扇貝等都幾新鮮，雖然size細，但任食黎講可以，味道唔錯，重有象拔蚌、魷魚、章魚，都好靚仔、好彈牙。炸物因為冇提last order，過左時間先叫所以冇食到。飲品款式ok，雪糕得一個牌子，大路口味。整體黎講食物質素唔錯，埋單270一位，款式亦好多，叫左中日韓但我冇食到一啖雞煲，因為要負責燒肉，對手忙到冇停過😂呢邊燒好肉，個邊啲邊爐又熟左，太多野食，慢食嘅朋友好大壓力😂細食嘅朋友3揀2都夠。當晚可惜座位太窄，冇得舒服咁食，其他野都ok，樓面幾nice，係有啲手忙腳亂呢間餐廳啱曬 想食好多款式/大食/揀唔到食

假日中午12點左右去，唔使排隊即刻有得入座。當日見到幾組家庭都黎食😊不過嗰日嘅炸爐壞咗所以炸物天婦羅等等都冇得嗌。本身有啲想試榴槤炸彈，都幾可惜🥲因為可以一邊燒着韓燒一邊打邊爐，對手都幾忙下🤣佢哋嘅邊爐湯底都落足料，我哋叫咗花膠海鮮湯底，又真係有頗多塊厚花膠同勁多海鮮～放落火鍋既推介👇🏻和牛片豬肉片象拔蚌年糕丸燒嚟食嘅推介👇🏻牛舌芯蒜蓉元貝牛肉粒另外刺身方面，三文魚，帶子同埋甜蝦都幾好食🦐餐廳座位闊落，而且燒嘅時候冇乜油煙

完全唔明白點解麻辣雞煲 完全無麻辣味 香都唔香同埋啲韓國燒烤係燒唔熟叫啲顧客照食㗎呢 叫得只燒牛仔骨 牛脷 唔好燒其他野 一餐完全垃圾既晚餐 態度仲要極其差 問佢點解唔熟 佢話正常的 一定無下次 期待佢盡快執笠玩完無諗過 $268一位都食唔飽 雞翼放咗半個鐘都仲喺生燒腸又唔得 午餐肉又唔得 其實有咩可以燒？