紅火鮮料火鍋專門店

營業中

休息中

天氣轉涼, 火鍋時間! 朋友想食雞煲, 最後選了紅火食任食! 我們點了麻辣雞煲, 看著雞湯愈煲愈濃, 滑身的雞件滲滿濃湯, 好味非常。當中的紅綠椒, 洋蔥, 大蔥, 大蒜, 花椒八角等配料, 完全進入食材中。 食物新鮮, 款式多, 要推介的是不同款式的丸, 尤其是花枝丸, 手打蟹籽墨魚滑, 芥末魚籽丸, 年糕餅, 都很彈牙! 我很喜歡百花釀油條, 鮮菌, 菜蔬, 就是魚皮都是新鮮鬆脆! 最後要讚它的麻醬, 香滑得來有粗粒花生, 超香甜! 這裡食物質素好, 招待親切, 樓面夠光, 空間夠大, 是三五良朋打邊爐好去處! 不妨一試!

秋風起，打邊爐，旺角呢邊好多選擇，今日去咗「紅火鮮料火鍋」，喺兆萬中心17樓，朋友食過話抵食，就試下啦。原來呢度地方好大，座位好寬敞，又唔會好焗，有d 餐廳係會成陣打邊爐味，呢度又唔會啊，坐低傾計等食都好舒服。每位$178 加一服務費，價錢以任食來說又真係平， 因為好多餐廳都要$200以上一位。而點菜紙的配料超多，都有好多好嘢食，唔係隨便畀啲丸同腸仔你打邊爐。睇下自助吧有啲咩食住先，見到我最喜歡嘅 拍黃瓜，水煮花生好少地方有得食，仲有一盤紅燒魚塊；醬料吧都好多選擇，最緊要配料是新鮮的，而且乾淨企理。飲品很多選擇，竟然有德國啤酒！成本一啲都唔慳！雪櫃也有很多口味的雪糕，雖然 不是人人喜歡食甜品，但打邊爐後食杯雪糕是最愜意的。食餐前醒胃小菜先！拍黃瓜讚不絕口！辣味和酸味剛好，有北方風味，感覺像回到以前在北京讀書的年代，天天吃令人醒胃的拍黃瓜。紅燒魚塊醬汁味道不錯，夠香濃，可惜放涼了，如果是熱著的話會更好吃。我們在樓下上嚟之前，接過傳單，可以多送一盤刺身，抵食呀！下次大家嚟的話記得都要接傳單。刺身質素不過不失，最緊要是送的，大家食得開心！鍋底選了花膠雞煲， 有半隻雞咁多！食得唔好嘥，叫職員幫

同屋企人約咗喺旺角買嘢， 就近兆萬中心 我哋試咗"紅火鮮料火鍋專門店"。之前親戚話呢度啲火鍋料好新鮮值得一試。定價適中，平日七點半前離座都係$168， 如果有興致仲可以加錢叫 其他升級海鮮，M9 和牛和花膠等。 餐廳成長型， 光猛新淨， 好多卡位。 自選火鍋可以選雞煲或其他火鍋湯底， 有差不多十種 款式可供選擇。 我哋揀咗"杏汁豬肺菜乾"鍋底。湯底唔係杏汁嘅顏色， 可能下了菜乾， 同時又落咗大白菜，又另一種食法。 豬肺都有五，六件。 飲品櫃好多選擇。 有款來自台灣嘅白番石榴汁， 非常清甜， 竟然飲咗兩罐。 啤酒都係任飲， 呢個絕對係一大賣點。調味料混帳區， 都好乾淨整齊。有一兩款熟食：豬紅， 非常推介因為好入味帶少少辣。拍青瓜。 難得嘅爽脆，調味適中， 呢款我都有encore。 任食部分有好多選擇， 好貼心雖然要填人數但可以選擇少或多份量。 我們二人當然選小份量可以試多幾款哩。肉類方面有美國肥牛和安格斯牛柳粒。 牛柳粒唔會 太多牛油， 所以唔好淥咁耐。 美國肥牛有肉味 唔會太肥。牛孖筋， 雪到好硬， 要放湯多一會，淥完超軟腍又富牛味， 魚皮餃嘅皮係好厚， 難怪叫做"一試難忘魚皮餃"。午

今日約咗朋友去食飯，因為收工執手尾搞到好夜，最後去到旺角，本身想食個間餐廳已經截咗單唯有揀過第二間，我地經過兆萬之際，朋友就話最近兆萬多咗好多野食不如去睇下，我地好隨意揀咗17樓嘅呢間，因為見佢好多款湯底揀開頭見到呢張，我同朋有已經選擇困難症，點知疑似老闆嘅叔叔走嚟話俾我地知「仲有牆上面個啲揀㗎！」一睇...樣樣湯底都想食！雞煲...羊腩煲...花膠雞...醉雞...由選擇困難進化到嚴重選擇困難好彩朋友突破盲腸「不如今日唔好食辣！揀滋潤啲！」佢一講呢句「花膠雞煲啦！」一嚟到見到個煲湯底已經知冇揀錯等佢一滾起我就飲唔住飲咗半碗仔花膠份量仲要唔少舊舊都大大舊！好好味！之後就加湯叫配料喇我地地一輪叫咗好多野食！我地全部揀「少」份量，嚟到每樣平均2件-4件其實咁樣好好慢慢叫啲食啲！唔駛驚食唔曬搞到浪費，多叫多食！而且佢呢個碟架好方便好慳位，好實用好！係時候要推介最好食嘅兩樣野喇！佢係手打蟹籽蝦滑！真心係出面冇食過咁好味嘅蝦滑！我本人絕對會因為個蝦滑下次再過嚟！至於墨魚滑都係食完又再叫多次好彈牙！（我後尾亦問咗疑似老闆嘅叔叔，佢話咗俾我知蝦滑墨魚滑蝦丸墨魚丸都係佢地自家制出面係冇㗎）因為放唔到咁

十一月是不少香港女士的破產月，某商場週年慶、淘x雙十一優惠、聖誕減價等等。一輪花費後，唯有在飲食方面節省一點，再次來到旺角搵食。兆萬中心整棟都是餐廳食肆，競爭好大，所以容易搵到平令正既野食！今次再encore ᴴᴷ$178雞煲➕任飲任食打邊爐。 雞煲有辣有唔辣，任君選擇，我同男友最近比較熱氣，所以點了不辣。好快雞煲端上餐桌，渣渣聲出曬煙咁，兩個客人既份量係半隻雞，目測👀都有幾多舊雞，店員話雞肉已經熟，可以即刻食。醬汁算幾濃郁，雞肉不會太粗鞋，如果再整得入味就好啦。食熱辣辣既雞點少得凍飲降降溫呢。呢度都有多款罐裝飲品任飲，而我就比較鍾意飲竹蔗茅根（呢度寫住係自家製既），味道微甜，好過飲罐裝飲料啦。食完雞其實都飽左五六成，所以我地就點左食物打邊爐。好在呢度有‘少’既份量揀。我地點左不同既食物。先講講呢度既必食蝦丸同埋墨魚丸，果真唔錯，前者夠彈牙，後者夠足料鮮味。另外，我地都叫左d肥牛（任食黎講都幾好味，唔會韌，有少少油脂）、黑豚肉（切得夠薄，灼一陣就食得，幾有肉味）、九肚魚（新鮮度一般，可以唔食）。蔬菜方面，我地要左d新鮮淮山、番茄、粟米、皇帝菜、冬瓜同埋黑木耳，蔬菜都算新鮮。食完咸嘢，有

天氣涼了最好食火鍋， 今晚同老公嚟呢度試下古法雞煲，店內環境好整潔，好舒適。調味區有多款材料任君選擇，包括辣椒粒、生蒜、炸蒜、沙嗲醬、蔥粒、芫茜、辣椒醬，呢度特別有花生醬，全部都擺放得好企理乾淨。自助飲品區，啤酒、汽水、龍井、烏龍、樂天飲品，仲有自家製蔗水，梗有一樣啱你。友善的店員把熱辣辣嘅雞煲放上爐後，會幫忙用筷子攪動一下，保證醬汁沾上每一件雞肉，古法雞煲配料好豐富，包括：芫茜、大蒜、蒜頭、薑、葱、洋蔥、燈籠椒…… 雞件份量可能多過半隻，好滑，超入味。味道選擇了微辣，食落都有點兒辣。差不多吃完雞，便可以叫店員加湯，繼續打邊爐。第一輪先點了海蝦、田雞、雪花肥牛、爽爽黑柏菜、香口皇帝菜餃、炸魚肚、蝦丸、學老魚蛋、有趣百花釀油條。海蝦勁大隻，好新鮮；田雞超新鮮，上枱時還會郁下郁下，差點兒以為佢自己跳落個煲度。第二輪叫咗豬肺、爽口豬肚、牛孖筋、牛柳粒、魚皮餃、超正蜂巢豆腐……呢度用high tea架，叠高食物可以慳番好多地方。第三輪叫咗堅彈牙墨魚丸、雲吞、韭菜餃、鮮冬菇、爽甜鮮淮山，仲有勁脆魚皮，鍾意佢夠鹹，海蝦要再叫，真係又大隻又爽口。最後先落油麥菜，索曬啲汁。食埋紅豆雪糕，一解麻辣雞煲嘅

行完街想打邊爐、見呢度平平地任食就試下真心係有驚喜！食物質素絕對對得住個價錢勁多款湯底揀、仲有雞煲可以選擇，食完雞煲先打邊爐都得叫左胡椒豬肚雞煲胡椒味重、啲雞份量好多又好滑，的確係好驚喜第一回合叫左呢啲，有肥牛、黑豚肉片、蝦滑、墨魚滑、魚皮餃、黑柏葉、黑木耳、枝竹、金菇同皇帝菜係靚魚皮餃（唔係急凍冷藏貨）；蝦滑同墨魚滑好爽；呢啲我地再叫多左一 round第二回合主要食左菜兩次都無漏單，食完雞又主動換碟重要呢度有好幾部電視、有足球賽事直播人少少、我地兩個人，其實去呢啲任食啱晒，每樣野叫少少、就可以食好多款野食野飲都係任飲，有茶、啤酒、汽水我地每人飲左三罐野雪糕有朱古力、紅豆、雲尼拿，仲有隻唔記得真係食得超飽

Fall / Winter is a good time for hotpot dinner, especially my friend loves to eat internal organs as hot pot dishes.This set dinner is "All You can eat", with various choices of drinks, beers and ice-cream. Don't miss their DIY herbal tea. Tastes not too sweet and is a perfect match with hot pot.Some cold dishes as appetizers, unexpectedly good and especially the spicy and sour cumcumber:We chose a traditional "Pig Lungs with Chinese Cabbages" soup base, which is a more healthy choice:Ingredient

難得的星期四收早了，所以約同事去旺角食任食打邊爐～正因為我們早到，6點半到餐廳不用等位，正呀！入座之後慢慢就開始多人了。餐廳主打特式湯底，菜單紙都有很多選擇，有牛腩煲，雞煲等等。最後我們決定點銀杏菜乾白肺煲，清清地，滋陰啲！未上菜，朋友就點了罐啤酒，因為少見這個牌子所以試一試啦！又幾好味！還有其他韓國罐裝飲品，都是任飲。朋友喜歡吃海鮮，點了蝦，魚，蜆，墨魚滑等等，我就點了魚肚，魚皮，鵝腸，當然粉不了牛柳粒和牛肉啦！湯底清清地，但並不馬虎呀，我們先飲了半碗湯再開始食魚皮！不知道是不是即炸，但很脆！好味！M9 和牛牛柳粒好香，難得沒有雪味！掂！海鮮都很新鮮，墨魚滑份量不少，兩個人足夠有餘，尤其魚肚浸了湯更加好味！可以多點幾份放一起煲湯，浸耐一點再食更入味！鵝腸都不錯！新鮮爽口大大條！有驚喜！可惜兩個人戰鬥力太弱，要留肚食雪糕和童年回憶之之冰！haha 本身想點"忘不了年糕餅" ,但都要留返下回再續啦，睇怕明天要努力做運動><

天氣涼涼,最啱就係哋一齊去打邊爐中。 同一班朋友食,追求嘅都係大件夾抵食, 所以就揀任食火鍋。今次揀左呢間係旺角樓上舖,地方闊落,絕對唔會好似酒樓咁嘈。全食2 小時21:00前入座 $178+119:30前離座 $168+1一般大路野都有 ,比較特別嘅係佢有是日海鮮同埋有大海蝦, 安格斯牛柳粒,黑豚肉都係任食 。 麵食除咗常見嘅公仔麵,烏冬,佢仲要重慶粉同淮山麵。火鍋料嘅時候有得畀你揀多定少 咁就可以樣樣都試下 ~~雖然$100+任食但係一點都唔馬虎。湯底仲有菜乾白肺湯,最特別嘅係佢可以叫雞煲!仲有秋冬系列 羊腩煲, 酸菜魚煲, 花膠雞煲。平時出去食羊腩煲雞煲都百幾蚊啦 而家仲有邊爐任食 回本丫~~👍任食之餘仲有任飲。汽水仲,烏龍茶,綠茶,啤酒,黑啤,竹蔗茅根水..仲有雪糕任食&唧唧冰 。 我哋叫咗菜乾白肺湯,貪佢潤啲又無咁熱氣。湯底好多件豬肺架~~重點係佢個豬肺洗得好乾淨好白👍👍雖然係任食火鍋 但係質素都唔錯。 肥牛質素亦都好好,連雲吞水餃都係自己包大大粒~~第一樣推薦大海蝦,真材實料有保證,真係大大隻,冇花冇假。就咁食大海蝦都覺得抵呀~~特別點 有個叫 忘不了年糕餅入面包住 煙

天氣轉涼當然要約齊三五知己齊齊打邊爐吹下水食個痛快，齊人當然要揀地方就腳的地方就至為你著想，這間位於旺角兆萬中心17樓的「紅火鮮料火鍋專門店」位置就十分理想，約人容易散水又快，啱晒要求。這個已半自助形式的火鍋，飲料、甜品和調味料都是自助形式的，其他食物就有店員一一送上，實在方便。六點刺身六點刺身有三文魚、希靈魚、八爪魚、鮑魚片、玉子和蟹棒，刺身都幾新鮮尤其是三文魚切得較為厚身食落有質感。銀杏菜乾白肺煲秋風起喉嚨乾乾地，一於叫個銀行菜乾白肺湯潤一潤生猛海蝦 - 海蝦新鮮爽脆彈牙買魚頭搭魚嘴 - 魚頭的魚皮十分滑溜，魚嘴夠厚一點魚腥味也沒有冇得彈午餐肉 - 五餐肉肉質軟滑加上小小火腿味鹹鹹地新鮮九肚魚 - 新鮮九肚魚大條軟滑一試難忘魚皮餃 - 魚皮餃外皮滑溜加上豬肉的鮮香味正手打蟹籽鮮蝦滑 - 手打蟹籽鮮蝦滑有蟹籽的鮮味也有蝦滑的爽彈美國雪花肥牛 - 雖然不是太高級的美國雪花肥牛，但是質量也不錯有牛香味我會過河田雞 - 還是第一次食到如此新鮮的田雞真的即叫即劏，上到枱面田雞肉還在震動，新鮮田雞肉質有彈性入口鮮嫩無比

秋冬除左打邊爐，雞煲都係缺一不可既一員😈真係一有用我食咩都得🤣👉🏿✨花膠筒鮮雞煲👉🏿✨1830前離座Hkd 168 加一💸📌隻雞原來係原隻上😂啲湯都幾鮮～可能個日比較早去到，姐姐都好好人咁幫我地分啲雞🤣食完雞就可以打邊爐，一舉兩得，正🤘🏿📌個到既火鍋配料同肉類都幾多選擇下～同埋全部都係任食，野飲仲要有我最愛既蘆薈！😍不錯不錯～📌個日食到既配料都好新鮮，隻雞唔會好老，係嫩滑架！而且越滾超入味🥰炸魚皮必食！脆卜卜，正，佢既芝士丸係creamy個隻！出面冇一點點的。肥牛同豚肉質量都ok~分量唔會定死，有得俾你揀小量定多。📌個日食左超多佢既油麥菜？煮到淋晒先正，而且花膠煲呢個唔會太油膩，又夠滋補，不錯😈最尾仲有埋雪糕🤣🤣仲唔肥！

有唔同煲選擇，例如雞煲、羊腩煲等等。今次先食雞煲，再打邊爐。火鍋材料特別，而且新鮮，食得出唔係一般火鍋店既用料。特別推介$28既即炸響鈴，新鮮即炸，脆卜卜，香脆可口。而且服務態度好，值得推介大家一試。

呢排天氣開始轉涼,又係時候同屋企人打轉邊爐開心下,打邊爐最好就出街食,唔使自己買料,洗料,又唔使搞到成屋味,最放便唔使自己洗碗。於是就諗下喺邊度食,喺openrice搜尋之下見到旺角兆萬17樓有間任食火鍋專門店,價錢唔係好貴,每人百零蚊就可以任食任飲,自己買料都差唔多啦。我地一行4人,晚上六點半入到去,唔係好多人,入去即刻有位坐。發現原來舖頭有成10個湯底,我地呢次就簡了個出面舖頭好小食到的銀杏菜乾白肺煲。(因為豬肺好難自己整到,見咁特別就梗要試下)個煲好正,好多豬肺,認真唔錯。舖頭入面好光猛,坐位寬敞,坐得好舒服。 而且鋪頭入面有個醬料區,所用嘅醬料係要自己喺醬料區度攞嘅。至於醬料果度有d小食畀大家食,包括豬紅,韭菜同埋青瓜等。飲品區呢就有大量嘅啤酒,汽水,烏龍茶等的飲品,想清熱氣的話仲有任飲嘅竹蔗茅根。好有心思的擺設,唔怕太多碟餸無位擺呢度啲水餃雲吞係全部店幫自己包,唔似出面啲任食火鍋全部係交番嚟嘅。肥牛同牛柳粒都唔錯。必食推介:手打蟹子鮮蝦滑(真係好好食)及釀油炸鬼