紅火鮮料火鍋專門店

營業中

休息中

難得的星期四收早了，所以約同事去旺角食任食打邊爐～正因為我們早到，6點半到餐廳不用等位，正呀！入座之後慢慢就開始多人了。餐廳主打特式湯底，菜單紙都有很多選擇，有牛腩煲，雞煲等等。最後我們決定點銀杏菜乾白肺煲，清清地，滋陰啲！未上菜，朋友就點了罐啤酒，因為少見這個牌子所以試一試啦！又幾好味！還有其他韓國罐裝飲品，都是任飲。朋友喜歡吃海鮮，點了蝦，魚，蜆，墨魚滑等等，我就點了魚肚，魚皮，鵝腸，當然粉不了牛柳粒和牛肉啦！湯底清清地，但並不馬虎呀，我們先飲了半碗湯再開始食魚皮！不知道是不是即炸，但很脆！好味！M9 和牛牛柳粒好香，難得沒有雪味！掂！海鮮都很新鮮，墨魚滑份量不少，兩個人足夠有餘，尤其魚肚浸了湯更加好味！可以多點幾份放一起煲湯，浸耐一點再食更入味！鵝腸都不錯！新鮮爽口大大條！有驚喜！可惜兩個人戰鬥力太弱，要留肚食雪糕和童年回憶之之冰！haha 本身想點"忘不了年糕餅" ,但都要留返下回再續啦，睇怕明天要努力做運動><