影片
更多
2005-01-15
14 瀏覽
睇完大家的食評, 於是去左呢間試下, 個門面真係...都幾黑店feel, 如果唔係睇過食評真係唔敢入去!聽說小籠包好食, 於是叫了一客, 再叫了兩個客飯：醬爆肉和炒三鮮. 落單o既阿姐提醒我地, 炒三鮮即係雞翼, 火腿同蝦仔. 阿姐好老實, 蝦仔真係好細粒. 但正如其他食家所言, 真係好夠鑊氣, 好香好味. 佢d料好新鮮, 所以寧舍好食, 而且又平又大碟, 再加上大大碗足料o既湯, 正!!到小籠包, 我個人就覺得一般, 因為佢無湯汁, 但佢d肉質就好鮮好滑, 當係肉餃食就幾好囉.本來以為佢要加一, 預算兩人一百, 點知埋單只係$89, 抵!!值得一提, 阿姐的服務都幾好, 佢上飯時已經講定「要飯就出聲啦」. 見我地碗飯食到咁上下就主動問要唔要飯, 又拎一碗黎, 叫我地唔夠就再叫(因為一個客飯有兩碗飯). 亦可能係今日人客唔多, 佢同我地加茶加左兩次, 重要係好夠熱o既, 食飽飲杯熱茶, 正!
聽說小籠包好食, 於是叫了一客, 再叫了兩個客飯：醬爆肉和炒三鮮. 落單o既阿姐提醒我地, 炒三鮮即係雞翼, 火腿同蝦仔.
阿姐好老實, 蝦仔真係好細粒. 但正如其他食家所言, 真係好夠鑊氣, 好香好味. 佢d料好新鮮, 所以寧舍好食, 而且又平又大碟, 再加上大大碗足料o既湯, 正!!
到小籠包, 我個人就覺得一般, 因為佢無湯汁, 但佢d肉質就好鮮好滑, 當係肉餃食就幾好囉.
本來以為佢要加一, 預算兩人一百, 點知埋單只係$89, 抵!!
值得一提, 阿姐的服務都幾好, 佢上飯時已經講定「要飯就出聲啦」. 見我地碗飯食到咁上下就主動問要唔要飯, 又拎一碗黎, 叫我地唔夠就再叫(因為一個客飯有兩碗飯). 亦可能係今日人客唔多, 佢同我地加茶加左兩次, 重要係好夠熱o既, 食飽飲杯熱茶, 正!
張貼