紅橋 (已結業)

這店第一次來！食物質素好，環境不錯！招呼ok！帶子煎得恰到好處，其它海鮮一般，但飯中有殼碎！要改善一下！牛扒有筋，但煮得也不錯！蛋包飯較乾身，宜煮得水狀一點，會比較滑！

好幾日前跟朋友一起到這裡吃午餐，發現這裡的午市套餐性價比相當高先說說他有什麼，他們正餐會額外送湯飲和熱飲一款，湯飲我點了他們的南瓜湯，味道非常鮮甜，而我的朋友點選了節瓜湯，也不錯，十分開胃到了正餐，他們的蛋包飯十分正宗，相當入味，喜歡蛋包飯的朋友可以一試唯一的缺點是他們只提供方糖，有時候不想喝太甜的奶茶也沒辦法，只可以一整塊糖用

行行下街見到呢間紅橋餐廳 聽聞係幾出名 都有唔少人喺度打卡 我當然當仁不讓 去試一試佢嘅招牌菜 原條鰻魚蛋包飯原條鰻魚蛋包飯率先送上 原本嘅期望瞬間變成失望 本身條鰻魚睇相望落好大條 但係原來實物係好細份 不過值得讚嘅一點就係 蛋包飯入面嘅飯唔係普通嘅白飯 而係沾滿咗蛋漿嘅飯 食落都幾特別 挽回返呢一碟飯嘅分數

旺角CP值高之平民西餐💯😋🍴.小編近日同一班女仔食左間價錢親民，質素卻係令人驚喜既西餐，決定要大力push推介比各位❣️❣️❣️平均每個餐都只係$80，就有齊蟹子青瓜沙律🥗、餐湯🥣、主菜同熱飲☕️，係咪超抵呢！由於一行六人，A-F餐都嗌齊，做最全面既食評💯.蜜莎豬肋骨伴蛋包飯🥚🍚蜜椒一字骨伴蛋包飯🥚🍚其實擺埋一齊講，係因為兩種肉都好相似😂豬肋骨超抵食，整排可以分到7件肉😱；而一字骨就肥肉多少少，但相對亦較林😋其實重點在於個蛋包飯，蛋黃係落足料煮完唔會乾爭爭，仲keep到好軟滑😍😍外型好飽滿添見到都流口水🤤撈埋茄汁好完美🥫！.磯煮鮑魚&阿根廷紅蝦🦐伴腰果羅勒醬忌廉汁燴意大利飯個菜名都夠晒殺食🤣risotto都做得唔錯，粒粒分明又沾滿汁，羅勒醬都係小編至愛！呢個係最貴既餐應該因為有隻鮑魚啦😌紅蝦又夠大隻😁.黑松露忌廉汁海蝦帶子燴意粉🦐🍝呢款係最美味既意粉😋黑松露味好濃厚，令人食到唔停口！蝦仁爽口，帶子細細粒大家share岩晒！.白酒忌廉汁西蘭花雞扒焗飯🐔🥦就咁睇應該望唔到雞扒😂可能太多澱粉質嘅關係，食到白汁忌廉開始覺得膩，不過質素一樣ok既雞扒好多又大件，只係相比其他吸引度較低😂.意式茄茸牛肉丸燴

紅橋都食過幾次啦，今次又黎幫襯。7點度去到，唔洗等就有位，但好快就full 咗。餐牌又唔同咗，跟餐有湯，沙律同嘢飲。湯有中西湯，中湯有少鹹，西湯粟米味濃郁，好飲。鴨胸沙律，夠多醬， 鴨胸都整得淋，好食。今次叫咗豬扒餐同牛肉焗飯。豬扒甜甜的，有落蜜糖，蛋包飯大大舊，飯入面都有撈蛋汁，好食又開胃。個焗飯就大大失敗！！芥末無味都算，成碗嘢超酸，真係唔知自己食緊咩。只能話，創新都要睇吓夾唔夾，呢個牛肉飯就好明顯係失敗之作。

今日同friend放工後黎左呢到食西餐，呢到都好多人排隊，排左一陣先入到去。首先叫左個鮮茄大蝦香草意粉，同埋配有紫薯忌廉湯。個意粉上枱嘅時候成隻大蝦放喺意粉上面，真係好吸引呀，意粉嘅茄味濃郁，仲有香草增加意粉香味，意粉嘅價錢都唔係好貴，十分抵食呀。而個湯都好好飲，第一次飲紫薯味嘅忌廉湯，真係好特別。我本身都冇話特別鍾意紫薯，佢嘅紫薯味唔會好重，唔太鍾意食紫薯嘅人都唔需要擔心。忌廉湯好香，味道亦好濃郁。

餐湯: 紫薯忌廉湯比較少見既餐湯。真係有紫薯粒。前菜: 蟹子青瓜沙律幾開胃，唔錯。黑松露忌廉汁海蝦帶子燴意粉($76)意粉軟硬適中，黑松露忌廉汁有好香濃既黑松露味，意粉汁唔算好多但都幾creamy。有7粒帶子粒，一啖意粉一粒帶子剛剛好。有海蝦3隻，煎得好香，連平時唔好蝦既我都覺得幾好食。尼碟係完全符合我口味既意粉，喜歡，價錢亦唔算貴。落完單之後先發現原來有得單叫意粉，單叫尼個意粉只需要$60。如果唔需要餐湯同沙律，散叫仲抵食。下次有機會再食，99%我會選擇單點。(個人口味: 3.7/5)墨魚汁大蝦海鮮燴意大利飯($101)墨魚汁幾好味，都幾creamy，惟面層既汁比較乾，底層先有濕d既汁。"友人"就覺得海鮮麻麻地：帶子太細粒，食唔出帶子味；大蝦煎到好香，但流於表面，肉質似雪左好耐既蝦；青口同蜆就普通。不過我就覺得食材質素係對得住個價錢，始終價錢唔算太貴。(個人口味: 3.5/5)另外想講，上菜既時候，個碟側邊好油，仲見到手指印，尼方面可以改善下。

食左好多次 次次都係食lunch 又大份又平 又好食今次係同男朋友食晚飯我就覺得keep到水準因有湯 沙津 餐飲 同主菜一百蚊都唔洗 真係好正不過之後lunch 食個蛋包飯係超大個台台都食唔哂 唔知係咪因為咁 我食晚飯竟然少左一半不過我係夠食既 但男仔就應該唔夠飽必食蛋包飯

今天跟同事一起出來吃飯他說介紹直接給我吃他介紹說這家的飯很好吃，做的很，分量也多所以就決定跟他來試一下裏面的環境很好，位置也算比較多中午的時候等也是十分鍾左右，不會很久適合我們這些上班人喝的的就是平常的奶茶跟其他茶餐廳一般不會很差，但是也沒有什麽特別今天我叫的是我最喜歡的海南雞飯，這裏的海南雞飯份量很足，首先他會有一個西湯，分量非常大哇，味道也很足，很適合一開始，但是如果你是食量比較少的，喝完這一碗，你可能就飽了，她的飯也是很大碗比外面的大概有兩倍左右，最後就是重點的鷄肉！它的皮比較厚，看得出也幾脂肪也比較多，所以一定要把皮去掉，不然會很膩，就是要來的話，鷄肉非常的滑！ 有鷄肉的味道。我個人覺得非常值得一試價格也不會很多。我看了其他人叫的，也非常的精致，那個蛋包飯，看起來也很有味，下次就決定吃蛋包飯

蛋包飯好出色去兩次，兩次都係食蛋包飯haha配飯既肉會定期轉，而肉既汁好多又新鮮。套餐包飲品同湯，份量大，重要吾收加一，好抵食！每個餐都有驚喜！每次去都好多人食

昨日同甥生女行過花園街平時shopping完之後只是去某某商場food court 食嘢，她帶我去花園街附近的餐廳嗰間餐廳平時她都有去，原來星期六都有特價下午茶,佢試過餐廳裏面的食物非常好,評價都很高,所以特意邀請我試試，食物方面都有好多選擇而且份量都頗多，我點了黑松露忌廉汁野菌帶子意粉、西班牙汁芝士焗豬扒飯、同埋芝士肉醬熱狗漢堡配薯條，我最喜歡黑松露野菌意粉好香！黑松露味好出色，焗豬扒飯份量勁足，還有嗰個漢堡包頗有驚喜，除了十足的配料之外香脆的薯角占滿蜜糖又甜又鬆脆！這間餐廳食物好味份量足性價非常高，值得我推介！

之前試過lunch 食紅橋，今次試吓晚餐！7點度去到，人未算多，唔洗等！嘢食種類多，實搵到你中意嘅！Set餐轉得好頻繁，有啱食叫番set餐一定最抵！今次叫咗豬仔肶！跟餐有埋湯，沙律and 嘢飲！ 南瓜湯: 幾creamy, 唔係最好飲，但飲得落！沙律: 係好食嘅，醬料落得夠，仲要有埋黑醋？酸酸的幾開胃！豬仔肶蛋包飯: 有驚喜，豬仔肶有落蜜糖，甜甜的，幾惹味，仲要有3隻咁多！蛋包飯唔洗講，大份又好食，落足料，又係入面都有埋蛋！認真，飲完湯，食完沙律已經飽咗一半，再食一隻肶小半蛋包飯已經飽到9成！剩低take away 咗第日lunch! 但唔知係咪錯覺，問waitress 拎合果時，佢d眼神同行為絶對唔係友善！自問take away 唔哂嘢係好事，咁佢個態度係咩事！總括黎講，嘢食絶對係ok嘅, cp value 好高，但服務質素有待提升，可能只係個別，咁啱畀我撞到，但畀邊個撞到我諗都唔會係一個愉快經歷！

紅橋有幾間，但我就去旺角呢間因爲易找又方便。今次去到唔係好多人，可能早喇都。點左個黑松露汁帶子蝦意粉，d黑松露真係好香，佢成個套餐係好飽我真心覺得。有個小沙律🥗或小吃，今次係煙三文魚餅乾，。。。好食。朋友仔叫左個蝦多士，第一次食呢個，有d驚喜，我以為係好大舊包嗰d，點知佢又足料，d芝麻又好食。最後仲加左小小錢轉左個紅豆冰，係糖水咁的，本身以為係一杯嗰隻，加左d誠意又令整體的感覺加左分。值得一贊。。。👍🏻👍🏻😆😆

行完街想在旺角揾食，經過了紅橋餐廳，從窗外望進去，發現食物份量足夠，門外餐牌價錢也相宜，決定入內一試。當日是平日夜晚，依然有一定人流，要稍等才能入座；餐廳是地鋪，空間頗大，裝修偏向簡約，燈光舒適，加上有窗可看到外面，整體氣氛不俗，餐枱的距離適中，不會太容易聽到旁人的對話。我們點了兩款餐， 蜜糖豬仔肶伴蛋包飯和黑松露忌廉汁海蝦帶子燴意粉。前菜有沙律和餐湯 ，湯可以選擇西湯或中湯。我們都揀了西湯， 沙律味道正常，青瓜絲爽口；西湯食南瓜忌廉湯，味道正常，沒有什麼驚喜。蜜糖豬仔肶伴蛋包飯 ($83)整個主菜主要有三條豬仔肶，蛋包飯，粟米和秋葵，份量頗多，豬仔肶嫩口，肉質當然嫩滑，不會太老，很容易就能咬開；蛋包飯口感軟滑，一口飯和一口蛋香味，加上甜茄醬點綴，味道不錯；粟米秋葵則四平八穩；總體感覺像食緊幾道不同的小菜。黑松露忌廉汁海蝦帶子燴意粉 ($73)非常足料，海蝦帶子和意粉份量足夠，黑松露忌廉汁夠滑，意粉入到醬汁味道，又彈牙又夠味；海蝦脆身，外層口感爽脆，但內層肉質依然偏滑；帶子香口微脆，整個主菜值得一讚！以上兩款食物質素均好，以旺角晚餐而言價錢合理，不算是非特別的晚餐，但份量和環境足以彌補

第二次唻紅橋食，上次食晚餐，今次食午餐。首先一讚既係呢度侍應比例比其他餐廳多，基本上一揮手就一定有人見到，並且好快serve 到你，唔會出現其他餐廳揮到手軟都冇人理既情況。午餐有得揀中湯西湯，又係值得讚，因為西湯有時覺得太heavy, 中湯好似清淡啲。今次係粟米紅蘿蔔湯，唔算好好飲，但起碼飲完唔覺好頸渴，應該冇落太多味精。跟住講到主菜，日式咖喱牛肉焗飯，一唻已經俾佢個size嚇親，好有份量，同埋真係啱啱焗出唻，個面啲芝士仲係好脆。入面既牛肉又多有大塊，仲要唔靱，牛味唔好好重，但呢個價錢，有咁既量同成熟既煮法，仲想點。食係炒飯底，粒粒分明，仲食到有蛋絲，咖喱味唔太重，但可以接受。總括唻講成餐飯都覺得間餐廳好有誠意，款式又多，性價比極高，絕對可以推薦同翻撻！